Sik đros paz uô tsêr nhoz trâu têx chuôz zis pluôs nhoz thax tsav Tây Bắc

Đhâu iz hlik ntâu xav txix hnuz krêz côngz cxiv uô, txos nhiv no tix lâus Lý Khái hùng, nhoz jok Thải Giàng Chải, xã Lùng Khấu Nhin, huyện Mường Khương, tỉnh Lào Cai tưz cxiv uô tâu zuôr xar tiêr vax tsêr nhoz. Iz chas tix lâus Hùng chuôz zis tsênhv yuôr 10 tơưv chuôz zis txơưr đuô hâur jok cux tsênhv tâu têx lênhx hluôk nênhs pâuz cxiv uô tsêr siz paz uô chiê cov tâu tiêr vax tsêr uô ntêx tsiêz 30:“Têz qơưk cux paz mê njik thiêz chuôz zis kêr txeik nzir tsêr nhiêx pênhr chiê uô tsêr. Chuôz zis sir jos uô cov tiêr vax tsêr chiê bax tok tsiêz 30”.

Đros muôx cêr jông siêz, shir phaz iz zav li tix lâus Lý Khái Hùng, cheix ntux no nor, niêv lâul Ziêk Xênhv Lâux, heir nênhs Hmôngz nhoz jok Gia Khâu 1, xã Sùng Phài, TP Lai Châu cux tsi tas cxơưx muôz têx ntâuz tax xor thêir chuô txiêk yâu. Txix Ủy ban Mặt trận Tổ quốc TP paz 50 tsov đeiv, kêr txeik nzir 30 tsov đeiv thiêz tsôngv cưr tix nênhx tsa sơưr đơưk hâur jok paz, niêv lâul Ziêk tưz cxiv uô tâu vax tsêr jông, truôx khor nhoz. Niêv lâul Ziêk Xênhv Lâux heik: “Zos tsi muôx têz qơưk thiêz hâu nov xã paz, tsi pâuz shor thâuv tưs cur 3 niêv tuz thiêx muôx tsêr nhoz. Cur lok shir phaz viv têx chuôz zis pluôs li cur tâu sơưr đơưk moz siêz txos, tas nro xã hội sik đros pheiz kênh phiv liv. Chiê luz nênhx tsi yuô txov nhêv, cur chor niêv tuz zuôr sir jos khưr huôv tsar uô nox chiê muôx phênhv sâu tâu ntâu đuô, nzor hla đhâu chuôz zis pluôs”.

Đros trâu têz qơưk têx pênhr paz, tas nro cxix luôs chính trị sik côngv têk, lar heik zos cxơưz tiês luôs hâux lưv yax kriê, vênhv tôngv tưz paz ntâu thax tsav qơư nhoz tox siêzz faz Bắc li: Sơn La, Lào Cai, Lai Châu, Điện Biên thiêz Yên Bái hu zâuv tâu côngv thôngx sơưr đơưk sik đros paz uô tsêr nhoz trâu têx chuôz zis pluôs, chuôz zis txov nhêv. Zơưv Trịnh Xuân Trường, Chủ tịch Ủy ban tỉnh Lào Cai heik:“Hâur Thủ tướng côngz tênhv heik Bí thư Tỉnh ủy zos tsar ban chox kriê, pêz seiz no zos hâux lưv zov chênhr chiê hu zâuv tas nro cxix luôs chính trị sik đros paz. Hâur ntu fuô uô têx hâux lưv co, pêz tsuv sir jos yax kriê, vênhv tôngv tas nro sơưr đơưk sik đros paz”.

Fuô uô luôss hâux lưv paz uô tsêr nhoz trâu têx chuôz zis pluôs, chuôz zis zuôr xar pluôs, tỉnh Lai Châu tưz chox kriê cxuô cơ quan muôx vax huôv hux jos đros hâu nov cxuô thax tsav qơư qênhz shuôs, thôngz sâu têx chuôz zis zuôr tsuv paz. Iz chas ntơư, tas nro tỉnh muôx zuôr xar 5 cxênhz chuôz zis zuôr trâus tâu paz cxiv uô, kho đuô vax tsêr nhoz. Zơưv Hoàng Kiều Anh, Chủ tịch Ủy ban MTTQ Việt Nam tỉnh Lai Châu heik pâuz:“Pêz fuô uô ntâu faz tsưr ziv, hâux lưv chiê vênhv tôngv, hu zâuv pênhr jos, đros thiêz tsưr ziv lênhx tưs muôx nhiêx paz nhiêx, tus tsi muôx nhiêx mak paz hnuz côngz đas jos lok sik chuôz laov cxiv tsa. Tỉnh luôs hâux lưv co tưz sir jos uô tsênhz mênhx hâur Ủy ban tỉnh tsưr ziv, co zos paz uô cov tâu tsêr nhoz trâu têx chuôz zis pluôs, chuôz zis txov nhêv hâur thax tsav lok shông 2025”.

       Sir jos uô lơưr Thủ tướng Chính phủ phôngz yaox sik đros paz uô tsêr nhoz trâu têx chuôz zis pluôs, chuôz zis txov nhêv hâur tas nro têz qơưk shông 2025, cxuô thax tsav qơư nhoz tox siêz faz Bắc tưz hu zâuv tas nro cxix luôs chính trị sik đros paz,  sir jos chiê tsôngv pêx xênhv muôx tsêr yiêz, vax tsêr truôx khor nhoz tok tsiêz 30 Naz shông. Iz luz tsêr yiêz tâu uô tiêr cux li zuôr muôx iz chuôz zis pluôs muôx qơư nhoz truôx tuk, txix ntơư cxơưz paz nzir đas jos hla đhâu cêr pluôs, uô trâu tsôngv pêx xênhv cxuô heir nênhs ziv njênhs njôngr trâu Đảng, têz qơưk./.

                                                                                                VOVTB-Riê Lâux cxeik, nhênhv