Nênhs Thái Sơn La li ntênhs hôiv Hết Chá

Ntênhs Hết Chá tâu tsưr tsix chiê heik tơưv siêz uô tsâus ntâu txos lênhx txir nênhz- tưz muôx côngz uô nênhz kho moz trâu tsôngv px sđ. Hla đhâu ntâu shông, Ntênhs hôiv Hết Chá tsênhv tuôr tsês tâu jông tsiv grê thiêz ziv chuôz cxaz cêr sik côngv siêz hâur côngv thôngx, uô muôx tâu iz vênhx huôv jông hâur tsôngv px mênhx cxưx Thái nhoz phường Mộc Sơn. Zơưv Vì Văn Phịnh- nhoz tuêv jênh phố Na Áng, phường Mộc Sơn puz pâuz: “No zos nênhs Thái li iz ntênhs hôiv ndo txiêx njik, thâuv ntêx têx txir nênhz kho moz trâu tuz nhuôk, kho tâu jông mak jênhv uô mê nhuôv puôs, txos hnuz tsiêz tưs têx mê nhuôv puôs co cux gra huv tsiêz tuôx phôngv tsiêz taz sik txir nênhz tsi tâu muôx six hơưv chiê tsưr tsix mak txos hli 2, hli 3 zênhz lix mav li tsưr tsix ntênhs phêv no”.

          Hâur hnuz ntênhs tsênhv tsưr tsix ntâu tsưr ziv uô li trâur lâuk li leiv poz, tó má lẹ...jông tiv zix zos têx tuêv jênh phố sik tưr hâu keiz, uô trôngx mor heik kriê têx zav nox mênhx cxưx kaz jông...

          Ntênhs hôiv Hết Chá tâu tsưr tsix hâur hli 3 yênhx shông, thâuv txos cheix pax lâus tơưs cxuô qơư, gôngr phênhv heik kriê têz qơưk, lênhx nênhs thiêz Ntênhs phêv jông hâur tiv phaz txos chôngz tsôngv kruô hâur thiêz saz đrâuv têz qơưk pâuz txos.

          Tix lâuk Nguyễn Văn Nam- tsôngv kruô tuôx txix tỉnh Hưng yên heik: “Lok six môngr jông cur tâu cxaz chuôz ntênhs hôiv Hết Chá ntơưv phường Mộc Sơn. Cur pov hnuz no cxuô lênhx nênhs hnar tsôngs yo mênhx cxưx lok six jông, tiv oz zos têx zav nox nhoz no lok six kaz. Muôx ntâu zav nox cur tsi tâu muôx jiês tưs tâu nox, viv li zos muôx six hơưv cur zuôr tror tuôx Mộc Sơn chiê ndis seiz uô si thiêz”.

          Txix shông 2015, ntênhs hôiv Hết Chá tâu côngz jênhv zos di sản vênhx huôv phi vật thể têz qơưk. No zos kror jông paz chiê phường Mộc Sơn tror tuôr tsês thiêz phuôx huiz tsôngv px mênhx cxưx Thái li tsiv grê vênhx huôv chax chês jông, Zơưv Nguyễn Quốc Tuyển- Phưv Chủ tịch UB phường Mộc Sơn, tỉnh SƠn La heik: “Ntênhs hôiv Hết Chá zos iz hâur têx ntênhs phêv pêz tsưr tsix uô côngz xưv huôv tsar ju lix nhoz phường Mộc Sơn. Shông no pêz tsưr tsix nhoz cấp phường thiêz muôx tas nro têx tuêv jênh phố sâuv thax tsav phường cxaz chuôz. Ntu zuôr txos, pêz zuôr chiê tuêv jênh phố Na Áng tsưr tsix iz shông iz jiês, yuôr 3 phường mak 3 txos 5 shông tsưr tsix iz jiês chiê gôngr phênhv tuôr tsês vênhx huôv jông no”.

          Ntênhs hôiv Hết Chá shông no tâu tsưr tsix đros têx huôx tôngv ju lix jông. No zos huôx tôngv ju lix jông nhoz hâur têx huôx tôngv cxơưz tiês huôv tsar ju lix reik đros tiv phaz li têx tsiv grê vênhx huôv jông shông 2026./.

VOVTB-Txâur Vax cxeik nhênhv

Vênhx huôv zos qơư chiê chor hluôk nhoz Lâm thượng cxiv uô cxuô qơư ndis uô si, sêiz shuôk têz qơưs

Cơưv tiêr đại học shông 2015, tus cưr Hoàng Văn Trạng, xênhz shông 1992, hêir nênhs Tày, nhoz jos Khéo Lẹng, xã Lâm Thượng (tỉnh Lào Cai) cux li chôngz lênhx hluôk txơưr tưz zok nriêr hâux lưv uô trâu Hà Nội, phênhv ntâu zos uô hâux lưv marketing. Jiês xuz thơưx chox têx fôngx zưs tuôx sêiz shuôk tsêr, qơư nhoz, tus cưr co tưz pâuz tâu tiêk, cxuô lênhx sđ puôr lênhx nhiêv txos thax tsav qơư nhoz, têx tsêr tsar lơưx đros trâu tsôngv px sđ têx txux chi, vênhx huôv jông cxôngx nzor.

