Xar muôx 300 luz yêz ntơưv Lai Châu zuôr thâux xa kruô muk lok hâur jiês tsiêz

Lơưr zơưv Lê Xuân Thoan, Phưv Giám đốc sêiz car qơư tsar đrêk yêz thâux xa kruô tỉnh Lai Châu, hâur jiês Tsiêz Têz qơưk shông 2025, qơư tsar đrêk yêz tưz bax tâu xar muôx 300 luz yêz, muk lok muôx 58 tuyến hâur tỉnh thiêz muk trâu têx tỉnh chiê phưx vưv tsôngv kruô chêix muk lok. Chor yêz phênhv ntâu zos chor zav yêz kruô muôx txax pư tsơưr lươngv siêz, yêz thâux kruô muôx trôngx jâuv tsơưr lươngv siêz, zuôr muôx cxix cxuô têx tsơưr lươngv dịch vuv jông trâu tsôngv kruôr chêix muk lok hâur tas nro jiês so tsiêz.

Chiê paz trâu pêx xênhv, qơư tsar đrêk yêz thâux kruô cux tưz bax jông têx dịch vuv chiê paz trâu tsôngv kruô, txix hêik pâuz chor jiês yêz muk lok, txos trâu hêik pâuz xor mông thiêz muôx đêx hâuk tsik tas nhiêx txiêx ntơưv têx qơưk nhoz tok yêz. Côngz xưv por vêv ntơưv qơư tsar đrêk yêz cux tâu chuôz cxaz, uô cov ngaz tuk jông hâur tas nro ntu muôx chôngz nênhs muk lok thâuv uô ntêx, hâur thiêz đhâu tsiêz. Đrâuv bax têz yêz thâux xa kruô, chor cơ quan muôx vax huôv cux sir jos yax kriê lok chêi ngaz tuk zoz thôngz cêr ar, cxơưz cxiz tsôngv kruô tsuv uô jông lơưr têx cui tênhv lok ngaz tuk thiêz sêz shuôk jông zuk cxuô zav chuôz zênhx hâur ntu chêix yêz muk lok:“Qơư tsar đrêk yêz cux tưz sik côngv truôx jông đros têx taz viv thâux xa kruô zuôr huiz tôngv cov ntâu tiv zix chor yêz chiê phưx vưv hâur jiês Tsiêz Têz qơưk no. Lơưr njuôk xav chor kruô hâur jiês tsiêz no phênhv ntâu zos chêi yêz muk trâu têx tỉnh qơư kik li: Nam Định, Thái Bình, Ninh Bình, Vinh, Hà Tĩnh… Nhiv no taz viv cux tưz pâuz tâu chor kruô chêix yêz muk lok hâur yênhx hnuz tênhv đhâu doanh nghiệp cux li nus tênhv đhâu qơư tsar đrêk yêz, chiê sir jos phưx vưv cov tâu jông tiv zix trâu pox nhuôs”.

Xav txos hnuz 16/1, txơưv tiêk ntơưr chêix yêz tâu muôx ntơưv qơư tsar đrêk yêz thiêz tas nro têx doanh nghiệp lơưr tsưr ziv zuôs ciês ntơư qơư thiêz trực tuyến, taz sik tưz muôx lok six chôngz nênhs tuôx ciês ntơưv qơư tsar đrêk yêz chiê zuôr ntơưr. Chor nênhs tuôx zuôr ntơưr chêix yêz cux thôngx ziv đros côngz xưv bax uô ntêx no. Tix lâus Trần Anh Tuấn, lênhx nênhs zuôr ntơưr chêix yêz muk trâu Thái Bình hêik pâuz:

“Tưz zuôr txos tsiêz lơưv, cxuô lênhx nênhs cux tưz muôx tsưr ziv chiê muk tsêr nox tsiêz. Shông no qơư tsar đrêk yêz phưx vưv lok six jông, chor yêz muôx ntâu, viv li pêz cux lok shir jông siêz. Cur vav tiêk jiês muk tsêr nox tsiêz no zuôr njiz ntâu kror jông thiêz ngaz tuk”.

