Gia Lai: Moz kror muôs liêz huôv xênhz phiv liv

          Zos iz hâur têx lênhx nênhs tos ntêr six hơưv chiê gra đeiv ntơưr seiz njuôs shuôk moz kror muôs trâu tul txir, niêv lâuk Yên Thị Sáng nhoz thị trấn Chư Prông, huyện Chư Prông puz pâuz, hâur 1 ciêz đhâu, niêv lâuk tul txir, 2 tul nhuôv tuz thiêz niêv lâuk puôr lênhx trâus moz kror muôs liêz. Qir thơưx, niêv lâuk tul tuz nzơưs trâus cik moz kror muôs liêz txix tsêr cơưv ntơưr lok, niêv lâuk muk zuôr yuôx plênhr, 1 ciêz đhâu thâuv mê nhuôk jông jux jus mak ho cik trâu niêv lâuk tul txir thiêz tul nhuôk tiv 2, viv li niêv lâuk thiêx chox tuôx seiz njuôs shuôk trâu tsêr kho moz, cov kho tâu jông moz sei đuô: “Cur tul mê nhuôk moz tâu 1 ciêz, nhiv no tưz jông mê njik,  tul nhuôv tiv oz ho trâus moz hnhar đuô, cur tul txir mak tas cik sơưr nzor trâus moz, zar hnuz keix cur chox muk seiz njuôs trâu tsêr kho moz. Nhiv no ntâu lênhx nênhs trâus moz kror muôs liêz hênhr”

          Hâur 1 luz hlik ntâu no, têx tsêr kho moz nhoz tỉnh Gia Lai muôx 3 cxênhz ntâu lênhx nênhs trâus moz kror muôs liêz tuôx seiz njuôs thiêz kho trâu tsêr kho moz. Hâur co, iz đraz tâu seiz njuôs thiêz kho moz ntơưv tsêr kho moz chuyên khoa nhoz TP Pleiku. Chungz fênhx, iz hnuz, iz tsêr kho moz jênhv thiêz kho moz trâu muôx nhos 50 lênhx nênhs trâus moz kror muôs liêz, muôx têx hnuz ndê txos 100 ntâu lênhx.

          Chiê uô cov tâu truôx jông luôs hâux lưv seiz car tir thêir moz kror muôs liêz, tsênhv qơư seiz car moz tỉnh Gia Lai tưz muôx ntâuz ntơưr xa txos têx qơư y tế nhoz 17 huyện, thị xã, thành phố. Lơưr co, thix ziv têx qơư y tế chuôz tsar yax mông, seiz car, pov nzor thiêz yưr lir txos qơư têx qơư muôx moz kror muôs liêz huôv xênhz sâuv thax tsav. Thạc sĩ, bác sĩ chuyên khoa moz kror muôs Vũ Phương Việt Hằng- Tsênhv qơư seiz car moz tỉnh Gia La puz pâuz: nênhs moz kror muôs liêz phênhv ntâu zos shux xênhz tsênhv chuôz ndê, viv li têx lênhx uô niêv uô txir thiêz tsêr cơưv ntơưr tsuv muôx tsưr ziv phax tar moz huv đros: “Muôx têx heik kriê co zos hâur tsêr cơưv zos qơư zôngx ziv trâus cik moz tiv zix. Thâuv mê nhuôk trâus moz, niêv txir tsuv tso mê nhuôk nhoz tsêr tsik chiê cik moz trâu têx lênhx mê nhuôk txơưr. Thâuv mê nhuôk trâus moz tsuv chox mê nhuôk muk seiz njuôs trâu tsêr kho moz, tsik chiê muôx yưv têx moz hnhar”./.

Nguyễn Thảo-Txâur Vax cxeik nhênhv

Pok tâu cxaz chuôz BHXH thâuv uô canr bôv uô hâux lưv tsi chuyên trách cấp xã?

              Canr bôv uô hâux lưv tsi chuyên trách cấp xã pok tâu cxaz chuôz BHXH?

           Ntơưv Grê 15, Chính phủ li Nghị định 92/2009 tâu cxiv kho  txix yôngx 7 Grê 2 Nghị định 34/2019 cui tinhv lok chei kriê cxaz têx txux chi tsưr ziv uô nuv thiêz BHXH trâu têx lênhx nênhs uô hâux lưv tsi chuyên trách muôx li đrav kaz:

           “Chei kriê cxaz têx txux chi tsưr ziv yuôr trâul thiêz BHXH trâu têx lênhx nênhs uô hâux lưv tsi chuyên trách

           1.Chor nênhs uô hâux lưv tsi chuyên trách hâur xã tâu kriê cxaz têx txux chi yuôr trâul huv đros trâu têx hâux lưv tsênhv tâu choz lês uô hâur niêx hnuz; thâuv tâu tso muk cơưv li heik sâuv tâu sơưv têx chei li cui tinhv ntơưv yôngx 2 Grê 12 Nghị định no.

            2.Chor nênhs uô hâux lưv tsi chuyên trách hâur xã zos têx lênhx tâu cxaz chuôz BHXH”.

          Li ntơư, thâuv cox uô canr bôv tsi chuyên trách cấp xã cux zuôr tâu cxaz chuôz BHXH lơưr chei têz qơưk cui tinhv.

            Canr bôv tsi chuyên trách cấp xã nhiêx hli thêv BHXH zos bâuv li chas?

           Ntơưv yôngx 1 Grê 89 Chei BHXH 2014 cui tinhv nhiêx hli thêv BHXH zos xav trơưk li lênhx nênhs ntơư li têx nhiêx hli, nhiêx tâu paz nzir, nhiêx uô hâux lưv thiêz nhiêx hli thêv BHXH zos phênhv nhiêx hli ntơưv qơư.

           Iz chas co, nhiêx thêv BHXH thâuv cox uô canr bôv tsi chuyên trách cấp xã zos xav trơưk phênhv nhiêx hli ntơưv qơư, bâuv li iz tsov 490 cxênhz đeiv.

            Canr bôv tsi chuyên trách cấp xã tâu sơưv nhiêx hli li chas?

         Lơưr Chính phủ Nghị định 92/2009, Grê 14 tâu kho đuô txix yôngx 5 Grê 2 Nghị định 34/2019, nênhs uô hâux lưv tsi chuyên trách hâur xã tâu sơưv têx nhiêx hli, chei BHXH, BHYT.

          Têz qơưk muôz nhiêx hli, paz thêv nhiêx BHXH, BHYT trâu lênhx nênhs uô hâux lưv tsi chuyên trách hâur xã lơưr cui tinhv li đrav kaz:

           Iz, tâu muôz nhiêx bâuv 16 jiês phênhv nhiêx hli ntơưv qơư;

           Oz, tâu muôz nhiêx xar bâuv 14 jiês phênhv nhiêx hli ntơưv qơư;

           Pêz, tâu muôz nhiêx bâuv 11,4 jiês phênhv nhiêx hli ntơưv qơư./.

Thu Thùy-Riê Lâux cxeik, nhênhv