Sơn La: chor đêx tsik hur nhoz phường thảo Nguyên cux tsênh tsik tâu đơưk kho cov hur jông

Đhâu txêik tâu njuôk shuôk chor đêx ntơưv iz cxiê ziv chuôz zis nhoz tôv dân phố Chè Đen 2, phường Thảo Nguyên hnuz 3/3/2026 zos Sở Kôngz nuv thiêz Tênhv qơư tỉnh Sơn La hêik pâuz, nênhs sâu xor xưv Đaix nta suôz Việt Nam nhoz thax tsav Tây Bắc tưz muôx jiês thav đros GS.TS Hoàng Xuân Cơ, Trưởng ban Khoa học Hôiv Kinh têr tênhv qơư Việt Nam. GS.TS Hoàng Xuân Cơ hêik pâuz, iz cxiê zav tsik hur hâur chor đêx muôx ntâu đuô kror tsuv muôx puz pov tiêk chor đêx ntơưv no tưz trâus tsik hur lơưv: “Trơưk chor nênhs khoa học mak tsik zos têx kror tsik hur zuôr đơưk kho tsik tâu; cux zos tiêk zuôr đơưk kho tâu. Zos tiêk tsuôk muôx tsik hur 1-2 jiês xưz mak muôz chor đêx co râuz bâu xưz zuôr uô trâu chor đêx hur lơưv. Taz sik zos tsik hur ntêr lơưv mak zuôr lok six phiv liv. Viv li trơưk cur mak tsuv đơưk kho cov thiêx tsik uô trâu chor đex tsik hur”.

Lok saz Chinhr quyền phường Thảo Nguyên, zơưv Lê Tiến Quý, Trưởng phòng Kinh têr – Hạ tầng – Đô thị phường puz pâuz, uô trơưk Chủ tịch Ủy ban tỉnh Sơn La, ntu đhâu, chinhr quyền phường tưz sir jos sik côngv đros Sở Kôngz nuv thiêz Tênhv qơư đros cxuô tos cik txos đơưk kho têx vênhv thix cik txos tsik hur tênhv qơư trơưk pêx xênhv hêik pâuz. Taz sik, txos nhiv no cux tsênhv tsik tâu muôx ntâuk gri huv đros lok qir tiv tsik hur, viv li hâux lưv no cux tsênhv tsik tâu đơưk kho cov tiêr. Thax tsav qơư li vav njôngr zos tỉnh li Đề anr yêv chor nhux đas muk đhâu thax tsav tsik tsuv tso tsiêx chiê tu zus zuôr nzor tâu kriz uô. Zơưv Quý hêik pâuz: “Mộc Châu txix thâuv ntêx lok zos đo thị muôx uô kôngz nuv, viv li tu zus hâur đô thị nhiv no cux tsênhv muôx. Nhiv kruôr đhâu tỉnh tưz choz trâu Sở Kôngz nuv cxiv tsa Đề anr chiê txar chor nhux đas tơưv muk đhâu têx qơư tsik tâu tu zus tsiêx cxu sâuv thax tsav chor phường nhoz thị xar Mộc Châu kuz. No zos iz kror lok six jông. Pêz vav tiêk tỉnh zuôr nzor bax pênhr chiê txar chor nhux đas cov sêi tiv zix. Li co mak thiêx zuôr đơưk kho tâu qênhx shênhx tsik hur tênhv qơư”.

Thav lok kriz uô Đề anr txar chor nhux đas tơưv muk đhâu têx qơư tsik tsuv zus chor tsiêx cxu sâuv thax tsav tỉnh Sơn La, zơưv Nguyễn Ngọc Toàn, Chi Cục tsar Chi cục Tu zus thiêz Thú y tỉnh Sơn La puz pâuz, uô lơưr Ủy ban tỉnh thiêz Sở Kôngz nuv thiêz Tênhv qơư li chox kriê; trơưk Chêi tu zus li têx cui tênhv, taz viv tưz sir jos sik côngv đros chinhr quyền cxuô thax tsav qơư nhoz thax tsav thị xar Mộc Châu kuzm cux li chor phường Thảo Nguyên, Vân Sơn thiêz Công ty cổ phần nôngz nhux đas tso cuô mik Mộc Châu nriêr pâuz, qênhz shuôk chor nhux đas tsuv txar qơư zus, ntâuk gri txos têx phiv liv thiêz nênhs tu zus li zoz qơưx lok qơư yiêz chir tu zus chuôz zis chor nhux đas…

