Sơn La sir jos gra siêz txux chi, tsưr ziv chox car thiêz uô truôx luôs hâux lưv tsưr tsix Đảng

Tsênhv tsênhz, đhâu 3 shông uô lơưr BCH Đảng bộ tỉnh Sơn La Nghị quyết sôr 02 hnuz 21/01/2021 lok “Sơn La sir jos gra siêz txux chi, tsưr ziv chox car thiêz uô truôx luôs hâux lưv tsưr tsix Đảng’’hâur Đảng bộ xã, phường, thị trấn txuôk đros cxiv kho cxix luôs chính trị ntơưv qơư, tỉnh Sơn La tưz tso 133 hâur 204 lênhx Bí thư xã, phường, thị trấn tsi zos nênhs hâur qơư nhoz lok uô hâux lưv hâur thax tsav tax 65% ntâu; 50% ntâu Chủ tịch Ủy ban cấp xã tsi zos nênhs hâur thax tsav qơư. Têx luôs hâux lưv heik sâuv puôr lênhx uô tâu trơưk Nghị quyết tso tơưv txos shông 2025 zos khov cxuô huyện, TP sir jos fuô uô jông trơưk. Zơưv Nguyễn Việt Cường, Bí thư huyện ủy Mai Sơn, Sơn La heik pâuz: “Xuz thơưx thâuv hlôngr têx lênhx bí thư, chủ tịch tsi zos nênhs hâur qơư nhoz, tsênhv tsi xar hlôngr iz cxiê lênhx canr bôv, pêx xênhv lok cux tsi yuô jông siêz, thôngx ziv. Tiv 2, muôx tsi txâuk canr bôv chiê hlôngr qơư uô hâux lưv li heik sâuv, hlôngr txix huyện muk trâu xã, txix luz xã no trâu luz xã tov. Tiv 3 zos têx lênhx canr bôv hlôngr qơư uô hâux lưv tsênhv njiz trâus iz cxiê phiv liv li: Tsi sưv hâux lưv, đơưk uô tsi yuô tâu iz cxiê hâux lưv uz no, lar heik zos ntơưv têx xã tox siêz đêz đrôngs. Pêz tưz uô jông trơưk tsưr ziv kriê, ban thường vụ phênhz côngz sox seiz, đros paz max têx lênhx canr bôv li heik co; bax uô jông hâux lưv njuôk hov, kriê cxaz txux chi tsưr ziv trâu canr bôv; hlôngr qơư uô nuv taz sik tsi uô phiv liv trâu canr bôv...”.

Ntâu luôs hâux lưv txơưr đuô cux fuô uô tâu lok six jông, li: Zuôr xar 99% canr bôv, công chức cấp xã lês uô tâu hâux lưv zok muôz; tsav 86% chi bộ jêx jok muôx chi ủy; 98% bí thư chi bộ cê zos tsar jok. Lok sâuv ntâuk grê phênhz tsưr tsix đảng đảng viên cấp xã, txix shông 2021 txos shông 2023, đảng bộ cấp xã “uô tiêr tâu jông cxuô luôs hâux lưv zok muôz thiêz đảng viên uô tâu truôx jông têx luôs hâux lưv” puôr lênhx uô tâu trơưk Nghị quyết tso tơưv. Lơưr zơưv Hà Trung Chiến-Bí thư thành ủy Sơn La, ntâu luôs hâux lưv, tsưr ziv uô jông tưz tâu fuô uô chiê TP uô tiêr cxuô cêr nuv trơưk Nghị quyết tso tơưv: “Pêz tưz tso tơưv 13 trâur uô siv tsênhv tsênhz chiê cxuô xã, phường zôngx ziv fuô uô trơưk Nghị quyết 02 li 7 hâux lưv, tsưr ziv tso tơưv, txix fuô kriê txos qênhz yuôx, seiz kaz..., lar heik zos lok sâuv chox car huôv tsar kinh tế hâur thax tsav, têx hâux lưv pêx xênhv uô-têz qơưk paz max. Txix têx uô li ntơư, chor đảng bộ xã, phường tưz nthuôr uô yênhx 227 hâux lưv tsênhv tsênhz”.

