Lào Cai:Uô jông luôs hâux lưv phax tir thêir chor nênhs zuôr muôs hax huv chuôr hâur kaz shôngk shông

Uô trơưk li Chính phủ thiêz Ủy ban tỉnh Lào Cai chox kriê, jiês sơưr tơưv txênhz, phax tir thêir zuôr muôs têx hax huv chuôr, hax huv tsi jông tưz fir fuô uô trâu cxuô thax tsav qơư. Têx lênhx nênhs uô ntêx nyuôs txix Hải quan, tuz lênhv pênhz phax, Công an txos trâu chor nênhs seiz car ciêz đrôngs tsênhv sik hux jos truôx, qênhz yuôx ntov jông txix ntus đriv txos yênhx thax tsav.

Ciês chor nênhs lês uô luôs hâux lưv seiz car ciêz đrôngs, hâur 11 luz hlik shông 2025 tưz qênhz yuôx iz cxênhz ntâu txuz, xưv bluô xar muôx 900 txuz nuv uô cxâuv, sâu tâu muôx 7 tyv đeiv ntâu nhiêx trâu têz qơưk. Ntâu txuz fax thâux zav nox tsi pâuz tsênhz qơư li: Co tơư keiz tsês txiêk, suz thax, nôngz hlis.....tưz trâus qênhz pov. Taz sik têx hâux lưv li heik co ziv hnuz ziv phiv liv đuô, viv chor nênhs zuôr muôs tsi so hlôngr tsưr ziv uô hâux lưv, cêr lus muk lol. Zơưv Đỗ Du Bắc, Chi cục tsar Chi cục seiz car ciêz đrôngs tỉnh Lào Cai heik li no: “Têx lênhx nênhs zuôr muôs hax huv tsi trơưk chei ziv hnuz ziv txơưx njê đuô, muôx tsưr ziv jêik jông, uô lưv lươngv muôx vax huôv cux tsuv hlôngr pâur thiêz zok nriêr cxuô faz tsưr ziv txơưr đuô chiê phax tir thêir zênhx max têx lênhx nênhs ntơư”.

Thiêz ntơưv têx trôngx đriv, thax tsav chor nênhs zuôr muôs hax huv chuôr, hax huv tsi jông thâuv tưs tưz zok nriêr cxuô hâu cêr muk lol đhâu chiê tsi trâus cơ quan muôx vax huôv qênhz yuôx, taz sik txix têx tsưr ziv fuô uô jông, lưv lươngv Hải quan tưz qênhz pov thiêz xưv bluô zênhx max 270 ntâu txuz nuv. Pos Nguyễn Thị Thanh Bình, Phưv seiz car Hải quan trôngx đriv ntiêx têz Lào Cai heik pâuz, txix têx txuz nuv, tsưr ziv pâuz tâu uô ntêx ntơư, jiês no zuôr uô đrux đuô luôs hâux lưv qênhz yuôx shuôs têx hax huv uô ntêx thiêz đhâu tsiêz têz qơưk: “Tiv iz, pêz tso nênhs lês uô truôx jông têx hâux lưv zok muôz, sir jos qênhz yuôx qênhz shuôs cxuô zav hax huv uz no. Tiv 2, yax kriê, vênhv tôngv doanh nghiệp thiêz pêx xênhv pâuz tsênhz, uô jông trơưk chei têz qơưk têx cui tinhv. Tiv 3, fuô uô jông cxuô faz tsưr ziv, sir zôngv têx chuôz zênhx kỹ thuật jông chiê phưx vưv hâux lưv qênhz yuôx, qênhz shuôs, zênhx max qênhz pov thiêz xưv bluô chor nênhs uô cxâuv”.

Hok nhoz trâu tas nro thax tsav ntus đriv, chor tuz lênhv Pênhz phax tỉnh cux tso nênhs nhoz trơưr ntơưv qơư, têx cêr lus muk lol đhâu đros trâu ntâu paz qênhz yuôx shuôs têx đriv têz , lar heik zos hâur 3 luz hlik zuôr txos. Zov chênhr zos phax tir thêir, xưv bluô txos qơư chor nênhs thâux gra tsi trơưk chei têx triêv fov, nhiêx txiêx, chuôz zênhx zôngx ziv tơưs cuz..... Đại tá Nguyễn Phi Khanh, thơưx seiz car tuz lênhv Pênhz phax tỉnh Lào Cai heik mênhx, chiê uô tâu jông têx luôs hâux lưv heik sâuv tsuv muôx sơưr đơưk cêr sik thôngx siêz truôx, siz paz jông: “Hux jos truôx, uô lơưr Chính phủ Nghị định 03 lok cui tinhv sik hux jos nhoz Hải Quan, tuz lênhv pênhz phax thiêz Công an, cxiv tsa tsưr ziv sik hux jos; iz chas ntơư fuô uô luôs hâux lưv phax tar têx nênhs fêv, nênhs uô cxâuv chei têz qơưk hâur thax tsav ntus đriv, tsưx phưv truôx tuk chính trị, truôx tuk xã hội nhoz ntus đriv, đriv têz”./.

