Pêx xênhv Điện Biên vav njôngr trâu Đaiv hôiv Đảng tas nro têz qơưk jiês tiv XIV

Đros cử tri thiêz Pêx xênhv tas nro têz qơưk, chôngz pêx xênhv tỉnh Điện Biên tsênhv njênhs njôngr thiêz vav njôngr trâu Đaiv hôiv đại biểu tas nro têz qơưk jiês tiv XIV. Đros pêx xênhv Điện Biên, Đaiv hôiv Đảng tas nro têz qơưk tưz tsik zos têz qơưk kror xor xưv lox xưz, mak tsênhv zos têx vav njôngr txos huôv tsar kinh têr, hlôngr yiêz pêx xênhv luz nênhx. Zơưv Đinh Việt Thương thiêz pos Đinh Thị May, nhoz jok Việt Yên, xar Thanh Yên, tỉnh Điện Biên hêik:“Đaiv hôiv Đảng jiês tiv XIV zos têz qơưk kror xor xưv zov chênhr. Txơưv muôx lok six ntâu hâux lưv taz sik pêz cux tsêx six hơưv chiê sêiz mnôngs đaiv hôiv. Đaiv hôiv jiês no pêz pov tâu bax lok six jông lok têx tsênhv njiêz cux li côngz xưv lênhx nênhs”.

“Sêiz mnôngs Đaiv hôiv Đảng tas nro têz qơưk jiês tiv XIV, pêz lok six shir phaz thâuv tâu cơưv truôx jông. Pêz cux vav txos khoar đaiv hôiv zuôr txos, Đảng, Têz qơưk têx chủ trương, tsênhv chêi zuôr tror tau uô chiê paz jông đuô pêx xênhv luz nênhx; jux juk huôv tsar kinh têr xar hôiv, jêx jok hlôngr yiêz jông đuô”.

Kror yiêz hâur Đaiv hôiv jiês no zos sir zôngv công nghệ thôngz mông, tsik sir zôngv ntâuz ntơưr hâur chox kriê, hêik txos têx hlôngr yiêz, paz trâu cxuô kror hâux lưv tâu uô jông đuô. Zơưv Đỗ Duy Ba, Bí thư Chi bôv tôv dân phố 4 Tân Thanh, phường Điện Biên Phủ hêik pâuz:“Tas nro 1.586 Đảng viên đros cơưv Đaiv hôiv tưz tâu paz mêir tính chiê sir zôngv thiêz hâur đaiv hôiv no mak tsik sir zôngv têx ntâuz ntơưr. No zos iz kror hlôngr yiêz lok kriz uô Đảng, Têz qơưk côngz xưv hlôngr yiêz sôr txos tas nro pêx xênhv thiêz canr bôv. Vav tiêk ntu zuôr txos thiêz tas nro six cxiv no, Ban Chấp hành khoar yiêz zuôr paz trâu pêx xênhv huôv tsar uô nox, tsik so hlôngr yiêz lok lênhx tov thiêz chox kriê, cux li cxiv tsa uô jông côx phax ngaz tuk nhoz cxuô qơư hâur têz qơưk”.

Đaiv hôiv đại biểu Đảng tas nro têz qơưk jiês tiv XIV tâu tsưr tsix lơưr tsưr ziv yiêz jông hax zav paz muôx siêz njênhs thiêz vav njôngr trâu iz six cxiv yiêz zuôr uô tau jông đuô cxuô kror hâux lưv. Pêx xênhv vav tiêk têx co zuôr tror tâu kriz uô tsênhv tsênhz, paz hlôngr yiêz đuô pêx xênhv luz nênhx, paz thơưz huôv tsar truôx đrênhk thax tsav ntus đriv Tây Bắc thiêz tas nro têz qơưk./.

                                                                                                                      Vũ Lợi-Lik Thox cxêik nhênhv

Shir phaz, truôx siêz thâuv sox seiz Đảng Đại hội 14

Txix cêr jông siêz, shir phaz, canr bôv, đảng viên Công ty tênhv tênhz tỉnh Sơn La njênhs tiêk, Đại hội zuôr yênhx côngz thiêz tso tơưv tâu têx chei jông cxơưz têz qơưk tror huôv tsar truôx hâur ntu hlôngr yiêz.