Đhâu co, xuz thơưx xav jênhv muôx 200 ntâu ziv chuôz zis tu zus ntơưv thax tsav phường Thảo Nguyên kuz thiêz phường Vận Sơn, muôx 7.000 ntâu tuk nhux đas tso cuô mik tsuv tâu txar qơư tu zus. Tỉnh li tsưr ziv zos uô cov tiêr hâux lưv txar tas nro chor nhux đas hêik sâur hâur ntu nhiv no txos shông 2030; taz sik, cux tsik zos zôngx ziv uô. Zơưv Nguyễn Ngọc Toàn hêik: “Sở cux tsênhv njuôk xav cxiv tsa muôx nhos 3 txos 4 qơư tu zus tsêx trung thiêz njuôk xav iz kror qơư zuôr muôs nhozz 50 ziv chuôz zis chor nhux. Chor qơư no mak tsuv tax tâu têx ploz tsênhr lok tênhv qơư, ngaz tuk sinh học thiêz zôngx ziv trâu tu zus chor nhux đas. Nhiv no phiv liv kriz uô đề anr tiv zix zos pênhr chiê kriz uô. Oz zos ar têz chiê cxiv tsa qơư zus yiêz trâu chor nhux đas. Tiv pêz zos tsuv sêiz shuôk Công ty cổ phần nôngz nhux đas tso cuô mik Mộc Châu li tsưr ziv tu zus hâur ntu zuôr txos zos li chak. Txar chor nhux đas cux tsuv huv đros Công ty li tsưr ziv tu zus mak thiêx zuôr uô tâu jông”.

Pêx xênhv nhoz thax tsav 4, tôv dân phố Chè Đen 2, phường Thảo Nguyên puz pâuz, ntu no, lơưr chor đêx tưz nyiêz đuô lir li ntu thâuv kaz hli 2, hâur hlik hli 3. Taz sik, chor đêx cux tsênhv fênhx tsư nxiêz, zôngv tsik tâu chiê uô jâuz mor nox thiêz hâuk. Pox nhuôs vav njôngr tiêk cxuô cấp, cxuô nganhx zuôr nzor yưv pênhr chaz đêx lok chiê sir zôngv thiêz xênhz huôx. Đros co zos nzor cêv kuôk đuô thax tsav zus chor nhux đas cov truôx tuk, cê paz muôx phênhv sâu trâu pêx xênhv, cê paz cxơưz cxiz kinh têr-xar hôiv ntơưv qơư huôv tsar./.

TTTB-Lik Thox cxêik nhênhv

Làng Pèng tưz tror muôx luz nênhx truôx tuk, huôv tsar uô nox đhâu nas chuô uô ruôr hiêv

Nhoz shơư têx trôngz yuôx zêx jông njuôz xiêz tâu ntâu shông, Làng Pèng muôx 14 chuôz zis tsôngv box Cho uô nênhx nhoz. Khov tsoz ciêv fix, pêx xênhv nhoz no luz nênhx tưz hlôngr yiêz ntâu. Tiêv sik, coz nas chuô lox lơưr tsôngv pêx xênhv nhoz no heik, txix thâuv yêik lok nhoz thax qơư co txos nhiv no tưz tsi tâu muôx iz coz nas chuô lox thiêz uô ruôr hiêv tas ntâu bâuv li ntơư hlo.

Tix lâus Bàn Tòn Kiều nhoz hâur jok heik, thâuv tsâuk ntux hâur hlik hli 10 ntơư, tas nro chor nênhs hâur tsêr tsênhv taz tov uô hmo nox, txơưv hnor đêx cuôr ar, poz jêz đror đrông ntưk pêv trôngz lok. Tix lâus chuôz zis luz tsêr cxiv uô truôx khor iz njêik muôs xưz tưz trâus poz vâu tas, hmôngr jông 6 lênhx nênhs hâur chuôz zis khiêr tâu điv.

Đhâu thâuv nhoz tax iz ntuk đros chor nênhs cxênhz jê hâur jok, tâu têz qơưk paz 100 tsov đeiv, tix lâus Kiều chuôz zis quyết định zuôr iz kro ar chiê uô tsêr nhoz. Chiê txuôs tâu nhiêx txiêx, tsi sir zôngv ntâu, tix lâus chuôz zis tưz nzaz nzơưv khơưk têx tú ntông lox trâus đêx nas cuôr yôngz lok ntơư chiê cơư uô đuô tsêr nhoz. Cheix ntux yiêz no, tas nro chuôz zis ho đros tsôngv niêv txir cưr tix nênhx tsa hâur jok khưr uô liêx têz, khơưz kror chos ciêv fix, uô đuô zuz chos chiê tror muôx luz nênhx tsâu sor tuôx: “Hur si chor liêx têz tưz trâus ar, poz jêz cxuz tas, uô cưx lơưv. Nhiv no pêz tsuôk pâuz kho tâu li chas mak uô bâuv li co xưz”.