          Chênhr zos li heik ntơư, shông 2023 tus cưr co thiêx yêik chuôz zis muk trâu Hà Nội chiê cxiv uô tsêr tok kruô. Taz sik txos shông 2024 ho muôx yưv coz nas chuô Yagi, chuôz ziv tsuv tso tsês tsik tok kruô, viv thax tsav qơư nhoz co muôx ar xưz poz. Txơưv njiz têx cêr txov nhêv li hêik sâu, tus cưr cox cux uô siêz truôx bo krir mê njik pênhr nhiêx têz qơưs tror cxiv uô luz tsêr tsar lơưx cxôngx nzor đros trâu hur si thax tsav qơư co đar muôx iz cxênhx thiêr chiê tok kruô. Đros co, tus cưr Trạng tsênhv uô hâux lưv sêiz car qơư ndis uô si côngv thôngx hâur xã thiêz cxiv tsa chor tuz nxêik hluôk nthuôr uô cêr lov jêv, sênhr chêr, hêik cưr cxiêx trâu tsôngv kruô ndis uô si pâuz txos. Hoàng Văn Trạng hêik pâuz: “Shir phaz zos thâuv têx qơư ndis uô si muôx chôngz lênhx kruô pâuz txos Lâm Thượng, zos iz thax tsav qơư muôx bê hâur VN ntâuz ntơưr qơư ndis uô si. Cur cux xar njôngr, hâur ntu zuôr txos no, têz qơưs tsuv muôx phênhv nhiêx paz trâu chor chuôz zis cxiv uô cxuô qơư ndis uô si, sêiz shuôk têz qơưs”.

          Đos co, cux muôx chôngz lênhx hluôk nhoz jos Khéo Lẹng-huôv tsar cxiv uô qơư ndis uô si, sêiz shuôk têz qơưs. Pir li, pos Hoàng Thị Ngọt, xênhz shông 1994, đhâu lok uô nhaz trâu Lâm Thượng shông 2016, pâuz tâu thax tsav qơư co zôngx ziv huôv tsar cxiv uô cxuô qơư ndis uô si. Txix ntơư, pos Ngọt tưz piz chox kruô ndis uô si thiêz đros tus txir cxiv uô tsêr tok kruô, muôx 3 qar trâu kruô tuôx so, nox nhoz muk lok ndis uô si.

        Shông 2025, iz luz hli zơưv Trạng chuôz zis kror qơư tok kruô co, tưz tok tâu yênhx châuv lênhx kruô tuôx nhoz so, ndis uô si, sêiz shuôk têz qơưs: “Trơưk li cur, iz lênhx nhiêk xar lơưv nhiêk tsik siz thôngx, iz cxiê nhiêv têx tsêr đar, muôx ntâu ar; iz cxiê khưr muôx ntâu nhiêx thiêx muôx cêr shir phaz. Đuô li cur, thâuv cxiv uô qơư ndis uô si, cê muôx phênhv sâu tâu nhiêx txiêx, cê tâu hêik kriê cxuô zav muôx jôngv jav ntơưv qơư trâu tsôngv kruô sđ pâuz txos”

        Đros co, Đoanx xã Lâm Thượng cux uô ntâu luôs hâux lưv li: Kriz lớp kriê cơưv tsưr ziv cxiv uô cxuô qơư ndis uô si, paz px kir txêik pênhr nhiêx, yax kriê chor hluôk sđ cxiv kho cxuô thax tsav qơư cov ziv hnuz ziv jông jav huv đros tsôngv kruô siêz nhiêv. Pos Hoàng Thị Dét, Bí thư Đoàn xã Lâm Thượng  hêik pâuz: “Hâur ntu zuôr txos no, Đoanx xã tsênhv zuôr tror yax kriê tsôngv tuz nxêik hluôk sđ cơưv cxaz nzir tsưr ziv, txux chi …cov muôx txâuk tsưr ziv hêik kriê cxuô zav muôx ntơưv qơư trâu tsôngv kruô pâuz txos. Txix ntơư, cxơưz cxiz tâu chôngz lênhx tuz nxêik hluôk huôv tsar uô bluô nux ciês trâu chuôz zis hâur thax tsav qơư nhoz”

        Txix têx tsêr tsar lơưx, tsêr ar, chor tuz cxêik hluôk hêir nênhs tsơưs nhoz Lâm Thượng, tỉnh Lào Cai tsênhv taz tov sir jos huôv tsar uô bluô nux txix cxuô qơư ndis uô si, sêiz shuôk têz qơưs, paz trâu luôs hâux lưv tuôr tsês cxuô hêir nênhs tsơưs têx txux chi, vênhx huôv jông cxôngx nzor thiêz cxiv tsa xã Lâm  Thượng cov ziv hnuz ziv huôv tsar jông./.

Thừa Xuân-Tsu cxêik nhênhv