Sơn La uô tsêr trâu zuôr xar 3 cxênhz

100 ziv chuôz zis tsôngv box plus

          Sơn La zos tiv phaz muôx chor ziv chuôz zis pluôk thiêz zuôr xar pluôk siêz, tsôngv box luz nênhx yuôr ntâu phêv liv, chor tsêr lav uô lav nhoz yuôr ntâu. Txix ciês hâur six cxiv 2020-2025, Sơn La tưz tsov cưv lênhs tov, chox kriê, seiz no zos jênhv vưv chính trị coaz tsôngv hâur tas nro cxix luôk chính trị txix tỉnh txos cơ sở. Txos tas shông 2024, Sơn la tưz paz cxiv uô, kho đuô 9 cxênhz 300 ntâu luz tsêr lav uô, tsêr xơư nas, đros tas nro nhiêx txiêx uô zos 441 tỷ đeiv ntâu.

          Shông 2025, ndar txos phongz yaox tưr thik “Sik côngv tês cxuôv tsêr lav uô, tsêr xơư nas sâuv tas nro têz qơưk” zos Thủ tướng chính phuv phuôx tôngv, tỉnh Sơn La tror huiz tôngv tas nro têx pênhr jos uô. Txos nhiv no, tiv phaz tưz paz trâu tas nro 3 cxênhz ntâu ziv chuôz zis muôx paz qơưx tâu paz lok tsêr nhoz, muôx: cxiv yiêz 2 cxênhz 650 luz, kho đuô 400 luz; tas nro tas 170 tỷ đeiv ntâu:Zơưv Hoàng Quốc Khánh, Bí thư tỉnh ủy Sơn La puz pâuz:“Phongz yaox cxuôv tsêr lav uô yênhx côngz zos iv muôx tsôngv box sik thôngx siêz paz. Đrâuv paz lok nhiêx txiêx mak iz luz tsêr nhiv kruôr tâu kho đuô, cxiv yiêz tsênhv tâu pox nhuôk hâur jêx jos paz, tâu lưx lươngv công an, quân đội, têx chiz coaz đoàn thêv...tas nro sik côngv siêz paz max”

          Chinhz yênhx sik côngv siêz tso pov đros têx hâux lưv nhoz ntâu tiv phaz, đoanx thêv li sơưr uô, zuôr grê kis đuô pir đros grê sâuv niêv ciêz, sik côngv đros Zênhx hangx chính sách xã hội paz têx chuôz zis txeik pênhr cxuôv tsêr lav uô. Têx lưx lươngv gôngr côngv 75 cxênhz hnuz côngz paz tsôngv box cxiv uô, kho đuô tsêr nhoz, uô sei đuô thiêz cxênhx txuôk tâu nhiêx txiêx... Đros têx chuôz zis txov nhêv, tsi muôx pênhr nhiêx, iz cxiê tiv phaz sơưr paz zuôr chuôz zênhx cxiv tsa uô ntêx; tsov cưv car chêx têx phêv liv lok ar têz, cungz ntơưr côngz jênhv qênhx sir zôngv ar, hlôngr tsưr ziv sir zôngv ar trâu têx ziv chuôz zis...Pos Hà Thị Ngọc Yến, Bí thư huyện ủy Bắc Yên, tỉnh Sơn la pheiz kênh lok tiv phaz li chênhz zênhv:“Hâur ntu cxuôv tsêr lav uô nhoz huyện Bắc Yên cux njiz têx phêv liv li: phênhv ntâu têx chuôz zis nhoz sâuv thax tsav têx xã, jêx jos nhoz đêz tsênhv qơư xã, huyện, zaoz thôngz lax muk lok, ntâu ziv tsi muôx pênhr nhiêx chiê zuôr chuôz zênhx, ntiêr yêz thâux chuôz zênhx; ntâu ziv muôx luz nênhx txov nhêv, tsi muôx qơư khov vav, iz cxiê ziv muôx ar têz taz sik tsi tâu tuôv zênhv tâu zoz qơưx (tsênhv nhoz sâuv ar jôngr)... Ban chox kriê huyện tưz chox kriê têx tuêv côngz xưv cux xưk li têx Ban chox kriê xã sơưr paz zuôr chuôz zênhx, ntiêr yêz uô ntêx, đhâu co 100% têx ziv chuôz zis li tsêr tâu cxiv uô trơưk six hơưv; thôngx cxix, tôngv vênhx chuôz zis, yax mông pox nhuôk paz ar, paz têx chuôz zis pluôk muôx ar uô tsêr nhoz”

