Điện Biên sir jos uô jông têx tsưr ziv phax tar cuz tox cuz jôngr

Jok Hua Rốm, xar Nà Tấu, tỉnh Điện Biên nhiv no muôx zuôr xar 3.000 héc ta jôngr. Yar ntux cuz sor truz ntêr têx hnuz đhâu muôx chor đrox nhov kruôr gis tas, zôngx ziv trâus cuz hnhiêz siêz. Viv li, jok tưz tsưr tsix lưx lươngv chiê qênhz yuôx, luôx suô têx đrox nhov, luôx cêr tir thêir hluôr tơưl txêik cuz. Đros co qênhz yuôx jông sir zôngv hluôr tơưl hâur luz nênhx, tiv zix zos hlơưr têx liêx têz. Zơưv Chính Xênhv Vax, nhoz jok Hua Rốm, xar Nà Tấu puz pâuz:

“16 tôv sêiz car por vêv jôngr zuôr sik hlôngr muk qênhz yuôx yênhx ciêz trơưk tsar jok phêiz côngz. Txos thâuv muôx ntux kruôr gis li no mak tôv tsar thiêz chor nênhs sêiz car jêx jok zuôr tsik so nriêr pâuz chor qơư zov chênhr chiê uô tau jông côngz xưv phax tar cuz jôngr, tuô hluôr tơưl cov tâu sêi tiv zix. Đuô li cux tsik so luôx chor cêr tir thêir hluôr tơưl txêik cuz har jôngr ntơưv têx qơư zôngx ziv chis cuz. Pox nhuôs hâur jok muôx têx têz zuôr hlơưr mak tâu hêik pâuz thiêz tsuv hlơưr trâu thâuv 5 six zuôr tsâuk ntux thiêz tsuv muôx nênhs sêiz jor, thâuv hluôr tơưl tưz chis cuz tuôs tas lơưv mav li tâu lok tsêr”.

Zos lưx lươngv chênhr, đros tso canr bôv qênhz yuôx, sêiz jor tsik so ntơưv chor qơư zov chênhr, tiv zix zos têx qơư zôngx ziv trâus chis cuz siêz hâur têx hnuz no, lưx lươngv Kiểm lâm Điện Biên cux sir jos yax kriê, hêik pêx xênhv uô jông trơưk têx cui tênhv lok luôx, hlơưr têz; tsuv hêik trâu chinhr quyền thiêz lưx lươngv muôx vax huôv pâuz chiê sêiz jor tâu jông. Zơưv Lò Văn Hương, Hạt trưởng Hạt Kiểm lâm Mường Ảng puz pâuz:

“Hâur ntu đhâu, pêz tưz kriz uô lok six ntau tsưr ziv yax kriê trâu pox nhuôs li yênhx lix chor tôv thiêz chuôz cxaz công xưv qênhz yuôx, sêiz jor, sêiz car por vêv jôngr thiêz phax cuz tuô cuz jôngr. Đros co kriê trâu pêx xênhv luôx suôz têx đrox; thâuv hlơưr têz mak tsuv hêik trâu chinhr quyền ntơưv qơư thiêz lưx lươngv kiểm lâm pâuz chiê sêiz car tâu truôx hlơưr têz cov huv zos cui tênhv”.

Trơưk thôngz sâu, hâur 3 luz hli hâur shôngk shông 2026, tas nro tỉnh Điện Biên muôx 2.500 qơư xav tiêk chis cuz. Đhâu qênhz yuôx tưz muôx 13 txuz chis cuz jôngr, tas nro thax tsav trâus ruôr hiêv xar muôx 4 héc ta, phênhv ntâu zos cuz chor đrox nhov hâur har jôngr, tsik tâu ruôr hiêv ntâu txos chor jôngr ntông, Qir tiv chênhr zos hlơưr têx têz thâuv muôx yar ntux cuz sor, kruôr gis.

Zơưv Nguyễn Mạnh Toàn, Phưv chi cục tsar Chi cục Kiểm lâm tỉnh Điện Biên puz pâuz: Đros qiv hơưv phiv liv, zôngx ziv cuz jôngr siêz, ntâu qơư nhoz thênhv 5 (thênhv lok six phiv liv), Ủy ban tỉnh Điện biên tưz hêik chor sở, nganhx thiêz thax tsav qơư kriz uô truôx txơưx jênhv sêiz car; chuôz cxaz yax kriê, hêik pêx xênhv tsik hlơưr têx têz thâuv pov tsik ngaz tuk, tsuôk hlơưr thâuv muôx chinhr quyền ntơưv qơư đros sêiz jor jông.

Iz chas co, cxuô thax tsav qơư tsuv sêiz jor jông yênhx hnz hmo, kriz uô jông tsưr ziv “4 ntơưv qơư”, nzor xưv lik tâu têx phiv liv muôx yưv; đros co zos uô jông ngaz tuk trâu chor lưx lươngv tuô hluôr tơưl, tsik chiê uô hiêv txos lênhx nênhs:

“Pêz tưz hêik trâu Ủy ban tỉnh tso tơưv têx văn bản chox kriê lok chuôz cxaz têx tsưr ziv sêiz car tsưx phưv jôngr cux lok phax cuz tuô cuz jôngr; sik côngv truôx đros cxuô thax tsav qơư, tiv zix zos chor lưx lươngv cik txos chox kriê cux li sik côngv yax kriê gra siêz jênhv pâuz trâu pêx xênhv hâur côngz xưv por vêv jôngr hêik cxuô thiêz phax cuz tuô cuz jôngr hâur ntu kruôr gis li nhiv no. Chor lưx lươngv zuôr chuôz cxaz qênhz yuôx, pov nzor chor nênhs uô hluôr tơưl chis cuz jôngr cux li ruôr hiêv jôngr chiê tir tar cov tâu jông, xưv lik truôx”.

Hâur ntu qiv hơưv txơưr txar phiv liv, kruôr gis truz ntêr, chor lưx lươngv muôx vax huôv li sir jos uô têx hâux lưv thiêz pêx xênhv pâuz sir zôngv jông hluôr tơưl chênhr zos kror zov chênhr chiê por vêv tâu jông chor har jôngr nhiv no muôx. Muk ntêr, tỉnh Điện Biên tror sir jos hlôngr yiêz chor tsoz chos, jux juk txo grêk tsơưs sir zôngv hluôr tơưl hâur luôx chor, hlơưr chor liêx têz – zos qir tiv chênhr uô hluôr tơưl txêik cuz trâu chor har jôngr nhiv no./.

Vũ Lợi-Lik Thox cxêik nhênhv