Công nghiệp Lào Cai đros têx qơư chi cax lus

          Txơưv tsuôk tuôr truôx zos 70% ntâu công suất viv muôx tsi txâuk quặng Apatít, taz sik suôv câuv shông 2024, Tsêr meir DAP số 2 li liv zix tax 100 tỷ đeiv ntâu. No zos số siêz tiv zix txix thâuv ntêx txos nhiv no, tso pov têx kror jông txix niêv ciêz sâu zuôr thiêz têx kror jông txix uô đề án hlôngr yiêz doanh nghiệp. Qir hla trâu shông yiêz 2025, doanh nghiệp no tso tơưv tsưr ziv zuôr tsiv uô 330 cxênhz tênhr qir zuôv, đros liv zix siêz đuô pir đros shông 2024. Zơưv Vũ Việt Tiến, Tổng giám đốc Công ty cổ phần DAP số 2 puz pâuz:“Niêv ciêz DAP lơưr pêz njuôs pov shông 2025 mak zuôr jông đuô shông 2024 lok sik jông đuô thiêz. Lok nhiêx phí shông 2025 pêz zuôr muôx têx nhiêx phí txu grês đuô shông 2024”.

          Tsi taz muôx qir zuôv, Lào Cai li ntâu xiv huv công nghiệp chênhr tsênhv tâu muôs jông đros grê chuôz ndê mê njik li: tôngx, phốt pho cuz…Têx tsêr meir tsênhv sir jos hlôngr yiêz công nghệ, muôz siêz tsơưr lươngv xiv huv chiê muôv muôs trâu têx niêv ciêz yiêz. Zơưv Đặng Tiến Đức, Phưv giám đốc Công ty CP hóa chất Đức Giang Lào Cai pheiz kênh:“Shông 2025 pêz njuôs pov qênhx shênhx muôv muôs zuôr jông đuô shông 2024 mê njik viv zoz qơưx niêv ciêz zuôr Đức Giang li têx hax huv tsênhv chuôz ndê”

          Yuôr đros tsêr meir xor hlâu Lào Cai, lơưr njuôs pov zuôr huôx tôngv đhâu thâuv nox tsiêz têz qơưk tas thâuv tỉnh tưz thôngx ziv trâu taz viv sir zôngv quặng tsênhv yuôr. Tiv zix hâur shông no, Lào Cai zuôr uô tiêr hâux lưv njuôs xav thax tsav công nghiệp Võ Lao, têx qơư công nghiệp thôngx ziv tâu njuôs xav zuôr zaz zâuv cxaz ntâu dự án yưv pênhr lok no. Nhoz vênhv thix đêx tênhv, Lào Cai zuôr muôx cxaz txix 3-4 dự án tâu huôx tôngv thiêz têx tsêr meir trâus zênhr shar tiv coz nas chuô số 3 tror huôx tôngv zuôr gôngr phênhv chuôz ndê tsiv grê tsiv uô công nghiệp, phênhv sâu nhiêx txiêx trâu tỉnh. Zơưv Hoàng Chí Hiền, Giám đốc Sở công thương tỉnh Lào Cai heik:“Pêz tsênhv krêz uô têz qơưk li dự án coaz tsôngv co zos cxix luôk cêr tênhv 500KV txuôk txix Lào Cai txos Vĩnh Yên thiêz zuôr txos no zos ntu txix Lào Cai muk ntus đriv chiê txuôk đros tênhv tênhz Trung Quốc. No zos chiê zaz zâuv yưv pênhr đros hlôngr yiêz hành chính đhâu thâuv hlôngr yiêz bộ meir, lênhx nênhs. No zos jiês chiê Lào Cai huôv tsar tax 60 cxênhz tỷ li tsưr ziv tso tơưv qir thơưx”.

          Lào Cai tsênhv sir jos chox kriê têx nganhx, tiv phaz car chêx têx phêv liv muôx lênhx coaz txos car chêx thax tsav qơư nzor chox cxaz têx thax tsav qơư krêz uô car chêx hâux lưv muôx tsi txâuk quặng trâu têx tsêr meir. Shông 2025, têx dự án zaoz thôngz zov chênhr zuôr krêz côngz li: cêr hlâu muk chênhr Lào Cai- Hà Nội- Hải Phòng; qar yêz za Sa Pa; kho đuô cêr muk chênhr Nội Bài- Lào Cai ntu Lào Cai- Yên Bái ndê txos 4 caz cêr yêz muk lok. Hâux lưv no tsênhv tâu njênhs njôngr zuôr paz cxơưz trâu tỉnh hâur hâux lưv zaz zâuv yưv pênhr, tiv zix zos tsiv uô công nghiệp./.

