Gra huv tsiêz  trâu px nhoz thax tsav ntus đriv

          Txix ciês thâuv sơưr nzor, têx ziv chuôz zis muôx luz nênhx txov nhêv, chuôz zis tâu sơưv tsênhv chei nhoz 2 xã Nà Bủng thiêz Vàng Đán, huyện Nậm Pồ, tỉnh Điện Biên tưz tuôx cxaz chuôz tsaz yênhx “Hnuz ntênhs pênhz phax tas nro tsôngv box” thiêz “Cheix ntux yiêz pênhz phax sor tsôngv box jêx jos siêz” shông 2025. Tsaz yênhx tâu tsưr tsix ntơưv UB xã Nà Bủng, zos Bộ đội pênhz phax tỉnh sik côngv đros UB MTTQ VN, Hội Liên hiệp pox niêv tỉnh Điện Biên, UB huyện Nậm Pồ thiêz têx taz viv sik côngv đros tsưr tsix. Ntơưv tsaz yênhx, zuôr xar 300 phênhv huv tưz tâu khơưk muôz trâu tsôngv pox nhuôk chiê shir phaz nox Tsiêz. Niêv lâuk Phàn Mỹ Diển, tsôngv box nhoz jos Vàng Đán, xã Vàng Đán, huyện Nậm Pồ pheiz kênh:“Hnuz no, jênhv tâu têx phênhv huv txix Bộ chỉ huiz Bộ đội pênhz phax tỉnh Điện Biên, khov muôx têx phênhv huv no, cur chuôz zis zuôr muôx iz luz tsiêz tsâu sor thiêz cxix cxuô đuô”

          Hâur tsaz yênhx, đrâuv tâu jênhv huv, tsôngv box tsênhv tâu cxaz chuôz têx huôx tôngv vênhx huôv vênhx ziv, krưr nduôr txâuv puôz, uô si đros têx tsưr ziv uô si trâur lâuk, tâu seiz njuos moz thiêz muôz yuôx tsi pôngz nhiêx txiêx. Zơưv Shôngx Dua Páo, tsôngv box nhoz jos Púng Pá Kha, xã Nà Bủng puz pâuz: 400 ntâu lênhx tsôngv box nhoz 2 xã tâu seiz njuôs moz, muôz yuôx tsi pôngz nhiêx txiêx. Lênhx tưs cux shir phaz viv tâu cxaz chuôz tsaz yênhx muôx ziz njiêz hâur têx hnuz zuôr txos shông yiêz:“Cur lok six shir phaz viv hnuz no tâu têx bác sĩ Bộ đội pênhz phax seiz njuôs moz. Khov muôx têx bác sĩ, paz cur taz por đas jos chiê bax trâu chuôz zis muôx tâu luz tsiêz sir so đuô”.

          Đại tá Lê Đức Nghĩa, Phưv chính uỷ Bộ đội pênhz phax tỉnh Điện Biên puz pâuz, hâur ntu no, têx zênhx pênhz phax njuôs xav zuôr khơưk muôz 2 cxênhz 160 ntâu phênhv huv trâu têx chuôz zis tâu sơưv tsênhv chei, chuôz zis pluôk, têx mê nhuôk shux xênhz đros tas nro nhiêx txiêx uô tsaz yênhx zos 650 tsov đeiv. Têx taz viv cux zuôr krưr 4 cxênhz 250 luz nduôr txâuv puôz thiêz tsưr tsix seiz njuôs moz, muôz yuôx tsi zuôr nhiêx txiêx trâu yênhx cxênhz lênhx tsôngv box. Tas nro nhiêx txiêx uô tsaz yênhx zos 3,5 tỷ đeiv ntâu:“Đros pox nhuôk zos têx ziv chuôz zis tâu sơưv tsênhv chei, têx ziv chuôz zis pluôk tâu hu tuôx cxaz chuôz tsaz yênhx seiz njuôs moz tsi pôngz nhiêx txiêx cux xưk li jênhv tâu huv tsiêz. No cux zos jiês chiê pox nhuôk đros têx lưx lươngv muôx txơưx jênhv thiêz Bộ đội pênhz phax sik côngv jông đuô, truôx tul đuô”.

