Ntênhs tưr gruôv fuôx gox đêx nhoz Mường Lay (Điện Biên)

Ntênhs tưr gruôv fuôx gox đêx jiês tiv 10 tâu tsưr tsix đros Giải thik têx CLB cheix câuk za têz qơưk jiês tiv 5. Ntênhs phêv tâu krêz uô ntêx zos ntênhs txi côngv đaz đês ntơưv qar tsav fuôx gox Cơ Khí- qơư muôx 3 tul đêx lok siz yuôv, co zos niêv đêx Đas, niêv đêx Nậm Na thiêz tul đêx Nậm Lay. Sâuv trôngx mor txi côngv muôx greix keiz, greix buô, chơưr, txir ntông, pax…heik tơưv tsôngv box tiv phaz li siêz ndo txiêx njik txos đaz đês. Têx txir nênhz hnar tsôngs yo tsôngv box Thái đơưz thor cov iz shông yiêz muôx tâu luz nênhx jông, muôx jông đas jos thiêz luz nênhx tsâu sor trâu côngv thôngx. Zơưv Vàng Văn Thức, txir nênhz heik:“Ntênhs txi côngv đaz đês zos hâux lưv zuôr trâus uô hâur ntênhs phêv, phênhv ntâu zos hu thiêz thor cov phôngv jông trâu tsôngv box sđ, trâu nênhs tưr thik gruôv gox. Thor cov tuz nhuôk muôx jông đas jos, tsi muôx moz muôx gênhs. No tsi taz zos jiês chiê tsôngv pox nhuôk heik tơưv siêz uô tsâus ntâu txos ntux têz, mak tsênh zos jiês chiê côngv thôngx sđ phôngv iz shông yiêz muôx cxix cxuô, iz chiv cheix sâu tâu kôngz tâu lông”.

          Ciês thâuv suôv câuv ntênhs txi côngv, qir txos ntênhs phêv tưr thik cheix câuk za thiêz thik gruôv gox. Sâuv tul đêx lox, đros têx suôz hu tôngv vênhx nhoz 2 saz ntus đêx, têx tuêv thik tuôx txix têx jêx jos hâur thax tsav thị xã lok six lov jêv. Tix lâuk Khoàng Văn Đức, lênhx nênhs thik gruôv gox tuôx txix jos Ló, xã Lay Nưa, thị xã Mường Lay pheiz kênh:“Sđ hâur CLB lok six sir jos cơưv shâuv. Lênhx tưs cux cxaz chuôz zis chinhz yênhx sir tas zuk li đas jos, sik côngv siêz. No zos jiês chiê pêz sik côngv, cơưv shâuv thiêz tuôr tsês zuk mênhx cxưx li vênhx huôv chax chês jông”

          Ntênhs phêv tưr gruôv gox đêx tâu tsưr tsix cux zos jiês chiê thị xã Mường Lay heik kriê đuôz shav, zaz zâuv tsôngv kruô thiêz cxơưz tiês huôv tsar kinh têr tiv phaz. Zơưv Hoàng Văn Quyền, Chủ tịch UB thị xã Mường Lay puz pâuz:“Pêz cxơưz tiês têx huôx tôngv zaz zâuv tsôngv kruô ju lix. Pêz njênhs njôngr zuôr muôx tâu vênhx huôv, ju lix jông chiê zaz zâuv tsôngv kruô tuôx thị xã Mường Lay, gôngr phênhv huôv tsar ju lix thiêz kinh têr tiv phaz, thôngx cxix tuôr tsês tsôngv box nhoz no tsiv grê chax chês jông”.

          Hâur ntênhs phêv tsênhv muôx ntâu huôx tôngv piêr kriê vênhx huôv jông: Co zos nthuôr uô cêr lov jêv đhiê pax vuôs xoè, thik uô mor, leiv poz, piêr kriê têx xiv huv tiv phaz… Đhâu co, gôngr phênhv paz tsôngv kruô tâu nriêr pâuz vênhx huôv, tsôngv box Mường Lay; thôngx cxix njênhs njôngr lok iz shông yiêz muôx luz nênhx truôx tul, tsâu sor./.

