Khur xiv lok têx txir hồng Lục Yên

Txir hồng tsi muôx nôngz zos zav tsoz chos hâur thax tsav qơư iz txưv chos ntơưv Lục Yên tâu ntêr shông, chor lâul cux tsi pâuz tsênhz shor zav tsoz chos no muôx txix thâuv tưs lok. Txir hồng tsi muôx nôngz khênhr sâu đê thâuv txir tưz lâul, đhâu đê tâu muôz chor txir co chox lok tsâu đêx 3 hnuz mak nox tâu lơưv. Thâuv co, chor txir nox kaz, tsư ha thiêz tsi pluôk.

Sơưr ntơưv iz saz tsoz txir hồng muôx 50 ntâu shông pêv tos tsêr, seiz njiê hâur pâuk ntông đros trâu têx chês siêz đâur niêz, 2, 3 tâur txir siz tsơưr, pos Hoàng Thị Hán, 78 shông nhoz xã Vĩnh Lạc, huyện Lục Yên cux hêik pâuz tiêk, shông 1972, pos thor tâu 02 tsoz zuz lok chos hâur vax. Txơưv tsi yuô moz siêz tu, taz sik tsoz txir hồng cux hloz lox jông, muôx 5 shông mak qir txi txir.

Muôx kênh shông, txi txir lok six ndư, iz tsoz sâu đê tâu 2, 3 puô cir txir, siêr liêz jông gâux, uô yiêz tas yênhx câuv vax. Li ntơư, ntêr jux juk iz tsoz tưz trâus tuôs, yuôr đuô li niêx shông cux tơưs pax, txi txir. Taz sik đhâu iz ntu tsi ntêr, phênhv ntâu chor txir jênhs tas, yuôr lok six tsơưs:“Shông 72 cur muk thor zuz lok chos, txi txir ndư cơưk, iz tsoz đê tâu 2, 3 puôk cir txir, taz sik nhiv no tsi thôngx li ntơư lơưv. Txi txir thâuv tưs mak jênhs tas hur si”.

Trơưk li ntâu lênhx pêx xênhv nhoz xã Vĩnh Lạc, huyện Lục Yên, txir hồng tsi muôx nôngz zos luz bê tâu chôngz lênhx ntâu tus 2 chas thax tsav pâuz txos. Zav txir no muôx iz kro jông zos: Nox kaz, tsi muôx nôngz, chiê chor txir nưk siêr nưk sâuv ntông mak nox tsi pluôk hlo, zos muôz tsâu đêx thâuv nox cux tsi tas qêik tơưr li. Tsôngv pêx xênhv ntơưv qơư tưz muôx jiês seiz zav tsoz chos co zos tsoz chos chênhr hâur thax tsav, viv iz chas tsoz chos co muôx phênhv sâu tâu truôx tuk, tsênhv zos xiv huv kôngz nuv jông hâur qơư nhoz.Zơưv Nông Đình Đoạn, Phưv Chủ tịch Ủy ban xã Vĩnh Lạc heik pâuz, thâuv ntêx tas nro xã muôx zuôr xar 70 ha txir hồng tsi muôx nôngz. Zav tsoz chos no hloz lox jông, chuôs li chuôz zis tưs cux chos. Têx vax txir hồng txi txir ndư, muôx kênh tsoz 10 tơưv shông sâu đê tâu txix 2,5-300 cir txir iz tsoz iz chiv.

Txix shông 2023 txos nhiv no, tsoz txir hồng qir trâus caz tho nox uô ruôr hiêv thiêz txi txir cux trâus jênhs tas. Xã tưz hêik têx lênhx nênhs nhênhz chơưv thiêz khoa học tuôx đros qênhz shuôs, zok nriêr tsưr ziv tir thêir caz tho nox, taz sik cux tsi muôx faz tsưr ziv tưr tir thêir tâu caz tho nox tsoz chos co. Chênhr viv li, chor ar têz chos txir hồng txo grêk tsơưs ntâu, nhiv no iz chuôz zis tsuôk yuôr 2, 3 tsoz xưz, xav hur si yuôr muôx nhos 1-2 ha. Txix thâuv tsoz chos txir hồng trâus caz tho nox thiêz txi txir tsi jông li thâuv ntêx, tsôngv pêx xênhv tưz ntor por tsês tas ntâu thiêz hlôngr chos đuô zav tsoz chos txơưr. Phưv Chủ tịch Ủy ban xã Vĩnh Lạc heik, txơưv nhiv no têx ar têz txir hồng ntơưv Vĩnh Lạc tsi yuôr ntâu li thâuv ntêx, taz sik pêx xênhv nhoz no thâuv tưs cux vav chiê siêz tror huôv tsar chos zav tsoz chos co. Sơưr đơưk cêr chiê siêz ntơư tsi tiêk zos luz nênhx, pluôk nox, tsênhv zos cêr shir phaz lok iz zav tsoz chos jông mak têx lâul chos tâu tsês. Zos tâu paz por hưv, tu trơưk tsưr ziv, chor txir hồng no muôx têx zuôr tror huôv tsar jông, paz gra siêz phênhv sâu tâu trâu pêx xênhv, cxơưz sơưr đơưk luz nênhx hlôngr yiêz, vav mênhx:“Cux vav njôngr, têx lênhx nênhs nhênhz chơưv khoa học thiêz cxuô cấp đros moz siêz txos chiê uô li chas tror huôv tsar tâu tsoz chos txir hồng heik sâuv chiê pêx xênhv muôx phênhv sâu truôx tuk. Nhiv no zos tsoz txir hồng huôv tsar jông li thâuv ntêx mak pêx xênhv Vĩnh Lạc zuôr tsi muôx chuôz zis yeiz pluôs”./.

