Qox fuô uô kênhz uô tuôr thênhv txos yênhx cxênhz lênhx pêx xênhv nhoz Sông Mã

Ntâu shông đhâu, yênhx puô lênhx shux xênhz nhoz trơưk 2 saz ntus đêx Sông Mã, thax tsav jok Xôm Côn, xã Nà Nghịu (kuz), nhiv no zos xã Mông Mã, tỉnh Sơn La tsuv lus cêr đêz xar muôx 10 cêik cêr chiê tuôx cơưv ntơưr ntơưv tsêr cơưv cxênhx 2 thiêz cxênhx 3 hâur xã. Thâuv tus qox jok Tây Hồ tâu krêz côngz cxiv uô lok 3 luz hlik txix hli 10-12/2022, shux xênhz niêv txir thiêz shux xênhz cxuô heir nênhs nhoz no lok six shir phaz, jông siêz hênhr. Taz sik tưz ntâu luz hlik lol no, công trênhx cux uô tsi tiêr chiê têx nhuôs shux xênhz zôngx ziv muk lol. Tix lâus Thoa Phương 2 niêv txir nhoz jok Xôm Côn heik pâuz: “Chor nênhs cxênhz jê puôr lênhx nhoz saz ntus đêx tiv, pêz tsuv lus muk lok six đêz pok đrav tus qox lox tuôx xưz. Zos tus qox no cxiv uô tiêr mak cur muk saz tiv niêv têik zơưv txir tsuôk muôx iz cêik, taz sik tsi tâu muôx qox tsuv lus muk đêz 10 tơưv cêik. Tus qox co tưz cxiv uô ntêr lơưv, taz sik cux tsi tâu hlo, pêx xênhv lênhx tưs cux xar cov nzor uô tiêr chiê zôngx ziv muk lol”.

Dưv anr qox lox Tây Hồ ntêr 99 thiêr, muk txix jok Tây Hồ trâu jok Xôm Côn, zos Ban seiz car yưv pênhr cxiv tsa huyện Sông Mã (kuz) uô tsưr cxiv uô. Nhiv no Ban seiz car dưv anr cxiv tsa têx côngz trênhx kôngz nuv thiêz huôv tsar tox siêz tỉnh uô tsưr yưv pênhr uô đhâu thâuv hâu nov ntơưv qơư lês uô têx hâux lưv lơưr 2 cấp. Côngz trênhx xav hur si pênhr yưv uô tas zuôr xar 17 tyv đeiv zos huyện nhiêx txiêx yưx uô. Taz viv cxiv tsa zos Công ty Ánh Trang thiêz Công ty Hồng Kông sik đros hux jos uô. Hli 4/2022, dưv anr tâu Ủy ban huyện Sông Mã kuz cir ntơưr, tso chei yưv pênhr thiêz uô tiêr lok kaz shông 2024. Hli 12/2024, Ủy ban huyện Sông Mã tưz muôx quyết định tso chei cxiv kho six hơưv, hnuz nhôngs uô tiêr lok hli 12/2025. Co zos côngz trênhx zov chênhr chiê sơưr đơưk zôngx ziv muk lol txix tsênhv qơư huyện trâu chor xã nhoz trơưk 2 saz ntus đêx Sông Mã thiêz paz cxơưz cxiz kinh tế-xã hội huôv tsar, taz por truôx tuk chính trị, truôx tuk xã hội hâur thax tsav qơư.

Taz sik txos nhiv no tưz đhâu six hơưv heik sâuv tâu zuôr xar 3luz hlik lok cux uô tsi tiêr. Chor nênhs yưv pênhr uô nhiv kruôr cxiv uô tâu iz tos qox thiêz iz tus ndêx qox xưz, yuôr đuô li tsênhv jông li kuz, tsi tâu tâu uô hlo. Cêr muk trâu sâuv qox thiêz hur si txox cêr lok cux tsi tâu nquôr ar pliê. Tsi tas li, ntơưv côngz trênhx tsuôk muôx 1-2 lênhx nênhs thiêz meir uô hâux lưv, muôx kênh hnuz tưz tsi pov iz tus nênhs nhoz kror tưs.

Sik thav đros tuz sâu xor xưv lok qir tiv uô kênhz tus qox ntơư, zơưv Đoàn Ngọc Ánh, Giám đốc Công ty Ánh Trang heik pâuz, tiv ntux txơưr txar, đêx nas hloz uô tơư qox trâus cuôr yôngz thiêz luôs hâux lưv zuôr qơư uô qox njiz trâus phiv liv. Nhiv no tsưr yưv pênhr uô tsênhv cxiv puôz tơư qox, ndêx qox, sir jos txos hli 6/2026 zuôr uô tiêr thiêz choz zok côngz trênhx. Zơưv Hoàng Văn Thuyên, Chủ tịch Ủy ban xã Sông Mã, tỉnh Sơn La heik pâuz, hâur têx jiês chuôs njiz cử tri, tsôngv pêx xênhv cux heik ntâu txos thiêz thix ziv cov cxơưz uô sei tus qox co: “Xã cux tưz uô hâux lưv 2 jiês đros tsưr yưv pênhr thiêz muôx ntâuz ntơưr xa trâu taz viv cxiv tsa cov cxơưz cxiz uô sei côngz trênhx no. Tsưr yưv pênhr zos Ban dưv anr kôngz nuv cux têz tiêk, zuôr tror fuô uô thiêz heik têx lênhx nênhs cxiv tsa chos luk sir jos uô tiêr côngz trênhx uô ntêx cheix ntux nas no”.

