Lào Cai:Uô jông luôs hâux lưv phax tir thêir chor nênhs zuôr muôs hax huv chuôr hâur kaz shôngk shông

Uô trơưk li Chính phủ thiêz Ủy ban tỉnh Lào Cai chox kriê, jiês sơưr tơưv txênhz, phax tir thêir zuôr muôs têx hax huv chuôr, hax huv tsi jông tưz fir fuô uô trâu cxuô thax tsav qơư. Têx lênhx nênhs uô ntêx nyuôs txix Hải quan, tuz lênhv pênhz phax, Công an txos trâu chor nênhs seiz car ciêz đrôngs tsênhv sik hux jos truôx, qênhz yuôx ntov jông txix ntus đriv txos yênhx thax tsav.

Ciês chor nênhs lês uô luôs hâux lưv seiz car ciêz đrôngs, hâur 11 luz hlik shông 2025 tưz qênhz yuôx iz cxênhz ntâu txuz, xưv bluô xar muôx 900 txuz nuv uô cxâuv, sâu tâu muôx 7 tyv đeiv ntâu nhiêx trâu têz qơưk. Ntâu txuz fax thâux zav nox tsi pâuz tsênhz qơư li: Co tơư keiz tsês txiêk, suz thax, nôngz hlis.....tưz trâus qênhz pov. Taz sik têx hâux lưv li heik co ziv hnuz ziv phiv liv đuô, viv chor nênhs zuôr muôs tsi so hlôngr tsưr ziv uô hâux lưv, cêr lus muk lol. Zơưv Đỗ Du Bắc, Chi cục tsar Chi cục seiz car ciêz đrôngs tỉnh Lào Cai heik li no: “Têx lênhx nênhs zuôr muôs hax huv tsi trơưk chei ziv hnuz ziv txơưx njê đuô, muôx tsưr ziv jêik jông, uô lưv lươngv muôx vax huôv cux tsuv hlôngr pâur thiêz zok nriêr cxuô faz tsưr ziv txơưr đuô chiê phax tir thêir zênhx max têx lênhx nênhs ntơư”.

Thiêz ntơưv têx trôngx đriv, thax tsav chor nênhs zuôr muôs hax huv chuôr, hax huv tsi jông thâuv tưs tưz zok nriêr cxuô hâu cêr muk lol đhâu chiê tsi trâus cơ quan muôx vax huôv qênhz yuôx, taz sik txix têx tsưr ziv fuô uô jông, lưv lươngv Hải quan tưz qênhz pov thiêz xưv bluô zênhx max 270 ntâu txuz nuv. Pos Nguyễn Thị Thanh Bình, Phưv seiz car Hải quan trôngx đriv ntiêx têz Lào Cai heik pâuz, txix têx txuz nuv, tsưr ziv pâuz tâu uô ntêx ntơư, jiês no zuôr uô đrux đuô luôs hâux lưv qênhz yuôx shuôs têx hax huv uô ntêx thiêz đhâu tsiêz têz qơưk: “Tiv iz, pêz tso nênhs lês uô truôx jông têx hâux lưv zok muôz, sir jos qênhz yuôx qênhz shuôs cxuô zav hax huv uz no. Tiv 2, yax kriê, vênhv tôngv doanh nghiệp thiêz pêx xênhv pâuz tsênhz, uô jông trơưk chei têz qơưk têx cui tinhv. Tiv 3, fuô uô jông cxuô faz tsưr ziv, sir zôngv têx chuôz zênhx kỹ thuật jông chiê phưx vưv hâux lưv qênhz yuôx, qênhz shuôs, zênhx max qênhz pov thiêz xưv bluô chor nênhs uô cxâuv”.