          Tsaz yênhx “Hnuz ntênhs pênhz phax tas nro tsôngv box” thiêz “Cheix ntux yiêz pênhr phax sor tsôngv box jêx jos siêz” zos huox tôngv tâu tsưr tsix hâur yênhx shông zos Bộ dội pênhr phax tỉnh Điện Biên krêz uô txix shông 2015 thiêz tsưr tsix uô ntêx thâuv zuôr nox tsiêz. Zơưv Mùa A Vàng, Chủ tịch UB MTTQ tỉnh Điện Biên puz pâuz:       “Têx huôx tôngv no tso pov tsênhz cêr sik côngv siêz jông hâur bộ đội thiêz tsôngv box, gôngr phênhv cxiv tsa côx phax tas nro tsôngv box sâuv thax tsav ntus đriv, uô tsôngv box têx mênhx cxưx tsơưs nênhs sor siêz thiêz shir phaz đuô”.

          Têx phênhv huv muôx ziz njiêz tsi taz paz pox nhuôk tâu tos iz luz tsiêz sor so đuô mak tsênhv tso pov têx chiến sĩ pênhz phax li txơưx jênhv đros tsôngv box, thôngx cxix chuôz cxaz cêr niêv côngv siêz hâur bộ đội thiêz tsôngv box nhoz ntus đriv Điện Biên ziv truôx tul đuô./.

                                                                                                     Vũ Lợi-Txâur Vax cxeik nhênhv

Tsôngv pêx xênhv Sa Pa sir jos phax tar no trâu tsoz chos, tsiêx tu zus

Chiê por hưv chuôz zis 300 ntâu xưv phaz liêx têz chos jâuz ntus hâur pâuk thiêz jâuz pax zuôr txos cheix jông sâu đê, têx hnuz no njiv hênhr cux zos chor hnuz zơưv Thái Xênhv Zax nhoz jok 1, phường Hàm Rồng, thị xã Sa Pa tsuv sơưr nzor đuô hur si chiê vor thêir, por hưv têx jâuz tsi trâus đâuk tê uô ruôr hiêv:“Tas cik sơưr nzor đâuk tê ntâu li no, tsuv zưs đêx trâu jâuz chiê têx đâuk tê zax tas iz cxiê, li đoz đrox, fmông qir nzir trâu, chor jâuz thiêx tsi trâus tuôs blôngx, câur blôngx. Zos tsênhv no njiv nzir thiêz mak zuôr tsuv muôz ntâuz tax lok vor thêir jâuz li tsi trâus no”.

Tsi chos jâuz xưk li zơưv Thái chuôz zis, taz sik tix lâus Mã A Ký nhoz jok 1, phường Hàm Rồng ntu no tsuv tu jông 400 ntâu tsoz pax phax cxoz lok zos địa lan tsênhv taz tov tơưs pax jov jơưk:“Muôx đâuk tê ntâu zuôr zôngx ziv uô ruôr hiêv txos têx pax. Zos xar tsưx phưv cov tâu jông đuô thiêz mak tsuv muôz ntâuz tax xor thêir, trâu qir cxix cxuô, têx tsoz chos thiêx hloz lox jông, tsi trâus tuôs no”.

Iz chas phax tar no trâu tsoz chos, luôs hâux lưv tsưx phưv đas jos trâu 13 cxênhz ntâu tus tsiêx lox nhoz Sa Pa hâur ntu no cux tsênhv tâu sir jos fuô uô. Đros trâu yax kriê, heik pâuz, canr bôv seiz car kôngz nuv tsênhv tso lênhx nênhs muk yênhx thax tsav qơư qênhz yuôx, kriê tsôngv lax pêx xênhv, lar heik zos têx chuôz zis tu zus tsiêx cxu tsi tâu tso tsiêx lak yar, muk nox jâuz hâur têx hnuz no njiv. Zơưv Trần Mạnh Hùng, Tsar phongx Kinh tế thị xã Sa Pa heik pâuz:“Nhiv no, zuôr xar 90% chuôz zis tưz muôx qơư cơư tsiêx. Uô ntêx co, tas nro thị xã cux tưz chos 105 ha tâux VA06 chiê bax tsês nhux tưv tâu nox hâur cheix ntux no. Shông no, pêz cux muôx nzir 5 ha têz poz cưk thiêz, chiê muôx nzir jâuz puz tsiêx hâur têx hnuz no njiv”.

No njiv muôx têx cux tsênhv zuôr phiv liv, chênhr viv li cơ quan muôx vax huôv heik cxuô ziv chuôz zis pêx xênhv tsuv sox seiz njôngr têx mông heik pâuz thiêz tsưr ziv fuô kriê chiê phax tir thêir têx tsi jông, trâus ruôr hiêv./.

                                                                                                                 VOVTB-Riê Lâux cxeik, nhênhv