Bảo Hà: Têx hlôngr yiêz jông txix iz trâur nuv yiêz

Thâuv muôz luz 5 xã tox siêz lok uô iz xã chiê uô hâux lưv uô cê, seiz car thax tsav đar đuô đros muôx 34 xênhz lênhx nênhs, 21 mênhx cxưx sik đros nhoz uô nênhx, co zos iz phêv liv đros xã Bảo Hà, tỉnh Lào Cai thâuv krêz uô trâur nuv chính quyênx 2 cấp. Chiê seiz car bộ meir no, Đảng bộ xã Bảo Hà xav tênhv tsuv uô jông txix lênhx nênhs txos tsưr ziv uô hâux lưv.

          Zơưv Phạm Thành Long, Phưv bí thư Thường trực Đảng uỷ xã heik mênhx lok tsưr ziv huôx tôngv: “Iz zos tsuv txơưx lok chuyên môn, lok vênhv thix trơưk pưs txux. Lênhx tưs phưv txơưx vênhv thix tưs tsuv pâuz tsênhz lok vênhv thix co. Tiv oz zos tsuv pâuz tsênhv lok thax tsav qơư”.

          “Txơưx lok chuyên môn, pâuz thôngz lok thax tsav qơư” co zos tsưr ziv uô tâu tso pov tsênhz đhâu thâuv xã Bảo Hà tror hlôngr yiêz Tsênhv qơư phưx vưv hành chính côngz. Kror hlôngr yiêz lox tiv zix zos muôx iz qơư tos tiêv, heik kriê, car chêx ntâuz ntơưr trâu tsôngv box yiêz tsi zuôr muk yênhx qơư chuyên môn, heik kriê bax uô ntâuz ntơưr li thâuv ntêx. Thiêz kror zov chênhr đuô zos têx công chức chuyên môn tsi zuôr tos tiêv, car chêx ntâuz ntơưr trâu tsôngv box tsi so mak muôx six hơưv ntâu đuô chiê uô hâux lưv. Zơưv Nguyễn Văn Thắng, Phưv Giám đốc Tsênhv qơư heik: “Pir li công chức uô hâux lưv chuyên môn lok ar têz tsuôk muôx 3 lênhx nênhs mak heik lơưr cê uô ntâuz ntơưr, cê muk seiz shuôk ar têz yênhx hnuz mak phênhv ntâu tsi muôx six hơưv chiê uô. Chênhr viv li pêz tưz heik lơưr uô iz phongx chuyên môn, yuôr pêz mak uô hâux lưv pheiz ntâuz ntơưr hồ sơ. Zos muôx txâuk ntâuz ntơưr mak muk hành chính côngz chiê khiêz, kror tưs zuôr trâus txos mak heik lơưr paz max”.

          Tsưr ziv uô no tưz chox lok chêx cuk jông ciês tav siv. Zơưv Trần Văn Thành, iz lênhx nôngx mênhx nhoz jos Xuân Sang, kuôk tsênhv qơư 10 cei cêr, pov tsênhz têx hlôngr yiêz co thâuv jiês xuz thơưx tuôx uô ntâuz ntơưr: “Pêz nôngx mênhx yênhx tưv kis, viv li thâuv uô ntâuz ntơưr hành chính côngz mak tsi muôx lênhx tưs heik kriê zuôr lok six lax uô tâu. Taz sik cux tâu têx đồng chí cán bộ heik kriê uô thiêz cux pov uô tâu sei taz por six hơưv”.

          Thiêz chêx cuk tâu tso pov txix têx luôk hâux lưv uô tâu tsênhv tsênhz. Tsuôk đros 7 lênhx công chức, 3 luz hlik đhâu, Tsênhv qơư tưz tos jênhv thiêz car chêx 1 vav ntâu jiês tsôngv box tuôx uô hâux lưv, car chêx txos qơư 5 cxênhz ntâuz ntơưr hồ sơ. Tiv zix, têx luôk hâux lưv tsi jông muôx yưv thâuv ntêx cux txu grês tsênhz mênhx, hlôngr yiêz tsôngv box li siêz njênhs. Đros têx luôk hâux lưv uô tâu jông co zos têx cán bộ công chức li têx siêz sir tas đas jos uô hâux lưv.

