Khổng Lào- Huôv tsar uô nox thiêz cxiv tsa jêx jos yiêz nhoz ntus đriv

Hâur shôngk shông 2022, 6 lênhx pox niêv nênhs Thái nhoz jos Huổi Loỏng, xã Khổng Lào cuiz tênhv huôv tsar uô nox đros thiêz tsiv uô txir tsơưz kra kruôr txix ciês xiv huv chos tâu ntơưv tiv phaz. Tsi muôx pênhr nhiêx, muôx tsi ntâu chênhz zênhv, niêv ciêz sâu zuôr mak tsơưs... taz sik đros siêz sir jos huôv tsar uô nox, lơưr tưz truôx siêz cơưv shâuv, hlôngr yiêz tsưr ziv kỹ thuật thiêz cxiv tsa bê xiv huv trâu zuk. Xiv huv txir tsơưz kruôr Khổng Lào nhiv no tsi az zos xiv huv jông hâur tỉnh mak tsênhv tâu muôs ntơưv ntâu ntênhs ciêz tox siêz, yênhx xiv huv OCOP jông, krêz tơưv tsưr ziv huôv tsar kinh têr kôngz nuv jông nhoz tiv phaz. Niêv lâuk Phạm Xênhv Vax, iz hâur têx lênhx pox niêv sik côngv huôv tsar uô nox no pheiz kênh: “Chiê muôz siêz phênhv sâu trâu têx hluôk nênhs cux xưk li muôz siêz tiêu chí phênhv sâu hâur tsaz yênhx nôngx cxênhz nyiêz mak cur cux xưk li têx fôngx zưs sik đros tsiv uô, heik kriê xiv huv kôngz nuv tiv phaz”.

          Tsi taz muôx hâux lưv uô, muôz siêz phênhv sâu, chor pox niêv nênhs Thái no li trâur nuv tsênhv krêz tơưv chinhz yênhx huôv tsar uô nox hâur côngv thôngx, tiv zix zos pox niêv thiêz hluôk nênhs ntus đriv. Têx lớp kriê cxaz lok muôv muôs điện tử, pênhr xưv krêz đar niêv ciêz tưz paz tsôngv box truôx siêz đuô thâuv chox xiv huv tiv phaz lok hâur chor hax huv muôx tsiv grê.

          Đros thiêz huôv tsar kinh têr, Khổng Lào tsênhv tsov cưv cxiv tsa tênhx qơư nhoz uô nênhx hur jông. Nhoz Chi hội pox niêv jos Lang 2, đros 230 lênhx hội viên, phongz yaox tuôr jông vêv xênhz tênhx qơư, cêr muk lok hâur jêx jos tưz yênhx cêr uô nênhx jông hâur niêx hnuz. Niêv lâuk Pờ Thị Thao, Chi hội trưởng Chi hội pox niêv jos Lang 2 puz pâuz: “Cur thiêz ban seiz car cux tưz khiêz phêv jêx jos yax mông txos tsôngv box. Pir li tênhx qơư mak pêz cux tưz tôngv vênhx hội viên pox niêv hâur yênhx hli qêz suô cêr hur đu, iz ciêz iz jiês lok sik oz ciêz iz jiês. Yax mông por vêv phongz qơưx mak cux yax mông txos tsôngv box ntâu đuô thiêz”.

          Txix hnuz xiêz 1/7/2025, xã Khổng Lào tâu hlôngr yiêz thâuv sik côngv tas nro xã Hoang Thèn, Bản Lang thiêz Khổng Lào lok uô cê. Tas nro xã muôx 32 jêx jos, 3 cxênhz 400 ntâu ziv chuôz zis thiêz zuôr xar 17 cxênhz lênhx nênhs, phênhv ntâu zos tsôngv box Thái, Cho, Hmôngz thiêz choz tsiz sik đros nhoz uô nênhx. Đại hội Đảng bộ xã jiês tiv 1 nhiv kruôr đhâu tưz xav tênhv tsưr ziv txix nhiv no txos shông 2030 chox tiv phaz yênhx xã uô tiêr hâux lưv cxiv tsa nôngx cxênhz yiêz thax tsav ntus đriv.

          Txos nhiv no, xã tưz tax 16/19 ploz tsênhr nôngx cxênhz yiêz, tiv zix zos zaoz thôngz, đêx liv, y tế, tsêr cơưv, tsôngv box li phênhv sâu. Ntâu cêr muk lok hâur jos tâu cxiv uô bê tông; cxix luôk đêx liv taz por muôx đêx zưs chiê tsêz chos; tsêr cơưv, trạm y tế tax ploz tsênhr; phênhv sâu fênhx pheiz lênhx nênhs tax 42 tsov đeiv ntâu iz shông. Chor ziv chuôz zis pluôk txu grês ntâu, jêx jos hlôngr yiêz tsênhv tsênhz.

