Phươngx Cam Đường: “Qơư cách mạng jông” kriê cêr huôv tsar yiêz

Muk đhâu txox cêr đei qix liêz vok ntơưv oz saz ntus cêr hơưv chiv nhênhv 80 shông Cách mạng hli 8 yênhx côngz, zơưv Trần Hợp, Bí thư Chi bộ jok Dạ 1, phường Cam Đường shir phaz lus piêr kriê iz kro jux juk têx mông, xor xưv, lênhx nênhs reik đros thax tsav cách mạng Cam Đường. Co cux zos qơư yênhx lix chi bộ Đảng tox siêz xuz thơưx hâur tỉnh Lào Cai, zos thax tsav zov chênhr thiêz zôngx ziv muk lol, zos tsênhv qơư cách mạng uô ntêx nyuôs, hu zâuv chôngz lênhx ntâu tus pêx xênhv cxaz chuôz.

Cam Đường tâu ntâuk grê zos qơư jông chiê paz cxơưz krêz đar thiêz cxiv tsa thax tsav tir ntâuk tros châuz thâuv ntêx Cam Đường-Xuân Giao-Gia Phú-qơư nhiv no muôx têx lênhx hâu nov lox hâur Tỉnh ủy thiêz Tỉnh đội Lào Cai nhoz uô hâux lưv. Cxiv tsav Lê Hồng Phong tir ntâuk zênhx tros châuz, Lào Cai tâu tiêx tuk cux xeir Cam Đường uô qơư nhoz chênhr thiêz qơư têx tuz lênhv sơưr tir ntâuk tros châuz. Zơưv Trần Hợp heik: “Thâuv ntu co, tsôngv pêx xênhv cxuô heir nênhs Cam Đường tưz muôx cêr sik thôngx siêz truôx jông, muk lơưr Đảng, têz qơưk viv li thiêx tâu tỉnh Đảng bộ xeir chiê yênhx lix chi bộ đảng tox siêz xuz thơưx. Txix thâuv ntu txov nhêv, phiv liv co tax txos nhiv no, pêz cux pov shir phaz, jông siêz lok thax tsav Cam Đường. Tsôngv pêx xênhv tsưr ziv zos, nhiv no pêz tưz hlôngr yiêz lơưv, tsuv muôx cêr thôngx siêz, sik đros huôv tsar, siz chos cxiv tsa thax tsav, têz qơưk ziv hnuz ziv hlôngr yiêz, vav mênhx đuô”.

Txix iz thax tsav tox siêz, phường Cam Đường nhiv no tưz hlôngr yiêz lok six ntâu, đhâu thâuv muôz 7 xã, phường kuz hâur TP Lào Cai lok uô cê, ntơư zos: Bắc Cường, Nam Cường, Bắc lệnh, Pom Hán, Bình Minh, Xuân Tăng thiêz xã Cam Đường. Iz chas co, phường cux lok six lox đar đros thiêz muôx nhos 70 cxênhz lênhx nênhs. Hâux lưv tso tơưv txos shông 2030, 3 luôs hâux lưv zov chênhr huôv tsar ciêz đrôngs, công nghiệp thiêz dịch vụ hâur Cam Đường zuôr cxiz chuôz tsar phênhv sâu tâu hâur thax tsav tax 5.500 tyv đeiv; xav kror đruôz đraz iz lênhx nênhs muôx phênhv sâu tax 130 tsov đeiv iz shông; zos iz hâur têx thax tsav uô ntêx nyuôs huôv tsar kinh tế hâur tỉnh Lào Cai. Hâur co, muôx têx jông li: Qơư Apatit lox yax Đông Nam Á cux zuôr tâu huôv tsar, krêz uô trơưk Bộ Chính trị Nghị quyết 57 chiê hlôngr yiêz truôx khor lok công nghệ. Tix lâus Lê Trung Mạnh, công nhân cxiv kho tênhv, Công ty Apatit Việt Nam heik pâuz: “Pêz cxênhx hluôk sir jos zok nriêr têx tsưr ziv jông sâuv internet thiêz cơưv shâuv hâur tsênhv tsênhz chiê lês uô tâu truôx, kho tâu jông têx meir, chuôz zênhx công ty tưz yưv pênhr”.