          Thâuv uô trâur nuv chính quyênx yiêz 2 cấp, tsênhv yuôr ntâu phêv liv, yuôr ntâu luôk hâux lưv tsi tâu uô tâu. Iz hâur têx phêv liv tiv zix, lơưr lênhs tov xã Bảo Hà zos txơưv bộ meir cấp xã tưz sir jos chuôz tsar uô hâux lưv, taz sik tsênhv njiz ntâu phêv liv thâuv têx cơ chế, chính sách reik đros trâur nuv 2 cấp yiêz tsênhv nhoz ntu zuôr uô tiêr, côngz xưv sik côngv đros têx taz viv cấp thax tsav tsi tâu uô jông, uô trâu hâux lưv car chêx ntâuz ntơưr trâu tsôngv box kênhz, đros 70 ntâu ntơưr thor nziv tưz tâu tso tơưv.

          Lơưr zơuv Phạm Thành Long, Phưv bí thư thường trực Đảng uỷ xã, TƯ li chủ trương txu grês bộ meir zos huv đros tsênhv tsênhz, taz sik yuôr iz cxiê phêv liv thâuv krêz uô hâux lưv no: “Tw, tỉnh tsuv tror uô tiêr cơ chế, chính sách chiê bộ meir no tâu uô tiêr. Taz sik saz tiv phaz cux tsuv seiz shuôk jông têx tsi tâu huv đros hâur tsênhv tsênhz chiê heik tơưv, pov cov đros thênhv siêz, gôngr phênhv uô tiêr chính sách. Li ntơưv thix uô tiêr tâu trâur nuv chính quyênx tiv phaz 2 cấp trơưk siêz xar”.

          Sir jos hlôngr yiêz uô têx ntâuz ntơưr tsi zos hâux lưv uô paz Bảo Hà ndar txos têx qơư tsov txos lok huôv tsar KTXH li nghị quyết Đại hội Đảng bộ xã jiês tiv 1 tưz tso tơưv zos sir jos txos shông 2030, phênhv sâu sâuv thax tsav tax tâu 120 tỷ đeiv, siêz đuô zuôr xar 10 jiês nhiv no, phênhv sâu fênhx pheiz lênhx nênhs tax 70 tsov đeiv iz shông thiêz chor ziv chuôz zis pluôk txu grês yuôr tsơưs đuô 3,5%./.

An Kiên-Txâur Vax cxeik nhênhv

NTÂUK GRI CXUÔ TSAZ YÊNHX CXIV TSA JÊX JOK YIÊZ TỈNH SƠN LA

Têz qơưk tsaz yênhx cxiv tsa jêx jok yiêz muôx tsiv gri zov chênhr hâur paz gra siêz tsơưr lươngv pêx xênhv luz nênhx, uô siz bâus jux juk nhoz thax tsav đrôngs thiêz jêx jok, paz truôx tuk trâu huôv tsar kinh têr-xar hôiv nhoz ntâu thax tsav qơư…

1. Têx kror uô tâu:

Kriz uô têz qơưk tsaz yênhx cxiv tsa jêx jok yiêz ntu III, hâur qênhx shênhx njiz phiv liv tiv muôx caz moz, ntux têz ruôr hiêv, tiv nền kinh têr nhiv kruôr tror tâu kho đuô đhâu muôx caz moz… Têz qơưk tsaz yênhx cxiv tsa jêx jok yiêz tror tâu Trung ương Đảng, Côx hôiv, Chinhr phuv thiêz têx Bôv, nganhx sir jos lênhx tov, tso tơưv ntâu tsênhv chêi, muôz phêiz pênhr chiê uô ciês txix hâur six cxiv. Côngv thôngx doanh nghiệp, HTX, pêx xênhv cxuô mênhx cxưx sâuv thax tsav tỉnh sik côngv têk, sik tưr cxiv tsa têz qơưk, jêx jok. Ntâu tsưr ziv uô Jêx jok yiêz, qơư pêx xênhv nhoz jông jav tsênhv zos kror paz cxơưz cxiz, jux juk paz trâu kôngz nuv, pêx xênhv nhoz tỉnh huôv tsar sêiz, truôx đrênhk lơưr Ban Chấp hành Đảng bôv tỉnh li Nghị quyết sôr 15-NQ/TU.

