Tsêr cơưv tox siêz Sơn La đros têx tsưr ziv phax tar ntux no njiv

Txơưv jêx tưv grês kis, ntux no njiv, taz sik zuôr xar 500 lênhx shux xênhz nhoz 5 qơư cơưv ntơưr hâur Tsêr cơưv mê nhuôk zâu Hoa Mai, xã Mường É, tỉnh Sơn La tsênhv muk cơưv ntơưr cxix cxuô. Tsi muôx meir điều hòa, meir uô sor, taz sik nhoz têx kror trôngx, qơư cơưv ntơưr puôr lênhx tâu puô têx đeiv xốp, muôx krưk râuz đêx, muôx cxix cxuô pav sor chiê mê nhuôk xênhz huôx....Cưk kriê Quàng Thị Chiên, Tsêr cơưv mê nhuôk zâu Hoa Mai pheiz kênh: “Đros xã tox siêz Mường É, ntux no njiv, tas cik muk cơưv ntơưr lok six no. Pêz thâuv tưs cux tsov cưv uô cov lớp cơưv trâu mê nhuôk sor si, nox hâuk txâuk tsơưr pưr chiê taz por đas jos...”

          Nhoz tiv phaz tsênhv yuôr ntâu phêv liv li Mường É, shux xênhz li niêv txir khênhr muk uô jos đêz lok sik muk uô liêx têz, viv li xa mê nhuôk muk cơưv ntơưr, muôx tsêr cơưv cxơưx trâu mê nhuôk yênhx pluôk nox thiêz tâu pư sor si mak lok six tso siêz. Viv li, tsêr cơưv lok six tsov cưv txos mê nhuôk shux xênhz li hâux lưv nox hâuk, paz mê nhuôk muôx jông đas jos đuô. Cưk kriê Mè Thị Việt, Hiệu trưởng Tsêr cơưv mê nhuôk zâu Hoa Mai, xã Mường É puz pâuz: “Lok tsơưr pưr trâu mê nhuôk shux xênhz mak têx cưk kriê sik hlôngr xar têx pluok nox chiê huv đros cheix ntux no, taz por mê nhuôk tâu nox sor, hâuk bâu, muôx đêx sor nzuôr tês tơư hur si. Tsêr cơưv tsênhv sik côngv đros trạm y tế qênhz yuôx đas jos, taz por 100% mê nhuôk muôx jông đas jos hâur cheix ntux no njiv”.

          Yuôr đros hâux lưv taz por cơ sở cxuô zav hâur lớp cơưv, tsov cưv txos têx mê nhuôk shux xênhz, têx tsêr cơưv tưz chuv tôngv hlôngr yiêz tsưr ziv, six hơưv kriê ntơưr lơưr yênhx ntu thiêz qênhx shênhx qiv hơưv txơưr txar. Cưk kriê Nguyễn Văn Đoan, Hiệu trưởng Tsêr cơưv mê nhuôk zâu Mường É puz pâuz: “Qiv hơưv nhoz no lok six no njiv, têx hnuz ntux no njiv tsêr cơưv cux tưz muôx tsưr ziv phax tar no trâu shux xênhz, li hlôngr tsưr ziv thiêz six hơưv cơưv ntơưr, cơưv lis đuô, so nzor đuô...”

          Tsêr cơưv cux tsov cưv cxaz nzir yênhx tưv thiêz pênhr xưv txux chi trâu mê nhuôk shux xênhz chiê têx mê nhuôk chuv tôngv hnar sor, phax tar trâus tưx zav nox, taz por đas jos cơưv ntơưr; gôngr phênhv taz por shux xênhz muk cơưv ntơưr cxix cxuô thiêz tax tsơưr lươngv. Shux xênhz Lò Thị Thảo Vy, lớp 2A3, Tsêr cơưv cxênhx 1 Mường É pheiz kênh: “Cur tâu niêv thiêz txir, têx cưk kriê heik kriê, tuôr cov luz chêr sor si, thâuv muk cơưv ntơưr mak tsuv hnar trik yo sor, trâu vuôv txir cov tês tơư sor so...”

