Sir jos hâur niêx hnuz hmo uô luôs hâux lưv yêik txar tsôngv pêx xênhv chiê zuôr qơư tik chaz xor tênhv dưv anr 500KV Lào Cai-Vĩnh Yên

Tas nro zơưv Trần Kim Toàn chuôz zis luz tsêr nhoz jok Cóc Khiểng, xã Việt Tiến, huyện Bảo Yên, tỉnh Lào Cai nhoz hâur qơư tik, chaz xor tênhv muk đhâu thiêz tsuv yêik txar qơư nhoz chiê phưx vưv uô dưv anr 500 KV Lào Cai-Vĩnh Yên. Đhâu thâuv qênhz shuôs, njuôk hov, thôngz sâu tas, Phongx Tênhx qơư huyện tưz nzor xav tinhv qơư yiêz yêik txar muk nhoz tsi kuôk đêz qơư kuz. Têx li heik co paz zơưv Toàn tsi trâus cxơưx lok qơư nhoz yiêz, viv li zơưv chuôz zis jông siêz, thôngx ziv yêik txar thâuv têz qơưk sâu zuôr ar:“Tas ntâu côngz đas jos, nhiêx txiêx uô tsêr nhiv no ho yêik txar muk nhoz lưv kror qơư cux tsi uô chas. Jông siêz, thôngx ziv yêik txar chiê tsês qơư trâu têz qơưk tik, chaz xor tênhv tsi zos zuk iz lênhs. Chuôz zis jông siêz đros sơưr đơưk chiê fuô uô tâu sei luôs hâux lưv co”.

Txơưv tsưr yưv pênhr tsi tâu choz ndêx cxok kuôk cêv qơư taz sik cxuô thax tsav hâur huyện Bảo Yên bax thôngz sâu, pâux nzir trâu têx chuôz zis zuôr trâus tâu txar qơư nhoz chiê tik, chaz xor tênhv. Njuôk xav luôs hâux lưv no zuôr uô tiêr lok kaz hli 3. Hâux lưv mak ntâu, six hơưv fuô uô sei, taz sik cxuô thax tsav sir jos chiê nzor choz trâu tsưr yưv pênhr uô.

Txos nhiv no, huyện Bảo Yên tưz uô tiêr luôs hâux lưv thôngz sâu, zuôr qơư cxiv uô 67 tus ndêx tênhv, bax pâux nzir nhiêx trâu têx chuôz zis pêx xênhv hâur 2, 3 hnuz zuôr txos thiêz choz qơư tik, chaz xor tênhv trâu tsưr yưv pênhr uô. Đros thiêz têx sir jos uô hâux lưv hâur yênhx hnuz hmo, ntơưv qơư nzor fuô uô luôs hâux lưv zuôr qơư tik, chaz têx xor tênhv-iz hâux lưv zov chênhr hâur dưv anr tik, chaz xor tênhv lox 500KV. Zơưv Bùi Trịnh Hải, Chủ tịch Ủy ban xã Việt Tiến heik pâuz:“Pêz muk chuôs njiz iz chuôz zis jux juk chiê đros pêx xênhv thav. Đhâu yax kriê, tsôngv pêx xênhv cux jông siêz, thôngx ziv muôz ar, muôz qơư chiê fuô uô luôs hâux lưv heik sauv”.

Chiê phưx vưv dưv anr, huyện Bảo Yên, tỉnh Lào Cai tưz yênhx lix Hội đồng lês uô hâux lưv zuôr qơư tik, chaz xor tênhv đros thiêz chor canr bôv muôx txux chi tsưr ziv jông, moz siêz lês uô jông hâux lưv zok muôz txix huyện txos xã. Zuôr xar iz luz hlik lok no, tsi tiêk sir jos uô hâux lưv yax kriê chiê tsôngv pêx xênhv muôx cêr thôngx ziv, chor canr bôv hâur huyện cux tsênhv sir jos njuôk hov, qênhz yuôx, qênhz shuôs, tuôr xav gri chiê uô tiêr têx ntâuz ntơưr pâux nzir trâu pêx xênhv lơưr cui tinhv trơưk tsưr ziv “qơư yiêz jông đuô qơư nhoz kuz”. Zơưv Trần Trung Kiên, Tsar phongx tênhx qơư huyện Bảo Yên heik:“Zok nriêr ar nhoz trâu pêx xênhv taz por trơưk hâux lưv tso tơưv, pêz hu zâuv hur si canr bôv công chức ngênhx, địa chính xã đros uô. Đruôz hnuz pêz thôngz sâu, qênhz yuôx, tuôr xav gri ar chiê pâux nzir tâu trơưk cui tinhv trâu pêx xênhv”.

