Tsôngv pêx xênhv ntus đriv Lào Cai cêr njênhs njôngr, chiê siêz trâu Đảng Đại hội 14

Lênhx cưk yuôx, tiến sỹ, bác sỹ Đào Thị Ngọc Lan, kuz giám đốc Sở Y tế tỉnh Yên Bái, nhiv no zos Giám đốc công ty huôv tsar y tế Việt Tràng An, Giám đốc Tsênhv qơư huôv tsar khoa học-công nghệ thiêz tsoz phưz đas jos côngv thôngx tỉnh Lào Cai, 40 shông nhoz hâur Đảng, tưz muôx jiês  hmôngr tâu cxaz chuôz dưv Đại hội Đảng tas nro têz qơưk jiês tiv 10 heik, thâuv tưs tưz sox seiz njôngr Đảng têx jiês Đại hội, muôz cêr chiê siêz, vav njôngr trâu têz qơưk huôv tsar.

Pos Đào Thị Ngọc Lan heik pâuz: Đảng Đại hội 14 jiês no cơưv hâur ntu sâuv ntiêx têz thiêz thax tsav muôx ntâu txơưr txar, phiv liv, ziv uô trâu Đảng sir jos lês uô jông hâux lưv chox cêr. Vav thiêz chiê siêz Đại hội zuôr tror khav tinhv, uô truôx jông đuô cxuô luôs hâux lưv huôv tsar têz qơưk, txix ntâuk grê tsênhv tsênhz, huv đros, iz chas ntơư uô tsênhz mênhx têx uô tsi tâu tsi tiêr chiê muôx tsưr ziv cxiv kho, hlôngr yiêz thiêz uô tâu jông đuô. Hâur ntu huôv tsar yiêz, tsi tiêk chuôz tsar kinh tế, tsênhv sir jos huôv tsar truôx chiê uô tâu têx hâux lưv tso tơưv thiêz huv đros, cxiv kho ngênhx vênhx huôv, sơưr đơưk sik thôngx siêz, sik đros huôv tsar, luz nênhx tsâu sor, vav mênhx:“Zos iz lênhx đảng viên tâu ntêr shông, cur lok six moz siêz txos luôs hâux lưv cxiv tsa, cxiv kho Đảng thiêz hâux lưv canr bôv. Cur vav tiêk, Đại hội zuôr bâux xeir tâu têx lênhx canr bôv hâu nov cxuô cấp, lar heik zos cấp T.Ư muôx txâuk txux chi tsưr ziv jông, moz siêz lês uô cxuô luôs hâux lưv zok muôz viv têz qơưk, viv tsôngv lax pêx xênhv, cxơưz têz qơưk hlôngr yiêz, huôv tsar”.

Txix zos iz lênhx nênhs uô hâux lưv seiz njuôk shuôs đas jos, khoa học thiêz xã hội, pos Đào Thị Ngọc Lan vav tok njôngr li no:“Cur tok njôngr Đại hội zuôr muôx têx tsưr ziv, chei tsênhz mênhx thiêz jông đuô trâu yưv pênhr huôv tsar lênhx nênhs, seiz y tế, zoz zux, khoa học, công nghệ thiêz pênhr jos  tsơưr lươngv siêz zos zov chênhr chiê uô qơư khov huôv tsar truôx. Iz chas ntơư, têx tsưr ziv, tsênhv chei tsuv tror tâu moz siêz txos tox siêz đêz đrôngs, thax tsav tsôngv box heir nênhs tsơưs, chiê jux juk cxuô lênhx cxuô tus, cxuô heir nênhs puôr lênhx muôx luz nênhx truôx tuk, tsâu sor, tsi muôx lênhx nênhs tưs trâus pôngz kaz”.