An Kiên-Riê Lâux cxeik, nhênhv

BAX TOK ĐAIV HÔIV ĐẢNG TAS NRO TÊZ QƠƯ JIÊS TIV XIV: TSÔNGV BOX TÂY BẮC VAV TXOS NTU NÊNHX ZUÔR TXOS HUÔV TSAR TRUÔX ĐRÊNHK, LUZ NÊNHX HLÔNGR YIÊZ JÔNG

Đại hôiv đại biểu Đảng tas nro têz qơưk jiês tiv XIV zuôr tâu tsưr tsix trâu hâur shôngk shông 2026. Bax tok xor xưv Chinhr triv zov chênhr no, tsôngv box cxuô mênhx cxưx Tây Bắc vav tok njôngr trâu chor tsênhv chêi yiêz chiê paz thơưz huôv tsar kinh têr, gra siêz tsơưr lươngv luz nênhx, thiêz tuôr tsês chor vênhx huôv mênhx cxưx. Tsênhv tsênhz, têx vav tok njôngr chênhr co zos:

Huôv tsar hạ tầng thiêz kinh têr: Tsôngv box vav tiêk Đại hôiv zuôr tso tơưv têx tsênhv chêi hênhr đuô chiê uô tiêr hạ tầng zoz thôngz, đêx liv, thiêz chor côngz trinhx zov chênhr txơưr đuô, paz zôngx ziv trâu thâux xa, uô nox thiêz zuôr muôs têx hax huv kôngz nuv. Ntâu ziv chênhv hêik mênhx txos hâux lưv cxiv tsa têx tỉnh hâur thax tsav (iz zav li: Sơn La, Lào Cai) zos yênhx tsênhv qơư kinh têr-xar hôiv nhoz thax tsav Tây Bắc.

Hlôngr yiêz luz nênhx lok cxuô kror: Vav tok lox tiv zix zos pêx xênhv luz nênhx, tiv zix zos ntơưv chor xar tox siêz, nhoz đêz, ntus đriv, zuôr ziv hnuz ziv tsâu sor, shir phaz đuô, uô cov siz bâus đuô lok huôv tsar đros chor thax tsav txơưr hâur tas nro têz qơưk. Kror no tâu uô đros têx tsênhv chêi ngaz tuk xar hôiv tsênhv tsênhz, jông đuô.

Tuôr tsês thiêz phuôx huiz têx vênhx huôv: Tsôngv box cxuô mênhx cxưx tsơưs nênhs tsik so tuôr tsês thiêz phuôx huiz zuk mênhx cxưx têx tsiv gri vênhx huôv jông cxôngx nzor. Lơưr vav tiêk Đảng têx tsênhv chêi zuôr tror paz trâu hâux lưv tuôr tsês, phuôx huiz vênhx huôv mênhx cxưx, uô uô cê “di sản sôr ntơưv thax tsav qơư” trâu hâur têz qơưk chor tsaz yênhx.

Cxiv tsa Đảng thiêz cxiv luôs chinhr triv truôx hênhr: Njênhs njôngr trâu Đaiv hôiv zuôr tror sir jos uô côngz xưv Cxiv tsâ Đảng, gra siez txux chi lênhx tov thiêz tsưr tsix Đảng, đảng viên li đas jos tsav txênhz, tiv zix zos ntơưv thax tsav qơư, uô cov jông Đảng lênhx tov nhoz cxuô kror hâux lưv hâur luz nênhx.

Phongx tar ntux têz ruôr hiêv thiêz sưv đros qiv hơưv txơưr txar: Đros ntux têz ruôr hiêv txơưr txar phiv liv, pêx xênhv hêik cxaz nzir nhiêx txiêx têz qơưk trâu cấp xar chiê phax tar tâu jông đuô ntux nas chuô, ar poz, đêx ngaz cuôr uô ruôr hiêv txos.