          Tsi taz nhoz Mường É, ntâu tiv phaz nhoz tox siêz Sơn La cux tsênhv lok six no njiv; têx qơư cơưv ntơưr, lớp cơưv ntux pok huôz thiêz muôx đâuk tê...Đros hâux lưv chuv tôngv phax tar ntux no, têx tsêr cơưv nhoz thax tsav tox siêz tsênhv hu lơưs, sik côngv têx tsưr tsix, lênhx nênhs siêz jong paz pav sor, trik yo sor, chuôz zênhx zuôr trâus chiê paz têx mê nhuôk shux xênhz muôx cxaz đas jos muk cơưv ntơưr, tiv zix zos thâuv qiv hơưv nov njiv li nhiv no./.

Lê Hạnh- Txâur Vax cxeik nhênhv

Jông siêz, thôngx ziv muôz ar uô cêr, cxiv tsa thax tsav Bình Thuận huôv tsar, vav mênhx

Chiê uô tâu luôs hâux lưv cxiv tsa jêx jok yiêz truôx thiêz krêz uô têx muôx jông ntơưv qơư lok huôv tsar ju lix, xã Bình Thuận, tỉnh Sơn La tưz vênhv tôngv tsôngv pêx xênhv sik đros muôz ar, paz côngz đas jos, nhiêx txiêx uô cêr muk lol. Iz chas ntơư, tsôngv niêv txir lax pêx xênhv 3 jok: Quỳnh Tiên Hưng, Kiến Xương thiêz Đông Quan tưz muôz zuôr xar 3 cxênhz xưv phaz ar têz, đros thiêz xar muôx 2 cxênhz tsoz yuôx zêx ntor luôx por tsês chiê krêz uô cêr muk lol. Niêv lâul Hoàng Kim Ngân nhoz jok Đông Quan heik: “Tâu hâur xã, hâur jok vênhv tôngv, cur chuôz zis cux muôz 60 xưv phaz ar têz chiê krêz uô cêr muk lol hâur đras liêx cov lox đar đuô, zôngx ziv muk đhâu”.

6 cêik cêr muk lol nhoz Bình Thuận sei đrơưv tâu uô tiêr, xav hur si tas muôx 2 tyv đeiv ntâu, hâur ntơư pêx xênhv paz zuôr xar iz tyv đeiv. Oz saz cêr, iz saz tâu krêz uô đar txĩ 1,5-2 thiêr. Đhâu thâuv luôv suôz jêz, xi măng tas, cêr zuôr đar muôx 8-10 thiêr. Iz chas co, zuôr zôngx ziv trâu têx lox muk lol đhâu thâux xa kôngz lôngk trâu tsôngv pêx xênhv thiêz tok xa kruô muk ndis shuôs têx trôngz yuôx zêx uô si. Xã Bình Thuận cux tưz vênhv tôngv pêx xênhv chos iz cxiê zav pax uô jông jav đros trâu pax lâus trơưk 2 saz ntus cêr, chiê uô trâu tênhx qơư yiêz, hur jông đuô. Zơưv Dương Gia Định, Chủ tịch Ủy ban xã Bình Thuận, tỉnh Sơn La heik pâuz: “Đảng ủy thiêz têx đoanx thêv hâur xã tror vênhv tôngv tsôngv lax pêx xênhv hâur shông zuôr txos zuôr tror paz côngz đas jos, muôz ar têz krêz uô cêr jêx jok đar đuô, chiê zôngx ziv muk lol, cxiv tsa jêx jok vav mênhx”.