                                                                                                            Lũ Lợi-Txâur Vax cxeik nhênhv

Ntênhk hội ciêv fix Văn Yên-Yên Bái

          Muôx njiêz luk “Ciêv fix Văn Yên-cêr shir phaz muôx luz nênhx tsâu sor", ntênhk hội ciêv fix Văn Yên jiês tiv 5 shông 2025, muôx cxuô doanh nghiệp, hợp tác xã, ziv chuôz zis chos thiêz tsiv uô hax huv ciêv fix hâur thax tsav đros trâu yênhx cxênhz lênhx px thiêz tsôngv kruô tuôx đros côngv ntênhk hội.

Hâur ntênhk hội, muôx 45 qar qơư muôs cxuô zav hax huv ciêv fix, máy tsiv uô hax huv ciêv fix, máy tsiv uô cxuô zav hax huv ntơưv qơư, chuôz zênhx sir zôngv hâur chuôz zis, nôngz kôngz tsêz chos. Đros co, cux kriz nthuôr uô ntâu cêr lov jêv li: Tưr nxêik gâux njuôz; tưr tsiv uô hax huv ciêv fix; cxiv kho đuô hêir nênhs Cho iz phênhv ntênhk hội cxôngx nzor; ntênhk thor ntux yar ntux nas; hêik cưr cxiêx páo Dung…vv. Hâur hnuz kriz ntênhk hội, tsôngv kruô cux tâu sêiz shuôk qơư tsiv uô hax huv ciêv fix; tsưr ziv liv trox ciêv fix; tsưr ziv lơưk tơưr ciêv fix. Pos Trần Thị Nhung, Phưv Chủ tịch Hội đôngx Công ty Đại Phú An phêiz kênh:(Pêz luz công ty tsiv uô cxuô zav hax huv ciêv fix, liv trox ciêv fix; đuô zav muôz ciêv fix uô zos trôngx tos, shaz, đêx nzuôr têk, nzuôr piz. Chênhr zos muôx ntênhk hội, tưz paz cxuô doanh nghiệp muôx nzir hâux lưv uô thiêz hêik kriê zuk têx hax huv jông trâu tsôngv kruô sir zôngv pâuz txos txuôk đros oz chas têz qơưs sâuv ntiêx têz)

            Hur si huyện Văn Yên nhiv no muôx 55 cxênhz ha tsoz chos ciêv fix, iz shông tsôngv px thiêz doanh nghiệp sâu tâu 800 txos iz cxênhz tỷ nhiêx. Zơưv Hà Đức Anh, Chủ tịch ủy ban huyện Văn Yên, tỉnh Yên Bái cux hêik pâuz tiêk: Oz shông, huyện tror kriz ntênhk hội ciêv fix iz jiês chiê hêik trâu tsôngv kruô pâuz txos cxuô zav hax huv muôz ciêv fix tsiv uô thiêz hêik cxuô qơư jông jav muôx ntơưv qơư txuôk đros cxuô hêir nênhs hâur thax tsav têx txux chi, vênhx huôv jông cxôngx nzor trâu tsôngv kruô pâuz txos:(Huyện xav tênhv huôv tsar truôx thax tsav qơư chos tsoz chos ciêv fix; lar hêik zos têx xã tâu tsiv uô tâu cxuô zav hax huv ciêv fix nto bê, cxơuz cxiz tâu tsôngv kruô sđ tuôx zuôr thiêz sir zôngv txos. Hâur ntơư, muôx ntâu zav hax huv muôz ciêv fix tsiv uô tưz muôs trâu têx ciêz đrôngl châu Âu)

            Zơưv Hà Đức Anh cux hêik pâuz tiêk, ntênhk hội ciêv fix jiês tiv 5 shông 2025 cux zos iz hâur têx luôs hâux lưv uô hơưv tok hnuz huyện tâu côngk nhav uô tâu tiêr luôs hâux lưv cxiv tsa jêx jos yiêz, tok txêik côngz laox tôngv hov 2 thiêz chiv nhênhv 60 shông cxiv tsa tâu huyện Văn Yên, tỉnh Yên Bái./.          

                                                                                      Tsu cxêik nhênhv-Trịnh Xuân- VOV Tây Bắc