Tỉnh Lào Cai tsênhv sir jos cov txos hli 3, choz tas nro têx qơư tik, chaz xor tênhv muk đhâu trâu taz viv cxiv tsa côngz trênhx, uô tiêr tâu nzor uô ntêx 4 luz hlik pir li tsưr yưv pênhr uô tsưr ziv tso tơưv. Thâuv pêx xênhv tưz jông siêz, thôngx ziv, tas nro cxix luôs chính trị sik đros uô, dưv anr tik, chaz xor tênhv 500 KV Lào Cai-Vĩnh Yên zuôr uô tâu tiêr trơưk hâux lưv tso tơưv, taz por muôx tênhv tênhz tơưk pov cêr, cxơưz paz kinh tế, xã hội ntơưv qơư thiêz tas nro thax tsav huôv tsar./.

                                                                                                Thanh Thủy-Riê Lâux cxeik, nhênhv  

Chêix ntux yiêz tsâu sor nhoz jok tsôngv box Mảng ntơưv Lai Châu

Txix iz lênhx nênhs muôx zênhk chơưr, đhâu tâu canr bôv hêik kriê, tix lâus Chìn A Chăn, nhoz jok Nậm Ô, xar Nậm Ban, huyện Nậm Nhùn, tỉnh Lai Châu tưz tsik zos chêir tâu chơưr xưz mak tsênhv zos yênhx ziv chuôz zis txơưx uô nox hâur jok. Txos nhiv no, tix lâus chuôz zis tưz uô tâu tsưr ziv chos cuêv fix thiêz huôv tsar tu zus tsiêx cxu tsêx trung, đros muôx 2 héc ta ntâu thiêz paz nhux, tưv muôx 20 ntâu tuk. Tix lâus Chìn A Chăn hêik pâuz, tix lâus tsik tâu muôx jiês tưs xar tiêk tix lâus thiêz pox nhuôs hâur jok zuôr tơưv đhâu tâu yêiz pluôs, pôngz kaz, taz sik kror co tưz zos yênhx tsênhv tsênhz. Chiê muôx tâu luz nênhx xưk li nhiv no, pox nhuôs tưz mnôngs trơưk canr bôv hêik kriê, sik côngv siêz chiê sik đros cxuz cêr yêiz pluôs. Tsiêz no tix lâus xav tiêk zuôr nox tsiêz lox đuô cxiê shông chiê hu zâuv canr bôv xar thiêz pox nhuôs hâur jok tuôx đros nox, côngv cêr lov jêv:“Thâuv ntêx mak lênhx tưs cux hâuk chơưr xưz. Canr bôv xar hnuz tưs cux tuôx yax kriê, hêik trâu pêx xênhv mnôngs, pêx xênhv hâur jok tưz pâuz tas lơưv. Nhiv no chos cuêv fix thiêz tu zus tưz paz trâu zuk luz nênhx hlôngr yiêz đuô lơưv. Uô liêx têz, chos kok ntông, chos poz cưk mak puôr lênhx chos tâu hur si”.