Trơưk li zơưv Vũ Hùng Dũng, Bí thư Đảng ủy phường Cam Đường, Đại hội Đảng bộ phường đhâu muôz iz cxiê xã li heik sâuv lok uô cê thiêz lês uô hâux lưv lơưr 2 cấp nhiv kruôr tsưr tsix yênhx côngz. Tas nro Đảng bộ sir jos cxiv tsa Cam Đường yênhx qơư uô ntêx nyuôs hâur cxuô luôs hâux lưv. Hâur co, sir jos trâu huôv tsar ciêz đrôngs vav mênhx, seiz car thax tsav qơư txix têx sôr laov. Sir jos cxiv tsa phường Cam Đường yênhx thax tsav kinh tế zov chênhr trơưk 2 saz ntus đêx liêz hâur tỉnh Lào Cai; iz chas ntơư zos qơư côngz dịch vụ jông trâu têz qơưk thax tsav ju lix Sa Pa thiêz thax tsav Kinh tế Trôngx đriv Lào Cai. Chiê Cam Đường huôv tsar jông, vav mênhx, sơưr đơưk muôx luz nênhx tsâu sor, zơưv Dũng heik pâuz, phường cux xav tinhv 3 hâux lưv zov chênhr: “Tiv iz zos sir jos thox cxov pênhr jos, muôx hur si lênhx nênhs hâur cxix luôs chính trị cux li pênhr jos chiê côngz trâu têx doanh nghiệp. Tiv 2 zos sir jos zuôr ar luôv plas chiê muôx ar cxiv tsa ciêz đrôngs, huôv tsar vênhx huôv, thêv thao, cxơưz cxiz krêz thiêz tsiv uô têx khoar cxax hâur thax tsav. Tsi tas li, cux sir jos thiêz cxơưz cxiz huôv tsar doanh nghiệp, hur si lok sâuv pênhr jos cux li hlôngr yiêz sôr”./.

Đros têx tsưr ziv, hâux lưv tsênhv tsênhz, tas nro Đảng bộ thiêz tsôngv pêx xênhv sik thôngx siêz truôx, Cam Đường tsênhv sir jos huôv tsar yênhx iz ciêz đrôngs vav mênhx xưk li sơưr đơưk tsưr ziv, siêz xar njôngr./.

An Kiên-Riê Lâux cxeik, nhênhv

Têx hlôngr yiêz jông hâur zaoz zux nhoz ntus đriv Lai Châu

Tsêr cơưv mênhx cxưx nội trú cxênhx 1 thiêz cxênhx 2 xã Phong Thổ, tỉnh Lai Châu zos luz tsêr cơưv nội trú xuz thơưx tâu yưv pênhr cxiv uô lơưr Trung ương li chủ trương tsov cưv, hơưv tos chiv nhênhv 80 shông Quốc Khánh têz qơưk Việt Nam (2/9/1945-2/9/2025). Luz tsêr cơưv tâu krêz cxiv uô zos hâux lưv ndar txos muôz siêz tsơưr lươngv zaoz zux nhoz thax tsav tsôngv box mênhx cxưx tsơưs nênhs, tox siêz ntus đriv.

          Pênhr yưv uô zos zuôr xar 200 tỷ đeiv, txix Tập đoàn công nghiệp-năng lượng têz qơưk VN thiêz têx phênhv pênhr txơưr li paz txưv. Dự án cxiv tsa sâuv mênhv chêx đar 4,5 hecta, txâuk trâu muôx nhos 1 cxênhz lênhx shux xênhz cơưv ntơưr thiêz nhoz nội trú, njuôs xav zuôr cxiv uô tiêr hâur hli 8/2026. Tsêr cơưv no tâu njênhs njôngr zuôr yênhx luz tsêr nhoz tiv oz trâu têx shux xênhz pluôk zos têx mê nhuôk mênhx cxưx Thái, Cho, Hà Nhì nhoz tiv phaz.