Hâur iz ntuk tsi ntêr, xã Bình Thuận, tỉnh Sơn La tưz uô tiêr luôs hâux lưv vênhv tôngv tsôngv pêx xênhv muôz ar uô cêr muk lol thiêz chos têx ntông njuôz tâus ntus cêr chiê cxuô txox cêr jông đuô. No zos cấp ủy, hâu nov ntơưv qơư thiêz tsôngv pêx xênhv têx sir jos hâur cxiv tsa jêx jok yiêz, paz cxiv tsa thax tsav qơư nhoz jê trôngz Pha Đin ziv hnuz ziv huôv tsar, vav mênhx đuô./.

Thanh Thủy-Riê Lâux cxeik, nhênhv

PHÊNHV SEIZ CAR THIÊZ POR VÊV JÔNGR

          Grê 58: Ntor luôx, sâu zuôr xiv huv jôngr nuv hâur jôngr lâuk

          1.Chiê ntor luôx, sâu zuôr têx xiv huv jôngr nuv hâur jôngr lâuk tâu cui tênhv li đrav kaz:

          a) Tsưr jôngr zos tsưr tsix tsuv muôx tsưr ziv seiz car jôngr cov jông thiêz tâu chiz coaz têz qơưk muôx vax huôv thôngz đhâu;

          b) Tsưr jôngr zos ziv chuôz zis, lênhx nênhs, côngv thôngx tsôngv box ntor, cơư ntông muôx thix ziv thiêz tâu UB cấp huyện thôngx ziv.

          2. Hâux lưv ntor luôx, sâu zuôr xiv huv jôngr nuv hâur jôngr lâuk tâu uô lơưr Chei no thiêz Cui chế seiz car jôngr li cui tênhv.

          Grê 59: Ntor luôx, sâu zuôr xiv huv jôngr nuv hâur jôngr chos.

          1. Tsưr jôngr cuiz tênhv ntor luôx jôngr chos lơưr zuk li vax huôv.

          2. Zos jôngr chos txix pênhr nhiêx têz qơưk tsưr jôngr tsuv uô ntâuz ntơưr hồ sơ ntor luôx jôngr muôz trâu chiz coaz têz qơưk muôx vax huôv muôz pênhr nhiêx thôngz đhâu cuiz tênhv.

          3. Hâux lưv ntor luôx, sâu zuôr xiv huv jôngr nuv hâur jôngr chos uô lơưr cui tênhv hâur Chei no thiêz Cui chế seiz car jôngr.

Grê 60: Tsiv uô kôngz, jôngr, đêx nuv sik côngv, nhênhz chơưv khoa học, kriê ntơưr, huôv tsar uô ju lix ndis seiz trôngz jôngr chiv xênhz, uô si pêv har jôngr.

          1. Tâu chos sik shơư tsoz chos kôngz nuv, jôngr nuv, tu zus thiêz tu zus shuôz njês hâur har jôngr, tsi uô zênhr shar txos tsơưr lươngv jôngr.

          2. Tâu sir zôngv mênhv chêx ar tsi tâu muôx jôngr chiê tsêz chos kôngz nuv, tu zus shuôz njês sik côngv, tsi uô kiês nênhs ar têz, tsi hlôngr tsưr ziv sir zôngv ar jôngr.

          3. Tâu sik côngv muôv muôs, ndis seiz trôngz jôngr chiv xênhz, nhênhz chơưv khoa học, kriê ntơưr.

          4. Tâu chiv chir tsưr tsix, sik côngv, lok sik tsưr tsix, lênhx nênhs ntiêr jôngr, ntiêr tênhx qơư jôngr huv đros tsưr jôngr li vax huôv chiê uô ju lix, nox so.

          5. Tâu cxiv tsa côngz tsinhx phưx vưv ju lix trôngz jôngr chiv xênhz, nox so.

          6. têx huôx tôngv cui tênhv ntơưv Grê no uô lơưr Cui chế seiz car jôngr thiêz Pháp luật li têx cui tênhv txơưr cik txos./.

Tuyết Lan-Txâur Vax cxeik nhênhv