Qơư khov truôx tul trâu tsôngv box nhoz ntus đriv Điện Biên

Pos Lò Thị Mấng, 60 shông-tsôngv box nhoz jos Tin Tốc 1, xã Mường Pồn, huyện Điện Biên, tỉnh Điện Biên lok six jông siêz pheiz kênh: đhâu jiês đêx nas cuôr yôngz muôx yưv thâuv hli 7 shông no tưz cuôr tas pos chuôz zis li tsêr nhoz thiêz chuôz zênhx chuôz tas, tsi muôx tul tsi zuôr pâux nzir tâu. Taz sik tâu têx cấp, têx nganhx paz txưv, tiv zix zos lưx lươngv quân đội li paz max, pos chuôz zis tưz cxiv kho tâu tsêr yiêz chiê nhoz: “Bộ đội lok six jông siêz paz, khưr taz sik lok six hluz tsôngv pox nhuôk, yênhx hnuz hmo paz pêz uô tsêr nhoz. Cheix ntux yiêz no, chuôz zis zuôr muôx qơư nhoz sor si, truôx tul chiê tos tsiêz yiêz, tsuôk pâuz uô tsâus lok six ntâu xưz”

Trung úy Lò Văn Duy, Phó đại hội trưởng đội trinh sát cơ giới, phòng Tham mưu, Bộ chỉ huy Quân sự tỉnh Điện Biên puz pâuz: Chiê muôx tâu têx luz tsêr yiêz tâu uô tiêr li nhiv no, hâux lưv thâux têx chuôz zênhx txix pox nhuôk li qơư nhoz kuz tsi zôngx ziv. Taz sik, đros chinhz yênhx “Bộ đội zơưv côngz Hôx” pâuz tâu pox nhuôk li têx cêr pôngz siêz đhâu jiês đêx nas cuôr yôngz, viv li lênhx tưs cux sir tas đas jos chiê paz pox nhuôk nzor ngaz tul luz nênhx: “Đros chinhz yênhx truôx siêz tiv zix paz pox nhuôk cxiv uô tsêr nhoz uô tiêr hâur gli 12, paz pox nhuôk muôx tâu tsêr yiêz nhoz chiê tos tsiêz yiêz. Paz tâu pox nhuôk cán bộ, chiến sĩ lênhx tưs cux jông siêz, txix co sir tas đas jos paz thâuv tsôngv pox nhuôk zuôr trâus txos”.

Jiês đêx nas cuôr yôngz thâuv hli 7 nhiv kruôr đhâu tưz uô ruôr hiêv hnhar ntơưv xã Mường Pồn, đros 90 luz tsêr trâus puôk tsuôx hnhar, chêx chôngk nhoz têx jos Mường Pồn 1, Mường Pồn 2, Tin Tốc thiêz jos Lĩnh. Txix qênhx shênhx co, Bộ côx phax tưz paz nhiêx txiêx cxiv tsa 70 ntaua luz tsêr yiêz, iz luz tsiv grê 50 tsov đeiv.

Zơưv Quàng Văn Nghiên, Phưv Chủ tịch UB xã Mường Pồn, huyện Điện Biên puz pâuz: Đros têx lưx lươngv ntơưv qơư, ntâu luz hlik đhâu, cán bộ chiến sĩ têx taz viv bộ đội nhoz sâuv thax tsav tưz uô tsêr tax, bax lưx lươngv tuôx paz pox nhuôk thâux gra chuôz zênhx thiêz cxiv uô tsêr nhoz yiêz. Txos nhiv no, zuôr xar 20 luz tsêr tưz tâu uô tiêr njuôs xav zuôr muôx tsêr nhoz yiêz uô ntêx thâuv txos tsiêz yiêz shông no, chor tsênhv yuôr mak tsênhv tos dự án truôx tul qơư nhoz yiêz chiê tror cxiv uô: “Bộ côx phax tưz lok six tsov cưv paz têx ziv chuôz zis trâus ruôr hiêv, paz truôx tul luz nênhx, paz nhiêx txiêx iz chuôz zis 50 tsov đeiv. Iz cxiê ziv chuôz zis cux tưz muôx nhiêx txiêx cxiv uô tsêr nhoz yiêz, jux jus truôx tul luz nênhx”.