Hok nhoz trâu tas nro thax tsav ntus đriv, chor tuz lênhv Pênhz phax tỉnh cux tso nênhs nhoz trơưr ntơưv qơư, têx cêr lus muk lol đhâu đros trâu ntâu paz qênhz yuôx shuôs têx đriv têz , lar heik zos hâur 3 luz hlik zuôr txos. Zov chênhr zos phax tir thêir, xưv bluô txos qơư chor nênhs thâux gra tsi trơưk chei têx triêv fov, nhiêx txiêx, chuôz zênhx zôngx ziv tơưs cuz..... Đại tá Nguyễn Phi Khanh, thơưx seiz car tuz lênhv Pênhz phax tỉnh Lào Cai heik mênhx, chiê uô tâu jông têx luôs hâux lưv heik sâuv tsuv muôx sơưr đơưk cêr sik thôngx siêz truôx, siz paz jông: “Hux jos truôx, uô lơưr Chính phủ Nghị định 03 lok cui tinhv sik hux jos nhoz Hải Quan, tuz lênhv pênhz phax thiêz Công an, cxiv tsa tsưr ziv sik hux jos; iz chas ntơư fuô uô luôs hâux lưv phax tar têx nênhs fêv, nênhs uô cxâuv chei têz qơưk hâur thax tsav ntus đriv, tsưx phưv truôx tuk chính trị, truôx tuk xã hội nhoz ntus đriv, đriv têz”./.

An Kiên-Riê Lâux cxeik, nhênhv

Uô tsaz yênhx têz qơưk li qơư tsov txos lok cxiv tsa jêx jos yiêz

Côngz xưv uô tiêr cơ chế, chính sách thiêz cxix luôk ntâuz ntơưr heik kriê uô tsaz yênhx têz qơưk li qơư tsov txos lok cxiv tsa jêx jos yiêz:

          a) Côngz xưv chox kriê uô tiêr thể chế, cơ chế, chính sách, cui tênhv krêz uô Tsaz yênhx têz qơưk li qơư tsov txos lok cxiv tsa jêx jos yiêz tror tâu Ban chox kriê tỉnh tsov cưv thiêz uô uô cê. Têx sở, ban, nganhx, têx tiv phaz tưz chuv tôngv nhênhz chơưv, tso tơưv têx ntâuz ntơưr quy phạm pháp luật, cơ chế seiz car, heik kriê tsưr tsix uô tsaz yênhx têz qơưk li qơư tsov txos lok cxiv tsa jêx jos yiêz ntu 2021-2025 hâur tỉnh taz por trơưk cui tênhv.

          b) Ntâuk grê tỉnh Sơn La li têx cơ chế, chính sách, cui tênhv, heik kriê lok cxiv tsa jêx jos yiêz txos nhiv no tưz tâu tso tơưv cxix cxuô, trơưk cui tênhv, vax huôv, uô muôx chêx cuk thiêz tâu krêz uô jông hâur luz nênhx. Uô luz nênhx kôngz nuv, nôngx mênhx, jêx jos hlôngr yiêz jông, chuôz cxaz đas jos thiêz pháp lý trâu ntâu KTXH cxaz chuôz gôngr côngv, cxiv tsa jêx jos yiêz sâuv tas nro tỉnh.

          Côngz xưv chox kriê, seiz car, phuôx tôngv têx phongz yaox sik tưr, yax mông, vênhv tôngv, muôz siêz pênhr xưv thiêz qênhz yuôx seiz car uô Tsaz yênhx

          Yênhx lix Ban chox kriê têx cấp, pưv phênhv paz hâux lưv têx cấp:

- Cấp tỉnh: Tỉnh Sơn La tưz thôngx ziv, yênhx lix 2 Ban chox kriê muôx: 1 Ban chox kriê zos tỉnh ủy cuiz tênhv yênhx lix chiê lênhs tov, chox kriê huyện Quỳnh Nhai (kuz) tax ploz tsênhr jêx jos yiêz lok shông 2025, tsar ban zos đồng chí Phưv bí thư thường trực tỉnh ủy; 2 Ban chox kriê têx Tsaz yênhx têz qơưk li qơư tsov txos tỉnh zos UB tỉnh cuiz tênhv yênhx lix chiê chox kriê, seiz car cxuô trâu 3 tsaz yênhx têz qơưk li qơư tsov txos, Tsar ban chox kriê zos đồng chí Chủ tịch UB tỉnh, muôx têx lênhx nênhs hâur Ban chox kriê lơưr trung ương li cui tênhv. Têx ban chox kriê tâu yênhx lix lơưr vax huôv, yênhx lix têx tuêv paz hâux lưv chiê chuôz tsar côngz xưv sik côngv, uô jông yênhx jênhv vưv hâur yênhx shông. Ban chox kriê têx tsaz yênhx têz qơưk li qơư tsov txos cấp tỉnh, pưv phênhv paz hâux lưv tưz tâu tỉnh yênhx lix đhâu thâuv sik côngv chính quyênx têx cấp.

