Đảng viên ntus đriv Lào Cai vav njôngr Đại hội 14 zuôr muôx ntâu hlôngr yiêz cxơưz têz qơưk huôv tsar

Zơưv Trịnh Xuân Thành, Bí thư Đảng ủy xã Sơn Lương-xã tox siêz tsênhv yuôr ntâu txov nhêv hâur tỉnh Lào Cai heik pâuz: Canr bôv, đảng viên hâur xã lênhx tưs cux shir phaz, vav tok njôngr trâu Đảng têx tsưr ziv, tsênhv chei yiêz, hâur ntơư muôx têx chei paz trâu thax tsav tox siêz đêz đrôngs  chiê huôv tsar truôx:“Đảng Đại hội 14 zos Đại hội lok six zov chênhr, muôx Đảng chox cêr, pêx xênhv thôngx ziv, mnôngs thiêz uô trơưk, cxơưz pêz têz qơưk hlôngr yiêz thiêz huôv tsar truôx, muôx cxuô heir nênhs têx txux chi vênhx huôv jông. Uô lơưr Đảng têx tsưr ziv, tsênhv chei yiêz, xã Sơn Lương zuôr sir jos huôv tsar sei thiêz truôx, nzor uô tiêr luôs hâux lưv txos shông 2030 yênhx xã hlôngr yiêz, vav mênhx, pêx xênhv muôx luz nênhx truôx tuk, tsâu sor”.

Đảng viên Hoàng Thị Cấp, 66 shông nhoz jok 2 xã Yên Bình, tỉnh Lào Cai vav chiê siêz, Đại hội zuôr tso tơưv têx tsưr ziv, chei jông paz cxuô ngênhx, cxuô luôs hâux lưv chiê cxơưz têz qơưk huôv tsar sei thiêz truôx hâur ntu hlôngr yiêz.

“Cur vav tok njôngr Đảng muôx têx tsưr ziv, chei jông paz uô cxuô luôs hâux lưv, lar heik zos têx hlôngr yiêz sôr chiê huôv tsar sei thiêz truôx. Iz chas ntơư, zov chênhr zos pênhr jos, tiv zix hâur ntu hâu nov ntơưv qơư lês uô têx hâux lưv lơưr 2 cấp, chiê phưx vưv tâu jông tsôngv lax pêx xênhv, cov sơưr đơưk muôx luz nênhx truôx tuk, tsâu sor, vav mênhx”.

Cưk yuôx Đào Thị Ngọc Lan, kuz giám đốc Sở Y tế tỉnh Yên Bái jênhv tinhv, Đại hội jiês no cơưv hâur ntu sâuv ntiêx têz thiêz thax tsav muôx ntâu txơưr txar, phiv liv, ziv uô trâu Đảng sir jos lês uô jông hâux lưv chox cêr:“Cur vav thiêz chiê siêz Đại hội zuôr tror khav tinhv, uô truôx jông đuô cxuô luôs hâux lưv huôv tsar têz qơưk, txix ntâuk grê tsênhv tsênhz, huv đros, iz chas ntơư uô tsênhz mênhx têx uô tsi tâu tsi tiêr chiê muôx tsưr ziv cxiv kho, hlôngr yiêz thiêz uô tâu jông đuô. Hâur ntu huôv tsar yiêz, tsi tiêk chuôz tsar kinh tế, tsênhv sir jos huôv tsar truôx chiê uô tâu têx hâux lưv tso tơưv thiêz huv đros, cxiv kho ngênhx vênhx huôv, sơưr đơưk sik thôngx siêz, sik đros huôv tsar, luz nênhx tsâu sor, vav mênhx”.

Canr bôv, đảng viên Lào Cai njênhs njôngr, vav chiê siêz trâu Đảng têx tsưr ziv, tsênhv chei thiêz xar sik đros paz côngz đas jos chiê Nghị quyết Đại hội uô tâu jông hâur luz nênhx, cxơưz têz qơưk hlôngr yiêz, huôv tsar truôx./.