Tix lâus Hoàng Ngọc Sơn, Bí thư Đoanx hluôk nênhs Công ty heik, tâu mnôngs Tổng Bí thư Tô Lâm heik pâuz lok BCH T.Ư Đảng khóa 13 têx ntâuz ntơưr thôngz đhâu Đảng Đại hội 14, txix hâux lưv tso tơưv huôv tsar têz qơưk, zos cxênhx hluôk, cur lok six jông siêz thiêz xav tinhv tsuv tror cxiv tsa tsưr ziv uô hâux lưv tsênhz mênhx trâu zuk, hâur ntơư sir jos uô jông trơưk hlôngr yiêz sôr reik đros trâu têx hâux lưv zok muôz:“Pêz xar cov Đại hội moz siêz đuô txos kriê cxaz nzir txux chi tsưr ziv uô hâux lưv trâu chor hluôk nênhs, muôz qơư jông chiê canr bôv, têx lênhx hluôk nênhs tâu paz côngz đas jos, txux chi thiêz hloz tiêr siêz, pâuz txos ntâu đuô cxuô tsar zav. Chor hluôk nênhs hâur Công ty chos luk, zuôr tror uô ntêx nyuôs hâur cxuô luôs hâux lưv, sir jos cơưv cxaz têx txux chi, lês uô jông hâux lưv zok muôz chiê muôx tênhv truôx tuk, phưx vưv hâur thax tsav thiêz têz qơưk huôv tsar”.

Pos Lê Thị Song Hảo, Phưv Giám đốc Công ty tênhv tênhz Sơn La heik li no:“100 ntâu lênhx đảng viên hâur Công ty lok six jông siêz, shir phaz. Lênhx tưs cux vav tok njôngr Đại hội zuôr cơưv tâu yênhx côngz, tso tơưv ntâu tsưr ziv, tsênhv chei jông cxơưz têz qơưk huôv tsar hâur ntu hlôngr yiêz”.

Canr bôv, chiến sỹ, tsôngv box cxuô heir nênhs nhoz ntus đriv Lóng Sập, tỉnh Sơn La lok six shir phaz, viv tưz seiz njiê pov thiêz pâuz tâu Đảng têx tsưr ziv, chei zov chênhr tưz thiêz tsênhv fuô uô tâu jông hâur luz nênhx. Tsôngv pêx xênhv cêr njênhs njôngr trâu Đảng zos viv muôx têx chei jông fuô uô huv đros sơưr đơưk. Đảng thiêz têz qơưk tưz quyết định tsi sâu têx lênhx shux xênhz cơưv txux chi hâur tsêr cơưv têz qơưk nhiêx thêv cơưv ntơưr txix cxênhx nhuôs zâu txos cxênhx 3 txix shông cơưv 2025-2026, iz chas ntơư paz nhiêx cơưv ntơưr trâu chor shux xênhz cơưv txux hâur têx tsêr cơưv tsi zos tsêr cơưv têz qơưk thiêz jux juk zuôr tsi sâu tsôngv lax pêx xênhv nhiêx seiz njuôk shuôs, kho moz gênhk uô txos shông 2030-2035. Lar heik zos tsưr ziv uô siv yưv pênhr cxiv uô, kho đuô 100 luz tsêr cơưv phổ thông shux xênhz nox nhoz hâur tsêr cơưv, cơưv txux chi 2 cấp cxênhx iz thiêz cxênhx 2 ntơưv têx xã ntus đriv. Heik lol têx cêr chiê siêz, vav tok Đảng Đại hội 14, thượng tá Trần Nam Hưng, Thơưx seiz car zênhx pênhz phax Ntiêx têz Lóng Sập heik pâuz:“Đros thiêz thax tsav ntus đriv lok six xar cov Đảng, têz qơưk tror moz siêz tso tơưv ntâu tsưr ziv, chei jông yưv pênhr huôv tsar luz nênhx, kinh tế, xã hội thax tsav ntus đriv, chiê lơưr chuôs 2 chas thax tsav qơư kis. Tsi tas li, cux xar cov Đảng muôx ntâu tsưr ziv, tsênhv chei jông lok hâux lưv đối ngoại chiê truôx tuk đuô, paz cxơưz têz qơưk huôv tsar”.

Đros trâu cêr jông siêz, shir phaz, canr bôv, đảng viên thiêz tsôngv pêx xênhv cxuô heir nênhs Sơn La njênhs njôngr, Đại hội zuôr yênhx côngz jông, tso tơưv têx chei zov chênhr cxơưz têz qơưk tror huôv tsar, hlôngr yiêz, vav mênhx đuô./. 

                                                                                                                  Thanh Thủy-Riê Lâux cxeik, nhênhv

                                                   Côngz xưv xêir lênhx nênhs trâu Đảng li Đại hội 14

          Lơưr zơưv Nguyễn Thành Tâm, Phưv tsar Ban tsưr tsix TƯ, côngz xưv xêir lênhx nênhs trâu BCH TƯ Đảng khóa 14 tưz tâu Bộ chính trị, tiểu ban, BCH TƯ Đảng khóa 13, đ/c Tổng Bí thư chox kriê uô jông, huv đros, tas nro thiêz muôx chêx cuk, taz por jênh chuv, uô ntov jông thiêz thôngx ziv siêz lơưr Đảng li têx cui tênhv.

