Paz uô sor trâu chor nênhs moz nhoz tsêr kho moz thax tsav ntus đriv

“Hêik zơưv pâuz tiêk tsik tsuv tso li no, viv cox tuk nhuôv tsênhv tsik tâu ndê cir ntâu, viv liv tsuv chiê nhoz sâuv zuk mak jêx tưv thiêx truôx tuk….”

Ntơưv Khoa chơưv kho trâu chor nhuôv zâu nhiv kruôr xênhz zus têx hnuz no, chor y bác sĩ tsuv tsik so hêik kriê sơưr đơưk lok têx tsưr ziv uô cov sor. Đros chor nhuôv xênhz zus nzor thâuv tsik tâu txưv hli, nhnar tsik txâuk cir, chor mêir thiêz txax paz uô sor thiêz paz trâu mê nhuôv uô pa tâu jông tsik so huôx tôngv yênhx hnuz hmo. No zos chor chuôz zênhx paz njuôk xav tâu jêx tưv luz chêr, txix co zuôr kho đuô jêx tưv chiê por vêv tâu jông trâu chor nhuôv, txơưv jêx tưv đrâuv jôngr sik txơưr li chak. Bác sĩ Lê Thị Hạnh puz pâuz: “Tas nro chor nhuôv nhiv kruôr xênhz zus tsuv tâu chiê paz cov jêx tưv huv đros. Chor mêir no muôx njuôk jêx tưv sâuv chor mê nhuôv luz chêr. Iz zav li jêx tưv nhoz mê nhuôv luz chêr grêk mak mêir zuôr paz kho jêx tưv cov sor trâu mê nhuôv. Hok thâuv jêx tưv nhoz mê nhuôv luz chêr ndê siêz mak mêir zuôr tsik uô sor thiêz đror cov sơưr đơưk pâuz”.

Iz chas chor chuôz zênhx paz no, ntơưv chor qar nhoz trâu chor nênhs kho moz, tsêr kho moz cux bax tas nro chor mêir điều hòa thiêz mêir tênhv sor chiê ntê. Tiv zix, chiê niêv txir puôs uô cov sor trâu mê nhuôv zos tsưr ziv tâu tsêr kho moz sir jos cxơưz cxiz thiêz zos kror paz trâu mê nhuôv luz chêr sor jông tiv zix.

Tưz tsik zos uô sor tsix tuôr jông jêx tưv hâur qar nhoz. Nhiv no yênhx hnuz, Khoa Tsơưr pưr cux cungz muôx 1.000 ntâu pluôs nox ngaz tuk jông zav nox. Tiv zix, hâur chor hnuz ntux no, dịch vuv gra zav nox tuôx ti gâuk ntơưv txax pư tâu chôngz nênhs xêir tsov chiê tsik tơưv muk lok ntâu trâu đrâuv jôngr. Điều dưỡng trưởng Nguyễn Đức Vỹ hâur khoa hêik pâuz, đros chor pluôs nox phưx vưv ntơưv qar nhoz kho moz no, paz cov zav nox sor so tâu uô lok six ntov jông: “Hâur uô lok sik gra chor zav nox no txos trâu ntơưv qơư nênhs moz nhoz mak tâu pêz uô sor jông cov thâuv lơưr nox lok zav nox cux tsênhv sor”.

Đros chor txax pư tưz muôx nênhs moz nhoz chôngz đuô 100%, bax cxuô kror chiê phax tar tâu jông ntux no trâu yênhx puô lênhx nênhs moz tsênhv nhoz kho moz zos kror cux tsik zôngx ziv uô. Bác sĩ Đinh Công Mạnh, Phưv giám đốc tsêr kho moz khav tênhv, taz viv tưz bax jông têx tsưr ziv trâu chor hnuz muôx ntux no chênhr zuôr txos: “Njuôk xav chêix ntux no shông 2025 jêx tưv zuôr kik đuô chor shông txơưr. Tsêr kho moz Sản Nhi  cux bax txâuk jông têx pav; tsik so qênhz shuôk, kho đuô chor kror trôngx, kror trêi; tas nro chor qar kho moz puôr lênhx muôx mêir uô sor txix tênhv, mêir râuz đêx sor đa cux tâu bax jông hur si”.