Tix lâus Hoàng Mạnh Linh, Phưv Bí thư Tỉnh đoanx, Tsar ban côngz xưv Đoanx tuz nxeik hluôk thiêz nhuôs zâu, Cơ quan Ủy ban Mặt trận Tổ quốc Việt Nam tỉnh Lào Cai heik: Hâur ntu têz qơưk hlôngr yiêz, chor tuz nxeik hluôk Lào Cai nhiv no tâu uô nênhx, hloz lox hâur ntu huôv tsar, tâu buôk ti txos khoa học, công nghệ thiêz moz siêz sik tưr huôv tsar uô nox, uô hâux lưv viv côngv thôngx. Têx li heik sâuv uô tâu đhâu tsênhv tsênhz li: Yênhx lix 100 paz hluôk nênhs uô hâux lưv jông siêz paz kriê 128 cxênhz ntâu lênhx pêx xênhv uô têx ntâuz ntơưr uz no trơưk li hlôngr yiêz. Lar heik, hluôk nênhs cêr uô ntêx nyuôs tưz paz uô tâu jông têx hâux lưv phiv liv, txix hu zâuv 2 cxênhz ntâu lênhx hluôk nênhs đros đơưk uô, tu têx phiv liv, paz yêik txar qơư nhoz trâu pêx xênhv chiê zuôr qơư chaz xor tênhv lox 500kV Lào Cai-Vĩnh Yên, txos trâu zênhx max khưx phưx têx tsi jông, trâus puôk tsuôx tiv nas chuô uô, paz cxiv kho đuô 21 luz tsêr nhoz trâu pêx xênhv thax tsav trâus nas chuô uô ruôr hiêv. Têx hâux lưv uô tâu co zos khov chor hluôk nênhs têx sir jos, khav tinhv hluôk nênhs cêr uô ntêx nyuôs. Tix lâus Linh xar njôngr li no:“Chênhr txix têx phiv liv no, pêz xa cêr chiê siêz, vav tok njôngr trâu Đảng Đại hội 14 zuôr tror tso tơưv têx chei jông thiêz huv đros tsênhv tsênhz đuô trâu chor tỉnh ntus đriv. Pêz vav thiêz tok njôngr Đảng zuôr muôx têx chei truôx ntêr lok huôv tsar kinh tế sôr, xã hội số reik đros kriê cxaz nzir txux chi, tsưr ziv jông trâu têx lênhx hluôk heir nênhs tsơưs. Iz chas ntơư, tror muôx tsênhv chei paz zok nriêr hâux lưv uô đros trâu tuôr tsês, por hưv têx txux chi vênhx huôv ntơưv qơư tsi chiê pôngz plox, paz chor hluôk nênhs huôv tsar uô bluô nux ciês sâuv chênhr zuk qơư nhoz. Tsi tas li, cux moz siêz yưv pênhr trâu vênhx huôv, zoz zux.....nhoz thax tsav tox siêz đêz đrôngs”./.

                                                                                                                         Đinh Tuấn-Riê Lâux cxeik, nhênhv

Khôngz qiv sik tưr uô hâux lưv sâuv công trường tsêr cơưv têx cấp nhoz ntus đriv Sơn La

Đros mênhv chêx đar zuôr xar 5 hecta, Tsêr cơưv PT nội trú têx cấp cxênhx iz thiêz cxênhx oz Chiềng Khương, tỉnh Sơn La njuôs xav uô tiêr zuôr tas muôx nhos 1 cxênhz lênhx shux xênhz. Ntâu qar cơưv bộ môn, qơư nhoz so, tsêr uô côngz xưv, tsêr uô jâuz mor trâu shux xênhz lok sik qơư kriê luôv đêx, shâuv thiv thao...tas nro puôr lênhx zuôr tuôv zênhv zoz qơưx kriê thiêz cơưv ntơưr trâu shux xênhz. Tsuôk đhâu zuôr xar 3 luz hlik krêz côngz, sir jos cxiv uô txơưv yar ntux lok sik ntux no njiv, têx lớp cơưv tưz jux jus tâu cxiv uô tiêr. Trung tá Trần Văn Đăng, Tổng công ty yưv pênhr thiêz huôv tsar tsêr nhoz, Bộ côx phax, taz viv cxiv uô côngz tsinhx pheiz kênh:“Hơưv tos Đại hội Đảng tas nro têz qơưk jiês tiv 14, cxuô lênhx nênhs li chinhz yênhx uô hâux lưv ziv sei đrơưv đuô, sik tưr uô hâux lưv yênhx hnuz hmo. Pêz sir jos txix nhiv no txos thâuv nox tsiêz zuôr uô tiêr 100% plas tsêr thiêz tax 50% tsưr ziv cxiv uô chiê nox tsiêz tas sir jos uô cxiv uô tâu tiêr”.