          - Cấp huyện, cấp xã: Cấp huyện, TP, thị xã (kuz) yênhx lix Ban chox kriê 3 Tsaz yênhx têz qơưk li qơư tsov txos lơưr pheiz cấp, vax huôv. Tsar ban zos chủ tịch UB đros cấp, lênhx nênhs hâur Ban chox kriê bâuv cấp tỉnh. Thâuk sik côngv chính quyênx têx cấp, Ban chox kriê tỉnh tưz tso tơưv ntâuz ntơưr số 06 hnuz xiêz 10/7/2025, chox kriê têx xã, phường tror yênhx lix đuô Ban chox kriê cấp xã, phường, txos nhiv no muôx 75 xã, phường tưz tror yênhx lix đuô Ban chox kriê, pheiz côngz jênhv vưv tsưr tsix uô Tsaz yênhx.

          - Cấp jêx jos, thax tsav qơư: Tsaz yênhx têz qơưk li qơư tsov txos lok cxiv tsa jêx jos yiêz tror tuôr truôx, hlôngr yiêz têx Ban seiz car cxiv tsa jêx jos yiêz nhoz têx jêx jos, thax tsav qơư tâu yênhx lix txix ntu 2016-2020.

          Côngz xưv phuôx tôngv têx phongz yaox sik tưr, yax mông, vênhv tôngv – Phongz yaox sik tưr “Sơn La sik côngv đas jos cxiv tsa jêx jos yiêz” tror tâu Ban Tuyên giáo thiêz dân vận tỉnh ủy, UB MTTQ VN tỉnh thiêz têx tsưr tsix Chính trị- xã hội, têx Sở, ban, nganhx, têx huyện, TP, thị xã, cơ sở xã, jêx jos tsưr tsix krêz uô yênhx têx phongz yaox sik tưr, têx cxiv vênhv tôngv tsênhz mênhx trâu yênhx lênhx nênhs, hội viên. Hâur co tiv zix zos têx Tsaz yênhx nox nhoz xã hội, cik txos tsôngv box luz nênhx tsênhv tsênhz tâu tsov cưv chox kriê li Tsaz yênhx cxuôv tsêr lav uô, tsêr xơư nas, tsaz yênhx BHYT, tsaz yênhx paz huôv tsar uô nox, phongz yaox “hnuz ciêz hur jông nhoz tiv phaz”

          - Côngz xưv yax mông, vênhv tôngv, tror tâu heik kiê, chox kriê uô txix ciês têx hnuz xuz thơưx hâur six cxiv, têx chiz coaz yax mông thôngz xor mông hâur thiêz đrâuv tỉnh tưz chuv tôngv, sir jos sik côngv đros chính quyênx, đoanx thêv têx cấp yax mông, thôngz xor mông têz qơưk li têx chủ trương, chính sách pháp luật, têx tsưr ziv uô jông, têx trâur nuv jông./.