Txix chor mêir uô sor txix tênhv, pluôs nox sor so txos puôs chor mê nhuôv jông hâur niêv txir chêr cov sor, Tsêr kho moz Sản Nhi Lào Cai tsênhv sir jos uô cov tâu jông ngaz tuk, paz trâu chor nênhs moz nhoz tox siêz truôx siêz chiê hla tâu đhâu chêix ntux no./.

Thanh Thủy-Lik Thox cxêik nhênhv

Thông tư heik kriê Chei tưr thik khơưk kruôk thiêz Nghị định 152/2025

Cui tênhv cxuô lok tưr thik, khơưk kruôk

          Đros lênhx nênhs, tập thêv, ziv chuôz zis muôx yênhx tix jông mak nênhs sơưr thơưx Bộ, ban, nganhx, tỉnh kruôk lơưr vax huôv. Zos yênhx tix tax tâu jông, paz tâu trâu hâur Bộ, ban, nganhx, tỉnh lok sik vênhv thix nhoz Bộ, ban, nganhx, tỉnh lok sik tas nro têz qơưk mak khơưk kruô cấp têz qơưk lơưr ploz tsênhr cui tênhv.

          Đros tập thêv tsi muôx tsưr tsix đảng, đoàn thêv thâuv thix ziv khơưk kruôk hâur Pov cov yênhx tix tax tâu mak tsuv tso pov zos tập thêv tsi muôx tsưr tsix đảng, đoanx thêv.

          Nênhs sơưr thơưx Bộ, ban, nganhx, tỉnh thâuv ntâuk grê phongz yaox sik tưr hâur Bộ, ban, nganhx, tỉnh uô hâux lưv khơưk kruôk lơưr vax huôv. Bộ, ban, nganhx tsi thix ziv khơưk kruôk cấp têz qơưk đros lênhx nênhs tsi zos Bộ, ban, nganhx seiz car chuyên môn. Thâuv ntâuk grê phongz yaox sik tưr, đrâuv hâux lưv khơưk kruôk lơưr vax huôv, Bộ, ban, nganhx, tỉnh xeir lênhx nênhs, tập thêv muôx yênhx tix jông thix ziv khơưk muôz Thủ tướng chính phuv li ntơưr kruôk (đros phongz yaox sik tưr muôx six hơưv txix 3 shông ndê muk) xeir lênhx nênhs, tập thêv muôx yênhx tix jông tiv zix thix ziv Thủ tướng chính phuv seiz shuôk, heik Chủ tịch têz qơưk khơưk muôz Huân chương lox tôngv hov 3 (đros phongz yaox sik tưr muôx six hơưv txix 5 shông ndê muk).

Lênhx nênhs tâu xeir tax bê “Lox tôngv tiên tiến”, “Chiến sĩ tiên tiến”

Thông tư heik mênhx, hâux lưv xeir lênhx nênhs tax bê “Lox tôngv tiên tiến”, “Chiến sĩ tiên tiến” zos iz hâur têx lênhx nênhs uô tâu têx luôk hâux lưv li đrav kaz:

Lênhx nênhs cxaz chuôz tơưv txênhz, phưx vưv tơưv txênhz lok sik tsi nyei mak jông siêz chơưv paz tâu lênhx nênhs, têz qơưk, tsôngv px li chuôz zênhx chuôz tas uô trâus saz tsuv chơưv kho moz lơưr tsêr kho moz lok sik Tsênhv qơư y tế thax tsav ndê muk li ntâuk grê mak ntu kho moz tâu xav chiê xeir tsov tax bê “Lox tôngv tiên tiến”, “Chiến sĩ tiên tiến”;

Lênhx nênhs tâu tso muk cxaz chuôz thox cxov, cơưv nzir tsơưs đuô 1 shông, uô jông cui tênhv nhoz qơư thox cxov, kriê cxaz mak ntu cơưv shâuv tâu xav lok six hơưv uô côngz xưv ntơưv chiz coaz, tsưr tsix, taz viv chiê tâu xeir tsov tax bê “Lox tôngv tiên tiến”, “Chiến sĩ tiên tiến”. Zos lênhx nênhs tâu tso muk thox cxov, cơưv nzir txix 1 shông ndê muk, hâur ntu cxaz chuôz thox cxov, cơưv nzir tâu xav lok six hơưv chiê xeir tsov tax bê “Lox tôngv tiên tiến”; “Chiến sĩ tiên tiến”.