          Txix ciês hâur six cxiv khóa 13, Bộ chính trị tưz tso tơưv cui tênhv lok côngz xưv njuôs xav cán bộ, txix co tưz chox kriê côngz xưv  njuôs xav cán bộ têx cấp, tiv zix zos cán bộ lênhs tov cán bộ seiz car thiêz tưz thôngz đhâu njuôs xav hâu nov lênhs tov tsênhv nhoz têx tiv phaz, chiz coaz, taz viv six cxiv 2025-2030 thiêz 2026-2031. Txos đraz six cxiv mak Bộ chính trị tưz tso tơưv tsưr ziv njuôs xav cán bộ cấp chiến lược khóa 14 six cxiv 2026-2031 thiêz sâuv co tưz chox kriê cxiv tsa thiêz thôngz đhâu BCH TƯ Đảng khóa 14 li njuôs xav, gôngr phênhv chuv tôngv bax lênhx nênhs muôx tsơưr lươngv trâu côngz xưv lênhx nênhs Đảng li Đại hội 14.

          Txix hnuz 14/4/2025, Bộ chính trị tưz tso tơưv Chỉ thị 45 lok Đại hội đảng têx cấp, ndar txos Đảng li Đại hội jiês tiv 14, chox kriê tsưr tsix yênhx côngz Đại hội đảng bộ têx cấp, tiv zix zos cấp tỉnh, TP, têx đảng bộ nhoz saz TƯ six cxiv 2025-2030. Đại hội tưz xeir, heik kriê, bo xeir têx đồng chí bí thư, phưv bí thư tỉnh ủy, thành ủy, đảng ủy nhoz saz TƯ taz por muôx tsơưr lươngv, pênhr xưv txux chi, tuôv zênhv ploz tsênhr lơưr cui tênhv. Thôngx cxix, Bộ chính trị tưz cuiz tênhv pheiz côngz, bổ nhiệm, hlôngr cán bộ uô têx hâu nov lênhs tov tsênhv hâur têx chiz coaz, taz viv tiv phaz, tuôv zênhv zoz qơưx jênhv vưv chính trị thiêz chuv tôngv bax lênhx nênhs trâu Đảng li Đại hội 14.

          Ntơưv Phêv ziv TƯ jiês tiv 10, 11, 12, BCH TƯ khóa 13 tưz sik seiz lax jênh chuv, tsênhz mênhx thiêz thôngx ziv tso tơưv Tsưr ziv côngz xưv lênhx nênhs BCH TƯ Đảng khóa 14, hâur co xav tênhv tsênhz têx siêz xar, zoz qơưx, tsưr ziv, ploz tsênhr, cơ cấu lênhx nênhs bo xeir lok hâur BCH TƯ Đảng khóa 14. No zos kror coaz tsôngv chiê Bộ chính trị, Ban bí thư thiêz đ/c Tổng bí thư lênhs tov, chox kriê krêz uô côngz xưv bax lênhx nênhs trâu BCH TƯ khóa 14. Sâuv tsưr ziv côngz xưv lênhx nênhs BCH TƯ Đảng khóa 14, Bộ chính trị tưz muôx tsưr ziv, heik kriê lênhx nênhs chiê têx chiz coaz, taz viv, tiv phaz uô hâux lưv heik kriê lênhx nênhs cxaz chuôz BCH TƯ khóa 14, chox kriê têx chiz coaz ndar txos seiz shuôk jông đros lênhx nênhs tâu heik kriê lơưr cui tênhv.

          Ntơưv phêv ziv TƯ jiês tiv 13,14,15, Bộ chính trị, BCH TƯ tưz seiz shuôk, thôngz đhâu, thôngx ziv, heik kriê lênhx nênhs tror tâu bo xeir thiêz cxaz chuôz jiês xuz thơưx thôngz đhâu pov cov thiêz chor bê đề cử BCH TƯ Đảng khóa 14 lok lênhx nênhs heik kriê chiê muôz trâu Đại hội 14 seiz shuôk, bo xeir BCH TƯ Đảng khóa 14 lơưr cui tênhv.

          Đảng li côngz xưv lênhx nênhs Đại hội 14 tâu uô trơưk Đảng li cui tênhv, trơưk tsưr ziv jênhv chôngk jênh chuv, uô ntov jông, tsênhz mênhx, taz por lok ploz tsênhr, cơ cấu; truôx tul thiêz hlôngr yiêz, huôv tsar; hâur chuyên môn thox cxov thiêz pênhr xưv tsênhv tsênhz, chênhz zênhv huôv tsar...hâur co, tiv zix zos muôx shưz xar uô nênhx jông, seiz cán bộ li tsơưr lươngv, chêx cuk côngz xưv thiêz têx gôngr côngv zos kror chiê ntâuk grê, xeir zuôr thiêz sir zôngv cán bộ./.

                                                                                                          Bích Thủy-Txâur Vax cxeik nhênhv