          Txix ciês thâuv sơưr nzor, huôz tsi tâu zax tas, tưz hnor têx meir nquôr bê tông, suôz trâux đror ntông ntưs. Têx hâux lưv txix cxiv uô qơư cơưv tsênhv, qơư nhoz so txos têx côngz tsinhx phưv, têx tuêv cxiv uô lok six uô jông uô thiêz sei đrơưv. Iz lênhx iz hâux lưv, lênhx tưs cux tso pov chinhz yênhx txơưx jênhv siêz tiv zix. Tix lâuk Ông Văn Tuấn, công nhân cxiv uô qơư nhoz bán trú trâu shux xênhz, Tsêr cơưv PTNT cấp iz thiêz cấp oz Chiềng Khương heik:“Qơư nox nhoz mak tuêv tsênhv uô txix nhiv no txos thâuv nox tsiêz zuôr uô tâu yôngx 2. Pêz ntâu hnuz no uô yênhx hnuz hmo chiê taz por uô tiêr côngz tsinhx trơưk tsưr ziv”

          Ntơưv xã Mường Hung thiêz Chiềng Khoong, tỉnh Sơn La, têx taz viv cxiv uô tsênhv puôr lênhx huiz tôngv tas nro lênhx nênhs, cxuô zav meir, uô hâux lưv yênhx hnuz hmo, sir jos uô ntêx thâuv nox tsiêz têx lớp cơưv, tsêr nox nhoz zuôr tâu cxiv uô tiêr. Zơưv Nguyễn Giang Nam, Phưv giám đốc Công ty CP cxiv tsa 468, taz vi cxiv uô Tsêr cơưv nội trú têx cấp Mường HUng thiêz zơưv Đỗ Trường Sơn, Phưv giám đốc Cty CP Việt Dũng, taz viv cxiv uô côngz tsinhx Chiềng Khoong puz pâuz:        “Uô ntêx thâuv so tsiêz têz qơưk pêz sir jos muôx 1 txos 2 luz tsêr tâu cxiv uô tiêr txix yôngx 1 txos yôngx 3, 4 luz sir jos nquôr trur tsêr yôngx 2 thiêz muôx nhos 2 luz zuôr cxiv uô tiêr yôngx 1”.

          “ Sâuv công trường nhiv no pêz muôx 200 ntâu lênhx nênhs, 35 luz meir cxuô zav chiê phưx vưv cxiv uô. Nhiv no đrâuv uô thâuv đruôz hnuz, pêz tsênhv uô cxaz thâuv hmo ntux chiê taz por cxơưz tiês uô tiêr nzor đuô”.

          Đros 13 xã muôx cêr ntus đriv buôk têz qơưk Lào, tỉnh Sơn La tsênhv ciêr chênhr krêz uô 13 tsêr cơưv nội trú têx cấp, taz por tsưr ziv choz côngz tsinhx lok hli 7 zuôr txos. No tsi taz zos zoz qơưx lok six hơưv choz côngz tsinhx uô ntêx shông cơưv yiêz 2026-2027, mak tsênhv zos txơưx jênhv chính trị, txơưx jênhv xã hội, gôngr phênhv chox côngz tsinhx Tsêr cơưv têx cấp thax tsav ntus đriv nzor huôx tôngv, tuôv zênhv tsôngv px li siêz xar njôngr thiêz tsênhv tsênhz hơưv tos Đại hội Đảng tas nro têz qơưk jiês tiv 14./.

                                                                                                            Thanh Thủy-Txâur Vax cxeik nhênhv

Đaiv hôiv Đảng tas nro têz qơưk jiês tiv XIV: muôx têx hlôngr yiêz lok siêz xar thiêz huôv tsar

Đaiv hôiv đại biểu Đảng tas nro têz qơưk jiês tiv XIV tâu cơưv ntơưv Thủ đô Hà Nội, txix hnuz 19-25/1/2026, muôx 1.586 đại biểu, hlôngr njêx muôs trâu 5,6 triệu ntâu đảng viên hâur têz qơưk đros cơưv. Đaiv hôiv tâu tsưr tsix lơưr tsưr ziv: “Sik côngv siêz-Dân chủ-Kỷ cương-Hlôngr yiêz-Huôv tsar”, hêik txos têx sir jos hâur lênhx tov, chox kriê thiêz tsưr tsix uô Đảng têx jênhv vưv chinhr triv zov chênhr hâur six cxiv zuôr txos. Đaiv hôiv têx kror yiêz lok siêz xar thiêz tsưr ziv huôv tsar zos li chak? Lơưr no zâuv sơưr đơưk đros nriêr pâuz:

