Tuôr truôx jông har jôngr nhoz thax tsav ntus đriv

Nhoz ntus đriv Nậm Chảy muôx yar ntux cuz sor uô trâu chor đrox nhov cux kruôr gis, uô trâu chor har jôngr nhoz no zôngx ziv trâus cuz tox cuz jôngr siêz. Têx hâux lưv ntơưv no tsuv tâu sir jos uô đuô viv: Thax tsav jôngr đar, muôx trôngz ntâu, lưx lươngv muôx vax huôv muôx tsơưs. Viv li chor nênhs sêiz jor thax tsav ntus đriv uô li chak cov uô tiêr jông têx jênhv vưv?

Kror xuz thơưx zos sir zôngv khoa học công nghệ muôx nhoz cies hâur canr bôv Kiểm lâm Bùi Thanh Hiếu, Phưv Hạt trưởng Hạt Kiểm lâm thax tsav luz điện thoại:

Kror bản đồ no paz li chak trâu nêx?

“Paz ntâu kror, xav jênhv thax tsav, qơư, sêiz car thax tsav jôngr li txơưr txar. Li thâuv ntêx tsik muôx kror no mak tsuv xuôk têk cok, thiêz njuôk xav tas mav tso trâu sâuv bản đồ thiêz tsik so uô tsik zos, taz sik nhiv no zôngv kror no mak kror tưr trâus luôx lok sik muôx cuz jôngr zuk tsuôk muôz njuôk xav chêk pâuz ciês thax tsav  lơưv, lok muôz kriz tơưv mak zênhx huv zos ciês li co”.

Công nghệ txơưv jông lok cux tsuôk zos hêik pâuz xưz. Tiv zix zos nhoz thax tsav no, jôngr tsênhv zos paz por vêv ntus đriv. Zos muôx hluôr tơưl chis cuz txêik muk trâu saz ntus đriv tor mak zuôr muôx yưv ntâu kror phiv liv.

Chiê phax tar tâu jông cuz jôngr, kror zov chênhr tiv zix zos pêx xênhv. Taz sik, hâux lưv hêik tsôngv box nhoz tox siêz mak cux zos iz kror tsik zôngx ziv uô. Txix tsênhv tsênhz nhoz sâuv thaxtsav, Trung tá  Phạm Văn Công, canr bôv Zênhx Pênhz phax Nậm Chảy hêik pâuz: “Đros pox nhuôs mak zuôr muôz têx ntâuz ntơưr lok nhênhv trâu lơưr pâuz tsik tâu, nhênhv tas mak sơưr đơưk cux pư tsâus jos tas lơưv, lok sik lok tsêr tas lơưv. Tsuv hêik uô chak cov lơưr pâuz tâu mak lơưr thiêx mnôngs trơưk. Thiêz xar uô tâu li co mak tsuv sưv jê, tsik so nhoz đros pêx xênhv, thâuv canr bôv xar yax kriê, xar hu mak pêx xênhv cux tưz pâuz txos chor canr bôv lơưv. Co zos thâuv muôx cuz tox cuz jôngr xar hêik pêx xênhv thiêz tsar jok đros paz mak cux zos iz kror zôngx ziv lok six ntâu”.

Chênhz zênhv dân vận co tâu chor lưx lươngv sir zôngv tas nro trâu hâur yênhx jiês cơưv jêx jok. Ntơưv jok ntus đriv Na Hầu, yax kriê phax tar cuz jôngr chêix ntux kruôr tâu tsưr tsix ciês ntơưv têx tos tsêr. Tsik zos piêr txos têx cui tênhv xưz, Kiểm lâm viên Đỗ Văn Đình uô jông kriê trâu pox nhuôs, tiv zix zos chor canr bôv jêx jok txix yênhx kror txux chi, tsưr ziv zâu tiv zix: “Cur yax kriê trâu pox nhuôs zos thâuv hlơưr têz tsuv hlơưr txix pêv luôs lok trau đrav kaz. Viv zos hlơưr txix đrav kaz trâu pêv luôs, chor pa tơưl zuôr uô trâu chor đrox nhov kruôr gis đuô, viv li zôngx ziv uô trâu hluôr tơưl chis cuz trâu har jôngr. Hok hlơưr txix pêv luôs trâu đrav kaz mak zar pêv luôs tsik muôx têx đrox nhov lơưv, txơưv muôx yar ntux cuz, muôx pa tơưl lok cux zuôr txêik cuz tsik tâu. Viv li cux vav tiêk zuôr sir jos, tiv zix zos nhiv no uô lơưr chinhr quyền 2 cấp, cản rbôv jêx jok zos chor nênhs chênhr, sưv jê pêx xênhv tiv zix viv li tsuv sik cônv cov uô tâu jông côngz xưv por vêv jôngr cov jông tiv zix”.

Chênhr chor lưx lươngv kiểm lâm têx sir jos uô hâux lưv co tưz phuôx huiz tâu jông tsưr ziv 4 ntơưv qơư. Paz trâu tsôngv box cxuô mênhx cxưx sir jos por vêv jông trâu thax tsav ntus đriv.

3 shông đhâu tsik muôx txuz cuz tox cuz jôngr tưs zos kror muôx tsiv gri đuô iz kror ntâuz ntơưr hêik pâuz. Kho đuô bôv mêir, lưx lươngv nhoz ntơưv têx thax tsav qơư zuôr muôx tsơưs đuô, taz sik đros muôx lưx lươngv Kiểm lâm li txơưx sir zôngv công nghệ, chor tuz lênhv Pênh phax têx sir jos, thiêz tiv zix zos pêx xênhv sir jos đros uô jông hâux lưv no… chor har jông lâul nhoz thax tsav ntus đriv Mường Khương zuôr tâu tuôr tsês, por vêv thiêz njuôz jông./.

