Bảo Hà: Têx hlôngr yiêz jông txix iz trâur nuv yiêz

Thâuv muôz luz 5 xã tox siêz lok uô iz xã chiê uô hâux lưv uô cê, seiz car thax tsav đar đuô đros muôx 34 xênhz lênhx nênhs, 21 mênhx cxưx sik đros nhoz uô nênhx, co zos iz phêv liv đros xã Bảo Hà, tỉnh Lào Cai thâuv krêz uô trâur nuv chính quyênx 2 cấp. Chiê seiz car bộ meir no, Đảng bộ xã Bảo Hà xav tênhv tsuv uô jông txix lênhx nênhs txos tsưr ziv uô hâux lưv.

          Zơưv Phạm Thành Long, Phưv bí thư Thường trực Đảng uỷ xã heik mênhx lok tsưr ziv huôx tôngv: “Iz zos tsuv txơưx lok chuyên môn, lok vênhv thix trơưk pưs txux. Lênhx tưs phưv txơưx vênhv thix tưs tsuv pâuz tsênhz lok vênhv thix co. Tiv oz zos tsuv pâuz tsênhv lok thax tsav qơư”.

          “Txơưx lok chuyên môn, pâuz thôngz lok thax tsav qơư” co zos tsưr ziv uô tâu tso pov tsênhz đhâu thâuv xã Bảo Hà tror hlôngr yiêz Tsênhv qơư phưx vưv hành chính côngz. Kror hlôngr yiêz lox tiv zix zos muôx iz qơư tos tiêv, heik kriê, car chêx ntâuz ntơưr trâu tsôngv box yiêz tsi zuôr muk yênhx qơư chuyên môn, heik kriê bax uô ntâuz ntơưr li thâuv ntêx. Thiêz kror zov chênhr đuô zos têx công chức chuyên môn tsi zuôr tos tiêv, car chêx ntâuz ntơưr trâu tsôngv box tsi so mak muôx six hơưv ntâu đuô chiê uô hâux lưv. Zơưv Nguyễn Văn Thắng, Phưv Giám đốc Tsênhv qơư heik: “Pir li công chức uô hâux lưv chuyên môn lok ar têz tsuôk muôx 3 lênhx nênhs mak heik lơưr cê uô ntâuz ntơưr, cê muk seiz shuôk ar têz yênhx hnuz mak phênhv ntâu tsi muôx six hơưv chiê uô. Chênhr viv li pêz tưz heik lơưr uô iz phongx chuyên môn, yuôr pêz mak uô hâux lưv pheiz ntâuz ntơưr hồ sơ. Zos muôx txâuk ntâuz ntơưr mak muk hành chính côngz chiê khiêz, kror tưs zuôr trâus txos mak heik lơưr paz max”.

          Tsưr ziv uô no tưz chox lok chêx cuk jông ciês tav siv. Zơưv Trần Văn Thành, iz lênhx nôngx mênhx nhoz jos Xuân Sang, kuôk tsênhv qơư 10 cei cêr, pov tsênhz têx hlôngr yiêz co thâuv jiês xuz thơưx tuôx uô ntâuz ntơưr: “Pêz nôngx mênhx yênhx tưv kis, viv li thâuv uô ntâuz ntơưr hành chính côngz mak tsi muôx lênhx tưs heik kriê zuôr lok six lax uô tâu. Taz sik cux tâu têx đồng chí cán bộ heik kriê uô thiêz cux pov uô tâu sei taz por six hơưv”.

          Thiêz chêx cuk tâu tso pov txix têx luôk hâux lưv uô tâu tsênhv tsênhz. Tsuôk đros 7 lênhx công chức, 3 luz hlik đhâu, Tsênhv qơư tưz tos jênhv thiêz car chêx 1 vav ntâu jiês tsôngv box tuôx uô hâux lưv, car chêx txos qơư 5 cxênhz ntâuz ntơưr hồ sơ. Tiv zix, têx luôk hâux lưv tsi jông muôx yưv thâuv ntêx cux txu grês tsênhz mênhx, hlôngr yiêz tsôngv box li siêz njênhs. Đros têx luôk hâux lưv uô tâu jông co zos têx cán bộ công chức li têx siêz sir tas đas jos uô hâux lưv.

