Sơn La txoz cxơưx tsiêz trâu têx chuôz zis pluôs, pêx xênhv nhoz thax tsav trâus đêx nas uô ruôr hiêv

Đhâu ntâu luz hlik uô nênhx txov nhêv njuôr viv trâus đêx nas uô ruôr hiêv, txos nhiv no, zuôr xar 50 chuôz zis pêx xênhv nhoz chor jok Phiêng Nghè, Nam Niệu....xã Chiềng Đen, TP Sơn La tưz tror lok nhoz tâu trâu zuk chuôz zis têx vax tsêr, jux juk truôx tuk luz nênhx, huôv tsar uô nox. Hâur têx hnuz zuôr txos tsiêz têz qơưs shông 2025 no, têx chuôz zis muôx luz nênhx txov nhêv hâur jok tưz txeik tâu côngv thôngx sơưr đơưk cêr paz, pheiz kênh đros trâu têx poz hax huv txix tsaz yênhx “cheix ntux yiêz tuz lênhv thiêz px muôx cêr côngv siêz jông” zos chor tuz lênhv, công an thiêz cxuô taz viv tsưr tsix. Zơưv Cà Văn Ương, Bí thư chi bộ, tsar jok Nam Niệu, xã Chiềng Đen, TP Sơn La heik:“Tsôngv box lok six jông siêz thiêz shir phaz viv tâu chor tuz lênhv, công an moz siêz txos.  Tsôngv pêx xênhv cux zuôr sir jos huôv tsar uô nox hâur ntu zuôr txos chiê muôx luz nênhx truôx tuk. Jok cux yax kriê tsôngv box sơưr đơưk tso siêz tok shông yiêz, nox tsiêz 30, bax huôv tsar uô chiv kôngz shông yiêz”.

Đros trâu thax tsav tox siêz tsênhv yuôr ntâu txov nhêv li: Thuận Châu, đhâu qênhz shuôs muôx 7 cxênhz ntâu chuôz zis pluôs, chuôz zis muôx luz nênhx txov nhêv. Txos nhiv no, tưz muôx zuôr xar 3 cxênhz chuôz zis tâu têz qơưs muôz huv tsiêz puz, chor nhiêx fuô uô luôs hâux lưv co zos têz qơưk li nhiêx txiêx, huyện Cuiv nhiêx viv nênhs pluôs, cxuô tsưr tsix, lênhx nênhs siêz jông đros paz.... Zơưv Hà Trung Thắng, Phưv Chủ tịch Ủy ban huyện Thuận Châu, Sơn La heik pâuz:“Chiê txoz cxơưx tsiêz trâu tsôngv pêx xênhv, lar heik zos tsôngv box thax tsav trâus đêx nas uô ruôr hiêv nhiv kruôr đhâu, Ủy ban huyện tưz chox kriê cxuô xã qênhz shuôs chor nênhs tâu sơưv chei paz, têx thax tsav trâus ruôr hiêv hnhar hâur cheix ntux nas; zênhx max tso têx đoanx côngz xưv muk shuôs, tôngv zênhx, paz max, taz por tsôngv pêx xênhv sơưr đơưk muôx tsiêz nox sor si, siz hluz siz paz sik đros hla đhâu phiv liv, cêr txov”.

Txoz cxơưx tsiêz trâu tsôngv box, tỉnh Sơn La tưz chox kriê cxuô sở, ngênhx, ntơưv qơư fuô uô ntâu hâux lưv tsênhv tsênhz; têx tsaz yênhx tuz lênhv bax uô tsiêz trâu tsôngv pêx, cheix ntux yiêz sor si nhoz ntus đriv....puôr lênhx zos paz trâu tsôngv box thax tsav txov nhêv, tox siêz đêz đrôngs, qơư trâus đêx nas uô ruôr hiêv. Tỉnh cux muôz nhiêx txiêx ntơưv qơư, sir jos hêik cxuô cơ quan, tsưr tsix, lênhx nênhs siêz jông siz chos paz chiê txoz cxơưx tsiêz trâu chor nênhs muôx luz nênhx txov nhêv, nênhs muôx côngz têz qơưk, lênhx nênhs pluôs.....

