Sơn La-Txo grêk tsơưs têx gơưv niêv txir siz zuôr nzor, siz zuôr cxênhz jê, paz gra siêz tsơưr lươngv jênh sôr

Shông 2021 chor gơưv niêv txir siz zuôr nzor hâur thax tsav tỉnh Sơn La zos 13%, tsi muôx gơưv niêv txir tưs siz zuôr cxênhz jê. Shông 2022, têx gơưv niêv txir siz zuôr nzor txo grêk 9% ntâu, muôx iz gơưv niêv txir siz zuôr cxênhz jê. Shông 2023, chor gơưv niêv txir siz zuôr nzor zos 12% ntâu, muôx 02 gơưv niêv txir siz zuôr cxênhz jê. 6 luz hlik hâur shông 2024, muôx 545 gơưv niêv txir siz zuôr nzor (tsav 13% ntâu), tsi muôx gơưv niêv txir tưs siz zuôr cxênhz jê. Ntâuk grê lok têx li heik co pir li hâur tas nro têz qơưk, trơưk li pos Nguyễn Thị Ánh Hồng, Chi cục phưv Chi cục Jênh sôr-sêiz car xênhz zus nhuôs tỉnh Sơn La: “Pir li hâur tas nro têz qơưk, tỉnh Sơn La cux tsênhv yuôr ntâu gơưv niêv txir siz zuôr nzor thiêz siz zuôr cxênhz jê. Tsuv muôx têx faz tsưr ziv tir thêir, tsi khênhr siz zuôr nzor, siz zuôr cxênhz jê”.

Iz chas têx qir tiv txix qơư nhoz, kinh tế, cêr nênhx pôngz kaz, siz zuôr nzor, siz zuôr cxênhz jê cux tsênhv zos viv pêx xênhv tsi yuô tâu muôx txux chi tsưr ziv jênhv pâuz, tsơưs pâuz txos têx mông, tsi uô trơưk têz qơưk chei fuô kriê, tsi pâuz tsênhz txos têx tsik jông, viv siz zuôr nzor, siz zuôr cxênhz jê. Ntâu lênhx tuz nxeik hluôk tsi tâu muôx tsưr ziv jênhv pâuz; chor uô niêv uô txir tsi yuô moz siêz txos chor tuz nhuôs..... Iz cxiê thax tsav, hâu nov ntơưv qơư tsi yuô moz siêz uô jông luôs hâux lưv yax kriê chei têz qơưk, lar heik zos Chei siz zuôr thiêz chuôz zis. Tsi tas li, bluô chor gơưv niêv txir siz zuôr nzor cux tsi tâu uô txos qơư.... Zơưv Bạch Văn Hoành, Phưv Giám đốc Tsênhv qơư y tế huyện Bắc Yên hêik pâuz: Txix hâur shôngk shông txos nhiv no, huyện muôx 102 gơưv niêv txir siz zuôr nzor, tsi muôx gơưv niêv txir tưs siz zuôr cxênhz jê: “Qir tiv uô muôx têx li heik sâuv zos viv cêr nênhx phôngz cxưx thiêz uô nênhx pôngz kaz; txux chi kis, tsi tâu pâuz tsênhz txos chei siz zuôr thiêz chuôz zis. Ntâu lênhx tuz nxeik hluôk tsi pâuz mênhx txos cêr siz zuôr thiêz chor uô niêv uô txir lơưr tsi yuô moz siêz txos choz kriê chor nhuôs cêr uô nênhx, uô iz cxiê lênhx nhuôv chêr trâus xênhz tuz, tsuv tso ntơưr tsês, siz zuôr nzor”.

Siz zuôr nzor, siz zuôr cxênhz jê tưz uô muôx têx tsi jông, buôk ti uô ruôr hiêv txos tsơưr lươngv jênh sôr, txos pênhr jos thax tsav heir nênhs tsơưs; zos uô cxâuv chei têz qơưk, uô tsi jông, ruôr hiêv txos têx chei, pox niêv txir nênhx vax huôv siz luôs. Siz zuôr nzor, siz zuôr cxênhz jê uô tuôr thênhv txos xã hội cêr huôv tsar. Siz zuôr nzor zuôr tsi tâu têz qơưk tso chei, côngk nhav. Tsi tas li co, gơưv niêv txir ntơư cux zuôr tsi tâu sơưv têx chei  paz uz no.