Zênhx tâu pâuz txos tiêk zos “jok hâuk chơưr ntâu”, muôx ntu hâur têx tsêr ntông kuz đaz tuôs tưz zuôr vâu nhoz Nậm Ô, txix txir nênhx txos pox niêv puôr lênhx hâuk chơưr hlôngr trâu jâuz mor, hâuk yênhx hmo tax txos pov cêr. Luz nênhx tsik pâuz jông li chak muôx đros đrêiv chor nhuôv zâu têx njêx muôs, uô trâu pox nhuôs luz nênhx tsik pâuz zuôr cơưs kror tưs thiêz tsik so trâus yêiz pluôs. Pos Chìn Me Long, Bí thư Chi bôv jok Nậm Ô, xar Nậm Ban puz pâuz:“Cơưv chi bôv mak cur hêik trâu pox nhuôs cov sir jos tu zus tsiêx cxu, kêiz ol chiê huôv tsar kinh têr chuôz zis. Muôx têz qơưk tsaz yênhx paz mak pox nhuôs cux tso tsês jux juk têx cêr nênhx, phongx cxưx pôngz kaz. Nhiv no pox nhuôs cux tưz sir jos cov tơưv đhâu yêiz pluôs, uô bluô nux”.

Chêix ntux yiêz lok, Nậm ban tưz tsik zos muôx têx pax txir đuô tơưs xưz, mak tsênhv zos têx kror hlôngr yiêz jông hâur qênhx shênhx cxiv tsa luz nênhx tsâu sor, shir phaz trâu tsôngv box Mảng. Têx hlôngr yiêz co muôx đros têx gôngx côngv lox txix cấp ủy ntơưv thax tsav qơư thâuv chor đảng viên uô tâu truôx jông tsưr ziv “đảng viên uô uô ntêx, pêx xênhv cơưv shâuv uô trơưk”. Khov muôx đảng viên paz, pêx xênhv tưz pâuz sir jos, sik côngv siêz, chiê huôv tsar tâu truôx, txêik tok iz shông yiêz tsâu sor. Zơưv Lò A Thương, nhoz jok Nậm Vạc 1, xar Nậm Ban hêik pâuz:“Đảng viên lơưr lok six sir jos khưr uô nox, uô kinh têr thiêz lơưr luz nênhx cux huôv tsar lok six jông. Hâur huôv tsar kinh têr, muk uô liêx, uô têz, chuôz zis tưs uô tsik huv zos chêix chiv mak đảng viên hêik pox nhuôs cov muk paz trâu chuôz zis ntơưr uô cov sêi”.

Lok trâu chor jêx jok tsôngv box Mảng nhoz Nậm Ban chêix ntux yiêz no, kror njiê pov xuz thơưx zos 2 saz ntus cêr muk trâu tsênhv qơư jok tưz muôx chor ntông cuêv fix lox njuôz jông, siêz txix 4-6 thiêr. Dưv anr chos cuêv fix tưz paz truôx tuk luz nênhx thiêz paz muôx nzir phênhv sâu trâu pox nhuôs. Zơưv Nguyễn Văn Đài, Phưv Chủ tịch Ủy ban xar Nậm Ban, huyện Nậm Nhùn puz pâuz:“3 shông đhâu, iz shông xav luz đraz xar chos huôv tsar tâu 80 héc ta ntâu. Txos six hơưv no tas nro chor cuêv fix sâuv thax tsav xar chos tâu muôx 290 héc ta ntâu. Chor cuêv fix huôv tsar lok six jông, pox nhuôs lok six shir phaz chos thiêz tu chor ntông no”.

Chêix ntux yiêz nhoz tox siêz Nậm Ban tưz tsik tiêk zos six hơưv muôx têx ntênhk hôiv, têx tsuv mor tsiêz shir phaz mak tsênhv zos kror hêik tơưv tâu tsôngv box Mảng li têx sir jos. Txơưv tsênhv yuôr ntâu txov nhêv, taz sik đros muôx chinhr quyền li sir jos, đros trâu sik côngv siêz, sir jos khưr uô nox, tsôngv box Mảng ntơưv Nậm Ban tsênhv yênhx hnuz sir jos hla đhâu têx phiv liv, cxiv tsa luz nênhx cov tsâu sor, truôx tuk nhoz thax tsav tox siêz Tây Bắc./.

                                                                                            Khắc Kiên-Lik Thox cxêik nhênhv