Khổng Lào- Huôv tsar uô nox thiêz cxiv tsa jêx jos yiêz nhoz ntus đriv

Hâur shôngk shông 2022, 6 lênhx pox niêv nênhs Thái nhoz jos Huổi Loỏng, xã Khổng Lào cuiz tênhv huôv tsar uô nox đros thiêz tsiv uô txir tsơưz kra kruôr txix ciês xiv huv chos tâu ntơưv tiv phaz. Tsi muôx pênhr nhiêx, muôx tsi ntâu chênhz zênhv, niêv ciêz sâu zuôr mak tsơưs... taz sik đros siêz sir jos huôv tsar uô nox, lơưr tưz truôx siêz cơưv shâuv, hlôngr yiêz tsưr ziv kỹ thuật thiêz cxiv tsa bê xiv huv trâu zuk. Xiv huv txir tsơưz kruôr Khổng Lào nhiv no tsi az zos xiv huv jông hâur tỉnh mak tsênhv tâu muôs ntơưv ntâu ntênhs ciêz tox siêz, yênhx xiv huv OCOP jông, krêz tơưv tsưr ziv huôv tsar kinh têr kôngz nuv jông nhoz tiv phaz. Niêv lâuk Phạm Xênhv Vax, iz hâur têx lênhx pox niêv sik côngv huôv tsar uô nox no pheiz kênh: “Chiê muôz siêz phênhv sâu trâu têx hluôk nênhs cux xưk li muôz siêz tiêu chí phênhv sâu hâur tsaz yênhx nôngx cxênhz nyiêz mak cur cux xưk li têx fôngx zưs sik đros tsiv uô, heik kriê xiv huv kôngz nuv tiv phaz”.

          Tsi taz muôx hâux lưv uô, muôz siêz phênhv sâu, chor pox niêv nênhs Thái no li trâur nuv tsênhv krêz tơưv chinhz yênhx huôv tsar uô nox hâur côngv thôngx, tiv zix zos pox niêv thiêz hluôk nênhs ntus đriv. Têx lớp kriê cxaz lok muôv muôs điện tử, pênhr xưv krêz đar niêv ciêz tưz paz tsôngv box truôx siêz đuô thâuv chox xiv huv tiv phaz lok hâur chor hax huv muôx tsiv grê.

          Đros thiêz huôv tsar kinh têr, Khổng Lào tsênhv tsov cưv cxiv tsa tênhx qơư nhoz uô nênhx hur jông. Nhoz Chi hội pox niêv jos Lang 2, đros 230 lênhx hội viên, phongz yaox tuôr jông vêv xênhz tênhx qơư, cêr muk lok hâur jêx jos tưz yênhx cêr uô nênhx jông hâur niêx hnuz. Niêv lâuk Pờ Thị Thao, Chi hội trưởng Chi hội pox niêv jos Lang 2 puz pâuz: “Cur thiêz ban seiz car cux tưz khiêz phêv jêx jos yax mông txos tsôngv box. Pir li tênhx qơư mak pêz cux tưz tôngv vênhx hội viên pox niêv hâur yênhx hli qêz suô cêr hur đu, iz ciêz iz jiês lok sik oz ciêz iz jiês. Yax mông por vêv phongz qơưx mak cux yax mông txos tsôngv box ntâu đuô thiêz”.

          Txix hnuz xiêz 1/7/2025, xã Khổng Lào tâu hlôngr yiêz thâuv sik côngv tas nro xã Hoang Thèn, Bản Lang thiêz Khổng Lào lok uô cê. Tas nro xã muôx 32 jêx jos, 3 cxênhz 400 ntâu ziv chuôz zis thiêz zuôr xar 17 cxênhz lênhx nênhs, phênhv ntâu zos tsôngv box Thái, Cho, Hmôngz thiêz choz tsiz sik đros nhoz uô nênhx. Đại hội Đảng bộ xã jiês tiv 1 nhiv kruôr đhâu tưz xav tênhv tsưr ziv txix nhiv no txos shông 2030 chox tiv phaz yênhx xã uô tiêr hâux lưv cxiv tsa nôngx cxênhz yiêz thax tsav ntus đriv.

          Txos nhiv no, xã tưz tax 16/19 ploz tsênhr nôngx cxênhz yiêz, tiv zix zos zaoz thôngz, đêx liv, y tế, tsêr cơưv, tsôngv box li phênhv sâu. Ntâu cêr muk lok hâur jos tâu cxiv uô bê tông; cxix luôk đêx liv taz por muôx đêx zưs chiê tsêz chos; tsêr cơưv, trạm y tế tax ploz tsênhr; phênhv sâu fênhx pheiz lênhx nênhs tax 42 tsov đeiv ntâu iz shông. Chor ziv chuôz zis pluôk txu grês ntâu, jêx jos hlôngr yiêz tsênhv tsênhz.

