Huôv tsar kôngz nuv hax huv-huôv tsar tox siêz Điện Biên hla đhâu cêr pluôk

Cuz thaz kruôr Hồng Phước- xiv huv kôngz nuv hax huv jông nhoz Điện Biên têx shôngk jê lok no tưz tâu ntâu lênhx nênhs hâur thax tsav thiêz oz chas tỉnh sir zôngv pâuz txos. No zos xiv huv tâu uô txix zơưv Lò Văn Pâng- iz lênhx nênhs mênhx cxưx Thái nhoz xã Nà Tấu, tỉnh Điện Biên li tsưr ziv xar tơưv. Zơưv chuôz zis li qơư tsiv uô nhoz kuôk ciêz tsênhv qơư Nà Tấu muôx nhos iz cei cêr. Têx ntu tsiv uô, txix đo hmôngr, liv hmôngr txos uô cuz thaz kruôr puôr lênhx zôngv meir thiêz chuôz zênhx yiêz uô; qơư jiêz cuz thaz kruôr tâu uô đar jông thiêz muôx trur their vor cov jông. Zơưv Pâng pheiz kênh, đros phênhv yưv pênhr muôx nhos 10 tỷ đeiv, iz hnuz qơư tsiv uô uô tâu 4 tênhr cuz thaz kruôr. Đros tsưr ziv tsiv uô thiêz muôv muôs li nhiv no txix 1,5 txos 2 tênhr iz hnuz, tsi xav nhiêx txiêx tưz yưv, zơưv chuôz zis sâu lok tâu muôx nhos 400 tsov đeiv iz luz hlik: “Cuz thaz kruôr Hồng Phước tâu muôv muôs sâuv niêv ciêz txix shông 2015, tâu côngz jênhv tax OCOP txix shông 2020 thiêz tuôr truôx txos nhiv no. Chiê xiv huv cuz thaz kruôr tax OCOP jông mak tsuv uô ntâu hâux lưv, txix têx ntâuz ntơưr, vêv xênhz taz por zav nox thiêz chox xiv huv muk njuôs siv tsơưr lươngv, muôx qơư tsiv uô thiêz muôv muôs taz por vêv xênhz”.

          Txix hlôngr yiêz siêz xar, tsưr ziv uô thôngz đhâu hâux lưv krêz uô têx tsaz yênhx, dự án paz txưv thax tsav tsôngv box mênhx cxưx tsơưs nênhs thiêz tox siêz, nhiv no, tsôngv box mênhx cxưx tsơưs nênhs nhoz Điện Biên tsi taz tsuôk pâuz chos tul tsi mak nox co, tu zus têx tsiêx cxu zôngx ziv tu zus....mak tưz txơưx xeir tsoz chos, tsiêx tu zus muôx tsiv grê kinh têr siêz, huv đros qiv hơưv, ar têz chiê tsêz chos thiêz tu zus, thiêz hâux lưv tsôngv box Hmôngz nhoz xã Na Sang sik đros hlôngr mênhv chêx ar têz chos poz cưk, chos blêx sâu tsi tâu siêz chiê chos txir pôngr lux zos iz luôk hâux lưv tsênhv tsênhz tso pov têx li heik sâuv. Zơưv Lý A Vừ- tsôngv box nhoz xã Na Sang puz pâuz: “Thâuv ntêx chuôz zis cux chos poz cưk, chos blêx taz sik sâu tsi tâu siêz, phênhv sâu tsuôk 15-20 tsov đeiv iz hecta. Nhiv no chos txir pôngr lux mak sâu tâu siêz đuô, iz shông iz chiv mak sâu tâu 80-100 tsov đeiv”.

          Têx tsaz yênhx, dự án li têx yênhx tix hâur huôv tsar kinh têr thax tsav tsôngv box mênhx cxưx tsơưs nênhs thiêz tox siêz tsênhv tâu tso pov tsênhz đhâu têx trâur nuv tu zus keiz đuz greis lơưr lênhx hluôk nênhs Hoàng Thị Linh nhoz jos Kê Nênh, phường Điện Biên Phủ, tỉnh Điện Biên li trâur nuv tu zus. Txix têx tul keiz đuz greik- iz nôngz keiz tiv phaz, ntâu cxênhx nênhs tsôngv box Hmôngz tsuôk tso kuk thiêz tsi tsoz phưz ntâu, chiê keiz chiv chir hloz lox thiêz zus chiê chuôz zis zôngv, chêx cuk kinh têr tsi siêz. Thâuv tâu cơưv shâuv yênhx tưv lok tu zus keiz mak Linh tưz cuiz tênhv yưv pênhr tu zus keiz đuz greik lơưr trâur nuv chuôz zis: “Trâur nuv mak tu zus lêx ntêr, greix kaz jông cur thiêx li muôs. Ntu cur zus ntâu tiv zix zos 500 tul, 2 luz hlik tror zus cxaz jas yiêz. Nhiv no cur tưz muôs tas keiz zuôr greix, tsuôk yuôr chor pox keiz tsês chiê ntês kê, puôs kê, tsênhv yuôr mak cur thiêx li muôs trâu sđ”

          Hâux lưv ntâu trâur nuv huôv tsar uô nox jông, tsưr ziv uô yiêz tâu krêz uô thiêz chox lok ntâu chêx cuk jông tso pov kôngz nuv, nôngx cxênhz nhoz tox siêz Điện Biên tsênhv hlôngr yiêz jông. Phênhv ntâu tsôngv box têx mênhx cxưx tsơưs nênhs tưz txơưx zôngv kôngz nuv hax huv. Ntâu trâur nuv kinh têr muôx chêx cuk zos txix tsôngv box Thái, Lào, Hmôngz lok sik Khơ Mú, hà Nhì....huôv tsar uô. Thiêz co zos têx tsênhv tsênhz chiê tox siêz ntus đriv Điện Biên yênhx trus huôv tsar, tsâu sor thiêz vav mênhx đuô./.