                                                                                             Thanh Thủy- Txâur Vax cxeik nhênhv

Sơn La sir jos uô luôs hâux lưv qênhz yuôx shuôs ciêz đrôngs zuôr muôs hax huv hâur kaz shôngk shông

Ntu no, têx hax huv nhoz chor qơư muôs huv, điện tử uz no hâur thị trấn, cxuô xã sâuv thax tsav chor huyện li: Sông Mã, Sốp Cộp, tỉnh Sơn La lok six ntâu. Đội seiz car ciêz đrôngs sôr 06, huyện Sông Mã, Sốp Cộp tưz bax hux jos đros cxuô lưv lươngv muôx vax huôv sir jos xưv bluô txos qơư têx tsưr tsix, lênhx nênhs liv zôngv tsôngv pêx xênhv zuôr txos ntâu têx hax huv tsar ndê gri tsi trơưk cui tinhv, uô tsi truôx tuk ciêz đrôngs; phax tir thêir jông thiêz zênhx max têx li heik co. Iz chas ntơư, sir jos uô jông hâux lưv yax kriê thiêz heik têx qơư zuôr muôs hax huv cir ntơưr chos luk uô zos đreiv chei têz qơưk cui tinhv, tsi tsiv uô, zuôr muôs hax huv chuôr, hax huv tsi jông, tsi pâuz tsênhz qơư uô. Niêv lâul Vũ Thu Trang, tsưr iz qơư zuôr muôs huv nhoz thị trấn Sông Mã heik:“Tsôngv pêx xênhv ntu no khênhr zuôr txos ntâu têx hax huv đuô pir li têx hnuz fênhx yax. Pêz qơư zuôr muôs hax huv trơưk li cơ quan muôx vax huôv thiêz têz qơưk heik, chuôz zis zuôr tsuv zuôr muôs têx hax huv muôx cxix cxuô ntâuz ntơưr thiêz pâuz tsênhz qơư uô xưz”.

Trơưk  li sâu jênhv, ntơưv 02 huyện ntus đriv Sông Mã, Sốp Cộp, tỉnh Sơn La, cux tsênhv muôx lênhx nênhs zuôr muôs têx hax huv chuôr, hax huv tsi jông, tsi pâuz tsênhz qơư…. Lar heik li: Hnuz 11/1 nhiv kruôr đhâu, chor lưv lươngv muôx vax huôv tưz qênhz yuôx, sâu tsês 250 poz nduôr thax tưz ntiv tâu hâur hnaz; 30 cir ntâu têx nduôr thax, suz thax cxuô zav thiêz 200 ntâu têx ntơưr lo chiv nduôr thax tsiêz ntơưv qơư zuôr muôs Nam Ngát, xã Chiềng Khương, huyện Sông Mã. Zơưv Phạm Xuân Tú, thơưx seiz car chor nênhs uô hâux lưv qênhz yuôx ciêz đrôngs sôr 06, car seiz huyện Sông Mã, Sốp Cộp heik pâuz:“Thâuv pêz uô hâux lưv qênhz yuôx shuôs têx hax huv zos tsi taz por tsơưr lươngv, lok sik qênhz pov lok sik txeik tâu luôs lưv tus mông heik pâuz, pêz zuôr chox kriê qênhz yuôx thiêz xưv bluô cov txos qơư. Cux heik trâu lênhx nênhs sir zôngv, thâuv zuôr hax huv mak sơưr đơưk tsuv muk zuôr têx qơư txâuk njênhs, muôx suôz bê, pâuz tsênhz qơư, qênhz shuôs jông hax huv  mav zuôr”.

Fuô uô luôs hâux lưv phax tir thêir têx hax huv chuôr, hax huv tsi jông hâur têx hli kaz shôngk shông 2024; uô ntêx thiêz đhâu tsiêz têz qơưk Naz shông 2025, Cục seiz car ciêz đrôngs Sơn La tưz sir jos lês uô jông têx hâux lưv zok muôz, qênhz yuôx, qênhz shuôs ciêz đrôngs, têx qơư  zuôr muôs hax huv, zênhx max qênhz pov thiêz xưv bluô txos qơư chor nênhs uô cxâuv lok tsar ndê gri tsi trơưk cui tinhv, zuôr muôs hax huv chuôr, hax huv tsi jông, tsi taz por truôx tuk zav nox….. Hâur co, lar heik zos têx nduôr thax, chơưr bia, đêx kaz jiz, zênhz gaz ntơưr điện tử, têx zav nox nhôngk tsi tâu uô siêr khênhr muôx chôngz lênhx ntâu tus zuôr txos hâur six hơưv tsiêz têz qơưk. Zơưv Nguyễn Viết Thông, Phưv Cục tsar Cục seiz car ciêz đrôngs Sơn La heik pâuz:“Lưv lươngv seiz car ciêz đrôngs Sơn La sir jos uô luôs hâux lưv qênhz yuôx têx tsưr tsix, lênhx nênhs zuôr muôs têx hax huv khênhr sir zôngv ntâu hâur têx hnuz tsiêz têz qơưk; fuô uô cê hâux lưv qênhz yuôx đros trâu yax kriê chei têz qơưk, tsi uô tuôr thênhv ntâu txos pêx xênhv hâux lưv zuôr muôs hax huv, huôv tsar uô nox. Zos lênhx nênhs tưs, qơư tưs uô cxâuv mak puôr lênhx xưv bluô txos qơư trơưk chei têz qơưk cui tinhv”.

Têx hnuz zuôr txos tsiêz, têx uô cxâuv lok sâuv sir zôngv ziv hnuz ziv muôx ntâu thiêz phiv liv. Đros trâu cxuô cơ quan muôx vax huôv têx sir jos qênhz yuôx, phax tir thêir, lênhx nênhs sir zôngv tsuv chênhr phax, seiz shuôs jông chiê por hưv trâu zuk, thiêx zuôr tsi tâu têx hax huv chuôr, hax huv tsi jông./.

                                                                                          Trấn Long-Riê Lâux xceik, nhênhv