                                                                                                           Đinh Tuấn-Riê Lâux cxeik, nhênhv

Tsôngv px Lai Châu njênhs njôngr trâu Đảng li Đại hội Đảng xiv

Tsôngv px nhoz jos Khun Há, xã tox siêz, tỉnh Lai Châu tưz muôx luz nênhx hlôngr yiêz ntâu, viv hlôngr yiêz cxuô zav tsoz chos, muôx phênhv sâu tâu nhiêx txiêx chox lok cxiv kho chuôz zis. Luz jos co zos pêz hêir nênhs Hmôngz thiêz hêir nênhs Lự siz chos huôv tsar cêr uô nênhx nhoz thiêz njênhs njôngr trâu Đại hội Đảng hur si têz qơưs jiês tiv 14, zuôr tso tơưv ntâu tsênhv chêi paz px cov ziv hnuz ziv muôx luz nênhx vav mênhx: lôngx x Cưr nhoz jos Lao Chải 1, xã Khun Há hêik pâuz:”Cur xar njôngr, zuôr đros cxiv kho jêx jos jông jav chiê cxơưz cxiz tsôngv kruô hâur têz qơưs thiêz kruô oz chas têz qơưs pâuz txos tuôx sêiz shuôk. Cur xar njôngr, Đại hội Đảng hur si têz qơưs ziv hnuz ziv moz siêz txos tsôngv px nhoz thax tsav tox siêz, đêz đrôngl cov ziv hnuz huôv tsar truôx qơư ndis uô si, sêiz shuôk têz qơưs”

Txix hlôngr yiêz tsưr ziv huôv tsar uô nox, xav txos trâu nhiv no, tsôngv px nhoz jos Khun Há tưz muôx luz nênhx hlôngr yiêz ntâu. Ntơư zos cxuô zav tsoz chos sâm Lai Châu, tsoz chos yuôx zêx, cxiv uô cxuô qơư ndis uô si côngv thôngx txuôk đros huôv tsar truôx cxuô hêir nênhs sđ têx txux chi, vênhx huôv jông cxôngx nzor, cxơưz cxiz tâu chôngz lênhx kruô tuôx ndis shuôk, tsôngv px muôx phênhv sâu tâu nhiêx txiêx chox lok cxiv kho chuôz zis muôx luz nênhx tsâu sor. Zơưv Tsu x Cưr, Bí thư Chi bộ jos Lao Chải 1 shir phaz lul hêik pâuz:“Cur tok njôngr Đảng têz qơưs muôz ntâu pênhr nhiêx chiê paz px huôv tsar uô nox. Pir li chos tsoz chos sâm thiêz huôv tsar tu zus tsiêx cxu cov tâu zos đrêiv tsưr ziv kriê. Đros co, tsôngv px sđ cux xar njôngr hâur ntu zuôr txos no, hâu nov xã zuôr tso tsôngv px muk cơưv cxaz nzir tsưr ziv huôv tsar uô nox”

Zơưv Đỗ Trọng Thi, Phưv Chủ tịch UB xã Khun Há hêik pâuz nzir: “Hâur ntu zuôr txos no, cur tok njôngr Đảng têz qơưs zuôr moz siêz txos zoz zux, y tế. Lar hêik zos thax tsav tox siêz li jos Khun Há, tsuv muôx tsênhv chêi y tế paz tsưx phưv đas jos trâu px thiêz muôx pênhr nhiêx paz trâu tsôngv px thax tsav jêx jos tox siêz thiêz muôz pênhr nhiêx paz px huôv tsar uô nox, txo grêik yêiz pluôs”

Uô trơưk Đảng cxuô nghị quyết hâur luôs hâux lưv huôv tsar uô nox, txos trâu nhiv no, tsôngv px jos Khun Há tưz chos tâu 30ha tsoz chos sâm; 500ha tsoz chos yuôx zêx, tsôngv px ziv hnuz ziv muôx phênhv sâu tâu ntâu nhiêx txiêx, muôx luz nênhx tsâu sor. Đros co, tsôngv px sđ cux njênhs njôngr, Đảng li Đại hội hur si têz qơưs jiês tiv 14 zuôr muôx ntâu tsênhv chêi paz tsôngv px huôv tsar uô nox trâu ntu têz qơưs hlôngr yiêz nhiv no./.

