Hêir nênhs Cho iz lênhx lâuk nhoz Bản Cuôn, tuôr tsês zuk hêir nênhs ntơưr sâu cxôngx nzor

Tsâu ntux hnuz tưs, đhâu six hơưv muk uô liêx têz tas, lâuk nênhs, nhuôv zâu ho sik đros jâuv iz pơưs chiê shâuv ntơưr lâuk. Hâur luz tsêr zâu nhoz tox siêz nhiv no yênhx nênhs Cho li qơư cơưv shâuv tuôr tsês ntơưr lâuk. Cưk kriê lớp cơưv co zos zơưv Hoàng Thông Chư, shông no tưz muôx 60 shông hnuz nhôngs. Zơưv Chư heik: Muôx 10 shông hnuz nhôngs, zơưv qir cơưv ntơưr txix zơưv Chư zơưv thiêz nênhs lâuk hâur jos. Đros zơưv, ntơưr lâuk Cho tsi taz zos chiê sâu tsês mak tsênhv zos têx tsiv grê vênhx huôv jông, sâu tsês zuk mênhx cxưx li têx yênhx tưv, tsưr ziv uô nênhx, têx phongz qơưx, têx jax yuôx, jax đaz nênhs jông. Taz sik, luz nênhx hlôngr yiêz, muôx tsi ntâu lênhx hluôk nênhs txơưx nhênhv, txơưx sâu ntơưr lâuk Cho. Cxơưx lok hâux lưv ntơưr lâuk trâus pôngz plox, têx fâu ntơưr lâuk zuôr tsi muôx lênhx tưs txơưx nhênhv lơưv thiêz, zơưv Chư truôx siêz krêz lớp kriê ntơưr lâuk, vênhv tôngv yênhx lênhx nênhs hâur jos tuôx cơưv ntơưr: “Xar njôngr lớp cơưv no zuôr paz jêx jos, cưr tix nênhx tsa pâuz ntơưr lâuk, pâuz tuôr tsês vênhx huôv mênhx cxưx, nênhs Cho li iz di sản muôx tsiv grê. Tov kaz no cur lâuk lơưv, kriê tsi tâus thiêz mak cxênhx hluôk nênhs zuôr pâuz thiêz kriê trâu cxênhx nênhs tov kaz pâuz”

          Qir thơưx ntâu lênhx nênhs tsi xar tuôx cơưv viv max uô liêx uô têz. Taz sik, txix zơưv li siêz truôx bo sir jos vênhv tôngv, lớp cơưv xuz thơưx cux tâu krêz hâur luz tsêr kuz tâu zơưv nhiv kruôr kho đuô. Txos nhiv no tưz zos shông tiv 7 lớp cơưv no tâu krêz kriê ntơưr. Tsi taz zaz zâuv lênhx nênhs hâur jos tuôx cơưv mak tsênhv muôx têx học viên txix têx jêx jos txơưr, muôx têx lênhx txix têx tỉnh txơưr tuôx cơưv. 20 ntâu lênhx học viên txix mê nhuôk txos nênhs lâuk, sik đros jâuv chiê cơưv ntơưr lâuk. Tul nhuôv Triệu Trung Cường, nhiv no tsênhv cơưv lớp 6 pheiz kênh: “Cur lok six niêv zuk mênhx cxưx Cho li ntơưr lâuk, cur zuôr sir jos cơưv chiê cur niêv cur txir jông siêz thiêz zuôr tror tuôr tsês zuk mênhx cxưx li vênhx huôv jông trâu cxênhx nênhs tov kaz no”.

          Yuôr zơưv Triệu Tiến Thọ, iz lênhx học viên muôx hnuz nhôngs siêz puz pâuz: Tsi taz zos qơư kriê ntơưr, lớp cơưv tsênhv zos iz qơư vênhx huôv, qơư nênhs Cho sik njiz, sik thav lok têx yênhx tưv vênhx huôv jông: “Lớp cơưv ntơưr lâuk Cho lok six coaz tsôngv đros cur thiêz tas nro côngv thôngx nênhs Cho, ntơưr lâuk paz zuk pâuz lok nênhs Cho li ziz njiêz têx luk heik, cur lok six xar njôngr têx cưk kriê muôx jông đas jos chiê tror kriê trâu têx lênhx nênhs xar cơưv ntơưr lâuk chiê tuôr tsês zav ntơưr muôx tsiv grê no trâu tsôngv box”.

          Tuôx zơưv Hoàng Thông Chư lớp cơưv, txơưv zos hluôk nênhs, mê nhuôk zâu, nênhs lâuk puôr lênhx lok six jông siêz thiêz sir jos cơưv. Txix iz lênhx cưk kriê li siêz sir jos tuôr tsês zuk mênhx cxưx li ntơưr lâuk, jos Cuôn tsênhv cxơưz cxiz phongz yaox tuôr tsês ntơưr lâuk mênhx cxưx. Hâur luz nênhx muôx ntâu hlôngr yiêz, thâuv ntâu tsiv grê chax chês jux jus trâus pôngz plox, lớp cơưv ntơưr lâuk Cho nhoz no jông li iz tsênhv tsênhz tso pov hâux lưv truôx siêz tuôr tsês vênhx huôv jông. Zos qơư têx khur ntơưr lâuk tsênhv yênhx hnuz hmo tâu tuôr tsês, zos qơư vênhx huôv jông tsi taz tâu tuôr tsês mak tsênhv tâu kriê txos chôngz lênhx ntâu tul pâuz txos chiê tuôr tsês cov jông tsi chiê pôngz plox./.

