Tỉnh tox siêz Sơn La sir jos phax tar zax zênhz hâur tsêr cơưv ntơưr

Uô ciês têx zav muôz pir, hêik pâuz lok cxuô zav zax zênhz yiêz jêik hâur têx zav nox, đêx hâuk, têx chuôz zênhx uô si, zênhz gaz ntơưr điện tử, txos trâu chor nênhs thav luk hêik txos qênhx shênhx phiv liv txix zax zênhz… co zos cưk kriê ntơưr thiêz shux xênhz Tsêr cơưv cxênhx oz Làng Chếu, xar tox siêz Tà Xùa, Sơn La li têx tsưr ziv chiê hêik kriê lok chêi têz qơưk tưz zos kror sưv jê, zôngx ziv pâuz, zôngx ziv ndo tâu. Cưk kriê ntơưr Nguyễn Hữu Tùng, Nênhs sêiz car Tsêr cơưv Cxênhx oz Làng Chếu puz pâuz: “Shux xênhz hâur tsêr cơưv mak 100% zos tsôngv box mênhx cxưx tsơưs nênhs, chiê chor shux xênhz pâuz tâu jông đuô, côngz xưv phax tar zax zênhz cux li yax kriê piêr pâuz chêi têz qơưk tâu tsêr cơưv kriz uô đros ciês hâur chor môn cơưv pêv lớp”.

Nhoz tox siêz, kuôk đêz têx đrôngs, pox nhuôs thiêz chor shux xênhz li txux chi, chênhz zênhv tsênhv tsơưs, muôx thax tsav qơư thâuv ntêx tưz zênhx phiv liv lok zax zênhz thiêz txiêz nanv xar hôiv….hâux lưv yax kriê, piêr kriê têx txux chi trâu chor shux xênhz tâu chor tsêr cơưv ntơưr sir jos kriz uô. Tiv zix zos paz trâu chor shux xênhz muôx tâu tsưr ziv, txux chi chiê por vêv zuk thâuv trâus chor nênhs fêv nziêk đas, hâuz nziêk sir zôngv zax zênhz, txar đêz, hêik pâuz chor nênhs fêv… Thắng Xênhv Lâux, shux xênhz lớp 8A2, Tsêr cơưv Cxênhx oz Làng Chếu hêik pâuz: “Cur tưz tâu chor cưk kriê ntơưr kriê têx txux chi lok six jông chiê pêz pâuz txar đêz zax zênhz, thiêz muk tsêr mak yax kriê trâu chor fôngx zưs sơưr đơưk nhoz hâur jok sik đros phax tar zax zênhz chiê por vêv tâu jông trâu zuk”.

Chiê uô tâu jông hâux lưv yax kriê, paz trâu chor shux xênhz pâuz, muôx txơưx jênhv thiêz uô jông lơưr têx chêi têz qơưk, ntâu luz tsêr cơưv tsênhv sik côngv đros chor cơ quan chuyên môn, li Viện Kiểm sát, Tòa anr, Công an… nhoz sâuv thax tsav tso canr bôv, chiến sĩ, kiểm sát viên tuôx kriê ciês têx tsưr ziv thiêz piêr kriê têx chêi ntơưv tsêr cơưv trâu shux xênhz pâuz.

Cưk kriê ntơưr Hoàng Mạnh Cường, Phưv Hiệu trưởng Tsêr cơưv Cxênhx oz Tô Hiệu, phường Chiềng Cơi (Sơn La) puz pâuz, tsêr cơưv ntơưr nhiv kruôr sik côngv đros Viện Kiểm sát thax tsav I tsưr tsix jiês yax kriê phax tar zax zênhz trâu 750 lênhx shux xênhz, chor shux xênhz cê tâu cxaz chuôz thik tưr Rung chuông vàng, cê nus têz, thav đros ciês chor kiểm sát viên… “Hâur qênhx shênhx zax zênhz tsênhv muôx jux juk trâu hâur tsêr cơưv ntơưr txix ntâu tsưr ziv, tâu mnôngs ciês chor kiểm sát viên thav, phêiz kênh tưz paz trâu chor shux xênhz pâuz tsênhz đuô lok têx phiv liv txix zax zênhz thiêz jênhv pâuz tâu têx phiv liv muôx nhoz iz ndis zuk. Đros zoz zux pháp luật zos têx jax cơưv hâur luz nênhx thiêz txơưx jênhv, paz cxiv tsa tênhv qơư cơưv ntơưr ngaz tuk, hur jông, tsik muôx zax zênhz thiêz tsik muôx ntâuk tsiv”.