Phongz yaox “Sơn La côngv têk cxiv tsa jêx jok yiêz” tror tâu tso tơưv kriz uô, Ban chox kriê têz qơưk chor tsaz yênhx; Ủy ban Mặt trận têz qơưk Việt Nam tỉnh, chor tsưr tsix chinhr triv xar hôiv, chor Sở, ban, nganhx, tiv zix zos chor thax tsav qơư sâuv thax tsav tỉnh Sơn La sir jos uô, đơưk kho têx phiv liv, huiz tôngv ntâu pênhr jos ciês ntơưv qơư chiê uô cov tâu, cov tiêr chor luôs hâux lưv tưz tso tơưv, iz zav li thành phố Sơn La, huyện Mai Sơn, huyện Yên Châu, huyện Sông Mã, huyện Quỳnh Nhai (kuz)…

Chor tsưr tsix, tiz nênhs, tiv zix zos pêx xênhv têx jêx jok tror thôngx ziv đros, sir jos paz đas jos, cxuô zav chiê cxiv sta jêx jok, ntâu ziv chuôz zis ntơưv chor xar txov nhêv tiv zix tưz njêis yêv cxuô zav, muôz yênhx cxênhz thiêr ndis ar têz chiê cxiv tsa chor cêr zoz thôngz, tsêr vênhx huôv…

Thành phố Sơn La (kuz) tror uô tâu jông jênhv vưv cxiv tsa jêx jok yiêz txix shông 2019; Huyện Quỳnh Nhai (kuz) tâu chox car, lênhx tov uô tiêr ploz tsênhr Têx luôs hâux lưv cxiv tsa jêx jok yiêz; tsưr tsix yênhx côngz, côngz jênhv muôx nzir 25 xar uô tiêr cxiv tsa jêx jok yiêz, paz trâu tas nro chor xar uô tiêr cxiv tsa jêx jok yiêz ndê muôx 64 xar, 11 xar uô tiêr jêx jok yiêz jông; 82 xar tax ploz tsênhr jêx jok yiêz, 28 jêx jok uô tiêr jêx yiêz truôx jông; chinhr triv-xar hôiv thax tsav jêx jok truôx tuk, sik côngv siêz cxuô mênhx cxưx tâu uô jông, ngaz tuk xar hôiv tâu tuôr truôx; côngz xưv cxiv tsa Đảng uô tâu jông; tsưr tsix đảng thiêz chor canr bôv, đảng viên li đas jos tsav txênhz, txux chi thiêz tsơưr lươngv tâu gra siêz đuô; cxiv luôs chinhr triv tror tâu uô truôx jông, chor jêx jok muôx ntâu qơư hlôngr yiêz jông, kinh têr huôv tsar truôx, ntâu jêx jok uô tâu zos jêx jok hur jông jav.

2. Têx kror tsênhv uô tsik tâu tâu:

Côngz xưv yax kriê, hêik pâuz thiêz uô tsaz yênhx tsik tâu uô tsik so, sir jos uô ntov jông, côngz xưv thox cxov, kriê uô hâux lưv tsênhv tsơưs. Chor phongz yaox sik tưr, chor cxiv vênhv tôngv txơưv tror tâu phuôx huiz taz sik tsik tâu muôx sik côngv, sir jos uô jông nhoz Têz qơưk chor tsaz yênhx, nhoz chor phongz yaox, chor cxiv vênhv tôngv chiê uô cov tâu jông đuô. Hâux lưv zaz zâuv, hêik côngv thôngx doanh nghiệp, HTX… gôngr côngv trâu tsaz yênhx nhoz ntu III tsênhv tsơưs.

