Huôv tsar kôngz nuv hax huv-huôv tsar tox siêz Điện Biên hla đhâu cêr pluôk

Cuz thaz kruôr Hồng Phước- xiv huv kôngz nuv hax huv jông nhoz Điện Biên têx shôngk jê lok no tưz tâu ntâu lênhx nênhs hâur thax tsav thiêz oz chas tỉnh sir zôngv pâuz txos. No zos xiv huv tâu uô txix zơưv Lò Văn Pâng- iz lênhx nênhs mênhx cxưx Thái nhoz xã Nà Tấu, tỉnh Điện Biên li tsưr ziv xar tơưv. Zơưv chuôz zis li qơư tsiv uô nhoz kuôk ciêz tsênhv qơư Nà Tấu muôx nhos iz cei cêr. Têx ntu tsiv uô, txix đo hmôngr, liv hmôngr txos uô cuz thaz kruôr puôr lênhx zôngv meir thiêz chuôz zênhx yiêz uô; qơư jiêz cuz thaz kruôr tâu uô đar jông thiêz muôx trur their vor cov jông. Zơưv Pâng pheiz kênh, đros phênhv yưv pênhr muôx nhos 10 tỷ đeiv, iz hnuz qơư tsiv uô uô tâu 4 tênhr cuz thaz kruôr. Đros tsưr ziv tsiv uô thiêz muôv muôs li nhiv no txix 1,5 txos 2 tênhr iz hnuz, tsi xav nhiêx txiêx tưz yưv, zơưv chuôz zis sâu lok tâu muôx nhos 400 tsov đeiv iz luz hlik: “Cuz thaz kruôr Hồng Phước tâu muôv muôs sâuv niêv ciêz txix shông 2015, tâu côngz jênhv tax OCOP txix shông 2020 thiêz tuôr truôx txos nhiv no. Chiê xiv huv cuz thaz kruôr tax OCOP jông mak tsuv uô ntâu hâux lưv, txix têx ntâuz ntơưr, vêv xênhz taz por zav nox thiêz chox xiv huv muk njuôs siv tsơưr lươngv, muôx qơư tsiv uô thiêz muôv muôs taz por vêv xênhz”.

          Txix hlôngr yiêz siêz xar, tsưr ziv uô thôngz đhâu hâux lưv krêz uô têx tsaz yênhx, dự án paz txưv thax tsav tsôngv box mênhx cxưx tsơưs nênhs thiêz tox siêz, nhiv no, tsôngv box mênhx cxưx tsơưs nênhs nhoz Điện Biên tsi taz tsuôk pâuz chos tul tsi mak nox co, tu zus têx tsiêx cxu zôngx ziv tu zus....mak tưz txơưx xeir tsoz chos, tsiêx tu zus muôx tsiv grê kinh têr siêz, huv đros qiv hơưv, ar têz chiê tsêz chos thiêz tu zus, thiêz hâux lưv tsôngv box Hmôngz nhoz xã Na Sang sik đros hlôngr mênhv chêx ar têz chos poz cưk, chos blêx sâu tsi tâu siêz chiê chos txir pôngr lux zos iz luôk hâux lưv tsênhv tsênhz tso pov têx li heik sâuv. Zơưv Lý A Vừ- tsôngv box nhoz xã Na Sang puz pâuz: “Thâuv ntêx chuôz zis cux chos poz cưk, chos blêx taz sik sâu tsi tâu siêz, phênhv sâu tsuôk 15-20 tsov đeiv iz hecta. Nhiv no chos txir pôngr lux mak sâu tâu siêz đuô, iz shông iz chiv mak sâu tâu 80-100 tsov đeiv”.