Đros cxuô tsêr cơưv ntơưr têx sir jos, chor cơ quan, taz viv sik côngv đros, tỉnh Sơn La nhiv no cux tsênhv kriz uô jông 90 ntâu câu lạc bôv, tôv, đôiv, chor nênhs yax kriê chêi têz qơưk, đros xar muôx 3.300 hôiv viên, đoanx hluôk nênhs đros uô. Ntâu  tsưr ziv tưz thiêz tsênhv kriz uô tâu jông, li “Câu lạc bôv paz muôx tâu luz nênhx jông”, “Thax tsav qơư nhoz tsik muôx chor hluôk nênhs trâus têx txiêz nanv xar hôiv”; “Ntu cêr hluôk nênhs sêiz car”; “Tsêr cơưv ntơưr ngaz tuk-tsik muôx zax zênhz”… Têx tsưr ziv uô jông, txơưx xar tơưv tưz paz trâu chor shux xênhz, hluôk nênhs muôx tâu têx txux chi, chênhz zênhv thiêz tsưr ziv, sik côngv têk phax tar thiêz tir tar tâu jông zax zênhz hâur  tsêr cơưv ntơưr thiêz tas nro hâur côngv thôngx./.

Lê Hạnh-Lik Thox cxêik nhênhv

Luz nênhx vav mênhx txix jêx jok hlôngr yiêz nhoz Sơn La

Txox cêr muk lol chênhr hâur jok lox đar tâu luôv suôz jêz, xi măng đu lus, 2 saz ntus cêr zos chos têx ntông njuôz, pax tơưs yiêz jông jav ntơưv  jok Nghĩa Hưng, xã Mường Cơi, tỉnh Sơn La zuôr uô tsi tâu tiêr zos tsi muôx pêx xênhv muôz ar thiêz đảng viên hâur chi bộ uô ntêx nyuôs. Muôx tâu luz nênhx tsâu sor, vav mênhx đros thiêz têx vax ntông nox txir hloz lox jông, cêr jêx jok luôv suôz jêz, xi măng zôngx ziv muk lol, tsôngv pêx xênhv Nghĩa Hưng thâuv tưs tưz shir phaz lus thiêz muôx nzir cêr chiê siêz, njênhs njôngr thâuv đảng viên hâur chi  bộ, cấp ủy uô ntêx nyuôs: “Bí thư chi bộ uô tsar jok tưz moz siêz chox kriê, heik tsôngv niêv txir lax pêx xênhv huôv tsar uô nox, cxiv tsa luz nênhx. Pêz zuôr sik thôngx siêz, siz paz, siz kriê, sir jos huôv tsar uô nox uô hnar chiê tsưx phưv tâu jông jêx jok truôx tuk”.

Tsôngv pêx xênhv muôx cêr thôngx siêz zos khov têx lênhx hloz hâur jok Nghĩa Hưng yax kriê, uô ntêx nyuôs hâur cxuô cêr nuv. Txix têx zôngx ziv txos trâu hâux lưv lox thiêz phiv liv, zơưv Nguyễn Văn Cường, Bí thư chi bộ, uô tsar jok thâuv tưs tưz uô ntêx nyuôs chiê tsôngv niêv txir lax pêx xênhv cơưv shâuv, uô trơưk: “Zov chênhr zos heik tâu tsuv uô trơưk, kror tưs phiv liv zuk tsuv buôk ti muk tôngv zênhx, sik đros paz uô, pêx xênhv thiêx gra siêz tâu txux chi, tsưr ziv jênhv pâuz. Iz zav li, jok Nghĩa Hưng huôv tsar tu zus tsiêx cxu tsuv reik đros por hưv tênhx qơư hur si. Chênhr zos li heik co, cur chuôz zis tưz bax đhok uô 02 qơư trâu têx qir tsiêx cxu cov tsi kiêk nênhs, vuôz tsuôz, tsi so qêz suô qơư tu zus hur si, đu lus, thoz huk têx cưx đês cov đêx ntưk tâuk....đhâu co, yax kriê pêx xênhv thiêx mnôngs thiêz uô trơưk”.

Txix shông 2001, jok Nghĩa Hưng hlôngr chos têx tsoz chos nox txir. Ziv hnuz ziv huôv tsar chos ntâu jux juk. Chiê huôv tsar yênhx thax tsav chos ntâu têx tsoz chos li heik sâuv chiê muôs txir, cxiv tsa suôz bê thiêz muôx qơư sâu zuôr truôx tuk têx txir quýt, cxaz nzir phênhv sâu trâu pêx xênhv, zơưv Nguyễn Văn Cường tưz vênhv tôngv tsôngv pêx xênhv yênhx lix HTX. Chênhr viv tưz sưv đros têx tsưr ziv uô nox li thâuv ntêx, tsi xar đros luôs lưv tus côngv têk uô, têx hnuz xuz thơưx nhiv kruôr vênhv tôngv cux njiz trâus tsi tsơưs phiv liv, muôx kênh chuôz zis thâuv zơưv Cường muk txos qơư, lơưr tưz tsi xar njiz.

