Cử tri têx tỉnh Lào Cai, Lai Châu njênhs njôngr trâu Chính phủ tsưr ziv, vav chiê siêz têx lênhx hâu nov lox hâur six cxiv yiêz

Cử tri Nguyễn Thị Thúy nhoz jok Yên Ninh 12, phường Yên Bái, tỉnh Lào Cai heik pâuz, hâur 5 tsênhv njiêz Thủ tướng Lê Minh Hưng heik, cử tri lok six moz siêz txos cxiv tsa Chính phủ truôx jông, lês uô tâu têx hâux lưv zok muôz viv pêx xênhv: “Thủ tướng tưz heik txos, Chính phủ zuôr sir jos qênhz shuôs, kho đuô têx cui tinhv chei têz qơưk, txo grêk tsơưs têx ntâuz ntơưr uz no, đơưk uô têx phiv liv, uô tsi tâu tsi tiêr chiê uô tâu zôngx ziv cxuô luôs hâux lưv hâur xã hội. No zos kror cử tri lok six moz siêz txos, viv đơưk uô tâu têx hâux lưv ntơư, zuôr muôz qơư chuôz jos trâu têz qơưk huôv tsar hâur ntu hlôngr yiêz”.

Cử tri Nguyễn Văn Tiến nhoz xã Quy Mông, tỉnh Lào Cai cux heik tơưv cêr shir phaz, njênhs njôngr thiêz chiê siêz trâu iz luz nênhx jông đuô thâuv têx tsênhv chei truôx tuk cik txos pêx xênhv ziv hnuz ziv tâu Đảng, Chính phủ moz siêz txos ntâu: “Thủ tướng Chính phủ heik mênhx, tsuv gra siêz cxix luôs y tế côngv thôngx txux chi tsưr ziv uô hâux lưv, tsoz phưz đas jos trâu pêx xênhv txix ciês ntơưv qơư, chiê cxuô lênhx cxuô tus pêx xênhv tâu tsoz phưz đas jos jông đuô. Nhiv no luôs hâux lưv tsoz phưz đas jos trâu pêx xênhv tưz tâu moz siêz txos txix ciês ntơưv qơư, đros thiêz ziv hnuz ziv ntâu tsênhv chei huv đros tsênhv tsênhz. Cử tri njênhs tiêk hâur six cxiv no, Thủ tướng yiêz thiêz têx lênhx hâu nov yiêz zuôr tror moz siêz, chiê pêx xênhv tâu seiz njuôk shuôs, kho moz gênhk trơưk cui tinhv, tâu buôk ti txos têx tsưr ziv, chuôz zênhx jông seiz njuôk shuôs, kho moz, thiêz nhiêx txiêx seiz njuôk shuôs, kho moz cux txo grêk tsơưs, taz por luz nênhx tâu hlôngr yiêz, vav mênhx đuô”.

Txix xã phường txos cxuô jêx jok thax tsav tox siêz Lai Châu, tsôngv pêx xênhv moz siêz sox seiz njôngr têx mông thiêz vav chiê siêz, chor hâu nov lox hâur six cxiv yiêz zuôr moz siêz txos pêx xênhv đuô, muôx têx tsênhv chei huv đros pêx xênhv, cxơưz sơưr đơưk luz nênhx tsâu sor, huôv tsar. Tix lâus Hà Minh Hưng nhoz phường Đoàn Kết, tỉnh Lai Châu heik: “Hâur têx hnuz đhâu pêz tok njôngr, thâuv Côx hôiv jiês cơưv heik pâuz chor hâu nov lês uô Đảng, têz qơưk têx hâux lưv lox. Pêz têz qơưk tưz hla đhâu ntâu phiv liv, txix ntơư pêz pêx xênhv lok six chiê siêz, njênhs njôngr tiêk, têx lênhx hâu nov Đảng, têz qơưk hâur khóa no zuôr chox pêz pêx xênhv tror hlôngr yiêz, huôv tsar. Vav thiêz xar njôngr, chor hâu nov lox zuôr moz siêz txos pêx xênhv luz nênhx, uô li chas chiê pêx xênhv muôx hâux lưv uô, truôx tuk phênhv sâu, pêz njênhs njôngr trâu Đảng, têz qơưk têx tsênhv chei”.