Tsi taz thâuv muôx ntux nas uô ruôr hiêv, thâuv njiz trâus têx phêv liv, têx lênhx bộ đội zơưv côngz Hôx thiêx li tuôx paz max, mak hâur tas nro têx jêx jos thax tsav ntus đriv Điện Biên li ntu huôv tsar, lơưr thâuv tưs cux sik côngv đros tsôngv pox nhuôk. Txix jiês uô njiêz luv “Faz Tây cheix ntux kruôr” sik côgnv pâuz tâu qênhx shênhx sâuv thax tsav thiêz uô côngz xưv dân vận, txos têx phongz yaox li “Lưx lươngv vũ trang tỉnh sik côngv đas jos cxiv tsa jêx jos yiêz”; “Lưx lươngv tỉnh sik côngv tês viv nênhs pluôk- tsi chiê lênhx tưs trâus tso tsês tov kaz”; lok sik tsaz yênhx “Sik côngv đros pox niêv nhoz ntus đriv”…tas nro puôr lênhx muôx bộ đội sik côngv đros paz max.

Tiv zix, ndax jiês chiv nhênhv 70 shông hnuz ntâuk zênhx lix xưv Điện biên phủ, 80 shông Hnuz yênhx lix Quân đội nhân dân Việt Nam thiêz 35 shông hnuz Ntênhs côx phax tas nro tsôngv box, Bộ chỉ huiz Quân sự tỉnh Điện Biên tưz sik côngv chiê Quân ủy Trung ương, Bộ côx phax thiêz têx paz viv hâur tas nro quân paz cxiv tsa 219 “luz tsêr niêv côngv siêz”; “Tsêr đồng đội”; “Tsêr siêz jông bộ đội-tsôngv box” paz têx ziv chuôz zis pluôk, chuôz zis tâu sơưv cêr chei, chuôz zis quân nhân txov nhêv thiêz têx chuôz zis trâus pôngz lơưv tsêr nhoz tiv ntux nas, đros nhiêx txiêx zos 15 tỷ đeiv ntâu. Zơưv Phạm Đức Toàn, Phưv Chủ tịch thường trực UB tỉnh Điện Biên heik: “Têx côngz tsinhx Bộ côx phax paz trâu tỉnh Điện Biên muôx lok six ntâu ziz njiêz, tsiv grê lok chính trị thiêz siêz jông. Têx côngz tsinhx tâu cxiv uô sâuv têz qơưk lix xưv no zuôr paz hlôngr yiêz côx phax txiv ngaz, hlôngr yiêz tsôngv box li siêz njênhs txos Đảng, têz qơưk”

Sâuv thax tsav qơư tsênhv yuôr ntâu phêv liv li ntus đriv Điện Biên, têx lênhx bộ đội zơưv côngz Hôx thâuv tưs cux zos qơư khov txos truôx tul, paz tsôngv pox nhuôk ngaz tul luz nênhx, ndar txos iz luz nênhx tov kaz no truôx tul, tsâu sor thiêz shir phaz đuô./.

Vũ Lợi-Txâur Vax cxeik nhênhv

Phax tar lox tôngv nhuôs zâu uô hâux lưv tsik zos chêi nhoz tox siêz Sơn La

Jok Boong Xanh, xar Chiềng Pằn, huyện Yên Châu muôx 219 ziv chuôz zis, zuôr xar 860 lênhx nênhs, phênhv ntâu zos mênhx cxưx Thái uô nênhx nhoz. Phênhv ntâu tas nro pox nhuôs hâur jêx jok li phênhv sâu zos txix uô kôngz nuv, phênhv sâu tsik tâu truôx tuk, viv li thâuv tas chêix uô kôngz, chôngz lênhx nênhs ho muk nriêr jos uô chiê muôx nzir phênhv sâu paz trâu luz nênhx. Zơưv Là Văn Tuân, Bí thư Chi bộ uô tsar jok puz pâuz, muôx têx ntu, jok muôx txos 200 lênhx nênhs muk nriêr jos uô, chôngz lênhx nênhs muk nriêr hâux lưv uô nhoz têx tỉnh qơư kik li Hà Nội, Bắc Ninh, Hưng Yên… “Jok Boong Xanh mak tsik muôx, taz sik iz cxiê jêx jok txơưr mak muôx qênhx shênhx niêv txir muk uô hâux lưv đêz, chor mê nhuôv nhoz tsêr muk cơưv ntơưr, taz sik ho tsik muk cơưv ntơưr mak đas chuôz zis chiê muk uô jos. Cux têis cik muk, tsâuk ntux lok, taz sik tsênhz tiês zus muk uô jos xưz”.

Lơưr zơưv Đào Xuân Hiếu, Phưv Chủ tịch Ủy ban xar Chiềng Pằn, Tsik zos Boong Xanh xưz, qênhx shênhx nênhs lox tôngv muk nriêr hâux lưv uô ntơưv têx tỉnh txơưr muôx nhoz tas nro chor jok hâur xar; ntâu ziv chuôz zis mak muk tas nro oz niêv txir. Đrâuv paz trâu chor lox tôngv muôx hâux lưv uô, muôx phênhv sâu siêz đuô nhoz tsêr, mak iz kror phiv liv zos chor mê nhuôv nhoz tsêr tsik muôx nênhs sêiz shuôk viv li cơưv ntơưr tsik txos tưs: “Shux xênhz tưs tsênhv nhoz hnuz nhôngs cơưv ntơưr tso ntơưr tsês mak xar huiz tôngv chor đoanx thêv sik côngv đros jok muk yax kriê, hêik trâu chuôz zis thiêz chor nhuôv pâuz. Phênhv ntâu mak chor nhuôv cux tror tuôx tsêr cơưv chiê cơưv ntơưr”.