Đhâu 2, 3 shông sir jos uô đreiv luôs hâux lưv co, seiz pov zơưv Cường moz siêz cxiv tsa suôz bê trâu têx xiv huv txir quýt kaz jiz ntơưv qơư, viv muôx liv trâu sơưr đơưk, txos shông 2018, pêx xênhv Nghĩa Hưng tưz jông siêz, thôngx ziv đros zơưv Cường yênhx lix HTX chos tsoz chos nox txir, muôx 11 lênhx nênhs: “Yênhx lix HTX, cur cux zos iz lênhx nênhs uô ntêx nyuôs xar tsưr ziv uô, thiêz nhiv no cux zos nênhs uô hâux lưv hâur HTX. Cur uô nuv ntơưv no tsi zos viv chuôz zis, cur uô viv côngv thôngx chiê pêx xênhv sơưr đơưk hâur jok thiêz nhoz jê iz ndis muôx hâux lưv uô”.

Nghĩa Hưng huôv tsar chos tâu tsoz chos nox txir txix hli 4/2023, thâuv Nghĩa Hưng tâu côngk nhav uô tâu luôs hâux lưv cxiv tsa jêx jok yiêz truôx jông. Co cux zos jok xuz thơưx hâur huyện Phù Yên kuz, tỉnh Sơn La uô tâu luôs hâux lưv li heik sâuv, tsôngv pêx xênhv ziv muôx nzir cêr shir phaz, jông siêz, sir jos đros tsưx phưv thiêz uô jông đuô têx hâux lưv cxiv tsa jêx jok yiêz; sik paz sik đros huôv tsar chiê cxơưz gra luz nênhx iz hnuz tsâu sor, vav mênhx jux juk. Txos nhiv no, jok Nghĩa Hưng, xã Mường Cơi muôx zuôr xar 70% chuôz zis bluô nux, luz nênhx truôx tuk, xav kror đruôz đraz iz lênhx nênhs muôx phênhv sâu tâu 46 tsov đeiv ntâu iz shông, jok tsi yuôr chuôz zis pluôs, chuôz zis zuôr xar pluôs; têx txir quýt kaz jiz Nghĩa Hưng tâu côngk nhav OCOP thiêz tâu piêr kriê, muôs trâu ntâu qơư hâur ciêz đrôngs.

Jok Nghĩa Hưng têx luôs hâux lưv uô tâu co zos iz hâur têx jông chiê cxơưz cxiz tsôngv niêv txir lax pêx xênhv sơưr đơưk hâur jok thiêz tas nro cxix luôs chính trị ntơưv qơư sir jos sik đros cxiv tsa jêx jok yiêz truôx jông hâur tỉnh Sơn La.

Txos nhiv no, tỉnh Sơn La muôx 82 jok uô tâu luôs hâux lưv li heik sâuv, hâur ntơư 28 jok tâu côngk nhav uô tâu hâux lưv cxiv tsa jok yiêz truôx jông. Txix têx sir jos, tsưr ziv uô jông, huv đros yênhx thax tsav, cxuô jêx jok zuôr ziv hnuz ziv huôv tsar, pêx xênhv luz nênhx iz hnuz tsâu sor, hlôngr yiêz jux juk...., zos qơư khov jông chiê jux juk cxiv tsa jêx jok truôx tuk, vav mênhx./.

Lê Hạnh-Riê Lâux cxeik, nhênhv

Xiv huv OCOP- têx uô tâu jông hâur cxiv tsa jêx jos yiêz nhoz Sơn La

Đros muôx trôngz jôngr chiv xênhz jông jav, vênhx huôv chax chês jông đros têx siêz jông, phưx vưv jông tsôngv kruô ndis seiz uô si...tưz uô Homestay A Chu nhoz jos Hua Tạt, xã Vân Hồ, tỉnh Sơn La yênhx qơư ndis shuôk uô si zaz zâuv chôngz tsôngv kruô hâur thiêz saz đrâuv têz qơưk tuôx ndis seiz. Iz shông, thax tsav no tos yênhx châuv cxênhz jiês kruô ju lix, hâur co muôx 20% zos kruô sâuv ntiêx têz. Txix shông 2023 txos nhiv no, thâuv cxaz chuôz cxiv tsa xiv vhuv OCOP, Homestay A Chu tưz uô tâu ntâu siêz xar njôngr. Tix lâuk Tsu Xênhv Tsaz, tsưr Homestay no pheiz kênh: “Tâu cxaz chuôz lok tsaz yênhx OCOP, pêz tưz heik kriê tâu vênhx huôv, ju lix tiv phaz, li uô ntơưr Hmôngz, jov poz cưk uô mor cuôv, cok chiêz mur...Đhâu co, tsôngv kruô tâu pâuz txos vênhx huôv mênhx cxưx nhoz Hua Tạt; thôngx cxix chiê paz tâu nênhs Hmôngz muôx Homestay ntơưv thax tsav muôx phênhv sâu jông đuô thiêz muk lơưr tsưr ziv yiêz”.