Cxuô thax tsav qơư sir jos uô côngz xưv cxiv tsa hạ tầng cxuô zav hâur jêx jok, hlôngr yiêz tsưr ziv uô nox, huôv tsar kinh têr jêx jok tsênhv kênhz, uô zâu, tsik nhoz uô cê. Sik côngv uô nox tsênhv tsik tâu truôx; doanh nghiệp yưv pênhr trâu kôngz nuv, jêx jok, tiv zix zos thax tsav txov nhêv tsênhv tsơưs.

Iz cxiê thax tsav qơư tsik tâu moz siêz txos tuôr truôx jông thiêz gra siêz tsơưr lươngv đhâu uô tiêr. Hâux lưv cxiv tsa xar jêx jok yiêz jông tsênhv zos uô cov muôx, tsik tâu zos uô ntov jông, tsik tâu uô huv đros trâu têx vênhx huôv thiêz tsưr ziv hlôngr yiêz jêx jok.

Phênhv no zos Cơ quan Đaix nta suôz Việt Nam nhoz thax tsav Tây Bắc thiêz Chi cục Kôngz nuv thiêz Huôv tsar jêx jok Sơn La sik côngv uô. Zâuv sơưr đơưk tok mnôngs trâu chor tsaz yênhx jêx jok yiêz shông 2025 txuôk nzir./.

Vừ Chu-Lik Thox cxêik nhênhv

Tsôngv pox niêv, vir ndâuk Sơn La sik đros cxiv tsa jêx jok yiêz

HTX kôngz nuv 26/3, phường Chiềng Sinh, tỉnh Sơn La zos iz hâur têx qơư uô ntêx nyuôs huôv tsar kinh tế zos tsôngv pox niêv, vir ndâuk uô tsưr. HTX yênhx lix txix hli 4/2016, muôx 07 lênhx nênhs uô hâux lưv. Nhiv no HTX tsênhv huôv tsar uô đreiv 4 luôs hâux lưv zuôr muôs hax huv, têx jâuz tâuv, txir kok cxuô zav thiêz muôs têx jâuz hur trâu tsêr kho moz, iz cxiê luz tsêr cơưv hâur thax tsav phường Tô Hiệu, Chiềng Sinh, Chiềng Cơi. Iz chas muôs têx jâuz tâuv nhôngk thiêz hur, HTX tưz krêz nzir qơư tsiv uô têx zav nox zôngx ziv, trơưk lênhx nênhs sir zôngv siêz nhiêv nox. Xav kror đruôz đraz iz shông, HTX muôs 100 tênhr têx jâuz tâuv, txir kok, muôx phênhv sâu tâu zuôr xar 3 tyv đeiv, muôz hâux lưv uô truôx tuk trâu 10 lênhx lox tôngv, iz lênhs tâu txix 7-10 tsov đeiv. Niêv lâul Hoàng Thị Thắm, Phưv Giám đốc HTX Kôngz nuv 26/3 heik pâuz: “Pêz yênhx lix qơư tsiv uô têx zav nox hur 26/3 chiê uô têx jâuz tâuv, txir kok yênhx zav nox huv đros trâu sơưr đơưk siêz nhiêv. Hâur ntu zuôr txos, HTX zuôr huôv tsar uô ntâu zav hâux lưv đuô xưk iz zav li iz ciêz mê, chiê tsôngv kruô muôx têx zok nriêr zuôr tâu têx zav nox, jâuz tâuv truôx tuk, trơưk siêz  nhiêv”.