Đaiv hôiv đại biểu Đảng tas nro têz qơưk jiês tiv XIV muôx tsênhv njiêz: “Hâur tuk qix Đảng, côngv jos, thôngx siêz sir jos uô cov tâu jông chor tsưr ziv huôv tsar têz qơưk txos shông 2030”; truôx siêz, hla trâu mênhx cxưx ntu huôv tsar yiêz, viv hux fênhx, tiêx tuk, dân chủ, bluô nux, vav mênhx, shir phaz, truôx đrênhk ndê muk chủ nghĩa xar hôiv”. Đaiv hôiv muôx têx kror yiêz lok siêz xar thiêz tsưr ziv huôv tsar li đrav kaz:

Ủy viên Bôv Chinhr triv, Giám đốc Học viện Chinhr triv têz qơưk Hồ Chí Minh, Chủ tịch Hôiv đồng Lý luận Trung ương Nguyễn Xuân Thắng, hêik mênhx, Đaiv hôiv XIV muôx ntâu kror yiêz pir li chor jiês Đaiv hôiv uô ntêx.

Uô ntêx zos hlôngr yiêz hênhr lok siêz xar, hâur co tsênhv njiêz zos sir jos uô tiêr thể chế chiê huôv tsar têz qơưk sêi thiêz truôx đrênhk, tưz tsik zos kinh têr xưz mak tas nro cxuô kror li vênhx huôv, xar hôiv, lênhx nênhs, côx phax, ngaz tuk, đối ngoại, cxiv tsa Đảng.

Iz kror yiêz lok six zov chênhr pir li thâuv ntêx no, zos thâuv sêiz lax lok huôv tsar sêi thiêz truôx đrênhk têz qơưk, nhiv kruôr xav jênhv huôv tsar kinh têr-xar hôiv zos tsênhv njiêz, tsik tâu hêik txos tênhv qơư, mak jiês no, Văn kiện tưz hêik mênhx huôv tsar kinh têr-xar hôiv-tênhv qơư zos 3 kror lok six zov chênhr; đros co khav tênhv txos vênhx huôv thiêz truôx tuk chinhr triv.

Đaiv hôiv XIV cux hêik txos tsưr ziv tsar ndê yiêz, sưv đros trâu têx txơưr txar lox sâuv ntiêx têz li hlôngr yiêz sôr, hlôngr yiêz hur jông, hlôngr yiêz năng lượng thiêz hlôngr yiêz pênhr jos, đhâu co gra siêz tsơưr lươngv, uô tâu jông thiêz gra siêz tsiv gri nền kinh têr.

Đros co, jiês xuz thơưx Văn kiện Đaiv hôiv hêik mênhx txos xav jênhv côx phax-ngaz tuk thiêz đối ngoại zos jênhv vưv chênhr, tsik so, tưz tsik zos yênhx nganhx hâux lưv xưz, mak zos tas nro cxiv luôs chinhr triv hâux lưv, chiê uô tâu đas jos mênhx cxưx đros đas jos yiêz, phuôx huiz tâu siêz tiv zix pênhr jos hâur têz qơưk thiêz ntiêx têz.

Đuô li, Đaiv hôiv Đảng jiês tiv XIV tsênhv muôx ntâu tsênhv njiêz yiêz txơưr cik txos khoa học-công nghệ, hlôngr yiêz xar tơưv đros muôx têx kror uô tâu yiêz; cxiv tsa zoz zux yiêz jông, muôz tsơưr lươngv thiêz uô tâu jông zos kror huv đros trâu têx hlôngr yiêz…

Đaiv hôiv đại biểu Đảng tas nro têz qơưk jiês tiv XIV zos xor xưv chinhr triv zov chinhr, zos ntâuk chiv têz qơưk ntu huôv tsar yiêz. Muôx 40 shông hlôngr yiêz, siêz xar yiêz, njiê muk đêz thiêz sir jos chinhr triv siêz, paz chiê Việt Nam hla trâu ntu huôv tsar bluô nux, truôx đrênhk ndê muk chủ nghĩa xar hôiv./.

                                                                                                                     Cà Thành-Lik Thox cxêik nhênhv