          Vừ Chu- Txâur Vax cxeik nhênhv  

Quỳnh Nhai huôv tsar ngênhx uô têx shuôz njêl muôs, paz muôx phênhv sâu tâu nhiêx txiêx trâu pêx xênhv

Qơư uô kinh doanh Đào Thị Hiếu, xar Quỳnh Nhai, tỉnh Sơn La ntâu shông no tưz khav tênhv tâu côngz bê lok têx hax huv uô txix chor njel zus hâur vax thêir nhoz pak đêx Đas li grêix njêl jov mok, grêix njel kruôr tsông lưx mok. Tiv zix, chor grêix njêl jov mok đêx Đas tâu côngz jênhv zos OCOP hov 3. Iz hli, qơư uô tưz paz muôx hâux lưv uô thiêz phênhv sâu 6 triệu đêv trâu 3 lox tongv thiêz muôs tâu xar muôx 1 tấn hax huv, paz gra siêz tsiv gri têx suôz njêl ntơưv thax tsav qơư. Niêv tix Đào Thị Hiếu puz pâuz: “Cur tsưr ziv xuz thơưx hâur uô têx hax huv zos cov chor nênhs zuôr muôx jông đas jos. Thâuv uô mak pez uô truôx jông lơưr têx tsưr ziv lok ngaz tuk vêv xênhz zav nox”.

Hok ntơưv thax tsav qox Pá Uôn, ntâu shông lok no, pêx xênhv cê muôs, cê uô chor hax huv txix chor njêl ntâuk cxov tâu hâur pak đêx tênhv. Đhâu cxov tâu chor njêl no tâu muôz uô hur têx plaz hnhur ntiv hâur hnaz lơưr cir, gri muôs txis 50 txos 200 cxênhz đêiv, paz muôx hâux lưv uô trâu yênhx châuv ziv chuôz zis uô nênhx nhoz ntơưv no. Pos Lò Thị Sồ, nhoz jok Đồng Tâm, xar Quỳnh Nhai puz pâuz: “Chor njêl hâur đêx Đas chox muk uô cov hur, đhâu co muôz plênhr cxuô zav njêr, cuô txoz thiêz muôz jiêz yar ntux, txix iz txos oz jiês njêl thiêx kruôr thiêz muôz ntiv hâur hnaz chiê muôs. Txix muôs njêl mak cur chuôz zis tưz muôx tâu phênhv sâu truôx tuk”.

Kriz uô têx kror liv txix đêx thiêz pak đêx tênhv Sơn La, pox nhuôs xar Quỳnh Nhai tưz uô muôx 3.300 luz vax thêir zus njêl, phênhv ntâu zos chor njêl rô phi, pok nêiz, njêl nox jâuz, njêl lăng… Uô truôx jông 25 HTX tsiêx đêx. Hâur 10 hli đhâu, chor njêl zus thiêz ntâuk cxov tâu muôx 850 tấn. Zơưv Tòng Xuân Trường, Phưv Chủ tịch Ủy ban xar Quỳnh Nhai hêik pâuz: “Nhiv no xar Quỳnh Nhai tsênhv zaz zâuv, hêik chor nênhs yưv pênhr kriz uô tu zus cê uô du lịch ndis shuôk, nriêr pâuz sâuv pak đêx tênhv Sơn La. Xar cux tưz hêik iz cxiê nênhs tuôx yưv pênhr uô têx suôz njêl, chiê paz gra siez tsơưr lươngv, phênhv sâu trâu pox nhuôs. Txix uô chor hax huv co đros trâu piêr pâuz du lịch, cux li piêr pâuz têx hax huv muôx ntơưv thax tsav qơư”.

Uô chor suôz njêl ntơưv xar Quỳnh Nhai, tỉnh Sơn la tưz sir jos gra siêz tsiv gri têx hax huv, paz kriz đar ciêz đrôngs zuôr muôs, muôx chôngz nênhs zuôr đuô, tsik zos tsuôk muôs chor njêl khênhx xưz. Đros co, tsênhv paz muôx hâux lưv uô trâu lox tôngv ntơưv thax tsav qơư, paz muôx tâu kinh têr siêz đuô, paz muôx tâu phênhv sâu truôx trâu chor ziv chuôz zis thiêz hợp tác xã, paz trâu chor suôz njêl đêx đas Tây Bắc tâu muôx muk txos trâu ntâu qơư thiêz muôx chôngz nênhs zuôr đuô./.

Thanh Thủy-Lik Thox cxêik nhênhv