Ntơưv xã Mường Chanh, tỉnh Sơn La, shông 2019, đros uô dưv anr cxơưz gra pox niêv heir nênhs tsơưs muôx chei, vax huôv siz luôs đros luôs lưv tus thôngz đhâu hlôngr yiêz tsưr ziv huôv tsar uô kôngz thiêz zuôr muôs têx kôngz lôngk (Care) zos Bộ Ngoại giao thiêz muôv muôs Ôxtrâylia chơưv paz ntơưv Sơn La, tưz paz niêv lâul Cầm Thị Mòn muôx nzir txux chi, tsưr ziv, đas jos chiê huôv tsar kinh tế txix tsoz chos cà phê ntơưv qơư thiêz yênhx lix HTX huôv tsar uô xiv huv cà phê tsơưr lươngv siêz. HTX muôx 14 lênhx nênhs, huôv tsar uô têx lênhx nênhs uô hâux lưv hâur HTX 70 ha cà phê thiêz côngv đros 300 chuôz zis huôv tsar chos cà phê uô truôx jông. Đhâu 6 shông yênhx lix thiêz uô hâux lưv, HTX tưz muôz hâux lưv uô trâu ntâu lênhx lox tôngv ntơưv qơư thiêz muôx phênhv sâu yênhx tyv đeiv iz shông. Têx xiv huv cà phê Ara-Tay tưz tâu côngk nhav zos cà phê tsơưr lươngv siêz thiêz kaz hâur têx jiês sik tưr cà phê Việt Nam kaz hur jông thiêz xiv huv OCOP cấp tỉnh. Niêv lâul Cầm Thị Mòn, Giám đốc HTX Ara Tay cà phê heik: “Txix thâuv pêz tâu dưv anr cxơưz gra pox niêv heir nênhs tsơưs muôx chei, vax huôv siz luôs đros luôs lưv tus thôngz đhâu hlôngr yiêz tsưr ziv huôv tsar uô kôngz thiêz zuôr muôs têx kôngz lôngk (Care) paz, pêz tưz huôv tsar cà phê trơưk cà phê tsơưr lươngv siêz thiêz tsiv uô hur jông, tsi uô kiêk nênhs, vuôz tsuôz tênhx qơư. Đhâu uô li heik sâuv, cux uô tâu jông đuô trơưk kruô siêz nhiêv”.

Têx li heik co tsuôk zos 2 hâur lok six ntâu luôs hâux lưv huôv tsar uô nox zos pox niêv uô tsưr, tsênhv huôv tsar uô tâu jông hâur thax tsav tỉnh Sơn La. Têx shông đhâu, Hội Liên hiệp pox niêv tỉnh Sơn La tưz paz yênhx lix 756 luôs hâux lưv huôv tsar uô nox, hâur ntơư muôx zuôr xar 150 hâux lưv uô zos chôngz lênhx ntâu tus sik côngv têk uô, 600 ntâu hâux lưv lênhx nênhs chiv chir uô thiêz 149 HTX muôx pox niêv seiz car, uô tsưr. Yênhx puô lênhx pox niêv vir ndâuk tưz sir jos hla đhâu yeiz pluôs, khav tinhv pưs txux uô tsưr hâur huôv tsar uô nox uô hnar. Têx luôs hâux lưv co tsi tiêk muôz hâu cêr uô nox, muôx hâux lưv uô truôx tuk, tsênhv paz ntâu lênhx pox niêv hla đhâu cêr pluôs, cxaz nzir phênhv sâu.

Txix têx hâux lưv sik côngv, sik đros huôv tsar uô nox zos pox niêv uô tsưr, muôx têx tso pov, tsôngv pox niêv vir ndâuk txux chi, tsưr ziv tsi tiêk huôv tsar uô bluô nux trâu chuôz zis, tsênhv nthuôr đêz đar têx tsưr ziv jông ntơư trâu luôs lưv tus, lưv thax tsav qơư cơưv shâuv, uô trơưk, cxơưz paz uô tâu jông luôs hâux lưv cxiv tsa jêx jok yiêz ntơưv qơư./.

Thanh Thủy-Riê Lâux cxeik, nhênhv