Xã tox siêz Khun Há shir phaz lul txos Đại hội Đảng 14

          Jos ju lix côngv thôngx Lao Chải 1, xã Khun Há, tỉnh Lai Châu khôngz qiv uô lox tôngv sei đrơưv đuô. Sâuv têx cêr muk lok hâur jos, pox nhuôk nênhs Hmôngz sik đros qêz suô, uô vêv xênhz tênhx qơư, đei qix têz qơưk chiê hơưv tos Đại hội Đảng jiês tiv 14. Cêr hur đu, cxuô ziv chuôz zis, jêx jos hur đu tsi taz chiê tos tiêv kruô tuôx ndis seiz uô si mak tsênhv zos tsôngv px tox siêz Khun Há li iz tsưr ziv sik tưr chiê ndar txos Đại hội Đảng tas nro têz qơưk jiês tiv 14. Tix lâuk Ly Xênhv Cưr, tsưr Homestay nhoz jos Lai Chải 1, xã Khun Há pheiz kênh, thâuv sik côngv xã, chinhz yênhx sik côngv siêz hâur tsôngv pox nhuôk ziv tâu muôz siêz, lênhx tưs cux pov tsênhv zuk li txơưx jênhv hâur cxiv kho jêx jos:“Pox nhuôk hâur jos zuôr cxiv kho jêx jos hur đu chiê hơưv tos Đảng li hnuz ntênhs. Cur thiêz pox nhuôk xar njôngr cxiv tsa jêx jos hur jông chiê tsôngv kruô tuôx ndis seiz ziv hnuz ziv chôngz đuô”.

          Khun Há nhiv no zos xã yiêz, thâuv tâu sik côngv 2 xã Khun Há thiêz Bản Hon huyện Tam Đường kuz.

          Tsôngv px txưv zênhv gôngr côngv ar têz, gôngr hnuz côngz krêz đar cêr zaoz thôngz; tsêr vênhx huôv, qơư xênhz huôx côngv thôngx. Tsi taz têx co xưz mak phongz yaox sik tưr nhoz Khun Há tsênhv tâu krêz uô đêz đar hâur huôv tsar uô nox. Đros qiv hơưv, ar têz jông, tiv phaz xav tênhv kôngz nuv hax huv zos iz tsưr ziv uô tsênhv. Sâuv têx tox trôngz, 500 hecta ntâu yuôx zax tsênhv huôv njuôz jông tưz qir txos ntu sâu đê. Tiv zix, 30 hecta ntâu tsoz sâm Lai Châu – zav yuôx muôx tsiv grê tâu pox nhuôk truôx siêz chos hâur har jôngr yênhx trus yênhx tsoz chos chox lok tsiv grê kinh têr siêz.

          Tix lâuk Cứ A Lang, lênhx nênhs hâur tuêv sik hux jos chos sâm Lao Chải 2 puz pâuz, khov tsoz sâm, ntâu ziv chuôz zis luz nênhx muôx têx hlôngr yiêz tsênhz mênhx: “Pox nhuôk hâur jos li kinh têr chêx chos huôv tsar chos txir hơưk thiêz sâm hâur xuz jôngr. Hâux lưv tuôr tsês thiêz huôv tsar sâm Lai Châu tâu pox nhuôk uô txix shông 2018, nhiv no muôx 54 ziv chuôz zis cxaz chuôz. Hâur shông 2026 zuôr txos, pox nhuôk njuôs xav tror krêz đar mênhv chêx chos cxaz muôx nhos 1 hecta thiêz”.

          Đros huôv tsar kôngz nuv, ju lix côngv thôngx cux huôv tsar jông hâur phongz yaox sik tưr nhoz xã Khun Há. Nênhs Lự, nênhs Hmôngz li têx luz tsêr lơưx, tsêr chax chês nhoz iz nta trôngz, đros têx ntênhs phêv, phongz qơưx jông tưz zaz zâuv chôngz tsôngv kruô tuôx ndis seiz, nriêr pâuz. Ntâu izv chuôz zis chuv tôngv kho đuô vax tsê, tuôr tsês têx cêr uô nênhx chax chês, seiz no cê zos tsưr ziv huôv tsar uô nox, cê zos txơưx jênhv tuôr tsês vênhx huôv mênhx cxưx jông.