          Zơưv Đỗ Văn Quynh, Chủ tịch UB xã Khổng Lào, tỉnh Lai Châu puz pâuz: “Ntu zuôr txos, pêz zuôr chêx chôngk têx tsưr ziv chiê yax mông tsôngv px cxaz chuôz phongz yaox sik côngv tês cxiv tsa jêx jos yiêz muôz siêz. Cxơưz cxiz huôv tsar tsiv uô kôngz nuv hax huv, zôngv KHKT yiêz uô têx trâur nuv uô nox tập thêv, ziv chuôz zis huôv tsar uô nox, reik đros cxiv tsa bê xiv huv jông nhoz tiv phaz”.

          Txix têx lênhx pox niêv nênhs Thái nhoz jos Huổi Loỏng li hâux lưv huôv tsar uô nox, txos hâux lưv sik côngv đas jos cxiv tsa jêx jos yiêz, xã Khổng Lào, tỉnh Lai Châu tsênhv yênhx trus hlôngr yiêz jông txix ciês têx sir jos huôv tsar hâur côngv thôngx./.

Khắc Kiên-Txâur Vax cxeik nhênhv

Nus Bí thư Đảng ủy xã Chiềng Sung lok uô luôs hâux lưv hlôngr yiêz sôr

1.Thor cox puz pâuz, đhâu Ban chox kriê tỉnh Sơn La muôx tsưr ziv fuô uô lơưr Ban chox kriê T.Ư tsưr ziv sôr 02 thiêz Ban chox kriê 1363 li tsưr ziv sôr 03, nhiv no zos Ban chox kriê 2009 tỉnh Sơn La chiê uô têx luôs hâux lưv hlôngr yiêz số txix hnuz xiêz 01 hli 7 txos hnuz 31/12/2025, Đảng ủy xã tưz chox kriê fuô uô li chas?

Zơưv Nguyễn Tuấn Anh: Đảng ủy xã tưz yênhx lix Ban chox kriê, zos Bí thư Đảng ủy uô Tsar ban chox kriê, tso tơưv tsưr ziv lok huôv tsar khoa học, công nghệ, hlôngr yiez txux chi tsưr ziv, hlôngr yiêz sôr têz qơưk thiêz hlôngr yiêz têx ntâuz ntơưr hâur Đảng, choz hâux lưv tsênhv tsênhz trâu têx lênhx hâur Ban chox kriê. Fuô kriê Ủy ban yênhx lix tổ công nghệ sôr côngv thôngx jêx jok; yênhx lix tổ paz lês uô têx hâux lưv, ntâuz ntơưr ntơưv xã Chiềng Sung; cxiv tsa tsưr ziv yax kriê sâuv Cổng thôngz mông điện tử xã thiêz Fanpage Chiềng Sung. Sir jos lês uô cxuô luôs hâux lưv lơưr têx hlôngr yiêz hâur têz qơưk thiêz sâuv ntiêx têz, zuôr muôs hax huv đhâu điện tử, cêr uô nox yiêz; uô jông phôngz yaox “sơưr đơưk sik đros cơưv txux chi thiêz uô trơưk ntu hlôngr yiêz”; tsưr tsix kriê sđ têx luk hêik cxaz nzir đhâu VneID.

2.Yuôr xar iz đraz hli tưz tas shông 2025, têx luôs hâux lưv tso tơưv no tưz fuô uô tâu li chas, cox ho heik trâu sơưr đơưk pâuz?

Zơưv Nguyễn Tuấn Anh: Txos nhiv no, cxuô luôs hâux lưv uô hlôngr yiêz sôr, phênhv ntâu cux uô tâu trơưk tsưr ziv tso tơưv. Đảng ủy tưz chox kriê Văn phongx Đảng ủy heik trâu Tỉnh ủy thiêz cơ quan muôx vax huôv paz zuôr têx meir tính, chuôz zênhx phưx vưv uô hâux lưv; đas cir krêz 34 tài khoản sâuv qơư thôngz mông sêiz car uô hâux lưv hâur cxuô cơ quan đảng thiêz công chức cxuô ban Đảng. Chox kriê ủy ban xã kriz 30 tài khoảnhâur qơư sêiz car cxuô ntâuz ntơưr. Chor ntâuz ntơưr cir đhâu điện tử tax tâu 99%. Chor px sir zôngv Internet 65%, tax tâu muôx 104% hâux lưv tso tơưv.

3.Têx uô tâu li heik sâuv zos iz kro jông thiêz zos qơư chuôz jos chiê xã huôv tsar hâur ntu zuôr txos, uô li xã tsưr ziv fuô uô têx hâux lưv co zos li chas?