Chiê cov zoz thôngz ngaz tuk jông, lưx lươngv Cảnh sát zoz thôngz ntơưv thax tsav qơư tưz tâu huiz tôngv chuôz cxaz qênhz yuôx, sêiz jor ntơưv chor cêr zov chênhr, tiv zix zos têx qơư muôx cêr ndê tox, khâuk lêv muk trâu têx tỉnh iz ndis li Lào Cai, Yên Bái, Điện Biên. Trung tá Đỗ Văn Hùng, Phưv trưởng Phòng Cảnh sát zoz thôngz, Công an tỉnh Lai Châu puz pâuz, taz viv sir jos uô jông hâux lưv qênhz yuôx chor yêz thâux xa kruô, sêiz jông cov chor yêz no tsuv txâuk cxuô kror lok ngaz tuk kỹ thuật, por vêv tênhv qơư thiêz ploz tsênhr lok ngaz tuk thâux xa kruô. Tiv zix, yax kriê txos trâu chor tsêr yêz, nênhs tsar yêz pâuz lok Chinhr phuv li Nghị định 168 li têx cui tênhv xưv bluô yiêz thiêz zuôr xưv bluô ntov jông chor nênhs uô cxâuv chêi:“Taz viv PC 08 tưz yênhx lix iz tôv côngz xưv, zos hâu nov Phòng uô tôv tsar chiê qênhz yuôx, xưv bluô uô cxâuv zoz thôngz sâuv thax tsav tas nro tỉnh. Đros chor nênhs uô cxâuv cik txos ngaz tuk zoz thôngz thiêz têx uô cxâuv têx chêi txơưr. Tsik chiê chor yêz thâux chôngz nênhs tsik zos li cui tênhv cov ngaz tuk trâu pêx xênhv thâuv chêix yêz muk tsêr chiê nox tsiêz”./.

                                                                                                         Khắc Kiên-Lik Thox cxêik nhênhv

Nhoz Đắk Lắk-Seiz jor qơư y tế jông xưk li tsưx phưv ntus đriv hâur six hơưv tsiêz

Khoa chơưv kho moz hnhar hâur tsêr kho moz TP Buôn Ma Thuột tưz bax 6 luz txax trâu nênhs moz tuôx nhoz pư kho moz gênhk thiêz 5 luz txax tsês trâu nênhs trâus moz hnhar hâur six hơưv tsiêz. Bác sĩ Trần Thanh Quý, Phưv seiz car Khoa chơưv kho têx moz hnhar sâuv heik pâuz:“Khoa tưz bax cxuô luôs hâux lưv, lênhx nênhs zuôr nhoz trơưr ntơưv qơư uô hâux lưv muôx: Iz tus bác sĩ, 02 lênhx seiz njuôk shuôs kho moz chiê chơưv kho têx moz gênhk, lar heik zos lok sâuv trâus kâus tưx zav nox cux li trâus moz trâus saz viv uô yêz siz yar siz tsông tâus cêr hâur têx hnuz tsiêz”.

Tsêr kho moz Đa khoa thax tsav Tây Nguyên zos tsêr kho moz lox hâur thax tsav, thâuv tưs tưz bax jông cxuô luôs hâux lưv chiê txeik tok thiêz chơưv kho têx lênhx nênhs trâus moz hnhar. Bác sĩ Nguyễn Doãn Sơn, Phưv thơưx siz car Khoa chơưv kho têx moz hnhar heik pâuz, txos tsiêz, chor nênhs moz hnhar khênhr tsar ndê chôngz lênhx, muôx têx ntâu đuô 50% pir li têx hnuz fênhx yax, tiv zix zos chor nênhs trâus moz trâus saz tiv uô yêz siz yar siz tsông tâus cêr, moz lênhs plơưr, moz hlưz hâu:“Pêz zuôr tso nzir têx hloz, bác sĩ đros nhoz trơưr ntơưv qơư uô hâux lưv, thiêz nzir lênhx nênhs lês uô cxuô luôs hâux lưv chiê siz paz thâuv muôx chôngz nênhs moz hênhr lok sik ntâu txuz trâus saz tiv yêz siz yar siz tsông tâus cêr mak zênhx max muk đros paz kho moz gênhk trâu lênhx nênhs moz”.