          Bí thư Chi bộ jos Lao Chải 1, tix lâuk Cứ A Chu puz pâuz, uô ju lix côngv thôngx cux chênhr zos tsưr ziv pox nhuôk cxiv tsa jêx jos vav mênhx, bluô nux:“Cur tưz yax mông, vênhv tôngv pox nhuôk đei qix têz qơưk hơưv tos Đại hội Đảng, sik côngv siêz, thôngx ziv hâur huôv tsar uô nox. Tiv zix zos vênhv tôngv pox nhuôk uô vêv xênhz jêx jos, tuôr tsês vênhx huôv chax chês jông chiê zaz zâuv tsôngv kruô tuôx ndis seiz jêx jos chôngz đuô”.

          Hâur khôngz qiv sik tưr uô lox tôngv xênhz yar co, Đảng bộ, chính quyênx xã Khun Há li pus txux tâu tso pov tsênhz mênhx. Đhâu thâuv sik côngv, bộ meir chính quyêx tiv phaz 2 cấp ciêr chênhr tâu truôx tul, chêx chôngk lênhs tov tsôngv px phuôx huiz têx muôx jông, car chêx têx phêv liv, thôngx ziv txix tiv phaz. Iz phongz yaox sik tưr puôr lênhx reik đros jênhv vưv chính trị, seiz chêx cuk tsênhv tsênhz thiêz tsôngv px li jông siêz zos kror paz cxơưz huôv tsar.

          Phưv Chủ tịch UB xã Khun Há zơưv Đỗ Trọng Thi puz pâuz, xã xav tênhv tsênhz têx jênhv vưv tsênhv chiê huôv tsar truôx tul, ndar txos Đại hội Đảng tas nro têz qơưk jiês tiv 14:“Nghị quyết Đại hội Đảng bộ xã xav tênhv 2 jênhv vưv tsênhv: huôv tsar kinh têr reik đros tsoz sâm Lai Châu thiêz muôz siêz thax tsav chos yuôx zêx tsơưr lươngv siêz; thôngx cxix huôv tsar uô ju lix côngv thôngx reik đros tuôr tsês vênhx huôv têx mênhx cxưx. Jiês hơưv tos Đại hội Đảng tas nro têz qơưk jiês 14, xã cux yax mông, vênhv tôngv pox nhuôk uô vêv xênhz , đei qix thiêz cxiv tsa têx xiv huv ju lix, uô mã QR chiê tos tiêv tsôngv kruô tuôx ndis seiz uô si”./.

                                                                                                                               Khắc Kiên-Txâur Vax cxeik nhênhv

Pêx xênhv Sơn La shir phaz đros Đaiv hôiv Đảng XIV

Zơưv Nguyễn Văn Độ, đảng viên nhoz jok Hưng Hà, xar Chiềng Khương, tỉnh Sơn La puz pâuz, têx shông jê lok no, chor cêr muk lok, tsêr cơưv ntơưr, trạm y têr ntơưv thax tsav ntus đriv qơư zơưv uô nênhx nhoz tưz hlôngr yiêz jông đuô. Tênhv tênhz têz qơưk, sóng viễn thông, internet tâu chaz txos cxuô qơư, paz trâu pêx xênhv pâuz tâu têx xor mông, khoa học kỹ thuật thiez kriz đar qơư muôs têx hax huv. Li zơưv chuôz zis, khov huôv tsar tsưr ziv chos txir thênhx caz shông no tưz sâu tâu xar muôx 1 tiv đêiv.

Txix têx hlôngr yiêz co, pêx xênhv ziv hnuz ziv njênhs siêz trâu Đảng. Zơưv Độ vav tiêk Đaiv hôiv XIV zuôr tror muôx têx chủ trương, tsưr ziv jông đuô, huv đros trâu tsênhv tsênhz ntơưv thax tsav tsôngv box mênhx cxưx tsơưs nênhs, tiv zix zos  hâur huôv tsar kinh têr đros trâu txo grek yêiz pluôs truôx đrênhk:“Pêz vav tiêk Đảng, Têz qơưk tror paz trâu pêx xênhv txêik pênhr chiê uô nox cov tâu jông đuô. Đros co zos tror cxơưz cxiz chor doanh nghiệp yưv pênhr uô têx kôngz nuv ntơưv thax tsav nhoz đêz, tox siêz, li paz trâu uô têx kôngz lôngk, tu zus tsiêx cxu, suôz njêl chiê paz muôx tâu kinh têr siêz đuô trâu pêx xênhv”.