          Zơưv Đỗ Văn Quynh, Chủ tịch UB xã Khổng Lào, tỉnh Lai Châu puz pâuz: “Ntu zuôr txos, pêz zuôr chêx chôngk têx tsưr ziv chiê yax mông tsôngv px cxaz chuôz phongz yaox sik côngv tês cxiv tsa jêx jos yiêz muôz siêz. Cxơưz cxiz huôv tsar tsiv uô kôngz nuv hax huv, zôngv KHKT yiêz uô têx trâur nuv uô nox tập thêv, ziv chuôz zis huôv tsar uô nox, reik đros cxiv tsa bê xiv huv jông nhoz tiv phaz”.

Nhạc nền...

          Txix têx lênhx pox niêv nênhs Thái nhoz jos Huổi Loỏng li hâux lưv huôv tsar uô nox, txos hâux lưv sik côngv đas jos cxiv tsa jêx jos yiêz, xã Khổng Lào, tỉnh Lai Châu tsênhv yênhx trus hlôngr yiêz jông txix ciês têx sir jos huôv tsar hâur côngv thôngx./.

Khắc Kiên-Txâur Vax cxeik nhênhv

Đề anr tsưr tsix đại hôiv sik tưr nhiêv têz qơưk tas nro têz qơưk jiês tiv XI

Tsôngv pox nhuôs sơưr đơưk hmor yuô! Thủ tướng Chinhr phuv Phạm Minh Chính-Chủ tịch Hôiv đôngx Sik tưr-Khơưk kruôk Trung ương tưz cir Cuêz tênhv sôr 57/QĐ-HĐTĐKT hnuz 16/5/2025 tso tơưv Đề anr tsưr tsix đại hôiv sik tưr nhiêv têz qơưk tas nro têz qơưk jiês tiv XI.

Tsênhv tsênhz, Thủ tướng tso tơưv Đề anr tsưr tsix đại hôiv sik tưr nhiêv têz qơưk tas nro têz qơưk jiês tiv XI đros tsênhv njiêz: “Sik tưr hlôngr yiêz, xar tơưv, sir jos uô cov sêi paz trâu têz qơưk hla trâu ntu huôv tsar yiêz, vav mênhx, luz nênhx jông đuô”.

Đề anr chiê ntâuk gri chor phongz yaox sik tưr nhiêv têz qơưk thiêz côngz xưv khơưk kruôk ntu 2021-2025; tso tơưv phongz yaox sik tưr nhiêv têz qơưk thiez côngz xưv khơưk kruôk ntu 2026-2030 li tsưr ziv, jênhv vưv. Đại hôiv tsuv uô jông lơưr Bôv Chinhr triv li Chỉ thị sôr 41-CT/TW hnuz 26 hli 12 shông 2024 “Lok uô jông Đảng hâux lưv lênhx tov côngz xưv sik tưr, khơưk kruôk hâur ntu yiêz” thiêz Chêi Sik tưr, khơưk kruôk.

Kruôk txos chor tiz nênhs, tập thể zenhz shôngx, chiến sĩ sik tưr tas nro têz qơưk; tiz nênhs, tập thể uô tâu hâux lưv, uô tâu nox jông hâur chor phongz yaox sik tưr nhiêv têz qơưk nhoz yênhx cấp, yênhx nganhx, sâuv tas nro cxuô kror hâux lưv, tiv zix zos têx hâux lưv tsênhv njiêz tsênhv tâu sir jos kriz uô; xêir tsov huv zos lênhx nênhs, huv hâux lưv, huv têx uô tâu jông chiê paz cxơưz cxiz sơưr đơưk sir jos uô hâur xar hôiv.

Tso tơưv phongz yaox sik tưr ntu 2026-2030 cov sơưr đơưk sir jos uô, muôx siêz nhiêv têz qơưk, sik côngv siêz thôngx siêz paz thơưz hlôngr yiêz, xar tơưv, gra siêz uô lox tôngv, uô cov tâu jông têx hâux lưv paz uô tâu jông jênhv vưv huôv tsar kinh têr, xar hôiv têz qơưk thiêz Nghị quyết Đại hôiv đại biểu Đảng tas nro têz qơưk jiês tiv XIV.