          Ntơuv ntênhs krêz côngz, lênhs tov tỉnh Lai Châu thiêz chính quyênx tiv phaz khav tênhv, hâux lưv cxiv tsa tsêr cơưv nội trú cxênhx iz thiêz cxênhx oz nhoz Phong Thỏ zos lok six coaz tsôngv nhoz tiv phaz. No zos đas jos chiê tiv phaz uô muôx chêx cuk têx tsaz yênhx txu grês cêr pluôk truôx tul. Zơưv Trịnh Khắc Tấn, Phưv Chủ tịch UB xã Phong Thổ, tỉnh Lai Châu puz pâuz: “Luz tsêr cơưv muôx 30 lớp cơưv thiêz tos tâu muôx nhos 1 cxênhz lênhx shux xênhz tsôngv box mênhx cxưx tsơưs nênhs tuôx cơưv ntơưr. Thâuv tsêr cơưv tâu krêz côngz thiêz chox lok sir zôngv zuôr paz jông trâu hâux lưv kriê thiêz cơưv ntơưr trâu tuz nhuôk mênhx cxưx sâuv thax tsav xã Phong Thổ. Tiv zix tsêr cơưv tsi taz paz tiv phaz huôv tsar lok vênhv thix thox cxov mak tsênhv paz trâu thax tsav tsôngv box mênhx cxưx tsơưs nênhs nhoz tiv phaz huôv tsar hâur ntu 2025-2030”.

          Phong Thổ zos xã ntus đriv nhoz tỉnh Lai Châu, tâu yênhx lix thâuv sik côngv 4 taz viv hành chính: Ma Ly Pho, Huổi Luông, Mường So thiêz thị trấn Phong Thổ. No zos qơư muôx phênhv ntâu tsôngv box Thái, Cho, Hà Nhì nhoz uô nênhs. Thâuv ntêx shux xênhz nhoz hâur thax tsav li hâux lưv cơưv ntơưr njiz ntâu phêv liv, tiv zix zos mê nhuôk nhoz tox siêz, đêz đrôngs. Côngz tsinhx tsi taz paz têx mê nhuôk sâuv thax tsav cơưv ntơưr jông đuô mak tsênhv gôngr phênhv huôv tsar lênhx nênhs, txu grês qênhx shênhx shux xênhz shux xênhz tso ntơưr tsês viv muk cơưv ntơưr đêz.

          Niêv lâuk Hoàng Thị Phương, nhoz jos U Gia, xã Phong Thổ tuôx seiz ntênhs krêz côngz thiêz pheiz kênh: “Thâuv ntêx mê nhuôk muk cơưv ntơưr lok six đêz, lok six khưr. Nhov no tâu Đảng thiêz têz qơưk tsov cưv cxiv tsa tsêr cơưv yiêz cur lok six shir phaz. Tov kaz no mê nhuôk zuôr tâu cơưv ntơưr hâur luz tsêr cơưv jông đuô. Uô tsâus Đảng, uô tsâus ntâu txos têz qơưk”

          Iz luz tsêr cơưv yiêz, iz krêz tơưv yiêz. Ntơưv thax tsav ntus đriv Phong Thổ, tỉnh Lai Châu, têx mê nhuôk mênhx cxưx nhoz tox siêz li siêz xar njôngr tâu muk cơưv ntơưr, muôx tâu yênhx tưv tsênhv yênhx trus tâu krêz uô. Luz tsêr cơưv phổ thôngz mênhx cxưx nội trú cxênhx iz thiêz cxênhx oz xã Phong Thổ tsi taz zos côngz tsinhx zaoz zux, mak tsênhv zos têx siêz njênhs njôngr lok iz luz nênhx hlôngr yiêz jông, chi cax luk đuô nhoz têx jêx jos thax tsav tox siêz./.

Khắc Kiên-Txâur Vax cxeik nhênhv