Đros thiêz luôs hâux lưv huôv tsar đảng hâur doanh nghiệp, HTX, ntu 2021-2025 trơưk Ban thường vụ tỉnh ủy Sơn La Nghị quyết sôr 19-NQ/TU tso pov, đhâu 3 shông, tỉnh Sơn La tưz yênhx lix yiêz 31 chi bộ, tso tâu 250 lênhx nênhs nhoz hâur đảng; yênhx lix yiêz 35 tsưr tsix công đoanx cơ sở hâur doanh nghiệp. Taz sik, ntơưv qơư tsênhv njiz trâus phiv liv lok sâuv yênhx lix tsưr tsix Đoanx hluôk nênhs hâur doanh nghiệp, HTX; nhiv kruôr uô tâu 5% hâux lưv choz lơưr Ban thường vụ tỉnh ủy Nghị quyết sôr 19 tso tơưv. Niêv lâul Cầm Thị Huyền Trang, Bí thư tỉnh đoanx Sơn La heik pâuz: “Nhiv no, nênhs lox tôngv hâur têx doanh nghiệp, HTX hâur thax tsav tỉnh tsi so txơưr txar; ntâu doanh nghiệp, HTX tsi muôx lox tôngv hluôk, muôx tsi txâuk hluôk nênhs chiê yênhx lix chi đoanx. Tỉnh Sơn La phênhv ntâu huôv tsar uô kôngz, têx doanh nghiệp lơưr cux khênhr huôv tsar uô nox trơưk cheix chiv xưz.... Pêz heik Ban thường vụ tỉnh ủy moz siêz muôz jông six hơưv, muôx chei, cxaz nzir cui tinhv paz nhiêx txiêx trâu canr bôv tsưr tsix đảng, đoanx thêv hâur doanh nghiệp. Nhiv no viv tsi tâu muôx cui tinhv tsênhz mênhx, chênhr zos li heik co, tsi muôx nhiêx đaz tsi paz trâu canr bôv đoanx khối doanh nghiệp”.

Zơưv Hoàng Quốc Khánh, Bí thư tỉnh ủy Sơn La heik mênhx, tsuv gra siêz cấp ủy, bí thư cấp ủy cơ sở li txơưx jênhv, txux chi pênhr xưv, taz por uô ntêx nyuôs thiêz chox car lês uô tâu jông Đảng hâux lưv ntơưv qơư; tror uô jông trơưk Chi bộ, Đảng bộ cơ sở 4 luôs hâux lưv uô jông; tsưr ziv cê uô bí thư, cê uô tsar jok; bí thư zos nênhs hâur thax tsav qơư; chủ tịch ủy ban cấp xã tsi zos nênhs hâur qơư nhoz reik đros bax uô jông cxuô luôs hâux lưv đại hội đảng bộ cxuô cấp six cxiv 2020-2025..... Iz chas ntơư, moz siêz cxiv tsa têx lênhx canr bôv, gra siêz txux chi chính trị, tsưr ziv chox car, lês uô hâux lưv đảng trâu têx lênhx cấp ủy viên cơ sở.... Hâur co, moz siêz txos chor canr bôv yiêz hâur six cxiv 2025-2027; zênhx max đơưk têx phiv liv lok sâuv cui tinhv, tsênhv chei hâur lês uô hâux lưv chính trị ntơưv qơư./.

Lê Hạnh-Riê Lâux cxeik, nhênhv        

Uô nox thâuv sâu kôngz lôngk tas: Tsôngv box tox siêz muôx nzir phênhv sâu paz trâu luz nênhx

Kaz shông zos pox nhuôs nhoz tox siêz li six hơưv sâu kôngz lôngk tas. Taz sik ntu no, ntơưv Lào Cai cux tsik tsơưs chor jêx jok, pox nhuôs tsênhv sir jos uô têx hâux lưv txơưr. Đros muôx cấp ủy, chinhr quyền ntơưv qơư paz max, hâur thax tsav qơư nhoz ziv hnuz ziv muôx ntâu hâux lưv trâu pêx xênhv uô, lơưrmuôx nzir phênhv sâu tâu nhiêx txiêx txoz cxơưx trâu luz nênhx.

