Muôx qơư nhoz truôx-Tsôngv box ntus đriv Sơn La cêr shir phaz hâur shông yiêz

Đhâu ntâu shông uô nênhx txov nhêv njuôr, tsi muôx vax tsêr truôx khor gâuv yar gâuv nas, nhiv no, tsôngv box Hmôngz nhoz jok ntus đriv Pu Hao, xã Mường Lạn, huyện Sốp Cộp, Sơn La tưz muôx qơư nhoz truôx thiêz tso siêz huôv tsar uô nox uô hnar:“Thâuv ntêx tox xưz poz, cuô đêx cuô ar ntưk lok cxuz trôngx vas, lok six nyei cơưk viv tus txir tsi nhoz tsêr, kuôx yênhx hmo, pư tsi tsâus jos, tsuv khiêr muk nhoz gâuv trâu têx qơư truôx tuk. Lok six cxơưx thiêz nyei hênhr, cheix ntux nas tưz tsi car nhoz thiêz pư hâur tsêr”.

“Cur chuôz zis cux nhoz thax tsav riêz nênhs, zôngx ziv trâus xưz poz, tâu têz qơưk moz siêz txos thiêz paz yêik txar muk nhoz qơư yiêz, muôx vax tsêr lox đar thiêz truôx khor nhoz. Nhiv no mak tsi trâus cxơưx lơưv, chuôz zis lok six shir phaz thiêz tso siêz, cheix ntux nas chuô cux tsi trâus cxơưx li thâuv ntêx”.

Hâur xuz jôngr njuôz xiêz, tưz pov têx luz tsêr yiêz truôx khor hâur jok ntus đriv nhoz ndênh êi đros trâu sơưr đơưk cêr shir phaz lus. Hâur 146 chuôz zis, jok Pu Hao muôx 60 chuôz zis zos têx ziv nhoz chor qơư riêz nênhs zôngx ziv trâus xưz poz, vax tsêr trâus đêx nas uô ruôr hiêv yêik lok nhoz. Txix hli 4/2024 txos nhiv no, têx chuôz zis heik sâuv tưz tâu yêik lok nhoz qơư truôx tuk, kuôk qơư kuz zuôr xar 3 cêik.

Iz shông njiz ntâu phiv liv, cêr txov viv cxơưx truôx tuk luz nênhx yiêz, tsôngv box jok Pu Hao cux sir jos huôv tsar uô nox, tok shông yiêz đros cêr shir phaz viv têx kôngz uô sâu tâu nju, muôs tâu gri. Đros trâu yênhx puô ha têz poz cưk, kok ntông thiêz 6 cxênhz ntâu tus tsiêx cxu, zuôr txos no, tsoz cà phê cux zuôr huôv tsar hloz lox jông, txi txir nhoz thax tsav qơư co. Tsi tiêk sir jos yênhx iz hâur 8 jok huôv tsar đuô hur si nhoz thax tsav ntus đriv hâur xã Mường Lạn, huyện Sốp Cộp, Pu Hao tsênhv zos qơư chi cax, uô ntêx nyuôs sir jos tsưx phưv truôx thax tsav qơư nhoz. Zơưv Ziêk Xênhv Shôngx, Bí thư chi bộ, tsar jok Pu Hao heik:“Pu Hao nhoz jê đriv têz Lok Tsuôk, cấp ủy hâu nov cux tưz chox kriê canr bôv, đoanx thêv, tsôngv pêx xênhv đros chor lưv lươngv qênhz yuôx, seiz car đriv têz, ndêx cxok kuôk cêv ntus đriv..... Txơưv têx hnuz ntênhs, hnuz tsiêz, cur thâuv tưs tưz đros chor lưv lươngv muk qênhz yuôx, yax kriê, vênhv tôngv tsôngv box uô jông trơưk Đảng, têz qơưk tsưr ziv fuô kriê, cui tinhv ntus đriv, qênhz shuôs thiêz heik trâu cấp muôx vax huôv pâuz zos muôx yưv têx tsi jông nhoz ntus đriv”.

Zos canr bôv hâur Zênhx Pênhz phax Mường Lạn, tuz lênhv pênhz phax Sơn La tâu tso uô Phưv Bí thư Đảng ủy xã Mường Lạn, thiếu tá Lò Văn Vui tưz đros đreiv pêx xênhv ntus đriv ntâu shông lok no thiêz muôx tsưr ziv nhênhz chơưv, heik trâu cxuô cấp lok sâuv yêik txar qơư nhoz, taz por truôx tuk luz nênhx trâu pêx xênhv, huôv tsar uô nox uô hnar nhoz qơư yiêz:“Shông no lok six shir phaz, têx chuôz zis pêx xênhv zôngx ziv thiêz trâus đêx nas uô ruôr hiêv tưz muôx luz nênhx truôx tuk ntơưv qơư nhoz yiêz. Hâur cêr jông siêz, shir phaz co, cấp ủy, hâu nov ntơưv qơư thiêz canr bôv chiến sĩ Zênhx Pênhz phax Mường Lạn cux fuô uô iz cxiê hâux lưv tok tsiêz 30 trâu tsôngv box, tôngv zênhx sơưr đơưk truôx tuk luz nênhx ntơưv qơư nhoz yiêz, sik đros uô jông luôs hâux lưv tsưx phưv thax tsav ntus đriv”.

 “Muôx qơư nhoz truôx” zos iz cêr shir phaz lox trâu tsôngv box Pu Hao, cux li ntâu jêx jok tsênhv trâus ntux uô ruôr hiêv nhoz tox siêz Sơn La, Tây Bắc hâur cheix ntux yiêz no. Muôx vax tsêr nhoz sor si, đros trâu sơưr đơưk cêr moz siêz, txoz cxơưx txos zuôr paz nzir đas jos chiê tsôngv pêx xênhv nhoz ntus đriv thiêz têx tuz lênhv ziv muôx cêr thôngx siêz jông, sir jos hla đhâu phiv liv, sik đros tsưx phưv truôx đriv têz, têz qơưk./.