          Zos iz hâur têx xiv huv tsênhv tâu tỉnh Sơn La muôz siêz, cxiv tsa xiv huv OCOP cấp têz qơưk, Công ty TNHH yuôx zêx li Bạch Trà mây thiêz xiv huv nto bê Tây Bắc, xã Tà Xùa, Sơn La tsênhv jux jus khav tênhv tâu tsơưr lươngv, suôz bê. Pos Nguyễn Thị Thắm, Giám đốc Công ty TNHH yuôx zêx thiêz xiv huv nto bê Tây Bắc njênhs njôngr, tsaz yênhx OCOP zuôr paz yuôx zêx lâuk shan tuyết yênhx puôk shông ntơưv Tà Xùa tâu chôngz lênhx nênhs hâur thiêz saz đrâuv têz qơưk pâuz txos: “Bạch trà mây zos yuôx zêx tsiv uô tsi zôngv công nghệ, cxuô zav meir, yuôx zêx tâu chiv chir uô viv li tsư kaz thiêz lok six jông hâuk. Pêz xar njôngr ntâu lênhx nênhs Việt, fôngx zưs sâuv ntiêx têz pâuz txos zav yuôx zêx kaz no, zôngx ziv hâuk đros nênhs lâuk thiêz hluôk nênhs”.

          Txix têx nôngz cà phê Arabica nhoz tox siêz Tây Bắc, HTX Ara-tay coffe, xã Mường Chanh, Sơn La cux tưz uô tâu têx xiv huv kaz nto bê, hâur co muôx Cà phê Aratay tax côngz jênhv OCOP tỉnh Sơn La. Giám đốc HTX niêv lâuk Cầm Thị Mòn puz pâuz, txix thâuv yênhx lix shông 2020, HTX tưz cxiv tsa bê xiv huv cà phê reik đros thax tsav qơư, lênhx nênhs, Sơn La, Tây Bắc li vênhx huôv chax chês jông. Txix hâux lưv xeir luz bê trâu HTX zos “ara” zos sâu lơưr nôngz bê cà phê Arabica, “tay” zos nênhs Thái, zos pox niêv li cxeik tês sâu đê txir. Niêv lâuk Cầm Thị Mòn đros têx pox niêv tsôngv box Thái nhoz no tsi taz qir tês yênhx lix HTX mak tsênhv sik côngv 300 ntâu ziv chuôz zis nôngx mênhx chiê tsiv uô truôx, yênhx trus hlôngr yiêz tsưr ziv siêz xar, ndar txos uô tâu xiv huv cà phê nto bê, muôx tsơưr lươngv siêz tuôv zênhv zoz qơưx niêv ciêz, muôz siêz tsiv grê xiv huv cà phê Sơn La: “Thâuv ntêx, pêz chos cà phê, sâu đê, tsiv uô lơưr tsưr ziv kuz, tsơưr lươngv cux xưk li grê muôs tsi siêz. Txix thâuv yênhx lix HTX, tưz chos thiêz tsiv uô cà phê nto bê, uô tsêr tax, têx chuôz zis cungz txir nhôngs mak pêz puz đê siêr 100%, muôz siêz grê muôs trâu têx chuôz zis...”

          Txos tas hli 11/2025, tỉnh Sơn La muôx 214 xiv huv OCOP; đros muôx 160 qơư cxaz chuôz cxiv tsa zos têx HTX, công ty, ziv chuôz zis muôv muôs, tuêv sik hux jos. Iz xiv huv puôr lênhx tso pov têx tiv phaz li têx muôs jông thiêz Sơn La cux tso tơưv qơư tsov txos têx xiv huv tâu xeir, muôz siêz lok tsơưr lươngv, tsiv grê, trơưk tsaz yênhx OCOP li chinhz yênhx, gôngr phênhv cxơưz tiês huôv tsar kinh têr nôngx cxênhz, hlôngr yiêz siêz xar, tsưr ziv uô, muôz siêz phênhv sâu thiêz hlôngr yiêz luz nênhx trâu pox nhuôk thiêz tsênhz tsênhz zos têx hlôngr yiêz jông trâu nôngx cxênhz Sơn La./.

Bích Thủy- Txâur Vax cxeik nhênhv