          Têx tsaz yênhx, dự án li têx yênhx tix hâur huôv tsar kinh têr thax tsav tsôngv box mênhx cxưx tsơưs nênhs thiêz tox siêz tsênhv tâu tso pov tsênhz đhâu têx trâur nuv tu zus keiz đuz greis lơưr lênhx hluôk nênhs Hoàng Thị Linh nhoz jos Kê Nênh, phường Điện Biên Phủ, tỉnh Điện Biên li trâur nuv tu zus. Txix têx tul keiz đuz greik- iz nôngz keiz tiv phaz, ntâu cxênhx nênhs tsôngv box Hmôngz tsuôk tso kuk thiêz tsi tsoz phưz ntâu, chiê keiz chiv chir hloz lox thiêz zus chiê chuôz zis zôngv, chêx cuk kinh têr tsi siêz. Thâuv tâu cơưv shâuv yênhx tưv lok tu zus keiz mak Linh tưz cuiz tênhv yưv pênhr tu zus keiz đuz greik lơưr trâur nuv chuôz zis: “Trâur nuv mak tu zus lêx ntêr, greix kaz jông cur thiêx li muôs. Ntu cur zus ntâu tiv zix zos 500 tul, 2 luz hlik tror zus cxaz jas yiêz. Nhiv no cur tưz muôs tas keiz zuôr greix, tsuôk yuôr chor pox keiz tsês chiê ntês kê, puôs kê, tsênhv yuôr mak cur thiêx li muôs trâu sđ”

          Hâux lưv ntâu trâur nuv huôv tsar uô nox jông, tsưr ziv uô yiêz tâu krêz uô thiêz chox lok ntâu chêx cuk jông tso pov kôngz nuv, nôngx cxênhz nhoz tox siêz Điện Biên tsênhv hlôngr yiêz jông. Phênhv ntâu tsôngv box têx mênhx cxưx tsơưs nênhs tưz txơưx zôngv kôngz nuv hax huv. Ntâu trâur nuv kinh têr muôx chêx cuk zos txix tsôngv box Thái, Lào, Hmôngz lok sik Khơ Mú, hà Nhì....huôv tsar uô. Thiêz co zos têx tsênhv tsênhz chiê tox siêz ntus đriv Điện Biên yênhx trus huôv tsar, tsâu sor thiêz vav mênhx đuô./.

Thu Thùy-Txâur Vax cxeik nhênhv

Sơn La: Seiz car thiêz sir zôngv pênhr nhiêx TW tâu choz uô tsaz yênhx cxiv tsa jêx jok yiêz ntu 2021-2025, shông 2025 thâuv muôz iz cxiê cơ quan, taz viv lok uô cê uô hâux lưv lơưr 2 cấp

Tsaz yênhx cxiv tsa jêx jok yiêz li cui tinhv xưv lik nhiêx txiêx, têz qơưk têx pênhr nhiêx thâuv muôz iz cxiê cơ quan, taz viv lok uô cê thiêz cxiv tsa hâu nov ntơưv qơư lês uô cxuô luôs hâux lưv lơưr 2 cấp: Fuô uô trơưk têx cui tinhv cik txos chei têz qơưk nhiv no thiêz fuô kriê uô trơưk Bộ chính trị ntâuz ntơưr sôr 4205/BTC-NSNN hnuz xiêz 02/4/2025.

Lok sâuv phênhz nhiêx txiêx T.Ư (pênhr paz lês uô têx hâux lưv têz qơưk, pênhr yưv huôv tsar) uô tsaz yênhx ntu 2021-2025, shông 2025 (muôx hur si chor pênhr nhiêx hâur têx shông uô ntêx muôz fuô uô trâu shông 2025): Trơưk li yôngx 2 Grê 6, Thủ tướng Chính phủ Quyết định sôr 07/2022/QĐ-TTg hnuz 25/3/2022 cui tinhv, phênhz pênhr nhiêx txiêx T.Ư thiêz têx pênhr txeik, muôz uô tsaz yênhx cxiv tsa jêx jok yiêz ntu 2021-2025; seiz trơưk cui tinhv tsênhv tsênhz, Ủy ban cấp tỉnh bax qênhz shuôs, cxiv tsa tsưr ziv kho đuô, phênhz pênhr nhiêx T.Ư thôngz đhâu trâu HĐND đros iz cấp quyết định, taz por huv đros hâu nov ntơưv qơư lês uô cxuô luôs hâux lưv lơưr 2 cấp (tỉnh, xã).

Lok sâuv choz têx hâux lưv, dưv anr, tsưr ziv yưv pênhr côngz hâur ntu muôz iz cxiê cơ quan, taz viv lok uô cê, phênhz canr bov lês uô cxuô luôs hâux lưv lơưr 2 cấp: Uô trơưk têx cui tinhv cik txos chei têz nhiv no thiêz Bộ Nhiêx txiêx ntâuz ntơưr fuô kriê.