Chiê phax tir thêir, txo grêk tsơưs siz zuôr nzor, siz zuôr cxênhz jê hâur thax tsav tsôngv box heir nênhs tsơưs hâur tỉnh Sơn La, tsuv sir jos fuô uô iz cxiê tsưr ziv zov chênhr. Hâur co, tỉnh zuôr tror gra siêz cấp ủy, hâu nov ntơưv qơư, têx tsưr tsix đoanx thêv cxuô cấp li pưs txux, txơưx jênhv lês uô luôs hâux lưv yax kriê, phax tir thêir, txo grêk tsơưs têx gơưv niêv txir siz zuôr nzor, siz zuôr cxênhz jê. Uô jông canr bôv nênhs heir nênhs tsơưs thiêz lâul jok, tsar jok, txir ndâux txir luk hâux lưv yax kriê, vênhv tôngv uô trơưk chei têz qơưk lok siz zuôr thiêz chuôz zis, phax tar tsi khênhr siz zuôr nzor, siz zuôr cxênhz jê txix ciês hâur thax tsav qơư nhoz. Uô jông hâux lưv seiz car thiêz uô đrux ntov trơưk chei têz qơưk lok phax tir thêir siz zuôr nzor, siz zuôr cxênhz jê. Tsi so qênhz shuôs, sox seiz njôngr thax tsav tsôngv box heir nênhs tsơưs, lar heik zos xã txov nhêv, suôv qơư zôngx ziv muôx tuz nxeik siz zuôr nzor, siz zuôr cxênhz jê. Xưv bluô txos qơư têx lênhx nênhs uô cxâuv chei têz qơưk lok siz zuôr thiêz chuôz zis, lar heik zos chor canr bôv, đảng viên; xưv bluô hành chính đros trâu bluô trơưk têx cui tinhv hâur jêx jok. Txos shông 2025, tỉnh Sơn La sir jos phax tir thêir, txo grêk tsơưs têx gơưv niêv txir siz zuôr nzor, siz zuôr cxênhz jê hâur thax tsav tsôngv box heir nênhs tsơưs thiêz tox siêz. Pos Nguyễn Thị Ánh Hồng Chi cục phưv Chi cục jênh sôr-tsưr ziv xênhz zus nhuôs tỉnh Sơn La heik pâuz nzir: “Tsuv thôngx ziv lok jênhv pâuz siz zuôr nzor, siz zuôr cxênhz jê zos têz qơưk iz hâux lưv xã hội, tsuv muôx tsưr ziv đơưk tu, phax tir thêir. Tso tơưv hâux lưv tir thêir, txo grêk tsơưs siz zuôr nzor, siz zuôr cxênhz jê đros trâu têx hâux lưv gra siêz tsơưr lươngv jênh sôr hâur huôv tsar kinh tế xã hội. Sir jos uô cxuô faz tsưr ziv piêr kriê, tir thêir, txo grêk tsơưs siz zuôr nzor, siz zuôr cxênhz jê hâur thax tsav tsôngv box heir nênhs tsơưs. Tsuv moz siêz txos đuô têx thax tsav zôngx ziv muôx siz zuôr nzor, siz zuôr cxênhz jê, muôz tsênhv njiêz phax tar siz zuôr nzor, siz zuôr cxênhz jê fuô uô đros trâu côngv thôngx têx cui tinhv, vênhx huôv hâur thax tsav qơư. Phuôx tôngv đêz đar phôngz yaox xã, jêx jok tsi muôx gơưv niêv txir tưs siz zuôr nzor, siz zuôr cxênhz jê”.

Trơưk li Chei siz zuôr thiêz chuôz zis shông 2014, txir nênhx txưv 20 shông, pox niêv txưv 18 shông mak thiêx tâu siz zuôr. Chei cux cui tinhv tsênhz mênhx têx lênhx nênhs cxênhz jê côngv iz tus pos zơưs, niêv têik zơưv txir tsi tâu đhâu ntâu tiêv mak tsi tâu siz zuôr./.

Bích Thủy-Riê Lâux cxeik, nhênhv

Tuz lênhv paz uô tsêr trâu pêx xênhv nhoz Làng Nủ

15 hnuz hmo zok nriêr….

68 hnuz hmo tror kho đuô….