          Thâuv uô trâur nuv chính quyênx yiêz 2 cấp, tsênhv yuôr ntâu phêv liv, yuôr ntâu luôk hâux lưv tsi tâu uô tâu. Iz hâur têx phêv liv tiv zix, lơưr lênhs tov xã Bảo Hà zos txơưv bộ meir cấp xã tưz sir jos chuôz tsar uô hâux lưv, taz sik tsênhv njiz ntâu phêv liv thâuv têx cơ chế, chính sách reik đros trâur nuv 2 cấp yiêz tsênhv nhoz ntu zuôr uô tiêr, côngz xưv sik côngv đros têx taz viv cấp thax tsav tsi tâu uô jông, uô trâu hâux lưv car chêx ntâuz ntơưr trâu tsôngv box kênhz, đros 70 ntâu ntơưr thor nziv tưz tâu tso tơưv.

          Lơưr zơuv Phạm Thành Long, Phưv bí thư thường trực Đảng uỷ xã, TƯ li chủ trương txu grês bộ meir zos huv đros tsênhv tsênhz, taz sik yuôr iz cxiê phêv liv thâuv krêz uô hâux lưv no: “Tw, tỉnh tsuv tror uô tiêr cơ chế, chính sách chiê bộ meir no tâu uô tiêr. Taz sik saz tiv phaz cux tsuv seiz shuôk jông têx tsi tâu huv đros hâur tsênhv tsênhz chiê heik tơưv, pov cov đros thênhv siêz, gôngr phênhv uô tiêr chính sách. Li ntơưv thix uô tiêr tâu trâur nuv chính quyênx tiv phaz 2 cấp trơưk siêz xar”.

          Sir jos hlôngr yiêz uô têx ntâuz ntơưr tsi zos hâux lưv uô paz Bảo Hà ndar txos têx qơư tsov txos lok huôv tsar KTXH li nghị quyết Đại hội Đảng bộ xã jiês tiv 1 tưz tso tơưv zos sir jos txos shông 2030, phênhv sâu sâuv thax tsav tax tâu 120 tỷ đeiv, siêz đuô zuôr xar 10 jiês nhiv no, phênhv sâu fênhx pheiz lênhx nênhs tax 70 tsov đeiv iz shông thiêz chor ziv chuôz zis pluôk txu grês yuôr tsơưs đuô 3,5%./.

An Kiên-Txâur Vax cxeik nhênhv

Bax tok Đảng Đại hội tas nro têz qơưk jiês tiv 14: Tsôngv box faz Bắc chiê siêz trâu têx lênhx nênhs tâu bâux xeir yiêz

Đại hội đại biểu tas nro têz qơưk jiês tiv 14 Đảng cộng sản Việt Nam zuôr tsưr tsix lok hâur shôngk shông 2026. Thôngz đhâu chôngz lênhx ntâu tus pêx xênhv têx lul heik, ziv chênhv gôngr trâu dự thảo têx ntâuz ntơưr Đại hội tưz heik lol tsôngv box cxuô heir nênhs cêr njênhs njôngr, chiê siêz ntâu trâu xor xưv chính trị lox no, tiv zix zos lok sâuv hâux lưv bâux xeir têx lênhx hâu nov yiêz lês uô têz qơưk têx hâux lưv lox, zov chênhr. Tsôngv box cxuô heir nênhs Tây Bắc cêr vav thiêz chiê siêz trâu Đảng têx lênhx hâu nov lox tâu bâux xeir ntơưv Đại hội 14 zos xeir tâu chor hâu nov muôx txâuk txux chi, tsưr ziv, pênhr xưv lês uô têx hâux lưv zok muôz viv tsôngv lax pêx xênhv, viv têz qơưk, txix ntơư tso tơưv têx tsênhv chei huôv tsar kinh tế-xã hội, cxơưz gra tsôngv box luz nênhx tsâu sor, hlôngr yiêz chiê cxuô lênhx cxuô tus, cxuô thax tsav qơư sik đros huôv tsar, vav mênhx.