Trơưk li thôngz sâu, Sơn La muôx zuôr xar 4 cxênhz chuôz zis, 14 cxênhz lênhx nênhs zuôr trâus njiz cêr yeiz hâur six hơưv tsiêz têz qơưk Naz shông thiêz cheix tsêz chos kôngz shông 2025; njuôk xav tsuv tâu paz 240 cxênhz ntâu cir cxur. Tỉnh tsênhv tror qênhz shuôs, fuô kriê cxuô thax tsav qơư bax muôz chor nhiêx txiêx xã hội chiê paz chơưv yeiz trâu pêx xênhv; sir jos uô tiêr cxuô luôs hâux lưv paz chor pêx xênhv heik sâuv uô ntêx hnuz 25 luz 12 hlik hli ntux./.

                                                                                                           Lê Hạnh-Riê Lâux cxeik, nhênhv

Chiê shux xênhz Sa Pa hnar sor hâur têx hnuz ntux no njiv

Hâur qơư muôx no njiv nhoz Sa Pa, Tsêr cơưv Tả Phìn plox pliês hâur têx huôz tsâuk đros muôx nas yâur ntuz njuôr. Njiê saz đrâuv têx tsêr lớp cơưv puôr lênhx cơư kror trôngx ntov jông, taz sik đhâu chor kror trêi tsov iêr, cưk kriê ntơưr thiêz shux xênhz cux sir jos kriê thiêz cơưv ntơưr, iz chas zos luz mêir uô sor tâu tơưl liêz plôngs pov cêr tas nro qar cơưv ntơưr. Cưk kriê Đàm Thị Hòa hâur tsêr cơưv ntơưr hêik pâuz:Tiv ntux no hênhr viv li chor cưk kriê ntơưr puôr lênhx cơư kror trôngx cov sor trâu shux xênhz hâur lớp cơưv. Đros iz cxiê huôx tôngv đrâuv jôngr, pêz hlôngr chiê tsưr tsix trâu chor nhuôs hâur tsêr chiê tsik trâus ntuz nas, tsik trâus no”.

Lơưr cưk kriê Ong Thị Hiên, Hiệu trưởng Tsêr cơưv Cxênhx iz Tả Phìn, hâur têx hnuz ntux no, tsêr cơưv xux cxaz nzir tsơưr pưr, uô têx zav nox cov siêr jông, sor trâu chor shux xênhz nhoz hâur tsêr cơưv nox; hêik chor cưk kriê ntơưr sêiz car tsik so hu tênhv hêik 400 ntâu lênhx shux xênhz niêv txir pâuz hnar cov txâuk sor trâu zuk têx tuz nhuôs thâu tuôx cơưv ntơưr:“Đros chor shux xênhz niêv txir muôz hnar tsik tâu txâuk trik yo sor, hâur lớp cơưv pêz cux bax tsês iz chor trik yo hâur chêix ntux no chiê muôz trâu chor shux xênhz thâuv tuôx cơưv trâus ntuz nas lok sik hnar tsik tâu txâuk sor hnar cov tsik no”.

Đhâu Phòng Zoz zux thị xar Sa Pa li nriêr pâuz, txos six hơưv no, xar muôx 60 luz tsêr cơưv sâuv thax tsav tưz muôx txâuk cxuô kror, paz tir tar tâu jông ntux no trâu 22.000 ntâu lênhx shux xênhz.

Lơưr Trưởng phòng Nguyễn Trường Chinh, tiv thax tsav Sa Pa muôx ntâu qơư ntux no chênhr no njiv sik txơưr viv li hâur têx hnuz ntux no hênhr mak zuôr chiê  shux xênhz so ntơưr thiêz tsik so tâu choz trâu yênhx luz tsêr cơưv cuêz tênhv cov huv đros:“Fênhx six mak txos trâu hli 10 yênhx shông, Phòng puôr lênhx muôx ntâuz ntơưr chox kriê, hêik chor tsêr cơưv qênhz shuôk đuô cxuô kror, têx chuôz zênhx tsuv muôx. Đros trâu nhiv no chor tsêr cơưv tưz puôr lênhx tâu chêi zôngv têx nhiêx txiêx zuk muôx tâu, khov co kriz uô tâu jông đuô hâux lưv phax tar ntux no trâu chor shux xênhz”./.

                                                                                             An Kiên-Lik Thox cxêik nhênhv