Canr bôv, đảng viên thiêz pêx xênhv xar Chiềng Khương, tỉnh Sơn La cux vav tiêk têz qơưk chor tsaz yênhx tror tâu kriz uô jông đuô, tiv zix zos têz qơưk tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz, tâu sêiz zos kror zov chênhr paz trâu pêx xênhv muôx pênhr jos yưv pênhr trâu uô nox, paz truôx tuk luz nênhx. Zơưv Đào Việt Phương, Phưv Bí thư Thường trực Đảng ủy xar hêik pâuz:“Pêz njênhs thiêz vav tiêk Đaiv hôiv Đảng XIV zuôr tror muôx têx chủ trương, tsênhv chêi jông đuô, paz trâu huôv tsar kinh têr-xar hôiv truôx đrênhk hâur ntu yiêz. Pêx xênhv vav tiêk zuôr tror tâu paz hâur uô kôngz nuv; muôx tsênhv chêi tsênhv tsênhz paz trâu uô kôngz nuv lơưr saz hax huv. Đros co zos vav tiêk Đảng tror muôx têx tsênhv chêi paz trâu huôv tsar kinh têr-xar hôiv huv đros thax tsav ntus đriv li huôv tsar kinh têr trôngx đriv”.

Pos Hoàng Thị Thu, Phưv Bí thư Thường trực Đảng ủy xar Chiềng Sơ, tỉnh Sơn La hêik pâuz: đros zoz zux, côngz xưv txoz cxơưx đas jos trâu pêx xênhv cux zos kror hâux lưv lox. Txơưv cxiv luôs y têr ntơưv qơư tưz tâu uô jông đuô, taz sik chie buôs ti tau dịch vuv y têr tsơưr lươngv ntơưv têx qơư nhoz đêz, tox siêz tsênhv tsơưs. Pêx xênhv vav tiêk Đaiv hôiv XIV tror sir jos yưv pênhr têx chuôz zênhx y têr, chuôz cxaz chor bác sĩ lok uô hâux lưv ntơưv thax tsav qơư, chiê pêx xênhv nhoz tox siêz tâu njuôk kho moz cov ndar six hơưv. Đros co zos sir jos huôv tsar cơ sở cxuô zav, paz trâu pêx xênhv nhoz chor tox siêz, đez đrôngs, thax tsav txov nhêv tiv zix, trâus ntux nas chuô ruôr hiêv truôx tuk luz nênhx:“Pêz cux vav tiêk Đaiv hôiv Đảng XIV zuôr xêir tsov tâu chor canr bôv sir jos, muôx txux chi jông paz trâu têz qơưk hla trâu mênhx cxưx ntu hlôngr yiêz thiêz huôv tsar. Tiv zix tror sir jos paz gra siêz pêx xênhv nhoz đêz, tox siêz, thax tsav txov nhêv tiv zix luz nênhx”.

Nhạc nền Đảng đã cho ta mùa xuân…

Txix têx jêx jok tox siêz, nhoz đêz, thax tsav ntus đriv, canr bôv, đảng viên thiêz pêx xênhv tỉnh Sơn La tsênhv shir phaz, njênhs njôngr thiêz vav njôngr trâu Đaiv hôiv Đảng XIV./.

                                                                                                                         Thanh Thủy-Lik Thox cxêik nhênhv

Đại hội Đảng tas nro têz qơưk jiês tiv 14-Têx tsênhv njiêz zov chênhr thiêz hâux lưv lox

Tsôngv box...! Đảng Đại hội 14, Đảng, têz qơưk thiêz pêz tsôngv pêx xênhv xor xưv chính trị zov chênhr tsênhv taz tov fuô uô. Tsôngv lax pêx xênhv chiê siêz, tok njôngr Đảng Đại hội 14 zuôr muôx têx chei jông chiê cxơưz Việt Nam hla trâu ntu têz qơưk hlôngr yiêz thiêz huôv tsar, uô tâu têz qơưk cxuô luôs hâux lưv tso tơưv txos shông 2030 thâuv Đảng txưv 100 shông yênhx lix (1930-2030); uô tâu truôx jông hâux lưv huôv tsar têz qơưk txos shông 2045, chiv nhênhv 100 shông yênhx lix têz qơưk Việt Nam (1945-2045).