Đros trâu bax lênhx nênhs, chuôz zênhx thiêz têx yuôx kho moz gênhk, tsêr kho moz Đa khoa Thax tsav Tây Nguyên cux lok six moz siêz txos txoz cxơưx luz nênhx trâu chor nênhs moz tuôx nhoz chơưv kho moz gênhk hâur têx hnuz tsiêz. Bác sĩ Nguyễn Ngọc Thịnh, Phưv Giám đốc Tsêr kho moz, heik pâuz:“Hâur têx hnuz tsiêz no mak pêz tsưr tsix ciêz tsiêz trâu chor nênhs moz muôx luz nênhx txov nhêv, iz zav li paz cxur, trox nox, cuô mik chiê nênhs moz muôx tsiêz nox sor si”.

Tsi tiêk têx tsêr kho moz cấp tỉnh, chor tsênhv qơư y tế huyện cux tưz bax jông cxuô luôs hâux lưv seiz njuôk shuôs, kho moz gênhk trâu tsôngv pêx xênhv sơưr đơưk hâur six hơưv tsiêz têz qơưk. Bác sĩ Lê Thị Thủy, Giám đốc Tsênhv qơư y tế huyện M’drak heik pâuz:“Ban Giám đốc chox kriê tas nro têx khoa phongx, qơư y tế xã bax jông hâux lưv tsoz phưz đas jos trâu nênhs moz, hâur tsênhv qơư mak bax fuô uô têx tsênhv njiêz, hâux lưv cik txos yuôx, chuôz zênhx phưx vưv seiz njuôk shuôs kho moz, phênhz lênhx nênhs lês uô têx hâux lưv heik sâuv hâur ntu zuôr txos thiêz đhâu tsiêz têz qơưk”.

Ngênhx y tế Đắk Lắk txix cxuô qơư y tế hâur tỉnh txos chor tsêr kho moz huyện tưz muôx tsưr ziv bax uô luôs hâux lưv seiz njuôk shuôs, kho moz trâu pêx xênhv. Bác sĩ Nguyễn Vũ Quang, Phưv Giám đốc Sở Y tế heik:“Sở Y tế tưz muôx ntâuz ntơưr xa trâu tas nro cxuô taz viv bax lênhx nênhs, chuôz zênhx, yuôx uz no cxix cxuô txix huyện txos tỉnh. Ngênhx y tế tưz bax tâu jông cxuô luôs hâux lưv chiê txeik tok têx lênhx pêx xênhv trâus muôx moz tuôx nhoz chơưv kho moz trâu têx qơư y tế hâur six hơưv tsiêz”.

Đros trâu bax tâu jông têx hâux lưv heik sâuv thiêz chor bác sĩ, cưk yuôx têx sir jos, hâur têx hnuz tsiêz, ngênhx y tế Đắk Lắk muôx têx zuôr fuô uô tâu luôs hâux lưv tsoz phưz đas jos, seiz njuôk shuôs moz trâu tsôngv lax pêx xênhv. Txơưv chơưv kho têx moz hnhar lok sik tsoz phưz nênhs moz, chor bác sĩ, cưk yuôx cux sir jos uô jông hâux lưv zok muôz, chiê cxuô lênhx cxuô tus muôx iz luz tsiêz nox truôx tuk thiêz sor si./.

                                                                                                        VOVTN-Riê Lâux cxeik, nhênhv