Nas chuô đhâu, tsi tiêk uô ruôr hiêv têx trôngz ciêv fix, tsênhv uô chor liêx têz trâus ar, poz jêz, shôngz ntông cxuz tas hur si. Chênhr viv li, iz chas cxiv uô đuô vax tsêr truôx khor nhoz, tsôngv pêx xênhv Làng Pèng tsênhv sir jos cxiv kho têx liêx tơư ntêir chiê tror chos poz cưk, uô blêx.

Zơưv Bàn Tiến Thắng luz tsêr txơưv tsi trâus đêx nas cuôr yôngz, puôk tsuôx tas, taz sik hur si têx yar tiêx, lax caz xor thêir tsêr, blêx, poz cưk đros trâu cxuô zav chuôz zênhx phưx vưv uô liêx têz tưz trâus đêx nas cuôr yôngz tas. Iz chas ntơư, chuôz zis 540 cxênhz ntâu liêx blêx tưz siêr zuôr jông hlêis tưz trâus ar, poz jêz cxuz tas, tsi iz kro hlo. Txos cheix uô chiv kôngz yiêz, zơưv Thắng tsênhv sir jos muk khơưk sâu têx tos tơưk, shôngz ntông, vuôz tsuôz kiêk nênhs hâur liêx chiê hlơưr, bax ar uô chiv yiêz. Zơưv Thắng heik: “Ar, poz jêz cxuz tas, nhiv no tsuv ntiêr meir khơưz, thoz huk xưz. Xuz thơưx zos tsuv thoz huk tâu, li xav txos kho têx jêk liêx, uô zuz thiêz chos. Vav chiê siêz zuôr thoz huk, kho tâu iz kro mê njik têx liêx chiê uô kôngz”.

Nhoz jê co, pos Triệu Thị Trắng chuôz zis cux tsênhv sir jos khơưk sâu têx chês ntông, tos tơư kruôr tso yênhx pơưs chiê tâu trâur, tu chor liêx têz cov hur si, đu lus jông tsêz chos kôngz: “10 ntâu jêk liêx tưz trâus ar, poz jêz cxuz tas. Nhiv no tsênhv ntiêr meir thoz huk, kho đuô têx liêx puôz chiê uô kôngz”.

Zơưv Trần Đức Thịnh, Phưv Chủ tịch Ủy ban xã Phong Dụ Hạ heik pâuz, tiv coz nas chuô lox sôr 10 shông 2025 uô ruôr hiêv, tưz uô 17 chuôz zis trâus uô hiêv hnhar, hur si têx ziv vax tsêr trâus đêx nas cuôr yôngz puôk tsuôx tas thiêz chor ziv chuôz zis tsuv yêik txar zênhx max muk nhoz qơư truôx.

Đros trâu cấp ủy, hâu nov ntơưv qơư têx sir jos sik đros paz, tsuôk đhâu 02 hlik xưz, xã tưz phênhv ntâu uô tiêr luôs hâux lưv phênhz qơư nhoz thiêz uô tsêr trâu pêx xênhv. Xã tưz heik trâu tỉnh cov txo grêk tsơưs sâu nhiêx sir zôngv ar trâu têx chuôz zis vax tsêr trâus puôk tsuôx, tsi jông tas tsuv yêik txar qơư nhoz ntơư, iz chas co muôx chei paz ntơưv qơư cxiv tsav, zok nriêr qơư nhoz truôx tuk trâu pêx xênhv, chiê bax phax yêik txar thâuv muôx tsi jông yưv siv.

Zơưv Thịnh heik pâuz, nhiv no luôs hâux lưv khưx phưx têx liêx têz kôngz nuv trâus ar, poz jêz cxuz zos iz phiv liv lox trâu cấp xã thiêz tsôngv pêx xênhv, hâur co ciês nhiêx txiêx chiê thoz huk têx ar, poz jêz cov đêx jông ntưk, cxiv puôz kho đuô têx liêx tưz tas lok six ntâu. Tsôngv box nhoz no xar cov tỉnh tror muôx chei paz chiê sơưr đơưk nzor huôv tsar uô tâu nox tâu hâuk: “Đros thiêz xã tox siêz li Phong Dụ Hạ, mak têx liêx đêx tsi ntâu, chênhr viv li tsôngv pêx xênhv lok six khur xiv, xuz thơưx, sơưr đơưk tưz nhiêk kho nhiêk iz kro mê njik, hok nhiv no mak cux tsi tâu muôx chei paz cxiv kho chor liêx trâus ar, poz jêz cxuz co hlo. Lok têx li heik no, cux heik tỉnh cov muôx fuô kriê tsênhv tsênhz chiê shông 2026 thiêz chor shông txuôk lơưr co, hâur thax tsav muôx qơư chiê paz pêx xênhv nzor truôx tuk huôv tsar uô hnar”./.

