Trâur nuv xiv huv kôngz nuv hur tsưr ziv uô bluô nux trâu

tsôngv box Sơn La

          Zơưv Tòng Văn Lả chuôz zis nhoz jos Hùn, xã Chiềng Cọ, TP Sơn La tu zus ok chax đaz njuôz tâu yênhx châuv shông lok no. Thâuv ntêx chuôz zis tsuôk tu zus tsơưs, phưx vưv xênhz huôx chuôz zis, tov kaz no pov niêv ciêz hâur thiêz đrâuv tỉnh muôx zoz qơưx zuôr ntâu thiêz sik côngv đros têx tsêr uô jâuz mor, tsêr so sâuv thax tsav niêv đrôngs Sơn La, zơưv Lả tưz truôx siêz huôv tsar tu zus ntâu:“Tu zus ok mak thâuv ntêx cux zus tsơưs, tâu ntâu tsêr uô jâuz mor nox nhiêv txos viv li cux chuôz tsar tu zus ntâu đuô. Tsêz no cux zus tâu 1 cxênhz tul, shông no cur zus 4 cxênhz ntâu tul”

          Chiê tuôv zênhv zoz qơưx sir zôngv zav nox hur, zơưv Lả xeir nôngz ok chax đaz njuôz nhoz tiv phaz chiê tu zus, yưv pênhr uô chôngx tu zus truôx jông, hur si, côngv đros puz nox hâuk krâur poz cưk, kok ntông, blêx thiêz cxax yuôx phax moz cxix cxuô. Shông nhiv kruôr đhâu, zơưv Lả zus tsi so 4 jas, muôs trâu niêv ciêz zuôr xar 4 cxênhz tul ok, sâuv liv tâu 300 tsov đeiv ntâu:“Cux shưv uô jux jus, zus cux tsi lax thiêz, coaz tsôngv zos thâuv ok tsênhv zâu mak tsuv cxax yuôx phax moz cxix cxuô. Zuk tsuv uô chôngx tu zus truôx jông, their tâu ntux yar ntux nas, hur si thiêz tsi muôx caz hmoz huôv xênhz”

          Yuôr ntơưv xã Chiềng La, huyện Thuận Châu, tỉnh Sơn La, ndaz ndơưv muôx pas đêx lox đar, trâur nuv tu zus ok chax đaz njuôz tưz tâu uô siv txix ciês hâur shôngk shông 2024, muôx 20 ziv chuôz zis sik đros cxaz chuôz. No zos nôngz ok tiv phaz, muôx đas jos jông, tâu zus lơưr tsưr ziv tso kuk. Ok Chiềng La muôx cxa zâu, greix khor, kaz tâu niêv ciêz lok six nhiêv nox thiêz ntâuk grê siêz, krêz tơưv iz tsưr ziv huôv tsar yiêz trâu tsôngv box nhoz tiv phaz. Tix lâuk Quàng Văn Mạnh, nhoz jos Cát Lót puz pâuz:“Thâuv ntêx cur chuôz zis phênhv ntâu zos zus keiz phưx vưv chuôz zis. Tâu xã yax mông, vênhv tôngv tu zus ok cur zus jas xuz thơưx thiêz chox lok chêx cuk kinh têr, nhiv no cur zus jas tiv 2 zos 200 tul chiê tror krêz đar trâur nuv zus ok hâur xã Chiềng La. Zus ok mak lok six zôngx ziv, tsơưs muôx moz thiêz chox lok chêx cuk kinh têr trâu chuôz zis”.

          Pâuz tâu tsưr ziv ndar txos sir zôngv xiv huv hur, ntơưv ntâu tiv phaz nhoz Sơn La tưz chêx chông huôv tsar tu zus keiz đuz greis, buô đuz, ok chax đaz njuôz chiê cungz trâu niêv ciêz.     Ntơưv huyện Thuận Châu, trâur nuv tu zus keiz đuz greis lơưr saz hax huv tsênhv tâu krêz uô ntơưv têx xã tox siêz li: Long Hẹ, Mường É…Tiv zix zos HTX kôngz nuv Chà Mạy tsênhv zus zuor xar 1 cxênhz tul keiz đuz greik lơưr saz hax huv. Tix lâuk Lầu A Lâu, Giám đốc HTX pheiz kênh:“Sik côngv tas no têx xiv huv txix nôngz keiz, kê keiz, greix keiz, cxaz nzir iz cxiê xiv huv li greix keiz jov…Pox nhuôk thâuv ntêx tsuôk tu zus phưx vưv chuôz zis, nhiv no tu zus chiê huôv tsar kinh têr, zus ntâu chiê cê tuôr tsês, cê muôx xiv huv nox kaz txix tsôngv box tiv phaz uô tâu”

          Nhiv no ntâu trâur nuv huôv tsar tu zus tsiêx cxu, keiz ok muôx hâur tiv phaz lơưr saz hax huv nhoz Sơn La tsi tâu ntâu, thâuv zoz qơưx sâu zuôr têx zav nox hur ziv chuôz ndê siêz, thôngx cxix paz hâux lưv uô truôx ntơưv qơư, chuôz cxaz phênhv sâu, hlôngr yiêz luz nênhx trâu chuôz zis thiêz uô bluô nux./.

                                                                                                    Thanh Thuỷ - Txâur Vax cxeik nhênhv