Tir ntux yar ntux nas zok nriêr xênhv bê trâu chor nênhs tâu tas siv nênhx ntu ntâuk tros châuz đrav ntêx ntơưv Điện Biên

60 ntâu shông đhâu tâu cxiv tsa, Qơư nza liệt sĩ Têz qơưk A1 tưz ntâu jiês tâu kho đuô. Têx ar poz jêz tâu puôz đhâu six hơưv uô ntâu luz nza nhoz toz hâur ar, muôx têx qơư nhoz toz đuô 2 thiêr. Iz jiês khơưz zos iz jiês canr bôv, chiến sĩ tsuv uô jông khơưz. Yênhx hâux lưv tâu xav jênhv tsênhz mênhx, cê khơưz tâu huv zos tsưr ziv, cê paz tuôr truôx jông chor poz cxa thiêz tsơưr lươngv mẫu sinh phẩm.

Chiến sĩ Nguyễn Đình Minh, Trung đoàn 741, Bộ Chỉ huy Quân sự tỉnh Điện Biên, hêik pâuz: “Hâur ntu khơưk sâu muôx lok six ntâu kror phiv liv taz sik chor tuz lênhv puôr lênhx truôx siêz tsik cxơưx txos têx phiv liv sir jos uô cov jông hâux lưv no”.

Tưz tsik zos ntux yar ntux nas thiêz thax tsav qơư, mak tsuv uô cov sêi huv zos tsưr ziv tso tơưv cux zos iz kror phiv liv lox. Xuz thơưx, tsưr ziv njuôk xav tâu uô tiêr uô ntêx hnuz 30/9/2026. Nhiv no, Điện Biên sir jos uô tiêr trâu hâur hlik hli 9, zos uô tâu mak zuôr uô cov tiêr uô ntêx hnuz 2/9. Chiê uô cov tâu sêi, sơưr đơưk tsuv sir jos uô nzir six hơưv. Muôx têx hnuz, canr bôv, chiến sĩ tsuv piz uô hâux lưv txix ciês thâuv sơưr nzor thiêz lok so thâuv tưz tsâuk ntux.

Trung tá Đặng Xuân Hoà, Phưv Chủ nhiệm Hậu cần – Kỹ thuật, Bộ Chỉ huy Quân sự tỉnh Điện Biên, heik pâuz: “Sơưr đơưk puôr lênhx xav jinhv tsuv uô nzir ntâu six hơưv. Pêz xav jinhv iz hnuz khơưz 50 luz nza mak pêz zuôr txuv piz muk txix thâuv 6 six sơưr nzor. Têis cik six hơưv ntêr đuô mak pêz zuôr khơưz txix 30-31 luz nza, thâuv tưs tiêr thiêx lok so, muôx kênh hnuz zuôr xar 12 six tar su pêz thiêx lok so. Zar hnuz kêix yuôr 20 luz nza cux tâu xav jinhv uô li co, pêz muk txix 1 six 30 phênhz thâuv hnuz kêix thiêz muôx têx hnuz txos 7 six tsâuk ntux pêz thiêx lok so”.

Zos ntơưv qơư nza liệt sĩ têz qơưk A1, chor nza nhoz toz thiêz tưz đhâu ntâu jiês kho đuô zos kror phiv liv lox, mak ntơưv qơư nza liệt sĩ Têz qơưk Độc Lập, ntux yar ntux nas txơưr txar ho zos kror phiv liv tsik so muôx yưv. Thâuv têis cik yar ntux sor cuz. Taz sik tsuôk tsik ntêr xưz ho tưz muôx lok nas uô trâu têx qơư no bluô thiêz gok nhav.

Thượng sĩ Lò Văn Quyền, Tiểu đoàn 1, Trung đoàn 741, Bộ Chỉ huy Quân sự tỉnh Điện Biên, hêik pâuz: “Zos iz lênhx chiến sĩ thâuv pêz uô hâux lưv ntơưv qơư nza Độc Lập, pêz thâuv tưs cux sir jos uô cov tiêr jông hâux lưv zok muôz, tror nriêr pâuz tâu bê trâu chor zênhz shôngx liệt sĩ”.

Ntơưv qơư nza liệt sĩ Têz qơưk Độc Lập nhiv no muôx 2.432 luz nza. Hâur co, 2.042 luz nza tsi tâu tsênhz chor liệt sĩ zos lênhx tưs, tsuv muôz mẫu chiê njuôk xav ADN. Hâux lưv uô lok six ntâu. Taz sik kror zov chênhr đuô hur si zos tsơưr lươngv yênhx kror mẫu chiê njuôk xav. Đhâu thâuv khơưz, chor lưx lươngv tsuv xeir tsov huv đros, paz uô jông tsơưr lươngv chiê njuôk shuô ADN.

Xav txos hnuz 15/8, tas nro tỉnh Điện Biên tưz khơưz muôx 3.400 luz nza. Hâur co, 3.211 kuz nza muôz tâu chor mẫu chiê xa muk njuôk shuôk ADN. Zuôr xar 2.700 kror mẫu tưz tâu choz zok trâu Viện Pháp y Quân đội thiêz 510 ntâu kror xa trâu Tsênhv qơư Pháp y tỉnh chiê njuôk shuôk. Têx hâux lưv tưz uô tâu lok six ntâu. Taz sik têx hâux lưv ntu zuôr txos tsênhv yuôr ntâu, hok six hơưv kriz uô mak tâu txo grêk tsơưs.

Thượng tá Lê Đình Hải, Phưv Chủ nhiệm Chính trị, Bôv Chỉ huy Quân sự tỉnh Điện Biên puz pâuz, têx lưx lươngv tsênhv chuôz tsar, cxaz nzir lênhx nênhs, uô nzir six hơưv thiêz khov trâu têx thâuv ntux yar chiê uô cov tâu sêi têx hâux lưv: “Uô lơưr Ban chox kriê tỉnh cux xưk li cơ quan thường trực Bộ Chỉ huy Quân sự tỉnh Điện Biên chox kriê, pêz zuôr sir jos uô tiêr hâux lưv muôz mẫu hâur hli 9. Thiêz chiê uô tâu li hêik co, Bộ Chỉ huy Quân sự tỉnh tưz tso nzir nênhs tuôx paz trâu pêz, hâur co muôx tas nro lưx lươngv pênhz phax. Txơưv ntux yax ntux nas txơưr txar phiv liv, tiv zix zos muôx têx jiês lok nas lox taz sik pêz cux tưz hêik sơưr đơưk tsuv truôx siêz chiê uô cov tiêr tâu têx hâux lưv no”.

Txix têx luz nza nhoz toz hâur ar txos têx hnuz muôx ntux yar ntux nas txơưr txar phiv liv; txix lok têx hâux lưv tsuv uô txos tsuv uô cov tâu truôx jông tsơưr lươngv yênhx kror mẫu sinh phẩm, hâux lưv nriêr pâuz xênhv bê trâu chor nênhs tâu tas siv nênhx hâur ntu ntâuk tros châuz ntơưv Điện Biên tsênhv njiz tsik tsơưs phiv liv. Taz sik hax zav phiv liv, mak sơưr đơưk hax zav truôx siêz, sir jos cov uô tâu tiêr li tsưr ziv tưz tso tơưv./.

Vũ Lợi- Lik Thox cxêik nhênhv