Sa Pa sir jos por vêv chor tsiêx cxu hâur chêix ntux no

Zos tsar jok, ntâu shông no, tix lâus Vàng Văn Thắng, nhoz jok Mường Bo 2, xar Mường Bo, thị xar Sa Pa tsik so sir jos uô jông thiêz uô ntêx hlo hâur phax, tar ntux no trâu zuk chuôz zis chor tsiêx cxu, txix co tâu cxuô chuôz zis sir jos cơưv shâuv uô trơưk. Khov co, chuôs li đhâu yênhx chêix ntux no, hâur jok tsik muôx tsiêx cxu trâus tuôs no hlo:“Ciês cur chuôz zis thiêz chor ziv chuôz zis hâur jok thâuv muôx yar ntux cuz sor mak tso tsiêx cxu muk nox jâuz taz sik chor hnuz ntux no mak zuôr chox chor tsiêx cxu lok cơư trâu hâur guôx, muôx tax thêir vor ntov jông, puz trâu nox têx zav jâuz tâux zuk tsês chiê tâu”.

Tas nro xar Mường Bo muôx 1.200 ntâu tuk tsiêx cxu, phênhv ntâu zos nhux, tưv. Chiê phax tar tâu jông hâur chêix ntux no, chinhr quyền txix ciês thâuv hâur chêix ntux no tưz hêik kriê trâu pêx xênhv kriz uô têx tsưr ziv phax tar ntux no thiêz uô cov sor trâu chor tsiêx tu zus. Ciês chor jâuz tâux VA06 tâu chos sâuv tas nro xar chiê paz muôx txâuk zav nox trâu tsiêx cxu hâur chêix ntux no sâuv 115 héc ta ntâu. Zơưv Tẩn Ỳ Guyện-Phưv Chủ tịch Ủy ban xar Mường Bo, thị xar Sa Pa puz pâuz:“Xar tưz cơưv Ban chox kriê, kriz uô yax kriê trâu pêx xênhv pâuz đhâu chor loa nta suôz, kriê trâu pox nhuôs têx tsưr ziv vâuv jâuz tâux, kho đuô têx tsêr guôx trâu chor tsiêx cxu thiêz thêir vor têx stêr guôx hâur chêix ntux no. Iz chas co, hêik pêx xênhv pâuz hâur chor hnuz muôx ntux no chênhr, no njiv mak tsik tso chor tsiêx cxu muk nox jâuz pêv têx yar jâuz chiê txo grêk tsơưs chor tsiêx cxu trâus tuôs no”.

Lơưr zơưv Giàng A Tính, Phưv Chủ tịch Hôiv Nôngx mênhx thị xar Sa Pa, tỉnh Lào Cai, đrâuv côngz xưv yax kriê, uô ntêx iz jiês ntux no chênhr, no njiv, chor nênhs uô côngz xưv no ho muk paz ciês chor chuôz zis por vêv trâu chor tsiêx cxu, tiv zix zos chor ziv chuôz zis tsik tau muôx tsêr guôx, chor tsêr guôx tsik tâu huv zos thiêz tsik tâu bax txâuk zav nox trâu tsiêx cxu:“Hôiv Nôngx mênhx thị xar tsik so hêik Hôiv Nôngx mênhx chor xar phường sêiz kaz jông qênhx shênhx ntux no chiê nzor paz tâu trâu pêx xênhv uô ciês têx tsưr ziv phax, tar ntux no, sikcôngv qênhz yuôx hâux lưv phax tar ntux no hâur chor ziv chuôz zis; paz trâu chor ziv chuôz zis kriz uô têx tsưr ziv phax tar ntux no li txar chor tsiêx cxu muk trâu ntơưv têx qơư kik sor đuô”./.

                                                                                                 An Kiên-Lik Thox cxêik nhênhv

Heik kriê xav tênhv qir tiv tsi giao dịch tâu sâuv Zênhx hangx li

ứng dụng

Muôx lênhx coaz txos uô cui tênhv cxuô lok sinh trắc học thiêz thôngz sâu xor mông lênhx nênhs muôx txux zôngv, txix hnuz xiêz 1/1/2025 iz cxiê tsôngv kruô xa tsi tâu nhiêx txiêx sâuv zênhx hangx viv 1 lik zơưx đrav kaz:

          Qir tiv 1: Tsi tâu cài sinh trắc học.

          Tsôngv kruô chiv chir cài sinh trắc học sâuv App lok sik gra căn cước công dân muk zênhx hangx chiê tâu paz max.

          Qir tiv 2: Tưz cài sinh trắc học taz sik tsi tâu thôngz sâu zuk li xor mông ntơưv zênhx hangx, uô trâu cài đặt tov ntêx co trâus xâur zôngv tsi tâu, tsênhz mênhx:

- Tiv 1 zos: Tưz cài sinh trắc học taz sik tsi tâu hlôngr xor mông txix chứng minh thư hlôngr trâu căn cước công dân ntơưv zênhx hangx. Tsôngv kruô gra căn cước công dân muk zênhx hangx chiê hlôngr xor mông đhâu co cài sinh trắc học txơưv xa tâu nhiêx txiêx.

- Tiv 2 zos: Tưz cài sinh trắc học, tưz hlôngr xor mông txix chứng minh thư hlôngr trâu căn cước công dân ntơưv zênhx hangx, taz sik tsi tâu cập nhật hnuz căn cước công dân tas six hơưv sir zôngv. Tsôngv kruô gra căn cước muk chiê tror cập nhật hnuz căn cước công dân tas six hơưv sir zôngv, đhâu co tror cài sinh trắc học txơưv xa tâu nhiêx txiêx.

- Tiv 3 zos: Tưz cài sinh trắc học lơưr căn cước công dân kuz, zos tsôngv kruô tror muk uô đuô căn cước công dân taz sik tsi tâu gra CCCD yiêz muk zênhx hangx cập nhật xor mông yiêz, lơưr co tsôngv kruô tsưv gra CCCD yiêz muk zênhx hangx chiê tror cập nhật đuô xor mông, đhâu co cài sinh trắc học txơưv xa tâu nhiêx txiêx./.

                                                                                                     Hồng Việt- Txâur Vax cxeik nhênhv