Tsôngv box cxuô heir nênhs Tây Bắc vav chiê siêz trâu BCH T.Ư, Bộ Chính trị, Ban Bí thư khóa yiêz zuôr xeir tsov tâu têx lênhx nênhs moz siêz lês uô jông hâux lưv zok muôz, muôx txâuk txux chi, tsưr ziv, pênhr xưv chox kriê, seiz car, car xar car lês uô cxuô luôs hâux lưv chiê cxơưz têz qơưk huôv tsar sei thiêz truôx.

Vav chiê siêz chor canr bôv thênhv siêz tâu bâux xeir zuôr tror muôx têx tsưr ziv, tsênhv chei jông đuô chiê huôv tsar kinh tế-xã hội thax tsav Tây Bắc, jux juk cxơưz cxuô thax tsav, cxuô suôv qơư hâur tas nro têz qơưk puôr lênhx muôx luz nênhx truôx tuk, tsâu sor.

Thiêz tsôngv box cux xar cov Đảng tror moz siêz kriê cxaz nzir têx txux chi, tsưr ziv uô hâux lưv yuôr trâus, njuôk hov, phênhz thiêz zuôr canr bôv zos heir nênhs tsơưs đros lês uô têx hâux lưv têz qơưk, muôz jông six hơưv trâu lơưr nthuôr têx txux chi, paz tsưr ziv, côngz đas jos trâu huôv tsar thax tsav thiêz têz qơưk.

Tsi tas li, cux vav chiê siêz têx lênhx hâu nov thênhv siêz zuôr muôx tsưr ziv jông đros đơưk uô têx hâux lưv tsênhv tsênhz ntơưv qơư li: Cxiv tsa têx côngz trênhx (tênhv tênhz, cêr muk lol, tsêr cơưv ntơưr, qơư y tế), huôv tsar uô nox uô hâuk, paz zok nriêr hâux lưv uô, cxaz nzir phênhv sâu tâu chiê truôx tuk chính trị, truôx tuk xã hội, tsưx phưv thiêz tuôr tsês tâu têx txux chi vênhx huôv jông tsi chiê pôngz plox.

Njênhs njôngr thiêz xar cov Đảng tror sir jos uô jông luôs hâux lưv phax tar uô tuôr xuôv nhiêx txiêx, têx tsi jông...chiê cxiv tsa Đảng thiêz cxix luôs chính trị muôx jos, truôx jông, muôz nzir cêr njênhs njôngr trâu pêx xênhv lok Đảng tsưr ziv chox car.

Tsôngv box cxuô heir nênhs Tây Bắc vav thiêz chiê siêz ntâu trâu Đảng tsưr ziv chox car, xar cov Đại hội14 bâux xeir tâu têx lênhx canr bôv thênhv siêz muôx txâuk txux chi, tsưr ziv, moz siêz lês uô jông têx hâux lưv zok muôz, cxơưz têz qơưk, lar heik zos têx thax tsav txov nhêv li Tây Bắc, ziv hnuz ziv huôv tsar, vav mênhx đuô./.