                                                                                                                   Tsu cxêik nhênhv-Khắc Kiên

Tsôngv px faz Bắc tok njôngr trâu BCH Trung ương khóa yiêz

Shir phaz lul trâu Đại hội đại biểu hur si têz qơưs jiês tiv 14 tâu kriz uô txix hnuz 19 txos zar hnuz krêix hnuz 23/1/2026, hâur co muôx Đại hội têx njiêz luk tưz bâux xêir tâu Ban chấp hành Trung ương Đảng khóa yiêz, tsôngv px faz Bắc njênhs njôngr trâu Ban Chấp hành Trung ương Đảng khóa yiêz, zuôr muôx ntâu tsênhv chêi paz trâu px muôx luz nênhx hlôngr yiêz jông

Muôx ntâu hlôngr yiêz txuôk đros cxuô tsênhv qơư: 

Tsôngv px tok njôngr têz qơưs têx tsênhv chêi paz huôv tsar-cxiv uô cxuô zav nhoz cxuô tỉnh thax tsav faz Bắc pêz txuôk đros thax tsav tiêx đras thiêz cxuo tsênhv qơư kinh tế, cxơưz cxiz huôv tsar uô cov huv đros.

Muôx tsênhv chêi paz trâu thax tsav tox siêz, đêz đrôngl:

Tok njôngr BCH khóa yiêz, zuôr tso tơưv ntâu tsênhv chêi paz trâu tsôngv px nhoz thax tsav tox siêz, đêz đrôngl, tsôngv px hêir nênhs tsơưs chiê huôv tsar uô têx muôx txix qơư nhoz, iz thênhv jux juk txo grêk yêiz pluôs, muôx luz nênhx bluô nux huv đros cxuô thax tsav đrôngl.

Cxiv tsa jêx jos yiêz, px muôx luz nênhx tsâu sor:

Ntơưv cxuô xã tox siêz, đêz đrôngl, tsôngv px tok njôngr Đảng, têz qơưs tror chox car uô cov tâu truôx têz qơưs luôs hâux lưv cxiv tsa jêx jos yiêz, jêx jos jông jav truôx khor, txuôk đros tsưx phưv niêv pak đêx đas thiêz jôngr ntông nzôngr hâur đêx.

Đơưk kho, tir thêir cxuô zav tsik jông hâur xã hội:

Đơưk kho, tir thêir cov tâu truôx cxuô zav tsik jông li zax zênhz, cov tsôngv px muôx luz nênhx tsâu sor, vav mênhx

Cxiv kho cov tsôngv px muôx luz nênhx vav mênhx:

Cxiv kho cov tsôngv px muôx luz nênhx tsâu sor; lar hêik zos tsôngv px cxuô hêir nênhs tsơưs, tsuv huôv tsar thiêz tuôr cov tâu truôx zuk hêir nênhs têx txux chi, vênhx huôv jông cxôngx nzor

Truôx khor hla trâu ntu têz qơưs hlôngr yiêz:

Tsôngv px faz Bắc njênhs njôngr BCH khóa 14, bâux xêir tâu têx cán bộ, hâu nov muôx txâuk tsưr ziv, txux chi siêz-cxiv kho pêz têz qơưs thiêz thax tsav faz Bắc hla trâu ntu têz qơưs hlôngr yiêz thiêz huôv tsar

Tsưx phưv truôx thax tsav ntus đriv:

Tsôngv px cxuô hêir nênhs njênhs njôngr Đảng, têz qơưs chox car, tsưx phưv thax tsav ntus đriv truôx khor thiêz huôv tsar jông

Cxuô tsênhv qơư thax tsav faz Bắc tsênhv taz tov uô trơưk nghị quyết hâur luz nênhx huv đros px thax tsav faz Bắc pêz têz qơưs đros trâu tsưr ziv, siêz njênhs njôngr trâu Ban Chấp hành khóa yiêz, zuôr tror chox car truôx têz qơưs-huôv tsar uô nox; lar hêik zos cxiv uô cxuô qơư ndis uô si côngv thôngx; cxơưz cxiz txo grêk tâu yêiz pluôs, tsôngv px muôx luz nênhx bluô nux thiêz njênhs njôngr trâu Đảng têz qơưs./.

                                                                                                                      Tsu cxêik nhênhv-Lâux Riê