Tsuv heik tiêk, thôngz đhâu hêik pâuz têx ziv chênhv trâu chor dưv thảo văn kiện, tsôngv box cxuô mênhx cxưx Tây Bắc tưz njênhs njôngr thiêz thôngx ziv đros Đảng têx tsưr ziv hlôngr yiêz, đros co njênhs njôngr trâu ntu nênhx zuôr txos huôv tsar truôx đrênhk, muôx luz nênhx jông đuô ntơưv zuk qơư nhoz./.

Bích Thủy-Lik Thox cxêik nhênhv

Sik côngv đas jos cxiv tsa jêx jok yiêz nhoz Ta Niết

Zơưv Nguyễn Hải Long chuôz zis zos iz hâur têx chuôz zis uô ntêx nyuôs nhozjok Ta Niết,phường Mộc Châu, tỉnh Sơn La s iz paz sik đros huôv tsar uô nox. Chor chuôz zis muôx ntâu liêx têz, sir jos cơưv shâuv, hlôngr yiêz tsưr ziv huôv tsar uô nox, ntâu chuôz zis thâuv tưs tưz shir phaz lus siz paz siz kriê tsưr ziv khưr tsêz chos kôngz lôngk-huôv tsar uô bluô nux. Zơưv Long chuôz zis muôx 10 ha ntâu ar têz, zơưv tưz muôz hlôngr chos txir Na, txir Thanh long plơưr liêz....., muôx phênhv sâu tâu yênhx puô tsov đeiv iz shông. Co cux zos hâux lưv zov chênhr chiê cxiv tsa jêx jok yiêz truôx jông: “Thâuv ntêx cur chuôz zis chos txir lưv tsiz sôngz, taz sik đê sâu muôs tsi yuô tâu ntâu, viv li cur tưz hlôngr chos txir Na. Cux bâuv li ntơư ar têz, cur chos tâu 1.200 tsoz. Shông no nhiv kruôr tâu sâu đê fâuv xuz thơưx xưz, taz sik tưz tâu muôx 10 tơưv tênhr txir lơưv. Đros thiêz gri muôs li nhiv no mak cux tâu muôx nhos 300 tsov đeiv ntâu”.

Txos nhiv no, chor chuôz zis siz paz huôv tsar uô nox nhoz jok Ta Niết, phường Mộc Châu, tỉnh Sơn La tưz cxơưz cxiz tâu 50 ntâu lênhx nênhs, chuôz zis đros uô. Sơưr đơưk tâu đros uô ntâu hâux lưv muôx liv li: Vênhx huôv, nthuôr uô txux chi cêr lov jêv, yax kriê Đảng, têz qơưk têx chei; vêv xênhz tênhx qơư, tu vax tsêr, qơư nhoz hur si. Lar heik zos qơư sơưr đơưk tuôx siz chuôs njiz, sik kriê tsưr ziv huôv tsar uô nox, hlôngr yiêz zuz nôngz tsoz chos chiê huôv tsar uô tâu trơưk tsưr ziv siêz xar, muôs tâu gri, yênhx têx lênhx nênhs huôv tsar uô bluô nux txix chos tsoz chos nox txir sâuv têx ar têz nxaz. Zơưv Văn Đình Tuyến, seiz car Câu lạc bộ heik pâuz: “Hâur chor chuôz zis sik côngv paz, tas nro sơưr đơưk têx lênhx muôx tsơưs cux txix 600 txos 2 cxênhz tsoz txir na. Muôx kênh lênhx txos nhiv no tưz sâu đê tâu 7, 8 tênhr txir iz shông, gri muôs nhiv no zos 30-40 cxênhz đeiv iz cir. Xar huôv tsar uô tâu trơưk siêz xar, sơưr đơưk tưz siz kriê tsưr ziv chos thiêz tu chiê têx tsoz chos hloz lox jông, txi txir ndư, sâu đê tâu nju, muôs tâu gri, cxơưz luz nênhx tsâu sor, txo grêk yeiz pluôs, uô bluô nux”.

Đros trâu têx hâux lưv uô tsênhv tsênhz, muôx liv, chor chuôz zis siz paz, siz cxơưz huôv tsar uô nox nhoz jok Ta Niết, phường Mộc Châu tsuv tâu kriz uô đêz đar hâur côngv thôngx chiê cxơưz cxiz chor chuôz zis txơưr hâur thax tsav cơưv shâuv, uô trơưk, muôx luz nênhx tsâu sor, vav mênhx. Txix ntơư, paz cxiv tsa thax tsav tox siêz Sơn La ziv hnuz ziv hlôngr yiêz, huôv tsar jông./.

Thanh thủy-Riê Lâux cxeik, nhênhv