          Kruôk tỉnh Sơn La thâuv tưz sir jos, ciêr chênhr uô tiêr hâux lưv nzor đuô têz qơưk li tsưr ziv cxuô, zos tỉnh xuz thơưx hâur thax tsav tox siêz faz Bắc uô tiêr tsaz yênhx cxuôv tsêr lav uô, tsêr xơư nas, pos Nông Thị hà, Thứ trưởng Bộ mênhx cxưx thiêz tôn giáo thix ziv tiv phaz tror uô têx tsưr ziv paz têx chuôz zis tưz cxuôv tâu tsêr lav uô cux xưk li têx chuôz zis tsênhv txov nhêv zuôr trâus tâu paz txưv hâur ntu zuôr txos:“Tiv phaz tsuv tror seiz shuôk têx ziv tsênhv phêv liv lok tsêr nhoz, tror paz đros tsưr ziv tsi chiê lênhx tưs trâus tso tsês tov kaz, tsi chiê chuôz zis txov nhêv lok tsêr nhoz, tsi chiê tsôngv box tsi muôx tsêr nhoz; tror car chêx tsưr ziv uô nox, hâux lưv uô trâu tsôngv box tsênhv txov nhêv; tsov cưv bax ar uô kôngz trâu tsôngv box...Thôngx cxix, tror seiz shuôk, qênhz yuôx jông, trung ương cux zuôr heik kriê chiê têx ziv chuôz zis tâu paz txưv tsi muôs têx tsêr lok sik ar tâu paz txưv lok sik liv zôngv chính sách, vênhv thix muôx yưv txơưr...”./.

                                                                                                      (Lê Hạnh-Txâur Vax cxeik nhênhv)

Huyện tox siêz nhoz Yên Bái uô tâu nzor luôs hâux lưv paz uô tsêr nhoz trâu chor chuôz zis pluôs

Zơưv Su Xênhv Lâux, nhoz jok Làng Ninh, xã Túc Đán, huyện Trạm Tấu, tỉnh Yên Bái muôx luz nênhx lok six txov nhêv. Shông no, tâu têz qơưk paz nhiêx txiêx kho đuô tsêr, hlôngr trâu luz tsêr đaz tuôs tưz tsi jông tas ntơư.  Tiv qơư uô tsêr nhoz siêz, cêr muk lol phiv liv, têx yêz muk tsi tâu txos qơư viv li tas nro chor shôngz ntông uô tsêr, xuôz jêz, xi măng, vuôk vor tsêr....puôr lênhx zos nênhs cưr thiêz thiêx gra xưz. Zơưv Su hnuz nhôngs lâul, đas jos ntâus tưz cưr gra tsi tâu têx chuôz laov li heik sâuv muk trâu qơư uô tsêr. Chiê paz zơưv Su nzor muôx tsêr truôx khor nhoz, hâu nov xã Túc Đán tưz hu zâuv chor hluôk nênhs, Hội pox niêv, Dân quân tự vệ, công an xã thiêz tsôngv cưr tix nênhx tsa sik đros paz thâux gra thiêz cxiv uô. Khov côngv thôngx sơưr đơưk siz chos paz, luz tsêr yiêz tưz uô tâu tiêr uô ntêx cheix ntux nas:“Cur 2 niêv txir lâul lơưv, tsi muôx đas jos. Nhiv no tâu têz qơưk paz uô tsêr trâu ưz nhoz thiêz tâu canr bôv xã, công an paz thâux gra têx chuôz zênhx, shôngz ntông cxiv uô tsêr. Cur uô tsâus ntâu txos sơưr đơưk têx cêr paz cur chuôz zis”.