Đrâuv têx ploz tsênhr, theox chênhv lơưr cui tênhv cxuô, hâur nut cxaz chuôz thox cxov, cơưv nzir, lênhx nênhs tsuv uô trơưk qơư thox cxov li cui tênhv, uô tiêr jông hâux lưv cơưv ntơưr, tax chêx cuk cơưv txix khá ndê muk (đros têx khóa thox cxov, cơưv nzir muôx xeir zuôr chungz fênhx, khá, txơưx...);

Đros lênhx nênhs hlôngr côngz xưv lok sik tâu tso muk uô hâux lưv ntơưv chiz coaz, tsưr tsix, taz viv txơưr hâur iz ntu cui tênhv mak hâux lưv xeir tsov tax bê “Lox tôngv tiên tiến”; “Chiến sĩ tiên tiến” zos chiz coaz, tsưr tsix, taz viv muôx vax huôv côngz jênhv hâux lưv uô tiêr jênhv vưv (đros lênhx nênhs zos cán bộ, công chức, viên chức) lok sik chiz coaz, tsưr tsix, taz viv yiêz (đros lênhx nênhs tsi zos cán bộ, công chức, viên chức) uô. Zos muôx ntu uô côngz xưv hâur chiz coaz kuz txix 6 luz hlik ndê muk tsuv muôx chiz coaz kuz li ziv chênhv xav jênhv;

Tsi xeir zuôr khơưk muôz bê “Lox tôngv tiên tiến”; “Chiến sĩ tiên tiến” đros têx lênhx nênhs nhiv kruôr xeir zuôr lok uô hâux lưv tsi tâu nto 6 luz hlik./.

Bích Thủy-Txâur Vax cxeik nhênhv

Krêz đar cêr huôv tsar uô nox, hlôngr yiêz thax tsav tox siêz Sơn La

Đhâu thâuv muôz 3 luz xã Cà Nàng, Chiềng Khay thiêz Mường Chiên lok uô cê, xã Mường Chiên yiêz, tỉnh Sơn La muôx 21 jok, 5 heir nênhs zos: Poz Ziz, Hmôngz, Choz Tsiz, Cho thiêz Hmaz sik đros uô nênhx nhoz uô cê. Khov txix ntâuk grê chor xã thâuv ntêx têx muôx jông hâur qơư nhoz, hâu nov ntơưv qơư tưz tso tơưv nghị quyết lok huôv tsar kinh tế-xã hội, choz hâux lưv tsênhv tsênhz trâu yênhx jok; uô jông têx lênhx canr bôv, đảng viên, lâul jok, tsar jok cêr uô ntêx nyuôs hâur cxuô luôs hâux lưv, phôngz yaox, lar heik zos lok sâuv sik tưr huôv tsar uô nox uô hnar, cxuz cêr yeiz pluôs.....

Tiv zix, xã tưz uô tâu jông hâux lưv paz kêr txeik tsêr nhiêx tsênhv chei xã hội têx pênhr, muôz jông six hơưv, hnuz nhôngs...chiê ntâu chuôz zis pêx xênhv huôv tsar tu zus nhux tưv, chos ciêv fix thiêz cxuô zav tsoz chos nox txir muôx grik kinh tế li: mo môngk, txir lưk pax...., txix ntơư, paz gra siêz phênhv sâu thiêz jux juk truôx tuk luz nênhx. Tix lâus Lò Văn Chính, nhoz jok Ít Bót, xã Mường Chiên heik pâuz: “Thâuv ntêx, cur chuôz zis cux zos ziv chuôz zis pluôs, luz nênhx txov nhêv cơưk. Tâu hâu nov ntơưv qơư, lênhx sơưr thơưx paz kêr txeik pênhr yax mông, fuô kriê Tsêr nhiêx Tsênhv chei xã hội tsaz yênhx tso txeik pênhr, paz têx chuôz zis pluôs muôx pênhr huôv tsar uô nox. Cur chuôz zis sir zôngv chor pênhr nhiêx co zuôr nhux tưv lok zus chiê muôs. Txos nhiv no, cur chuôz zis phênhv ntâu tưz hla đhâu cêr pluôs, luz nênhx cux truôx tuk lơưv”.