                                                                                           Đinh Tuấn-Riê  Lâux cxeik, nhênhv 

Chinhr phuv tso tơưv Nghị định sôr 180/2024/NĐ-CP cui tênhv tsênhv chêi txo grêk nhiêx sê Tsar ndê trơưk Côx hôiv li Nghị quyết sôr 174/2024/QH15

Lơưr co, Nghị định sôr 180/2024/NĐ-CP cui tênhv Txo grêk nhiêx sê tsar ndê:

Txo grêk nhiêx sê tsar ndê trâu chor hax huv, dịch vuv tsênhv tsuv thêv nhiêx sê 10%, yưx chor hax huv, dịch vuv li đrav kaz:

Viễn thông, huôx tôngv tài chính, zênhx hangx, chứng khoán, bảo hiểm, kinh doanh zuôr muôs ar têz, kuôr hlâu thiêz cxuô zav hax huv txix kuôr hlâu, hax huv khai khoangr (tsik xav txos kriz uô than), than cốc, dầu mỏ tinh chế, hax huv hóa chất. Tsênhv tsênhz ntơưv Phụ lục I muôx đros Nghị định 180/2024/NĐ-CP hnuz 31/12/2024.

Têx hax huv thiêz dịch vuv tsuv thêv nhiêx sê sir zôngv. Tsênhz mênhx ntơưv Phụ lục II muôx đros Nghị định 180/2024/NĐ-CP hnuz 31/12/2024.

Công nghệ thôngz mông lơưr pháp luật lok công nghệ thôngz mông. Tsênhv tsênhz ntơưv Phụ lục III muôx đros Nghị định 180/2024/NĐ-CP hnuz 31/12/2024.

Hâux lưv txo grêk nhiêx sê tsar ndê trâu yênhx zav hax huv, dịch vuv cui tênhv ntơưv Khoản 1 Grê 1 tâu kriz uô thôngx ziv ntơưv têx ntu zuôr saz đrâuv têz qơưk lok, uô, kinh doanh zuôr muôs. Đros hax huv than kriz uô chiê muôs (muôx tas nro chor than kriz uô tâu yâu liv, phêiz cov jông mav li muôs) zos chor hax huv, dịch vuv tsuv tâu txo grêk nhiêx sê tsar ndê. Hax huv than nhoz Phụ lục I tso tơưv trơưk Nghị định 180/2024/NĐ-CP hnuz 31/12/2024, ntơưv chor ntu txơưr đrâuv ntu khơưz uô than muôs mak tsik tâu txo grêk nhiêx sê tsar ndê.

Chor tổng công ty, tập đoàn kinh têr kriz uô lơưr tsưr ziv uô ntov jông thiêx li muôs cux zos chor nênhs tâu txo grêk nhiêx sê tsar ndê đros hax huv than tâu khơưz uô than muôs.

Zos tiêk chor hax huv, dịch vuv hêik ntơưv chor Phụ lục I, II thiêz III tso tơưv đros Nghị định no zos chor hax huv, dịch vuv tsik tsuv thêv nhiêx sê tsar ndê lok sik tsuv thêv nhiêx sê tsar ndê 5% lơưr Chêi nhiêx sê tsar ndê li cui tênhv mak uô trơưk Chêi nhiêx sê tsar ndê li cui tênhv thiêz tsik tâu txo grêk nhiêx sê tsar ndê.

Nghị định sôr 180/2024/NĐ-CP cui tênhv phênhv txo grêk nhiêx sê tsar ndê:

Qơư kinh doanh xav nhiêx sê tsar ndê trơưk tsưr ziv txo grêk tsơưs tâu sir zôngv phênhv nhiêx sê tsar ndê 8% trâu chor hax huv, dịch vuv cui tênhv ntơưv Khoản 1, Grê 2.

Qơư kinh doanh (xav tas nro chuôz zis kinh doanh, tiz nênhs kinh doanh) xav nhiêx sê tsar ndê trơưk tsưr ziv phênhv puô trơưk phênhv sâu tâu txo grêk 20% xav lơưr tsưr ziv phênhv puô chiê xav txos nhiêx sê tsar ndê thâuv uô têx ntâuz ntơưr trâu chor hax huv, dịch vuv tâu txo grêk nhiêx sê tsar ndê cui tênhv ntơưv Khoản 1, Grê 2.

Lok tsưr ziv, ntâuz ntơưr kriz uô, sơưr đơưk nriêr pâuz nzir ntơưv Cục nhiêx sê tỉnh Sơn La li trang thôngz mông điện tử./.

                                                                                             Thanh Thủy-Lik Thox cxêik nhênhv