Nhoz xã Bản Mù-thax tsav muôx txos 70% chuôz zis pluôs, đhâu qênhz shuôs, xã xav tinhv muôx 27 chuôz zis pêx xênhv tsênhv njiz trâus phiv liv lok tsêr nhoz, ntâu chuôz zis hâur têx chuôz zis pluôs co zos têx lênhx tsi muôx qơư khov vav, hnuz nhôngs siêz, tsi muôx đas jos uô nox, khênhr trâus muôx moz gênhk.....Txơưv tâu têz qơưk paz nhiêx txiêx, taz sik chor chuôz zis co cux chiv chir uô tsi tâuk vax tsêr nhoz. Chênhr viv li, hâu nov xã tưz hu zâuv têx tsưr tsix, đoanx thêv, tsôngv cưr tix nênhx tsa hâur jok siz hlôngr njo tuôx paz, txix thâuv nhiv kruôr qir cxiv uô txos trâu thâuv uô tiêr, choz trâu têx lênhx nênhs no. Khov li ntơư, xã tưz uô tiêr luôs hâux lưv paz uô tsêr nhoz trâu tas nro têx chuôz zis pluôs, chuôz zis txov nhêv hâur hli 4 nhiv kruôr đhâu.  Zơưv Tsaz Xênhv Zax, Chủ tịch Ủy ban xã Bản Mù, huyện Trạm Tấu, tỉnh Yên Bái heik pâuz:“Phiv liv đuô hur si zos têx chuôz zis ntơư tsi muôx qơư khov vav, tsi muôx chor hluôk khưr uô nox. Pêz tưz hu zâuv canr bôv xã, hội viên, đoanx thêv têx tsưr tsix hội, dân quân tự vệ cxuô luz jok đros trâu canr bôv cxuô đoanx thêv....chiê paz thâux gra têx shôngz ntông, chuôz laov cxiv tsa, paz uô tsêr nhoz, uô qơư tơưv trôngx chiê taz por uô tâu trơưk tsưr ziv tso tơưv”.

Shông no, huyện Trạm Tấu tso tơưv hâux lưv paz uô 253 luz tsêr nhoz trâu têx chuôz zis pluôs, chuôz zis txov nhêv. Đros thiêz thax tsav tox siêz, phiv liv muk lol, ntâu xã tsuôk muôx têx lus cêr muk đhâu huyện Văn Chấn lok sik thị xã Nghĩa Lộ tuôx trâu thax tsav ntơư, uô luôs hâux lưv co njiz tsi tsơưs phiv liv.

Chiê taz por fuô uô tâu têx hâux lưv heik sâuv, huyện tưz yênhx lix têx Tổ côngz xưv, choz hâux lưv trâu lênhx nênhs sơưr thơưx cơ quan, taz viv uô tus seiz car. Tsi tiêk chox kriê, chor tổ co tsênhv đros hâu nov xã hu zâuv sơưr đơưk siz paz cxiv uô tsêr nhoz huv đros yênhx chuôz zis pêx xênhv li cêr xênhz huôx, nox nhoz muk lol. Niêx hnuz, chor tổ côngz xưv tsuv heik trâu hâu nov huyện thiêz Ban thường vụ Huyện ủy pâuz lok têx uô tsi tâu, phiv liv chiê muôx tsưr ziv đơưk kho, fuô uô zênhx max. Txos nhiv no tas nro 253 luz tsêr ntơưv 11 xã hâur thax tsav huyện Trạm Tấu tưz uô tiêr, tax 100% hâux lưv zok muôz, nzor đuô iz hlik pir li tỉnh tsưr ziv tso tơưv, xav hur si têx nhiêx txiêx paz uô tsêr nhoz trâu chor chuôz zis pluôs, chuôz zis txov nhêv heik sâuv zos 14 tyv 340 tsov đeiv. Zơưv Vưx Xênhv Zax, Bí thư Huyện ủy Trạm Tấu, tỉnh Yên Bái heik:“Chiê muôz qơư chuôz jos trâu lưv luz xã, huyện tưz phuôx tôngv 2 jiês sik tưr uô têx hâux lưv: Tiv iz zos sik tưr krêz côngz uô nzor, tiv 2 zos sik tưr uô tâu tiêr nzor. Đhâu jiês iz, pêz tưz kruôs 8 hâur 12 xã, thị trấn uô tâu jông. Thâuv kruôs ntơưv jiês cơưv canr bôv hâu nov lox thiêz phuôx tôngv jiês tiv 2 siz tưr uô hâux lưv, sơưr đơưk lênhx tưs shir phaz thiêz sir jos uô nuv, cxuô luz xã cux shir phaz li ntơư”.

Đros trâu têx tsưr ziv, hâux lưv uô jông, huv đros huyện tox siêz têx tsênhv tsênhz, txos nhiv no, tưz paz uô tâu 100% luz tsêr nhoz trâu têx chuôz zis pluôs, chuôz zis txov nhêv trơưk huyện Trạm Tấu, tỉnh Yên Bái hâux lưv tưz tso tơưv hâur shông no thiêz choz trâu pêx xênhv lok nhoz. Co cux zos thax tsav tiv 2 uô tâu luôs hâux lưv co, tsuôk uô kaz TP Yên Bái.

Chor thax tsav tsênhv yuôr ntơưv Yên Bái tsênhv sir jos chiê uô tiêr têx hâux lưv zok muôz li heik sâuv uô ntêx hnuz 30/6 zuôr txos./.

                                                                                                  Thừa Xuân-Riê Lâux cxeik, nhênhv