VOVĐB-Txâur Vax cxeik nhênhv

Hêir nênhs Êđê ntênhk jênhk mê nhuôv puôs

Ntâu jiês uô ntênhk jênhk mê nhuôv puôs, zos lênhx niêv thiêz mê nhuôv, zơưvg Aê Sên nhoz jos Tơng Jú, phươx Ea Kao, tỉnh Đắk Lắk cux hêik pâuz tiêk. Hêir nênhs Êđê ntênhk jênhk mê nhuôv fuôs zos iz vênhx huôv jông muôx liv trâu côngv thôngx, thâuv lênhx niêv thiêz lênhx mê nhuôv co siz jênhv uô niêv thiêz jênhv uô mê nhuôv puôs chiê lok nhoz uô cê hâur iz chuôz zis. Ntênhk jênhk mê nhuôv puôs tsuv bax cxuô zav uô cov huv đros: “Hêir nênhs Êđê ntênhk jênhk mê nhuôv puôs, zos lênhx txir thiêz mê nhuôv cux li lênhx niêv thiêz mê nhuôv, cưr tix oz tos tsuv muôx njêx muôs cxix cxuô thiêz tsuv muôx tus pâuz thôngz lok zuk hêir nênhs co chax chêk, cêr đaz cêr kruô chiê uô cov huv đros”

Hâur ntu têz qơưs hlôngr yiêz nhiv no, hêir nênhs Êđê ntênhk jênhv mê nhuôv puôs cux tsênhv tuôr tâu tsês tsik chiê pôngz plox. Cxuô zav bax uô cux tsik muôx ntâu

Lễ vật cũng không quá cầu kì, tsuôk zos bax iz tus mê nhuôv buô, iz tus lâu kêiz, iz huz chơưr xơưk, oz luz tôngx chox ntơưv têk chiê muôz trâu oz tos; zos lênhx mê nhuôv puôs cux li lênhx niêv co uô nênhx txov nhêv, tsik tas bax ntâu zav, tsuôk muôx iz huz chơưr, taz sik cưr tix oz tos tsuv tuôx muôx njêx muôs cxix cxuô, đros hnor đros pâuz. Thâuv zơưv Aê Sên hlôngr njêx muôs trâu zuk xênhv hêik lok ntênhk jênhv mê nhuôv puôs thiêz jênhv uô lênhx niêv, cưr tix oz chuôz zis puôr lênhx đros hnor đros pâuz. Lênhx mê nhuôv puôs tsuv sơưr lok txêik piz chơưr xơưk ntơưv zơưv hôngr njêx muôs hêik hâur jiês kriz uô ntênhk, lênhk uô niêv thiêz uô mê nhuôv puôs. Đhâu co, lênhx mê nhuôv puôs tsuv muôz chơưr trâu cưr tix oz tos hâuk.

Trơưk li hêir nênhs Êđê chax chêk, lênhx niêv cux li lênhx mê nhuôv puôs co, cxuô zav chuôz zênhx cux tâu phêiz siz luôs, muôx cêr côngv siêz jông. Lar hêik zos lênhx mê nhuôv puôs co tsuv hluz niêv thiêz hluz txir, siz chos khưr huôv tsar uô kôngz longk cov muôx luz nênhx truôx tuk, tsâu sor. Pos Amĭ H’ước, nhoz jos Tơng Jŭ, phươx Ea Kao, tỉnh Đắk Lắk hêik pâuz: “Thâuv zuk lok uô mê nhuôv puôs, zuk tsuv muỗ niêv thiêz txir sêiz hloz iz zav li zuk niêv xênhz zus zuk. Cxuô zav muôx cêr shir phaz, cêr txov hâur luz nênhx tsuv sik đros phêiz kênh cov muôx luz nênhx truôx tuk, uô nênhx yar ntux đris”

Trơưk li hêir nênhs Êđê chax chêk cxôngx nzor, lênhx tâu jênhv uô mê nhuôv puôs, yênhx lênhx niêv hâur chuôz zis co li oz niêv tuz, thâuv muôx cêr txov bâuv tưs tsuv tau siz paz, siz hluz chiê hla cov đhâu têx cêr phiv liv hâur luz nênhx. Zơưv Aê Sên nhoz phường Ea Kao, tỉnh Đắk Lắk hêik pâuz: “Đhâu ciês hâur ntênhk lênhk nhav uô mê nhuôv puôs, zos iz tos tsik jông siêz, tsik thôngx ziv mak, tsuv sêiz shuôk sêz tos tưs zuôv, tsuv trâus bluô nhiêx chiê nzuôr tos jông siêz thôngx ziv njêx muôs. Đhâu co, lênhx tâu tuôx đros uô ntênhk lênhk nhav mê nhuôv puôs, tsuv hêik kriê cov tsênhz mênhx trâu oz tos pâuz tsênhzlok qir tiv trâus bluô”

Hêir nênhs Êđê chax chêk lênhk nhav mê nhuôv puôs, zos iz vênhx huôv jông txuôk đros côngv thôngx, cxươz cxiz sđ muôx cêr côngv siêz jông iz zav li cxuô lênhx hâur iz chuôz zis. Thiêz hêir nênhs Êđê chax chêk lênhk nhav mê nhuôv puôs, tsuv tuôr cov muôx đros đrêiv hâur luz nênhx tsik chiê pôngz plox./.

                               Tsu cxêik nênhv-H’Thi, CQTT Tây Nguyên