Ntâu luôs hâux lưv huôv tsar uô nox yiêz cux tâu fuô uô ntơưv xã Mường Chiên li: Tu zus vuôz ciz ntơưv jok Pạ Lò, muôx 2 cxênhz tus, xav hur si pênhr yưx huôv tsar tu zus tas 950 tsov đeiv ntâu; hâur ntơư, têz qơưk paz xar muôx 490 tsov đeiv; lok sik hâux lưv huôv tsar chos yuôx đrox njuôz hâur têx xuz jôngr, muôx 16 ha, pênhr yưx uô tas 700 tsov đeiv ntâu.... Zơưv Lò Văn Châư, lênhx uô ntêx nyuôs chos yuôx đrox njuôz ntơưv jok Pạ Lò, xã Mường Chiên heik: “Trơưk li cur pâuz, qênhz shuôs huôz chuô, thax tsav qơư, lok six jông huôv tsar chos yuôx đrox njuôz hâur xuz jôngr. Cur cux zos lênhx nênhs uô ntêx nyuôs chos thiêz huôv tsar uô luôs hâux lưv no. Iz ha gra lok phênhv sâu tâu ntâu đuô pir li thâuv ntêx chos kok ntông. Thiêz uô hâux lưv no cê paz por hưv jôngr ntông, cê muôx phênhv sâu tâu trâu zuk thiêz têx chuôz zis”.

Txix têx luôs hâux lưv uô tâu trơưk tsưr ziv xuz thơưx ntơư, cấp ủy, hâu nov xã Mường Chiên tưz qênhz shuôs, ntâuk grê, fuô uô ntâu tsưr ziv chiê paz nthuôr đar hâur côngv thôngx trâu sơưr đơưk cơưv shâuv, uô trơưk; cxơưz huôv tsar kinh tế-xã hội, cxiv tsa jêx jok yiêz ntơưv qơư. Zơưv Cầm Văn Huy, Bí thư Đảng ủy xã Mường Chiên heik pâuz nzir: “Xã Mường Chiên xav tinhv hâur six cxiv 2025-2030 sir jos krêz uô têx muôx jông hâur thax tsav qơư chiê huôv tsar kôngz nuv tsơưr lươngv siêz, truôx vênhk. Lok sâuv hâux lưv, tsưr ziv, sir chos chox car, kriê cxuô cơ quan, taz viv thiêz cxuô jok, cxiv tsa têx đêx anr, tsaz yênhx; têx hâux lưv ntơư zuôr reik đros cxuô cơ quan, taz viv tâu choz seiz car, paz max têx jêx jok. Lar heik zos sir zôngv têz qơưk têx tsaz yênhx li pênhr, tsaz yênhx huôv tsar kinh tế-xã hội thax tsav tsôngv box heir nênhs tsơưs cux li tsaz yênhx huôv tsar truôx tuk qơư nhoz trâu tsôngv pêx xênhv lơưr đêx anr 666.... Hu lơưk, hu zâuv nênhs yưv pênhr uô sik đros doanh nghiệp, HTX muôx txâuk pênhr xưv, đas jos huôv tsar uô, lar heik zos sâu zuôr pêx xênhv têx xiv huv uô tâu”.

Tsi tiêk Mường Chiên xưz, 75 xã, phường ntơưv Sơn La cux tsênhv sir jos tso tơưv têx tsưr ziv, tsênhv chei uô lơưr hâur luz nênhx, tsưx phưv thiêz nzaz nzơưv têx pênhr paz huv đros trâu yênhx thax tsav qơư; vav chiê siêz zuôr paz pêx xênhv muôx nzir hâu cêr huôv tsar uô nox, muôx nzir phênhv sâu, cxơưz paz luz nênhx tsâu sor, jux juk txo grêkcêr pluôs truôx, hlôngr yiêz jêx jok tox siêz Tây Bắc./.

Thanh Thủy-Riê Lâux cxeik, nhênhv