Thu Thùy-Txâur Vax cxeik nhênhv

Sơn La: Sêiz car uô Tsaz yênhx cxiv tsa jêx jok yiêz thâuv uô lơưr chinhr quyền qơư 2 cấp

a) Lok sêiz car uô Tsaz yênhx cxiv tsa jêx jok yiêz lơưr tsưr ziv chinhr quyền qơư 2 cấp (tỉnh-xar):

- Kho đuô tsưr tsix uô Tsaz yênhx jêx jok yiêz lơưr chinhr quyền qơư 2 cấp tâu uô lơưr Chinhr phuv li cui tênhv thiêz chor cơ quan muôx vax huôv li chox kriê.

- Ủy ban cấp tỉnh chox kriê thôngx ziv hâux lưv uô Tsaz yênhx cxiv tsa jêx jok yiêz sâuv tas nro tỉnh lơưr tsưr ziv chinhr quyền 2 cấp trơưk đrav kaz no:

+ Suôv câuv Ban chox kriê têz qơưk chor tsaz yênhx cấp huyện thiêz Văn phòng Điều phối jêx jok yiêz cấp huyện li huôx tôngv;

+ Uô truôx jông Ban chox kriê têz qơưk chor tsaz yênhx cấp tỉnh thiêz chor xar yiêz tâu txar lok uô cê (zos tsuv uô);

+ Phêiz côngz đuô jênhv vưv cấp huyện sêiz car cov huv đros chor cơ quan hêik pâuz, paz hâux lưv trâu Ban chox kriê uô Tsaz yênhx jêx jok yiêz nhoz cấp tỉnh lok sik Ủy ban xar lơưr tsênhv njiêz, hâux lưv uô thiêz tsênhv tsênhz kriz uô;

+ Txos thâuv suôx câuv huôx tôngv, Ban chox kriê têz qơưk tsaz yênhx cấp huyện thiêz Văn phôngx Điều phối jêx jok yiêz cấp huyện muôx txơưx jênhv kho đuô thiêz choz zok ntâuz ntơưr lok Tsaz yênhx cxiv tsa jêx jok yiêz trâu cơ quan txêik jênhv, chiê paz trâu cơ quan yiêz tror kriz uô tâu ciês chor hâux lưv cxiv tsa jêx jok yiêz.

b) Đros têx taz viv hành chính cấp xar kriz uô kho đuô, tsưr tsix đuô:  Hâux lưv uô lơưr tsênhv chêi Tsaz yênhx jêx jok yiêz, tâu uô lơưr cui tênhv muôx nhoz Ủy ban Thường vụ Côx hôiv li Grê 15 Nghị quyết sôr 35/2023 hnuz 12/7/2023 lok kho đuô têx taz viv hành chính cấp huyện, cấp xar ntu 2023-2030, tsênhv tsênhz li đrav kaz:

- Zos tas nro chor xar tâu sơưv têx tsênhv chêi paz cxiv tsa jêx jok yiêz xưk iz zav tâu chiê lok uô cê: Tror uô lơưr têx hâux lưv, tsênhv chêi lok Tsaz yênhx jêx jok yiêz li thâu uô ntêx tsik tâu chiê lok uô cê tax txos thâuv muôx ntâuz ntơưr kho đuô, cxaz nzir, hlôngr đuô lok sik txos thâuv tas six hơưv kriz uô Tsaz yênhx jêx jok yiêz.

- Zos chor xar tâu sơưv tsênhv chêi tâu chiê lok đros chor xar tsik tâu sơưv tsênhv chêi tsaz yênhx jêx jok yiêz: ntơưv thax tsav tâu sơưv tsênhv chêi Tsaz yênhx jêx jok yiêz, tror uô li ntu thâuv tsik tâu chiê lok uô cê txos  thâuv cấp muôx vax huôv tso tơưv têx ntâuz ntơưr kho đuô, cxaz nzir, hlôngr đuô lok sik txos thâuv tas six hơưv uô Tsaz yênhx jêx jok yiêz.

- Zos chor xar hlôngr đuô bê hu đhâu kho đuô chiê lo uô cê: Sir zôngv taz viv hành chính li bê hu yiêz chiê tror uô tsênhv chêi li thâuv tsik tâu chiê lo uô cê.

Phênhv no zos Đaix nta suôz Viêt Nam thax tsav faz Bắc đros chi cục Kôngz nuv thiêz huôv tsar tox siêz Sơn La uô. Zâuv sơưr đơưk đros mnôngs nzir tsaz yênhx cxiv tsa jêx jok yiêz shông 2025 trâu tsaz yênhx txuôk nzir./.

Bích Thủy-Lik Thox cxêik nhênhv