Nus hưv Chủ tịch Hội LH pox niêv VN: Jax cơưv chênhz zênhv hâur têz uô Dự án 8 ntu 2021-2025 thiêz tsưr ziv zuôr txos

          Tsôngv …yuô! Fênhx zav nênhs tsi taz zos tsưr ziv uô jông mak tsênhv zos hâux lưv truôx tul paz trâu huôv tsar truôx tul. Tiv zix, zos ntơưv thax tsav tsôngv box mênhx cxưx tsơưs nênhs thiêz tox siêz, hâux lưv car chêx têx vênhv thix zuôr trâus trâu pox niêv thiêz mê nhuôk zâu, thôngx cxix muôz siêz lơưr li qênhx liv, thâuv tưs cux zos iz tsov cưv xuz thơưx. Tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx tsơưs nênhs thiêz tox siêz ntu 2021-2025, đros Dự án 8 zos Hội LH pox niêv VN seiz car, tưz chox lok ntâu chêx cuk jông kruôk txos.

          Zos li, têx chênhz zênhv jông cơưv txos hâur ntu xuz thơưx thiêz ntu zuôr txos zuôr tâu krêz uô li chas chiê tror cxơưz tiês fênhx zav nênhs, car chêx têx vênhv thix xã hôiv zuôr trâus thiêz tsi chiê lênhx tưs trâus tso tsês tov kaz?

          Chiê muôx tâu têx hâux lưv tsênhv tsênhz đuô lok têx tsưr ziv lox no, zâuv tsôngv cưr tix fôngx zưs mnôngs nênhs sâu xor xưv Hoàng Thái nhoz Đeix nta suôz VN đros pos Nguyễn Thị Minh Hương, Phưv chủ tịch Hội LH pox niêv VN lok njiêz luv no:

          Nus: Thor cox puz pâuz, đhâu 5 shông krêz uô Dự án 8, Trung ương Hội ntâuk grê têx tưs zos têx jax cơưv chênhz zênhv jông tưz gôngr phênhv lok chêx cuk uô tâu jông mak Dự án tax tâu, tiv zix zos hâux lưv hlôngr yiêz jênhv pâuz thiêz muôz siêz qênhx liv trâu pox niêv thiêz mê nhuôk nhoz thax tsav tsôngv box mênhx cxưx tsơus nênhs thiêz tox siêz?

          Pos Nguyễn Thị Minh Hương: Dự án 8 li chêx cuk muôx 9 chỉ tiêu mak tưz muôx 4 chỉ tiêu uô tâu thiêz hla đhâu lok six siêz, muôx têx chỉ tiêu hla siêz đuô 200%. Yuôr 5 chỉ tiêu, pêz njuôs xav zuôr tax tâu lok kaz shông 2025, zos thâuv suôv câuv ntu 1. Tsuôk muôx 1 chỉ tiêu lax tax tâu. Hâux lưv no tso pov dự án li yênhx côngz, đros phênhv ntâu têx chỉ tiêu puôr lênhx tax tâu lok thiêz hla đhâu tsưr ziv tso tơưv.

          Têx chỉ tiêu tax tâu siêz khênhr reik đros têx trâur nuv côngv thôngx, pir li trâur nuv “qơư jông njênhs njôngr txos” lok sik têx tuêv yax mông côngv thôngx. Hâux lưv no tso pov tsôngv box li siêz thôngx ziv uô lơưr, tưz paz têx huôx tôngv hâur dự án tax chêx cuk jông đuô. Cur xar tiêk, iz hâur têx chênhz zênhv jông uô tâu yênhx côngz hâur ntu 1 krêz uo dự án zos têx cấp chính quyênx li sik côngv uô, tiv zix zos tsôngv box. Chênhr zos muôx tsôngv box cxaz chuôz tưz paz dự án huv đros lơưr li siêz xar, đhâu co cux paz pêz tror hlôngr yiêz têx huôx tôngv cov huv đros đuô.

          Nus: Hâur Tsaz yênhx têz qơưk li qơư tsov txos li ntu 2026-2030, Dự án 8 zuôr muôx têx hlôngr yiêz thiêz tsov cưv li chas chiê tror uô txos ntâu lênhx nênhs, car chêx têx vênhx thix xã hội zuôr trâus nhiv kruôr muôx yưv cux xưk li têx phêv liv tsênhv yuôr, thor cox puz pâuz?

          Pos Nguyễn Thị Minh Hương: Nhiv no, Tsaz yênhx têz qơưk li qơư tsov txos li tsưr ziv uô cux muôx têx hlôngr yiêz. Taz sik txơưv li chas, Hội LH pox niêv VN cux xav tênhv tiêk vênhv thix uô uô cê hâux lưv fênhx zav nênhs zos vênhv thix yax six uô hâur têx huôx tôngv nhoz Tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx thiêz tox siêz. Hâux lưv co muôx ziz njiêz zos, txơưv muôx Dự án 8 lok sik ti muôx, têx huôx tôngv lok fênhx zav nênhs cux zuôr tâu uô uô cê.

          Pir li, đros têx huôx tôngv huôv tsar KTXH, cux tsuv muôx têx trâur nuv paz txưv đros pox niêv, xưk li têx HTX lok sik doanh nghiệp zos pox niêv uô tsưr. Lok sik đros têx vênhv thix cik txos tsoz phưz đas jos, tsuv muôx têx njiêz luv tsov cưv chiê paz pox niêv lok đas jos xênhz zus nhuôk, kruôz kriê cxênhx mê nhuôv. Heik cxuô, pêz zuôr tror cxơưz tiês uô uô cê hâux lưv fênhx zav nênhs hâur tas nro têx huôx tôngv hâur dự án thiêz muôz siêz pênhr xưv trâu pox niêv cux xưk li têx cán bộ tiv phaz./.

          Hoàng Thái: Thor uô cox tsâus ntâu!

(Hoàng Thái-Txâur Vax cxeik nhênhv)