Luôs hâux lưv seiz car, sir zôngv têz qơưk têx chuôz zênhx, nhiêx txiêx tâu yênhx lix txix tsaz yênhx cxiv tsa jêx jok yiêz thâuv muôz iz cxiê cơ quan, taz viv lok uô cê thiêz cxiv tsa hâu nov ntơưv qơư uô têx hâux lưv lơưr 2 cấp: Uô trơưk chei têz qơưk cui tinhv lok seiz car, sir zôngv têz qơưk têx chuôz zênhx, nhiêx txiêx thiêz cơ quan muôx vax huôv fuô kriê.

Lok sâuv côngk nhav cxuô cơ quan, taz viv lês uô têx hâux lưv đhâu muôz iz cxiê cơ quan, taz viv lok uô cê thiêz cxiv tsa hâu nov ntơưv qơư uô hâux lưv lơưr 2 cấp uô tâu luôs hâux lưv cxiv tsa jêx jok yiêz

Uô ntêx thâuv cxuô taz viv heik sâuv tâu cấp muôx vax huôv quyết định fuô uô cxuô luôs hâux lưv muôz iz cxiê cơ quan, taz viv lok uô cê thiêz cxiv tsa hâu nov ntơưv qơư uô hâux lưv lơưr 2 cấp: Tror tsưr tsix qênhz shuôs, côngk nhav cấp tỉnh uô tiêr hâux lưv cxiv tsa jêx jok yiêz; cấp huyện uô tâu truôx jông luôs hâux lưv cxiv tsa jêx jok yiêz lok sik uô tiêr hâux lưv cxiv tsa jêx jok yiêz; xã uô tâu luôs hâux lưv cxiv tsa jêx jok yiêz truôx jông ntu 20212-2025 đros thiêz chor thax tsav qơư muôx ntâuz ntơưr cxix cxuô trơưk li Thủ tướng Chính phủ Quyết định sôr 18/2022/QĐ-TTg hnuz xiêz 02/8/2022 tso tơưv cui tinhv, ntâuz ntơưr côngk nhav, côngz fur thiêz sâu tsês quyết định côngk nhav thax tsav qơư ntơư uô tâu hâux lưv cxiv tsa jêx jok yiêz ntu 2021-2025 (tâu kho đuô, cxaz nzir trơưk Thủ tướng Chính phủ Quyết định sôr 03/2024/QĐ-TTg hnuz xiêz 07/3/2024) tax txos thâuv tâu cấp muôx vax huôv quyết định muôz iz cxiê cơ quan, taz viv lok uô cê thiêz tsưr tsix uô têx luôs hâux lưv lơưr 2 cấp.

Đhâu ntu li heik sâuv, nduô tsês tsi fuô uô hâux lưv qênhz shuôs, côngk nhav uô tâu luôs hâux lưv cxiv tsa jêx jok yiêz thiêz uô tiêr hâux lưv cxiv tsa jêx jok yiêz ntu 2021-2025 đros thiêz cấp tỉnh, xã tax txos thâuv muôx cơ quan muôx vax huôv ntâuz ntơưr fuô kriê. Iz chas ntơư, Ủy ban cấp tỉnh chox kriê cxuô cơ quan, thax tsav qơư cik txos qênhz shuôs, fuô uô têx hâux lưv, tsưr ziv tsênhv tsênhz, tror lês uô jông cxuô luôs hâux lưv lok cxiv tsa jêx jok yiêz ntu 2021-2025 huv đros yênhx thax tsav qơư thiêz ntu hlôngr yiêz.

Phênhv cxiv tsa jêx jok yiêz no zos Cơ quan Đeix nta suôz Việt Nam thax tsav faz Bắc đros Chi cục Kôngz nuv thiêz huôv tsar tox siêz Sơn La uô. Zâuv sơưr đơưk tror nriêr pâuz lok tsaz yênhx cxiv tsa jêx jok yiêz shông 2025 hâur têx tsaz yênhx tov kaz./.

Bích thủy-Riê Lâux cxeik, nhênhv