Lơưr Đề anr, Đại hôiv chênhr zuôr tâu tsưr tsix hâur iz hnuz nhoz hli 12 shông 2025 ntơưv Tsênhv qơư Hôiv nghị Têz qơưk đros xar muôx 2.300 đại biểu đros cơưv.

Hâur tsưr tsix Đại hôiv zuôr muôx chor huôx tôngv li Piêr pâuz têx đuôz lok zơưv hloz Hôx đros phongz yaox sik tưr nhiêv têz qơưk thiêz chor jiês Đại hôiv sik tưr; Piêr pâuz txos têx kror uô tâu lok kinh têr, xar hôiv têz qơưk đhâu 40 shông hlôngr yiêz, tiv zix zos hâur ntu 2021-2025; sik njiz chor nênhs uô tâux hâux lưv jông sâuv Đaix xa đuôz Việt Nam, Đaix nta suôz Việt Nam; Tsưr tsix chor huôx tôngv vênhx huôv, nthuôr uô cêr lov jêv, yax kriê txêik tok Đại hôiv sik tưr nhiêv têz qơưk tas nro têz qơưk jiêx tiv XI; yax kriê lok chor nênhs uô tâu hâux lưv jông sâuv têx chuôz zênhx thôngz xor mông trung ương thiêz thax tsav qơư thâuv uô ntêx, ntu tsưr tsix thiêz đhâu tsưr tsix Đại hôiv.

Yênhx lix Ban Tsưr tsix Đại hôiv sik tưr nhiêv têz qơưk tas nro têz qơưk jiês tiv XI.

Thủ tướng Chinhr phuv Phạm Minh Chính-Chủ tịch Hôiv đồng Sik tưr-Khơưk kruôk Trung ương cux cir Cuêz tênhv sôr 58/QĐ-HĐTĐKT hnuz 16/5/2025 lok yênhx lix Ban Tsưr tsix Đaiv hôiv sik tưr nhiêv têz qơưk tas nro têz qơưk jiês tiv XI. Pos Võ Thị Ánh Xuân, Phưv Chủ tịch têz qơưk, Phưv Chủ tịch tiv iz Hôiv đồng Sik tưr-Khơưk kruôk Trung ương uô Tsar ban Ban Tsưr tsix Đaiv hôiv. Phưv Tsar ban Ban Tsưr tsix Đaiv hôiv zos: Bôv trưởng Bôv Nội vụ (Phưv Tsar ban Thường trực); Chủ tịch Ủy ban Trung ương Mặt trận Têz qơưk Việt Nam; Chuv tịch Tổng Liên đoàn Lox tôngv Việt Nam. Ban Tsưr tsix Đại hôiv sik tưr nhiêv têz qơưk tas nro têz qơưk jiês tiv XI huôx tôngv lơưr Quy chế zos Ban Tsưr tsix Đại hôiv tso tơưv. Paz hâux lưv trâu Ban Tsưr tsix Đaiv hôiv muôx chor Tiểu ban: Tiểu ban Tsênhv njiêz, Tiểu ban Yax kriê, Tiểu ban Hậu cần-An ninh./.

Bích Thủy-Lik Thox cxêik nhênhv

Txix “yuôx đrox njuôz hâur har jôngr” yênhx xiv huv OCOP nhoz Sơn La

“Nhoz Sơn La heik cxuô, Mường La heik taz muôx trôngz jôngr ntâu, cur xar muôz chor xiv huv no hêik kriê trâu nênhs sir zôngv... Hâur shông 2022, cur muôx tsưr ziv yênhx lix HTX chiê tsiv uô têx zav yuôx zêx txix yuôx đrox njuôz cov txâuk lênhx nênhs sir zôngv, cov tsôngv box muôx jông đas jos”.

          Txix tsưr ziv siêz xar, cêr moz siêz txos hâux lưv co, pos Lường Thị Chuông, Giám đốc HTX yuôx njuôz tox siêz, xã Mường La, Sơn La tưz đros têx lênhx nênhs txơưr uô tâu têx xiv huv yiêz txix têx yuôx njuôz muôx nhoz tiv phaz, li yuôx zêx txir tuz ziz, yuôx zêx txix têx yuôx njuôz, têx zav yuôx nzuôr plâuz hâu, yuôx nzuôr chêr ...

          Niêv lâuk Quàng Thị Phương, lênhx nênhs hâur HTX puz pâuz, HTX tưz sir zôngv 20 zav yuôx njuôz txơưr chiê tsiv uô yuôx nzuôr plâuz hâu taz por li kriêr, tâux ntus, txir lưk kâuz, hà thủ ô, bồ kết... “Thâuv uô hur pêz zuôr tso hâur lâux câuz chiê râuz, đhâu iz hnuz pêz liv tas chor đêx, đhâu iz hnuz pêz tror râuz chiê đêx kruôr jux jus txơưv uô tâu xiv huv yuôx nzuôr plâuz hâu...”