Zơưv Nguyễn Tuấn Anh: Tiv iz, thâuv tưs tưz fuô kriê thiêz uô jông trơưk T.Ư, Tỉnh ủy têx ntâuz ntơưr chox kriê, nghị quyết, suô luk; lênhx nênhs sơưr thơưx tsuv uô ntêx nyuôs, moz siêz lês uô jông cxuô hâux lưv zok muôz, muôx cêr thôngx ziv, huv đros, fuô kriê xar tơưv tsưr ziv jông chiê uô cov tâu truôx cxuô luôs hâux lưv tso tơưv.

Tiv 2 zos, hu zâuv thiêz sir zôngv tâu jông têx pênhr jos, muôz têx pênhr têz qơưk paz lok uô cê đros trâu canr bôv, công chức, viên chức thiêz pêx xênhv têx sik côngv paz.

Tiv 3, Zênhx max đơưk kho têx phiv liv zos zuk vax huôv thiêz heikhâu nov thênhv siêz paz đơưk kho têx phiv liv hâur ntu fuô uô ntơưv qơư.

Tiv 4, cxơưz tiês hlôngr yiêz sôr, hlôngr yiêz ntâuz ntơưr hành chính, uô tâu truôx jông cxuô luôs hâux lưv phưx vưv tsôngv pêx xênhv.

Tiv 5, moz siêz choz kriê txux chi tsưr ziv xar; sir jos qênhz yuôx, seiz kaz, ntâuk grê thiêz phênhz canr bôv, lênhx nênhs, hâux lưv uô huv đros.

4.Đảng ủy xã zuôr tror chox car, chox kriê li chas chiê uô tâu truôx jông luôs hâux lưv hlôngr yiêz sôr?

Zơưv Nguyễn Tuấn Anh: Zos iz lênhx sêiz car, pêz cux uô truôx jông luôs hâux lưv chox kriê, seiz kaz, ntâuk grê luôs hâux lưv uô lơưr hlôngr yiêz sôr. Tror tsưr tsix fuô kriê T.Ư Nghị quyết sôr 57-NQ/TW, fuô uô cxix cxuô têx hâux lưv zos Tỉnh ủy Ban chox kriê 2009 choz. Qênhz shuôs thiêzhêik cấp muôx vax huôv paz cxiv kho, tik xor mạng Internet chiê 100% jêx jok muôx mạng xã hội. Cxơưz cxiz thiêz tror tso canr bôv, công chức muk paz pêx xênhv sir zôngv mạng xã hội, zuôr muôs hax huv đhâu điện tử. Cxơưz cxiz uô lơưr khoa học kỹ thuật hâur huôv tsar tsêz chos kôngz lôngk, sik tưr hlôngr yiêz tsưr ziv huôv tsar nox.

Uô cox tsâus ntâu!

Thanh Thủy-Riê Lâux cxeik, nhênhv

Lênhx tuz hluôk Hmôngz uô bluô nux ntxix tu zus njêl đêx txiêk

Tsôngv pox nhuôs sơưr đơưk hmor yuô! Đros sir jos uô bluô nux khov trâu têx kror liv muôx ntơưv zuk thax tsav qơư nhoz, tix lâus Xưv Xênhv Hơưx (jok Pú Cang, xar Nậm Khắt, tỉnh Yên Bái) tưz sir jos uô tâu trơưk li zuk siêz xar, tu zus tâu jông chor njêl hồi, njêl tầm xuz thơưx ciês, tưz paz trâu tix lâus huôv tsar tâu kinh têr, uô bluô nux ciês ntơưv zuk qơư nhoz.

Đhâu tơưv tuz lênhv tror lok tsêr, đros siêz xar huôv tsar uô nox khov trâu têx kror liv zênhx muôx ntơưv zuk qơư nhoz, tix lâus Xưv Xênhv Hơưx tưz muk trâu Sa Pa (Lào Cai) cơưv shâuv thiêz nriêr pâuz lok hâux lưv tu zus njêl đêx txiêk”. Pâuz tâu têx txux chi xuz thơưx co, tix lâus Xưv tưz sêiz lax đros oz tuk tix lâus sik côngv pênhr nhiêx chiê kriz uô tsưr ziv tu zus njêl no.

Đros chor pênhr nhiêx muôs 400 triệu đêiv xuz thơưx, tix lâus Xưv 3 lênhx cưr tix tưz khơưz pak đêx thiêz zuôr 4.000 tuk njêl hồi nông lok zus siv. Thiêz tsuôk đhâu xar muôx iz shôngz, muôx 2 tấn ntâu njêl tưz tâu muôs trâu sâuv ciêz đrongs đros tas nro chor nhiêx sâu tâu lok muôx 400 triệu đêiv ntâu, xav tas têx côngz đas jos uô yuôr muôx 100 triệu đêiv ntâu nhiêx liv. Chor njêl xuz thơưx ciês muôs tâu no tưz paz trâu tix lâus 3 cưr tix tror sir jos kriz đar nzir qơư tu zus chor njêl đêx txiêl no.