Tsik tsuv tir yar tir nas, tsuôk zos sir jos thiêz uô jông uô, xav iz hnuz, niêv tix Miv Xênhv Hav, nhoz jok Tả Lù, xar Tả Ngài Chồ, huyện Mường Khương, tỉnh Lào Cai cux zuôr nriêr tâu 100 cxênhz txos 200 cxênhz đêiv txix xơưk tsôngk tiêz tsôngk yo. Phênhv sâu no tsik siêz luôx tưs, taz sik hnuz tưs cux sâu tâu, têx hâux lưv ho tâu uô ntâu trâu zar kaz shông, zos six hơưv pox nhuôs nhoz khôngz: “Muôx nzir phênhv sâu txix xơưk tsuôk yo, iz ntu thiêz mak zuôr muôx tâu nhiêx chiê zuôr qir lok chos blêx, chor poz cưk”.

Cux uô hâux lưv xơưk tsôngv box Hmôngz chor tsôngk tiêz tsôngk yo txix ntâu shông no, jê no, niêv tix Chuv Xênhv Hav, jok Máo Chóa Sủ, xar Tả Ngài Chồ, huyện Mường Khương tưz zuôr nzir mêir, chuôz zênhx chiê kriz đar qơư uô thâuv niêv tix tuk txir zos tix lâus Xảo Xênhv Zax cuêz tênhv tsik muk uô nox đêz lơưv mak lok nhoz tsêr chiê đros niêv tix uô têx hâux lưv no. Xav iz hli, niêv tix oz niêv txir sâu tâu muôx 15 triệu đêiv txix hâux lưv xơưk tsôngk tiêz tsôngk yo no: “Cur muk uô nox đêz mak cux tsik tso siêz viv li cur tưz hlôngr chiê uô hâux lưv xơưk tsôngv box Hmôngz têx tsôngk yo. Luz nênhx tsik yuô njiz txov nhêv, phiv liv, cux tâu nhiêx côngz yênhx hnuz, ho txoz cxơưx tâu trâu têx tuz nhuôs thiêz”.

Txix oz pêz ziv chuôz zis xuz thơưx, txos nhiv no, xar Tả Ngài Chồ, huyện Mường Khương, tỉnh Lào Cai tưz muôx 60 ntâu ziv chuôz zis uô hâux lưv xơưk tsôngv box Hmôngz têx tsôngk tiêz tsôngk yo cxôngx nzor. Nênhs zuôr nhiv no muôx lok six chôngz, paz trâu pox nhuôs muôx tâu hâux lưv uô tsik so hâur ntu nhoz khôngz. Hlôngr trâu chox chor tsôngk yo no chox muk muôs ntơưv têx ciêz xưk li thâuv ntêx, pox nhuôs tsênhv jênhv uô têx tsôngk yo txix têx qơưk txơưr xa tuôx li Sơn La, Lai châu…Zơưv Phuv Xênhv Zax, Bí thư Đảng ủy xar Tả Ngài Chồ, huyện Mường Khương puz pâuz: “Pêz tror yax kriê, hêik paz trâu pêx xênhv phuôx huiz iz cxiê hâux lưv uô cxôngx nzor sâuv thax tsav chiê paz hlôngr yiêz jux juk pox nhuôs li siêz xar, tsik zos tsêx trung trâu uô chor blêx thiêz poz cưk xưz”.

Chiê txo grêk tâu yêiz pluôs truôx đrênhk, vênhv thix zov chênhr tiv zix cux zos paz muôx hâux lưv uô trâu nênhs lox tôngv chiê lơưr muôx tâu phênhv sâu truôx, lơưr tsênhv tsênhz thiêz têx kror zênhx muôx ntơưv thax tsav qơư. No cux zos tsưr ziv paz đơưk kho tâu hâux lưv txo grêk yêiz pluôs nhoz thax tsav pluôs txov nhêv li Tả Ngài Chồ, huyện Mường Khương, tỉnh Lào Cai. Paz muôx nzir tsưr ziv uô nox thâuv nhoz khôngz zos kror paz trâu pox nhuôs hlôngr yiêz đuô luz nênhx, sir jos cov tơưv đhâu yêiz pluôs./.

Thanh Thủy-Lik Thox cxêik nhênhv