Chênhr phax chor nênhs fêv tsưr ziv nziêk đas tiêk zos canr bôv hu xor tôngx đas cir zuôr hax huv

Nhiv kruôr đhâu, iz lênhx nênhs fêv đas tiêk zos canr bôv hâur tuz lênhv iz qơư uô hâux lưv ntơưv Lào Cai hu xor tôngx trâu niêv lâul Thúy, muôs hax huv hâur ciêz Nguyễn Du, TP Lào Cai đas cir tuô 200 tus ok thiêz iz cxiê zav nox viv hâur vax tsêr muôx hâux lưv. Chiê niêv lâul Thúy njênhs, lênhx nênhs fêv heik sâu tưz xa qơư uô hâux lưv thiêz muôz 500 cxênhz nhiêx uô ntêx trâu niêv lâul Thúy. Thâuv tưz bax txâuk chor ok thiêz têx zav nox trơưk li heik tsês, lênhx nênhs fêv ho tror thor niêv lâul Thúy xa uô ntêx zuôr xar 22 tsov đeiv nhiêx đas cir paz zuôr 200 poz thax kruôr ntơưv iz qơư zuôr muôs hax huv chênhr zos tus nênhs fêv co kriê qơư, đros chos luk, thâuv tưs uô tiêr têx ntâuz ntơưr gra nhiêx hâur qơư uô hâux lưv, lênhx nênhs fêv ntơư mav thêv nhiêx trâu niêv lâul Thúy. Đhâu xa nhiêx tas zuôr hax huv, niêv lâul Thúy tưz hu tsi tâu xor tôngx trâu tus nênhs fêv ntơư hlo:“Thâuv co lơưr seiz ok tưz tuô tsênhr tâu, têx jâuz, zav nox cux bax cxix tas, tus nênhs fêv no tiêk zos tsi paz nưk mak zuôr tsi gra têx hax huv tưz đas cir zuôr, hu xor tôngx tsi so tuôx cxiz cur, cur thiêx paz. Thâuv cur hu trâu lơưr qơư zuôr muôs chor nduôr thax tsav heik sâuv, lơưr cux tuô xor tôngx, zalo, Facebook tas hur si”.

Đros trâu tsưr ziv nziêk đas co, iz lênhx nênhs fêv tưz hu xor tôngx trâu tix lâus Nguyễn Nguyên nhoz jok 4, phường Duyên Hải, TP Lào Cai chiê đas cir zuôr 350 luz txax 2 yôngx. Tus nênhs fêv ntơư đas tiêk, tsênhv uô tsi tâu tâu têx ntâuz ntơưr ro nhiêx hâur qơư uô hâux lưv, viv li tsuv thôngz đhâu tix lâus Nguyên paz hu trâu lơưr qơư zuôr muôs txax heik sâuv chiê xa nhiêx đas cir zuôr thiêz gra lok 90 ntâu luz txax uô ntêx. Chiê tix lâus Nguyên njênhs thiêz uô trơưk, lênhx nênhs fêv ntơư tưz uô ntơưr xa nhiêx, taz sik tsênhz tiês tsi muôx nhiêx hlo:“Nênhs fêv đas tiêk, lơưr tưz hu trâu tsêr nhiêx, nhiêx tsênhv nhoz hâur tsêr nhiêx xa tsi tâu tâu, cov cur muôz uô ntêx 20 tsov nhiêx muk trâu qơư muôs txax chiê luôs thâux xa txax uô ntêx tuôx, taz sik cur tsi muôz”.

Shông 2024, Phongx txiv ngaz mạng thiêz phongx phax tar têx nênhs fêv, Công an tỉnh Lào Cai tưz lênhk txeik tâu 20 lênhx pêx xênhv trâus nênhs fêv nziêk đas đhâu mạng xã hội ntâuz ntơưr heik pâuz, hâur co, ntâu lênhx tưz trâus nziêk đas li heik sâuv. Tsênhz tiês, têx lênhx trâus nênhs fêv nziêk đas tsênhv ntâu đuô co, taz sik viv tsi xar heik, ntâu lênhx tsi uô cơ quan muôx vax huôv pâuz, tsi tas li, hâux lưv qênhz yuôx, xav jênhv chor nênhs fêv co njiz trâus lok six ntâu phiv liv. Thượng tá Nguyễn Mạnh Cường, Tsar Phongx txiv ngaz mạng thiêz phax tar nênhs fêv, Công an tỉnh Lào Cai heik pâuz:“Sâuv mạng xã hội muôx ntâu lênhx nênhs fêv, viv li chor nênhs fêv saz têz qơưk tso tơưv cxuô faz tsưr ziv nziêk đas nênhs Việt Nam hâur têz qơưk thiêz luôs hâux lưv qênhz yuôx, phax tir thêir chor nênhs fêv co tsênhv njiz phiv liv, tsik zôngx ziv qênhz yuôx tâu. Chênhr zos li hêik co, tsôngv px sơưr đơưk tsuv ndo njôngr chênhr phax thâuv xa nhiêx, txeik nhiêx thiêx tsik trâus têx nênhs fêv nziêk đas”.