Ntơưv xã Bình Lư, zơưv Bùi Thế Mạnh heik tơưv cêr shir phaz thâuv chor hâu nov hâur six cxiv yiêz tâu bâux xeir zos têx lênhx muôx txux chi jông, moz siêz lês uô hâux lưv zok muôz viv têz qơưk, viv tsôngv lax pêx xênhv. Zơưv lok six chiê siêz trâu Chính phủ thiêz Thủ tướng Chính phủ yiêz têx tsưr ziv, sir jos tso tơưv têx tsênhv chei yiêz paz pêx xênhv, thax tsav txov nhêv, chiê tox siêz jux juk huôv tsar, lơưr chuôs 2 chas thax tsav qơư: “Cur lok six shir phaz, jông siêz viv têx lênhx hâu nov yiêz cê muôx txux chi jông, cê lês uô tâu hâux lưv thiêz muôx hur si chor lâul, chor hluôk. Lar heik, cur lok six jông siêz trâu Thủ tướng Chính phủ yiêz-zos iz lênhx hluôk thiêz tâu ntâuk grê zos muôx txux chi siêz, thâuv tưz lês uô đhâu ntâu hâux lưv nhiêk txơưr nhiêk tsi siz thôngx. Pêz pêx xênhv vav chiê siêz trâu chor hâu nov yiêz heik cxuô, Thủ tướng yiêz heik taz, zuôr lês uô tâu jông cxuô luôs hâux lưv zok muôz viv têz qơưk, viv pêx xênhv”.

Txix têx jêx jok tox siêz, ntus đriv, tsôngv box sơưr đơưk tsênhv muôz cêr njênhs njôngr, chiê siêz trâu têx lênhx hâu nov khóa yiêz. Co zos vav, chiê siêz lok chor hâu nov zuôr sir jos lês uô tâu truôx jông cxuô luôs hâux lưv zok muôz, viv pêx xênhv, viv têz qơưk cêr huôv tsar. Thâuv cêr njênhs njôngr ntơư tâu pov tsênhz txix têx hâux lưv uô tâu, cux zos thâuv chor thax tsav tsênhv yuôr ntâu txov nhêv li: Lai Châu tâu huôv tsar truôx hâur ntu têz qơưk hlôngr yiêz./.

VOVTB-Riê Lâux cxeik, nhênhv         

Tsưr ziv phax tar yar ntux cuz sor trâu tsiêx cxu

Tsêr guôx:

- Thêir vor tsêr guôx txix chor ntâuz tax đuz, vor trur tsêr tsik sor; Uô cov lax nzies thiêz muôx chor nxuôx chuô, tsuôs đêx trâu sâuv trur tsêr thâuv muôx yar ntux cuz sor, tsik chiê chuô sor yuôz trâu hâur têx tsêr guôx thiêz tsiêx tu zus.

Tsoz phưz, tu zus:

* Six hơưv puz jâuz, krâur trâu nox: puz trâu nox thâuv têis cik sơưr nzor thiêz thâuv zuôr tsâux ntux; tsik puz nox thâuv muôx yar ntux cuz sor; muôz phêiz uô ntâu pluôs nox zâu cov tsik uô tuôr xuôv chor zav nox.

* Zav nox trâu tsiêx cxu, kêiz ol hâur chêix ntux sor tsuv tsov cưv txos:

- Chor kêiz ol: Tsik puz nox ntâu têx zav tsơưr tros; puz nox nzir đạm (hmôngr grêix njêl, tâuv pâur). Muôz puz nox nzir vitamin thiêz tsơưr khoangr chiê paz muôx nzir đas jos tir tar yar ntux cuz sor.

- Chor tsiêx cxu lox: Tsuv puz nox nzir têx zav jâuz njuôz, blôngx ntông, poz cưk, têx zav txix kôngz nuv… cxaz nzir đêx. Chor tsiêx zâu, lâul, tsik muôx jos lok sik nhiv kuôr ntês kê tsuv chiê nhoz ntơưv têx qơư lax nziês thiêz tu zus cov jông đuô.

Sêiz car chor tsiêx tu zus hâur chêix yar ntux cuz sor

- Lok đas jos: Sêiz shuôk jông chor tsiêx cxu l nox hâuk, muk lok, uô pa; puz pov tâu nzor têx kror phiv liv li tsik xar nox, uô pa sêi, hlêr blêis, lok kâuz ndâus… chiê muôx tsưr ziv xưv lik ndar six hơưv.

- Kho đuô six hơưv tu zus: Đros chor tsiêx cxu tso tu zus, tsuv tso muk nox thâuv têis cik sơưr nzor thiêz zar zuôr tsâuk ntux, tsik tso chor tsiêx cxu thâuv 10 six sơưr nzor txos 4 six zuôr tsâuk ntux.

- Cêv kuôk cov sêi: Zos pov chor tsiêx cxu muôx moz lok sik xav tiêk trâus kâus yar, tsuv muôz ndêiv chor tsiêx cxuv txơưr, chox muk nhoz ntơưv têx qơưk lax, muôz trâu hâuk chor đêx paz muôx jông đas jos thiêz hêik trâu canr bôv thú y pâuz.

Hâux lưv sir zôngv cxix cxuô chor tsưr ziv kỹ thuật, sêiz car, chuôz cxaz tsoz phưz, tu zus chor tsiêx cxu, kêiz ol zuôr paz txo grêk tsơưs yar ntux cuz sor uô ruôr hiêv txos, por vêv jông đas jos trâu chor tsiêx tu zus, truôx tuk tsơưr lươngv, ngaz tuk jông hâux lưv tu zus chor tsiêx cxu./.

Tòng Anh BT-Lik Thox cxêik nhênhv