Đinh Tuấn-Riê Lâux cxeik, nhênhv  

Sơn La fuô uô trơưk Bộ Chính trị suô luk sôr 14-KL/TW thiêz Thủ tướng Chính phủ, Thường trực Chính phủ ntâuz ntơưr chox kriê lok truôx tuk trox yêz

Lok cxuô luôs hâux lưv:

Ủy ban tỉnh Sơn La heik cxuô sở, ngênhx, Ủy ban cxuô xã, phường thiêz têx cơ quan cik txos tror sir jos uô jông têx tsênhv njiêz hâux lưv, tsưr ziv tưz tâu Ủy ban tỉnh choz ntơưv Chỉ thị sôr 10/CT-UBND hnuz 11/3/2026 lok fuô uô cxuô faz tsưr ziv taz por muôx txâuk trox yêz, têx trox tơưk hâur thax tsav tỉnh Sơn La shông 2026.

Sir jos qênhz shuôs têx phiv liv muôx nzir tsênhv tsênhz chiê heik têx tsưr ziv đơưk tu, phax tir thêir zênhx max, huv đros cov uô tâu tỉnh luôs hâux lưv chuôz tsar kinh tế shông 2026.

Sở Công thương sox seiz njôngr têx txơưr txar hâur ciêz đrôngl thiêz cxuô taz viv zuôr muôs trox yêz hâur, đrâuv 2 chas tỉnh hâux lưv choz zok têx trox yêz; bax fuô uô cxuô faz tsưr ziv zuôr muôs chor trox tsênhv yuôr ntơưv têx thax tsav hâur tỉnh chiê muôx txâuk trox muôs trâu tsôngv pêx xênhv phưx vưv muk lol, huôv tsar uô nox.

Qênhz shuôs, ntâuk grê têx qơư zuôr muôs tsơưs trox thiêz cxix luôs phênhz pheiz trox hâur tas nro thax tsav tỉnh.

Tror chox kriê lưv lươngv seiz car zuôr muôs hax huv hâur ciêz đrôngl sir jos qênhz yuôx, zênhx max qênhz pov, xưv bluô têx qơư, lênhx nênhs bax tsês ntâu thiêz zuôr muôs trox yêz tsi trơưk chei, uô trox tsar ndê siêz chiê tsar ndê gri tsi trơưk chei cxuô zav chuôz laov cxiv tsa.

Sở Nhiêx txiêx seiz car, hux jos đros cxuô cơ quan cik txos sir jos qênhz yuôx, seiz kaz luôs hâux lưv uô lơưr chei têz qơưk lok gri têx hax huv.

Sở cxiv tsa: Tror sox seiz njôngr têx chuôz laov cxiv tsa hâur tỉnh li gri txơưr txar, lar heik zos têx zav chuôz laov phênhv ntâu phưx vưv têx côngz trênhx zov chênhr, têx zav gri txơưr txar ntâu tiv trox yêz tsar ndê siêz.

Sở Vênhx huôv, Thêv thao thiêz Ju lix tỉnh; ntơưr pov tsir thiêz nta suôz, xa đuôz tỉnh fuô uô luôs hâux lưv yax mông tsênhz mênhx heik lok têx txơưr txar hâur hâur ciêz đrôngs. Sir jos yax kriê sir zôngv txuôs cxuô zav trox yêz thiêz cxơưz cxiz hlôngr pâur zôngv têx yêz zôngv trox tsơưs, yêz tênhv.....hâur tas nro thax tsav.

Tsôngv box....! Đros trâu cxuô faz tsưr ziv tsênhv tâu fuô uô, tỉnh Sơn La vav chiê siêz zuôr nzor truôx tuk têx trox yêz, muôx txâuk trox yêz muôs trâu pêx xênhv, doanh nghiệp hâur thax tsav muk lol, huôv tsar uô nox thiêz thâux xa têx hax huv./.

Thanh Thủy-Riê Lâux cxeik, nhênhv