          HTX yuôx njuôz tox siêz tưz yưv pênhr cxiv uô tsêr tsiv uô, bax chuôz zênhx cxuô zav, sik côngv đros 100 ziv chuôz zis chos yuôx njuôz sâuv thax tsav chiê sâu zuôr xiv huv, taz por tsiv uô lơưr chiv cheix. Chungz fênhx iz shông, HTX sâu zuôr txix pox nhuôk 5-10 tênhr txir tuz ziz, điz iêz, pax tâuz ntông, sâm, linh chi....Nhiv no, đrâuv yuôx zêx txir tuz ziz tax xiv huv công nghiệp nôngx cxênhz jông hâur tỉnh Sơn La shông 2023, HTX yuôx njuôz tox siêz tsênhv sir jos cxiv tsa ntâu xiv huv tax ploz tsênhr OCOP... “Chính quyênx tiv phaz thôngx ziv, paz HTX lok six ntâu li uô ntâuz ntơưr njuôs siv chiê tsiv uô xiv huv OCOP, têx tsaz yênhx heik kriê, yưv pênhr... HTX xar njôngr cxiv tsa, krêz đar thiêz tsiv uô lơưr 1 saz, zuôr trâus muôx pênhr nhiêx đros phênhv liv kis thiêz tuôr truôx tâu lêx ntêr”.

          Cux txix têx yuôx njuôz zênhx muôx, niêv lâuk Hà Thị Thuận, nhoz xã Phù yên, Sơn La tưz yưv pênhr nhênhz chơưv, cơưv shâuv thiêz uô yênhx côngz têx xiv huv yuôx njuôz taz por chiê tsoz phưz đas jos ciês ntơưv zuk tiv phaz...“Kuôk nor 17 shông cur muôx ntu trâus moz siêz, đhâu thâuv kho jông nhoz tror lok tsêr, cur tưz zôngv ntâu zav yuôx, hâur co muôx 1 zav yuôx zos tsoz an xoa. Đhâu thâuv sir zôngv muôx chêx cuk thiêz moz jông jux jus, cur xar txos hâux lưv zôngv tsoz yuôx no chiê kho moz trâu nênhs cxênhz jê hâur chuôz zis thiêz pox nhuôk hâur jêx jos, viv li cur cuiz tênhv uô tsiv uô xiv huv txix zav yuôx no”

          Txix phưx vưv trâu zuk thiêz chuôz zis, shông 2019, niêv lâuk Hà Thị Thuận truôx siêz huôv tsar uô nox, yênhx lix HTX Uyên Thuận, yưv pênhr cxiv tsa qơư tsiv uô, cxiv tsa bê xiv huv. Txos kaz shông 2020, HTX li xiv huv Cao an xoa tâu côngz jênhv OCOP jông cấp tỉnh, đros co zos ntâu zav yuôx njuôz txơưr hâur co muôx ntâu xiv huv tax OCOP jông: “ Đhâu thâuv uô tâu xiv huv cur tưz pheiz kênh txos ntâu pox nhuôk thiêz ntâu lênhx nênhs pâuz txos, pov xiv huv no jông tiês. Cur muôs trâu niêv ciêz viv li cur tưz đăng cir thiêz cxaz chuôz pheiz xiv huv, viv muôx tsơưr lươngv thiêz suôz bê mak xiv huv thiêx tâu chôngz lênhx nênhs pâuz txos”.

          Hâux lưv yưv pênhr tsiv uô yuôx njuôz thiêz cxiv tsa bê xiv huv OCOP, xiv huv công nghiệp nôngx cxênhz jông, tsi taz paz uô tâu têx xiv huv yiêz jông, muôz cxaz hâux lưv uô trâu tsôngv box, mak tsênhv paz phuôx huiz têx yuôx njuôz zênhx muôx nhoz tiv phaz, cux xưk li car chêx tâu phênhv tưs nôngx mênhx Sơn La li phêv liv zos “tâu chiv cheix mak trâus pôngz grê muôs”. Đhâu co, gôngr phênhv cxơưz tiês huôv tsar KTXH, cxiv tsa nôngx cxênhz yiêz truôx tul nhoz tiv phaz tox siêz tsênhv yuôr ntâu phêv liv no./.

Lê Hạnh-Txâur Vax cxeik nhênhv