An Kiên-Lik Thox cxêik nhênhv

TSƯR ZIV UÔ CÔNGZ XƯV POR VÊV, TSOZ PHƯZ MÊ NHUÔK TỈNH SƠN LA 2026

1.Tsưr ziv cxuô

          - Chuôz tsar cấp ủy Đảng li lênhs tov, chính quyênx têx cấp li seiz car; muôz siêz chêx cuk seiz car têz qơưk lok côngz xưv mê nhuôk zâu chiê tsưr tsix uô muôx chêx cuk têx chính sách, tsaz yênhx, tsưr ziv, đề án, dự án lok côngz xưv mê nhuôk zâu tưz tâu thôngz đhâu sâu thax tsav tỉnh.

          - Cxiv tsa tênhx qơư taz por, jông chiê uô mê nhuôk li têx qênhx; cxơưz tiês mê nhuôk li cxaz chuôz lok têx vênhv thix lok mê nhuôk; chuv tôngv phax tar, txu grês têx uô hiêv txos mê nhuôk; paz mê nhuôk muôx luz nênhx txov nhêv chiê mê nhuôk tâu huôv tsar tas nro thiêz sik côngv đros côngv thôngx.

          - Krêz uô jông, uô uô cê têx njiêz luv hâur tsưr ziv taz por tsơưr lươngv, chêx cuk, huv đros yênhx nganhx, tiv phaz li txơưx jênhv, jênhv vưv thiêz pênhr jos.

          2. Lok tsưr ziv uô tsênhv tsênhz:

          - Tsưr ziv uô heik mênhx 28 chỉ tiêu lok huôv tsar tas nro mê nhuôk zâu, tsoz phưz đas jos, tsơưr pưr mê nhuôk zâu, lok por vêv mê nhuôk, lok zaoz zux, vênhx huôv, uô si trâu mê nhuôk zâu, lok mê nhuôk li cxaz chuôz têx vênhv thix mê nhuôk zâu. Hâur tsưr ziv mê nhuôk huôv tsar tas nro, tsoz phgưz đas jos, tsơưr pưr trâu mê nhuôk, tỉnh Sơn La sir jos xã, phường tax ploz tsênhr xã, phường huv đros mê nhuôk tax 65%; chor mê nhuôk txix 8 shông tâu zôngv têx jix vuv paz txưv tsoz phưz tas nro tax 86%; txu grês chor mê nhuôk mos trâus tuôs thâuv nhiv kruôr xênhz zus lok; chor mê nhuôk tsi tâu nto 1 shông tâu cxax yuôx phax moz cxix cxuô têx zav vắc xin tax 90 txos 95%...

          Qơư tsov txos lok por vêv mê nhuôk, tỉnh Sơn La sir jos txu grês chor mê nhuôk muôx luz nênhx txov nhêv tiv zix sâuv tas nro chor mê nhuôk yuôr tsơưs đuô 6,4%; chor mê nhuôk muôx luz nênhx txov nhêv tâu tsoz phưz, paz txưv tax 91%; yênhx trus cxuôv por tsês qênhx shênhx siz zuôr nzor, tuôr truôx phênhv txu grês chor mê nhuôk siz zuôr nzor zos 0,5% iz shông; chor mê nhuôk tsi tâu nto 5 shông tâu uô ntơưr krêz xênhz tax 98% ntâu...

          qơư tsov txos lok zaoz zux, vênhx huôv, uô si trâu mê nhuôk, tỉnh Sơn La sir jos chor mê nhuôk tsi tâu nto 5 shông tâu huôv tsar huv đros lok đas jos, cơưv ntơưr...tax 99% ntâu; hâux lưv huiz tôngv mê nhuôk 5 shông muk cơưv ntơưr tax 100%; chor mê nhuôk cơưv tiêr cxênhx iz tax 98%; txu grês chor mê nhuôk tso ntơưr tsês nhoz cxênhx iz yuôr 0,11%; chor mê nhuôk cơưv tiêr cxênhx 2 tax 91%; sir jos txu grês chor mê nhuôk tso ntơưr tsês nhoz cxênhx oz yuôr 0,5%; sir jos 95% tsêr cơưv sâu thax tsav tỉnh muôx jix vuv paz txưv mê nhuôk; chor xã, phường, thị trấn muôx qơư vênhx huôv, uô si trâu mê nhuôk tax 41%...

          Qơư tsov txos lok mê nhuôk cxaz chuôz lok mê nhuôk li têx vênhv thix: tỉnh Sơn la sir jos chor mê nhuôk txix 7 shông ndê muk tâu nus lok mê nhuôk li têx vênhv thix đros têx tsưr ziv huv đros tax 31%; chor mê nhuôk sâuv thax tsav tỉnh tâu muôz siêz jênhv pâuz, pênhr xưv lok mê nhuôk li qênhx cxênhz chuôz tax 86%; chor mê nhuôk txix 11 shông ndê muk tâu cxaz chuôz têx trâur nuv, huôx tôngv cxơưz cxiz mê nhuôk li qênhx cxaz chuôz tax 31% ntâu.

          Njiêz luv thiêz tsưr tsix uô trơưk UB tỉnh Sơn La số 82, hnuz 31/3/2026 lok uô côngz xưv por vêv, tsoz phưz mê nhuôk shông 2026, pox nhuôk thiez tsôngv cưr tix fôngx zưs nriêr pâuz tâu sâuv Cổng thôngz xor mông điện tử tỉnh Sơn La. Uô tsâus tsôngv cưr tix fôngx zưs tưz tsov cưv mnôngs lok njiêz luv no./.

Thanh Thủy-Txâur Vax cxeik nhênhv