Đại hội 14 kiểm điểm, ntâuk grê têx luôs hâux lưv uô tâu hâur six cxiv 13; ntâuk grê hâur têz qơưk, thax tsav thiêz sâuv ntiêx têz; xav tinhv tsưr ziv, têx hâux lưv zov chênhr hâur ntu zuôr txos chiê huôv tsar sei thiêz truôx, zuôr lênhx nênhs zos zov chênhr, vênhx huôv uô qơư khov.

Têx tsưr ziv zov chênhr lok huôv tsar, gra siêz txux chi njuôk xav thiêz fuô uô Đảng tsưr ziv, têz qơưk tsênhv chei chiê đơưk uô tâu jông cxuô luôs hâux lưv. Cxơưz cxiz huôv tsar khoa học, công nghệ, hlôngr yiêz txux chi thiêz hlôngr yiêz sôr phưx vưv, muôz qơư chuôz jos trâu huôv tsar. Sir jos hlôngr yiêz tsưr ziv thiêz gra siêz tsơưr lươngv pênhr jos, huôv tsar pênhr jos chiê lês uô tâu truôx cxuô cêr nuv. Tror uô tiêr thiêz cxiv uô jông têx côngz trênhx kinh tế xã hội; lar heik zos têx cêr muk lol, công nghệ phưx vưv trâu seiz car thiêz muôz qơư truôx trâu huôv tsar, côngz trênhx phưx vưv hlôngr yiêz sôr, huôv tsar jông cxuô tsar zav huv đros huôz chuô, ntux txơưr txar.

Đại hội 14 zos xor xưv chính trị lok six zov chênhr, heik lol Đảng txux chi, tsưr ziv chox cêr, hâux lưv lox cxiv tsa thiêz tsưx phưv têz qơưk Việt Nam hlôngr yiêz, viv iz têz qơưk Việt Nam hux fênhx, truôx tuk, vav mênhx, huôv tsar.

Tas nro Đảng, tas nro tsôngv pêx xênhv thiêz tas nro pêz têx tuz lênhv sik thôngx siêz truôx, sik đros cxiv tsa, tsưx phưv thiêz huôv tsar têz qơưk; fuô uô jông têx tsênhv chei zov chênhr, sir jos uô tâu truôx cxuô luôs hâux lưv lơưr Đảng Nghị quyết Đại hội 14; cxơưz pêz têz qơưk yênhx têz qơưk huôv tsar jông, muôx phênhv sâu tâu siêz lok shông 2030; bax tok chiv nhênhv 100 shông yênhx lix Đảng; uô ndar txos shông 2045 chiv nhênhv 100 shông yênhx lix têz qơưk, yênhx têz qơưk xã hội chủ nghĩa huôv tsar truôx jông, sơưr siz txis đros 2 chas têz qơưk sâuv ntiêx têz xưk Chủ tịch HCM tsưr ziv, siêz xar thiêz tas nro tsôngv lax pêx xênhv cêr vav tok njôngr.

Hâur têx hnuz đhâu, ntâu luôs hâux lưv, ntâu xor xưv muôx liv tưz tsưr tsix chiê hơưv Đại hội Đảng tas nro têz qơưk jiês tiv 14. Lar heik zos Piêr kriê “Đảng cộng sản Việt Nam-Txix Đại hội txos trâu qir cơưv Đại hội” lok hnuz 26/12/2025 ntơưv Hà Nội, đros muôx Tổng Bí thư Tô Lâm dự thiêz seiz njiê pov njôngr yênhx lix. Piêr kriê tror heik txos 95 shông Đảng chox cêr đhâu yênhx ntu cxiv tsa, muôz pêx xênhv cêr njênhs njôngr trâu Đảng. Iz chas ntơư, têx phôngz yaox sik tưr nhiêv têz qơưk, krêz uô têx dưv anr lox tâu cxơưz cxiz uô jông sâuv tas nro têz qơưk chiê cxuô lênhx cxuô tus, cxuô thax tsav sik tưr uô hâux lưv jông hơưv Đại hội./.

                                                                                                                       Thào Ly-Riê Lâux cxeik, nhênhv