Chiê uô tâu nox jông, tix lâus Xưv Xênhv Hơưx tưz tas muôx 5 shông muk zok nriêr đêx zus cov huv đros. Đhâu thâuv zok nriêr tâu hâur đêx ntơưv jok Làng Sang, muôx đêx nyiêz, jêx tưv huv đros chiê zus njêl thiêz muôx đêx yênhx shông, tix lâus tưz cuêz tênhv sir zôngv kror qơư thiêz chor đêx no chiê kriz uô qơư tu zú njêl.

Taz sik, no zos pox nhuôs hâur jok chor liêx têz. Chôngz lênhx nênhs cxơưx hâux lưv tu zus njêl pêv hâur đêx li no zuôr uô trâu chor đêx đro, uô phiv liv txos pox nhuôs li xênhz huôx, uô nox. Tix lâus Xưv tsuv tas iz shông chiê hêik pox nhuôs tiêk, zus njêl tầm, njêl hồi tsuv zos chor đêx nyiêz hur đuô đêx zuk sir zôngv. Zos chor đêx tsik nyiêz hur jông mak chor njêl zuôr trâus tuôs uô ntêx ciês. “Cur uô jông thav đros yênhx chuôz zis, hêik tsar jok thiêz chor nênhs muôx suôz bê paz đros hêik. Uô kaz ciês, pox nhuôs cux pâuz thiêz thôngx ziv đros”, tix lâus Xưv hêik pâuz li co.

Tâu pox nhuôs thôngx ziv, tix lâus Xưv cuêz tênhv pâur zuk chor liêx zuôr chor ar têz nhoz pêv hâur đêx. “Liêx têz zos kror zov chênhr paz trâu cur luz nênhx, taz sik cur cux jông siêz muôz pâur. Cur njênhs trâu zuk tsưr ziv, siêz xar, thiêz zos uô tâu, pox nhuôs cux zuôr cơưv shâuv thiêz đros huôv tsar uô”, tix lâus Xưv hêik.

Tix lâus Xưv puz pâuz, tu zus chor njêl đêx txiêk mak tsik khưr hnhar bâuv li uô kôngz nuv, taz sik ho muôx tâu tsiv gri kinh têr siêz đuô lok six ntâu. Hâur shôngk shông 2024, tix lâus kror qơư tu zus njê tror yưv pênhr chiê cxiv tsa nzir 2 luz pak đêx thiêz zuôr 4.000 tuk njêl hồi nông, 3.000 tuk njêl tầm nông lok zus. Txos nhiv no chor njêl tầm tưz hnhar xar muôx 1 cir iz tuk thiêz njuôk xav zuôr paz trâu chuôz zis muôx tâu phênhv sâu siêz.

Taz sik, lơưr tix lâus Xưv, tu zus chor njêl no mak tsuv muôx têx tsưr ziv, kỹ thuật siêz đuô pir li zus chor xav tsiêx txơưr. Uô cov jêx tưv đêx truôx tuk thiêz paz muôx tâu chor oxy huv đros zos iz kror lok six lax uô, chor đêx tâu tok lok thiêz tso đêx ntưk muk tsuv tâu uô cov huv thiêz tsuv qênhz yuôx tsik so.

Txos nhiv no, njêl hồi tưz paz muôx tâu phênhv sâu truôx, njêl tầm tsênhv nhoz trâu ntu huôv tsar, njuôk xav zuôr paz muôx tâu phênhv sâu siêz đuô. Tsik zos li no xưz, tix lâus Xưv xav tiêk zuôr kriz đar qơư zus njêl, huôv tsar nzir dịch vuv du lịch têx đrox tsuôs, chiv xênhz, chiê tsôngv kruô zuôr cxov ciês tâu njêl, nox ciês njêl ntơưv kror qơư tu zus no.

Txix thax qơư muôx ntâu poz jêz, tix lâus Xưv tưz uô tâu jông tsưr ziv tu zus njêl hồi, njêl tầm xuz thơưx ciês hâur xar, paz muôx tâu phênhv sâu siêz. Đoàn xar Nậm Khắt tưz tsưr tsix trâu chor hluôk nênhs hâur xar tuôx ndis shuôk tix lâus kror qơư tu zus chir cơưv shâuv chênhz zênhv, kriz đar nzir tsưr ziv uô bluô nux no.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc sik côngv đros Tsênhv qơư cxơưz cxiz uô kôngz Têz qơưk uô./.

Thào Ly TH-Lik Thox cxêik nhênhv