                                                                                                          Lê Hạnh-Riê Lâux cxeik, nhênhv

Cxiv kho jêx jos hlôngr yiêz, jông jav nhoz Yên Bái

Iz hâur têx uô tâu jông hâur cxiv tsa jêx jok yiêz nhoz Yên Bái ntu đhâu zos pêx xênhv tưz pâuz sir zôngv khoa học kỹ thuật trâu luôs hâux lưv huôv tsar uô nox, đros co zos sir zôngv têx tsưr ziv uô ngaz tuk chiê uô tâu kôngz nuv muôx phênhv sâu tâu truôx, pêx xênhv muôx luz nênhx hlôngr yiêz, tsâu sor. Niêv tix Nguyễn Thị Hà, nhoz xar Thịnh Hưng, huyện Yên Bình puz pâuz, iz shông niêv tix ziv chuôz zis muôs trâu ciêz đrôngs yênhx châuv cxênhz tuk nôngz njêl, sâu tâu yênhx puô triệu đêiv:“Tu zus njêl nôngz tsik tas pênhr nhiêx ntâu li zus njêl muôs grêix, zus njêl nôngz muôs tâu thâuv muôx 2 hli, 5 hli, 7 hli lok sik 1-2 ciêz zos muôx nênhs zuôr mak zuk cux thâux muk muôs ciês trâu chor nênhs zuôr chiê tror muôx tâu pênhr nhiêx lok tu zus”.

Zơưv Lý A Sử, Phưv Chuv tịch Ủy ban Nậm Khắt, huyện Mù Cang Chải puz pâuz, khov hlôngr yiêz tsoz chos, pêx xênhv sâuv thax tsav phênhv sâu tưz tâu muôx 46 triệu đêiv iz lênhx nênhs iz shông, siêz đuô 3 jiês pir li oz pêz shông đrav ntêx:“Txix shông 2019 tror lok no, xar hlôngr đuô 105 héc ta ar têz chiê chos pax buôs thiêz têx tsoz chos txơưr li: txir lưk suôr, kok zax zưv, cuô txoz, ndêz… Tsênhv tsênhz puz pov zos chos blêx iz chiv iz shông, phênhv sâu zuôr tsik tâu ntâu thiêz tsik truôx tuk, thâuv hlôngr yiêz tsoz chos, tas nro pêx xênhv thiêz doanh nghiệp puôr lênhx muôx phênhv sâu tâu nhiêx txiêx”.

Luôs hâux lưv uô trâu chor jêx jok nhoz Yên Bái hlôngr yiêz, tiv zix zos muôx chor cêr bê tông đar muk txos cxuô luz jêx jok. Pos Hoàng Thị Chinh, nhoz xar Thanh Lương, thị xar Nghĩa Lộ shir phaz puz pâuz, chor cêr no zos muôx têx canr bôv, đảng viên sik côngv jos đros pox nhuôs uô:“Sơưr đơưk puôr lênhx shir phaz, ciês chor cêr muk trâu jêx jos, cxuô chuôz zis cux muôx chor canr bôv tuôx đros paz uô. Uô trâu pêx xênhv thiêz canr bôv muôx cêr côngv siêz jông”.

Hâur 1 shông đhâu, muôx oz thax tsav qơư cấp huyện nhoz Yên Bái uô tiêr uô ntêx iz shông luôs hâux lưv tso tơưv cxiv tsa jêx jok yiêz, co zos Yên Bình, Văn Yên. Zơưv Lã Tuấn Hưng, Phưv Chủ tịch Ủy ban huyện Yên Bình hêik pâuz:“Yax kriê cov pêx xênhv đros thôngx ziv hâur cxiv tsa jêx jok yiêz txix ntâu tsưr ziv uô, ntâu tsưr ziv yax kriê, ntâu hâux lưv uô tsênhv tsênhz, txix co pêx xênhv tưz pâuz tâu têx luôs hâux lưv uô muôx liv thiêz sik côngv đros uô hâux lưv cxiv tsa jêx jok yiêz hâur thax tsav qơư. Tiv oz zos huyện tưz qênhz shuôk têx luôs hâux lưv cxiv tsa jêx jok yiêz thiêz 9 luôs hâux lưv huyện jêx jok yiêz, sik côngv đros chor sở nganhx hêik trâu Ủy ban tỉnh tso tơưv tsưr ziv cxiv tsa huyện Yên Bình uô tiêr luôs hâux lưv cxiv tsa jêx jok yiêz chiê tsưr tsix kriz uô”.

Txos shông 2024, Yên Bái muôx 119 hâur 150 xar tâu côngz jênhv uô tiêr hâux lưv cxiv tsa jêx jok yiêz, xar muôx 50 xar uô tiêr cxiv tsa jêx jok yiêz truôx jông; 260 ntâu jêx jok tax tâu jêx jos jông jav; 4 taz viv cấp huyện uô tiêr cxiv tsa jêx jok yiêz.

Shir phaz lul tok chêix ntux yiêz nhoz chor thax tsav jêx jos hlôngr yiêz, jông jav, pêx xênhv nhoz têx jêx jok yiêz Yên Bái zuôr tsuv sir jos đuô chiê cxiv tsa zuk jêx jok, zuk xar, huyện, tỉnh cov jông jav đuô zos yênhx têx thax tsav qơư jông jav, pêx xênhv muôx luz nênhx tsâu sor./.

                                                                                                     Đinh Tuấn-Lik Thox cxêik nhênhv