Tsôngv pêx xênhv nhoz jê trơưk 2 saz ntus đêx Sông Mã heik tơưv cêr cxơưx, tsuôk yuôr 3 hlik xưz thax tsav Tây Bắc tưz txos cheix ntux nas, zos qox Tây Hồ uô tsi tiêr trơưk cui tinhv li nênhs cxiv tsa chos luk mak tơư qox zôngx ziv tror trâus đêx nas cuôr yôngz. Yênhx cxênhz lênhx nhuôs zâu thiêz pêx xênhv zuôr tror tok txos thâuv tưs thiêx muôx qox, zôngx ziv muk lol?./.

VOVTB-Riê Lâux cxeik, nhênhv           

Tsik ndo phax tir thêir moz vưv- uô lênhx nênhs muôx cêr pôngz siêz

         Tưz đhâu 3 luz hlik, taz sik hâur luz tsêr nhoz jos Đá Đinh 2, xã Hợp Thành, tỉnh Lào Cai, niêv lâuk Phùng Thị Oanh tsênhv ndo njôngr txos zuk tul txir ntu zuôr pôngz thâuv huôv moz vưv. Co tsi taz zos cêr pôngz siêz lox mak tsênhv zos iz kror uô trâu niêv lâuk xar njôngr tiêk, thâuv co lav khênhr zênhx max chox zuk tul txir muk cxax yuôx phax moz mak tsi muôx yưv têx cêr pôngz siêz li no: “Tsâus ntux hnuz co ntux lok nas lox, tul đêz nhoz đrâuv jôngr, six fênhx teix lok hâur tsêr, cur tul txir lơưr tơưv muk viv li trâus nưs tov. Tsi muôx lênhx tưs xar tiêk zuôr xưk li no, co cux zos viv zuk tso siêz, tưz mnôngs luôk têx yax mông ntêr lơưv taz sik tsi xar txos tiêk zuôr muôx yưv đros zuk chuôz zis. Nhiv no mak xar txos mak tưz lis lơưv”.

          Kror tsuv heik, tul đêr tov niêv lâuk Oanh tul txir zos niêv lâuk chuôz zis tuk. Txos thâuv tul txir huôv moz vưv, chuôz zis thiêx zênhx max chox têx lênhx nênhs txơưr tưz trâus đêr tov muk cxax yuôx phax moz. Pâuz tâu hâux lưv no, zơưv Mai Văn Thái- Phưv giám đốc Trạm y tế xã Hợp Thành pheiz kênh: “Hâur 15 shông đhâu sâuv thax tsav jos tsi muôx lênhx nênhs tưs trâus tuôs tiv moz vưv. No zos lênhx nênhs xuz thơưx, viv tsi tsưv ziv, tsi heik kriê, tsi mnôngs cán bộ y tế li heik kriê thiêx li xưk li ntơưv”.

          Lơưr pov cov txix Tsênhv qơư seiz car moz (CDC) tỉnh Lào Cai, txix hâur shôngk shông txos nhiv no, tas nro tỉnh tưz muôx zuôr xar 3 cxênhz jiês lênhx nênhs cxax yuôx vắc xin phax moz, yênhx puôk lênhx nênhs sir zôngv huyết thanh phax moz vưv, thiêz tưz muôx 2 lênhx nênhs trâus tuôs.

          Têx chuyên gia y tế puz pâuz, caz moz vưv muôx hâur đêr, yưk trâus moz vưv li chor kâuz ndâus txơưv tsi tâu pov huôv moz. Cxix luôk y tế truôx siêz chơưv kho, đros co coaz tsôngv tiv zix zos nhoz tsôngv px li siêz xar. Zơưv Trần Xuân Hùng- Phưv giám đốc CDC Lào Cai heik mênhx: “Vắc xin phax moz vưv, huyết thanh pahx moz vưv thâuv tưs cux muôx cxix cxuô nhoz tiv phaz, nhoz qơư cxax yuôx phax moz. Têx qơư cxax yuôx puôr lênhx muôx nhoz têx xã, phường, zôngx ziv muk lok trâu tsôngv px. Cxuô lênhx tsôngv px tsuv chuv tôngv đuô, tsuv muk qơư y tế chiê seiz njuôs, heik kriê thiêz cxax yuôx zos tâu bác sĩ heik kriê”.

          Têx lênhx nênhs hâur jos trâus moz vưv tuôs tưz yênhx lo lul canhv pov hâur côngv thôngx. Hâux lưv phax tar moz vưv nhiv no tsi zos nênhs trâus đêr, yưk tov thiêz mak zos têx ziv chuôz zis tu zus đêr, yưk li  txơưx jênhv. Niêv lâuk La Thị Hương, iz lênhx nênhs hâur tiv phaz pheiz kênh: “Cur pâuz tâu tiêk zos thâuv trâus đêr, yưk tov tsuv ciêr chênhr muk cxax yuôx phax moz chiê tsi trâus huôv moz. Zos chuôz zis tu zus đêr, yưk tsuv khi, tsi tso kuk, chox tơưz kror ndâux thiêz tiv zix zos tsuv cxax yuôx phax moz cxix cxuô”.

          Tsuv tsưv ziv por vêv zuk txox siê. Thâuv trâus đêr, yưk tov, tsuôz thiêz zeiv kror cxaz, tsưr ziv jông tiv zix zos zôngv yuôx phongx nzuôr tês 15 phênhz tsôngz thiêz ciêr chênhr muk ciês qơư y tế. Chuv tôngv cxax yuôx phax moz trâu tsiêx cxu thiêz phax moz vưv trâu lênhx nênhs zos môngr tsi jông trâus đêr, yưk tov, tsuôz lok sik zeiv kror cxaz./.

An Kiên-Txâur Vax cxeik nhênhv