Bích Thủy-Riê Lâux cxeik, nhênhv

Tsôngv box Chiềng Lao muôx tsưr ziv huôv tsar uô nox truôx txix tu zus njês hâur tơưz sâuv pak đêx tênhv tênhz Sơn La

Reik đros hâux lưv tu zus njês hâur tơưz tưz tâu 10 shông ntâu lok no, txix 7 tơưz njês qir thơưx, txos nhiv no zơưv Lường Văn Biển chuôz zis nhoz jos Tà Sài, xã Chiềng Lao, tỉnh Sơn La tưz huôv tsar tu zus txos 17 tơưz, têx tơưz njês phênhv ntâu zos njês rô phi, njês lăng. Cêr zaoz thôngz zôngx ziv muk lok, tưz paz trâu tuz luôv têx yêz tuôx txos ciês ntơưv qơư sâu zuôr njês, viv li zơưv Biển lok six tso siêz tu zus: “Thâuv ntêx chuôz zis cux tu zus ntâu, zus buô, zus keiz, nhux tưv nhux đas. Đros tu zus njês mak tax chêx cuk kinh têr siêz đuô, hâux lưv uô tsơưs đuô, tsuôk muôx pênhr nhiêx zuôr nôngz njês, krâur lok tu zus. Tsêz no shông 2024 phênhv sâu tâu 300 tsov đeiv txix tu zus njês tưz paz chuôz zis cxuôv yeiz thiv pluôk tâu”.

          Txix hâux lưv tu zus njês hâur tơưz tưz paz ntâu chuôz zis tsôngv box nhoz Chiềng Lao hla đhâu cêr pluôk, muôx ntâu chuôz zis tsênhv chuv tôngv zuôr meir, chuôz zênhx tsiv uô, cê muôz siêz tsơưr lươngv xiv huv, tuôv zênhv niêv ciêz li zoz qơưx ziv hnuz ziv siêz. Zơuv Cao Văn Quý, jos Nà Nong pheiz kênh: “Thâuv ntêx tsi muôx qơư muôs cur cux nriêr qơư chiê muôs muk Hà Nội, txos nhiv no tưz truôx tul, sâu zuôr tas nro trâu pox nhuôk hâur xã, thâuv muôx lênhx nênhs zuôr mak zuk tsiv uô, phênhv sâu siêz đuô pir đros muos njês nhôngs”.

          10 jêx jos nhoz buôk niêv pas đêx tênhv Sơn La, têx shông đhâu, xã Chiềng Lao tưz vênhv tôngv tsôngv box yưv pênhr tu zus njês hâur tơưz chiê chuôz cxaz phênhv sâu; sik côngv đros têx chiz coaz chuyên môn heik kriê tsưr ziv tu zus, cxiv tsa trâur nuv chiê tsôngv box uô lơưr. Nhiv no tas nro xã tưz muôx 300 ntâu tơưz njês, iz shông cungz trâu niêv ciêz 1 cxênhz ntâu tênhr shuôz njês. Chiê hâux lưv tu zus njês hâur tơưz huôv tsar truôx, xã tưz vênhv tôngv tsôngv box yênhx lix HTX tu zus shuôz njês, chiê muôz siêz tsơur lươngv thiêz truôx tul qơư sâu zuôr xiv huv. Zơuv Cà Văn Xiên, Phòng kinh têr xã Chiềng Lao, tỉnh Sơn La puz pâuz: “Pêz vênhv tôngv têx ziv chuôz zis tu zus njês sik côngv yênhx lix HTX sâuv thax tsav xã thiêz têx xã nhoz buôk co chiê txu grês grê zuôr nôngz njês, krâur tu zus…phưx vưv hâux lưv tu zus. Yax mông txos têx chuôz zis por vêv thiêz huôv tsar shuôz njês, paz HTX yưv pênhr zuôr zav nox tu zus, nôngz tu zus muôx tsơưr lươngv phưx vưv tsôngv box”.

          Xã Chiềng Lao, tỉnh Sơn La sir jos krêz đar qơư tu zus njêx sâuv 20 hecta pas đêx txix nhiv no txos kaz shôngk shông. Tsưr ziv lêx ntêr, xã zuôr chox hâux lưv tu zus njês hâur tơưz yênhx nganhx kinh têr tsênhv hâur xã, gôngr phênhv muôz siêz phênhv sâu, huôv tsar uô bluô nux trâu tsôngv box nhoz tiv phaz./.

Thanh Thuỷ- Txâur Vax cxeik nhênhv