Yênhx cxênhz jiês paz trâu pox nhuôs njêis yêv têx chuôz zênhx, truôx tuk qơư lav nhoz, đros lok trâu qơư nhoz yiêz. Sêi đrơưv, sêi đrơưv đuô thiêz, chor canr bôv, chiến sĩ li têx sir jos thâuv tuôx paz trâu Làng Nủ zuôr njuôk xav tsik tas. Lơưr cux zos chor nênhs jông xưk li sơưr đơưk, taz sik tưz tsâu zuk hâur yênhx triệu yiv thôngx cuô ar, zok nriêr chox yênhx châuv lênhx nênhs trâus tuôs choz trâu chuôz zis, têx nênhs cxênhz jê. Lơưr iz lênhx nhoz iz kror qơư, taz sik đros muôx iz siêz, sir jos uô cov tâu chor tsêr lơưx khor truôx jông. Trung úy Nguyễn Đình Nam, Binh đoàn lênhx công nhân tso tsar têz mêir, nhoz Nghệ An muôx 2 hli ntâu đros sơưr đơưk uô dưv anr, tsik muôx iz hnuz so, hêik pâuz: “Xav jênhv tuôx ntơưv no mak txov nhêv, sir jos cov hla đhâu têx cêr txov, ntu nhiv kruôr đhâu qiv hơưv cux tsik yuô jông luôx tưs, têx thâuv muôx lok nas, taz sik sơưr đơưk cux sir jos uô hâur yênhx hnuz, têx thâuv tsênhv uô tas yênhx hmo thiêz, nhiv no zuôr tror sir jos uô chiê uô cov tiêr uô ntêx tsiêz trâu pox nhuôs lok nhoz”.

Binh đoàn 12, Sư đoàn 316-Quân khu 2; Tsêr cơưv Trung cấp 24 Pênhz phax: Bôv Chỉ huy Quân sự tỉnh, Bôv Chỉ huy Bôv đôiv Pênhz phax tỉnh Lào Cai, yênhx đoàn canr bôv chiến sĩ tuôx ho tror muk, taz sik têx kror lơưr uô tâu, tsês chiê mak zuôr nhoz trơưr tsik plox: “Cur zos Nguyễn Trí Thanh, Phưv Chủ nhiệm Chinhr triv, Sư đoàn 316, Quân khu 2, cur njiê pov tâu zos sik côngv siêz mênhx cxưx cux li sik côngv truôx jông nhoz quân đôiv thiêz pêx xênhv tâu uô lok six jông. Thâuv pêz chor quân đôiv tuôx ntơưv no, yênhx saz nduôr, yênhx ntiv mor puôr lênhx tâu pêx xênhv phêiz kênh, tsênhv tsênhz co zos têx kror paz trâu pêz sir jos cơưv shâuv, tror sir jos phuôx huiz đuô zos bôv đôiv lâul Hôx, huv đros trâu pêx xênhv li siêz njênhs njôngr”.

Dưv anr uô đuô qơư nhoz yiêz Làng Nủ tưz tâu uô tiêr, 40 luz tsêr lơưx lox đar, tâu uô trâu sâuv luz trôngz siêz ngaz tuk, iz ndis zos chor vax jâuz njuôz jông, chor pax tơưs jông jav thiêz muôx chor ntông lox nzôngr nzông jông, tas nro chuôs li bâu suôr xưz. Tix lâus Sầm Văn Bóng-nhoz Làng Nủ hêik pâuz: “Muôx nênhs trâus tuôs lơưv tiês taz sik chor vax tsêr tưz uô tâu khor jông lơưv. Txix thâuv zok nriêr txos muôx vax tsêr nhoz li nhiv no, pêz uô tsâus lok six ntâu txos chor canr bôv, chiến sĩ lưx lươngv quân đôiv, tas nro pêx xênhv Làng Nù zuôr tsuv tror sir jos chiê huôv tsar, tror uô đuô luz nênhx”.

Hâur jiês qênhz yuôx dưv anr qơư nhoz yiêz Làng Nủ nhiv kruôr đhâu, Thượng tướng Hoàng Xuân Chiến, Thứ trưởng Bôv Côx phax ntâuk gri lok six siêz chor lưx lươngv quân sự li têx sir jos tưz sik côngv têk paz trâu pêx xênhv Làng Nủ, tsa siêz tuk qix bôv đôiv lâul Hôx, phuôx huiz quân đôiv Việt Nam li chax chês 80 shông zênhz shôngx, co cux zos têx sir jos paz trâu pêx xênhv, viv quân đôiv zos txix pêx xênhv: “Txơưv nhoz trâu qênhx shênhx tưs, quân đôiv Việt Nam zuôr đros đrêiv pox nhuôs tas nro têz qơưk, pêx xênhv Lào Cai, pêx xênhv Làng Nủ, thiêz zos pox nhuôs tsênhv yuôr đaz tsik tsik tâu txâuk mak bôiv đôiv zuôr tror paz, viv pêz vav tiêk pêx xênhv Làng Nủ zuôr hla đhâu, zuôr sir jos thiêz zuôr huôv tsar tâu”./.

An Kiên-Lik Thox cxêik nhênhv