Txix nênhs fêv nziêk đas pêx xênhv đhâu mạng xã hội ziv hnuz ziv muôx yưv ntâu, tsôngv pêx xênhv sơưr đơưk tsuv ndo njôngr chênhr phax, tsi mnôngs, tsi uô trơưk luôs lưv tus tsi pâuz tsênhz bê heik kriê. Thâuv xav tiêk, zôngx ziv trâus nênhs fêv nziêk đas, sơưr đơưk tsuv zênhx max heik trâu cơ quan muôx vax huôv pâuz chiê phax tir thêir thiêz đơưk tu./.

                                                                                                     Thanh Thủy-Riê Lâux cxeik, nhênhv  

Tsôngv pêx xênhv Sa Pa chuôz tsar por vêv tsiêx cxu hâur cheix ntux no njiv

          Uô Tsar jos, ntâu shông đhâu lok no, tix lâuk Vàng Văn Thắng, nhoz jos Mường Bo 2, xã Mường Bo, thị xã Sa Pa thâuv tưs cux uô ntêx nyuôk hâur hâux lưv phax tar ntux no njiv trâu chuôz zis têx tsiêx cxu, txix co têx ziv chuôz zis txơưr sik đros uô lơưr. Khov co, phênhv ntâu cheix ntux no shông tưs hâur jos cux tsi muôx tsiêx cxu trâus tuôs no:“Cur chuôz zis thiêz têx chuôz zis hâur jos thâuv ntux sor đuô mak tso nhux, yuôr têx hnuz ntux no njiv mak zuor lơưr nhux lok cơư, their guôx cov jông, puz nox jâuz zuk cxênhx tsês txix hâur shôngk shông”.

          Tas nro xã Mường Bo muôx 1 cxênhz 200 tul nhux tưv nhux đas. Bax trâu cheix ntux no njiv hâur shông, txix ciês hâur shôngk shông, chính quyênx tiv phaz tưz heik kriê tsôngv px têx tsưr ziv phax tar no thiêz tsoz phưz tsiêx cxu. Mênhv chêx chos tâux VA06 tâu chos sâuv tas nro xã chiê cungz zav nox trâu tsiêx cxu hâur cheix ntux no đar 115 hecta. Zơưv Tẩn Ỳ Guyện- Phưv Chủ tịch UB xã Mường Bo, thị xã Sa Pa puz pâuz:“Xã tưz khiêz phêv Ban chox kriê, krêz uô hâux lưv yax mông trâu tsôngv box sâuv loa nta suôz, kriê cxaz trâu pox nhuôk tsưr ziv vâuv tâux, kho đuô guôx cơư phax tar ntux no. Đrâuv co, heik tsôngv pox nhuôk têx hnuz ntux no tsi tso nhux chiê txu grês qênhx shênhx nhux trâus tuôs no”.

          Lơưr zơưv Zax A Tình, Phưv Chủ tịch Hội nôngx mênhx thị xã Sa Pa, tỉnh Lào Cai, đrâuv côngz xưv yax mông, thâuv ntux no njiv, chor cán bộ chuyên môn zuôr chuôz tsar muk têx jêx jos chiê heik kriê tsôngv pêx xênhv por vêv tsiêx cxu, tiv zix zos têx ziv chuôz zis tsi tâu muôx guôx cơư, guôx tsi tâu taz por lok sik tsi tâu chuv tôngv cxênhx txuôk jâuz tâux cxuô zav:“Hội nôngx mênhx thị xã yax six heik Hội nôngx mênhx têx xã phường seiz car qênhx shênhx ntux nas chiê paz tsôngv px muôx tsưr ziv phax tar ntux no, sik côngv qênhz yuox qênhx shênhx phax tar ntux no nhoz têx ziv chuôz zis, paz tsưr ziv phax tar ntux no li chaz nhux muk têx thax tsav qơư sor đuô”./.

                                                                                                      An Kiên-Txâur Vax cxeik nhênhv