Ntơưv xar Viêng Lán, zơưv Nguyễn Tuấn Anh, Chủ tịch Ủy ban xar puz pâuz, côngz xưv por vêv, tsoz phưz chor nhuôv zâu, tiv zix zos phax tar chor nhuôv zâu muk uô lox tôngv tsik zos chêi cux tsik so tâu cấp ủy, chinhr quyền xar sir jos kriz uô: “Yênhx shông Đảng ủy, Ủy ban xar tsêx trung lênhx tov chor tsưr tsix li Hôiv pox niêv, đoanx hluôk nênhs… sir jos uô côngz xưv yax kriê, nriêr pâuz lok thax tsav qơư chiê pâuz tâu, muôx tsưr ziv phax tar tsik chiê chor nhuôv njiz trâus têx txiêz nanv xar hôiv. Oz zos sir jos yax kriê trâu pêx xênhv pâuz lok nhuôv zâu li qênhx thiêz vax huôv chiê chor ziv chuôz zis pâuz tâu txos nhuôv zâu têx qênhx liv li chak chiê kriz uô cov tâu truôx jông”.

Thôngz sâu hâur tas nro huyện Yên Châu, pos Nguyễn Thị Thu Hà, Trưởng phòng Lox tôngv-Saz pênhz thiêz Xar hôiv huyện puz pâuz, thax tsav qơư tsênhv muôx 21.000 ntâu lênhx nhuôv zâu tsik tâu muôx 16 shông thiêz zuôr xar 4.300 lênhx nhuôv zâu txix 16 txos 18 shông. Lơưr chêi têz qơưk li cui tênhv, nênhs sir zôngv lox tôngv zuôr sir zôngv tâu lox tôngv tsik tâu txưv hnuz nhôngs uô lox tôngv, taz siv tsuv zos uô têx hâux lưv tsik uô hiêv ntâu txos chor nênhs lox tôngv co li đas jos, shưz xar, hloz lox. Zos tiêk nênhs sir zôngv lox tôngv cxoz txưv uô zuôv cui tênhv mak khov trâu têx uô cxâuv zuôr trâus xưv bluô lơưr chêi têz qơưk têx cui tênhv. Yênhx shông, phòng tưz sir jos hêik trâu Ủy ban huyện pâuz tso tơưv têx tsưr ziv tsoz phưz por vêv chor nhuôv zâu; tiv zix zos phax tar nhuôv zâu uô lox tôngv tsik zos li chêi têz qơưk têx cui tênhv: “Hâur ntu đhâu huyện tưz tso tơưv têx tsưr ziv, ntâuz ntơưr chox kriê chor phòng ban cik txos thiêz chor xar, thị trấn tsưr tsix ntâu jiês yax kriê lok côngz xưv phax tar lox tôngv nhuôv zâu, lok pox niêv txir nênhx muôx vax huôv siz luôs; lok sik đhâu huyện chor jiês cơưv cux li uô đros têx tsênhv njiêz yax kriê chiê chor uô niêv uô txir, shux xênhz pâuz tâu tsênhz lok chêi lox tôngv, chêi nhuôv zâu thiêz pox niêv txir nênhs muôx vax huôv siz luôs li têx cui tênhv, đhâu co kriz uô jông têx tsưr ziv phax tar lox tôngv zos nhuôv zâu sâuv thax tsav”.

Pos Nguyễn Thị Thu Hà cux puz pâuz, ntu zuôr txos, huyện Yên Châu zuôr ror chuôz cxaz uô côngz xưv sêiz kaz, pov, tir tar chor nênhs zos lox tôngv nhuôv zâu; tror kriz uô têx tsưr ziv chiê hêik kriê, paz thiêz tir tar chor nhuôv zâu tso ntơưr tsês, muk uô lox tôngv, nhuôv zâu zôngx ziv zos chor lox tôngv ntơưv têx xar tox siêz, đêz đrôngs, thax tsav ntus đriv… chiê uô tâu jông cxuô kror paz trâu chor nhuôv zâu huôv tsar cov cxix cxuô, zos yênhx chor nênhs paz trâu têz qơưk thiêz mênhx cxưx nhoz ntu tov ntêx no./.

Thu Thùy-Lik Thox cxêik nhênhv