Tror tuôr truôx thiêz krêz uô têx phênhv paz trâu pox niêv xênhz zus mê nhuôv taz por thiêz tsoz phưz đas jos mê nhuôv ntơưv têx xã txov nhêv nhoz thax tsav tsôngv box mênhx cxưx tsơưs nênhs thiêz tox siêz

          Iz chiến dịch đêz đar tưz tâu Hội LH pox niêv huyện Thuận Châu (kuz) sik côngv jông đros nganhx y tế Sơn La krêz uô sâu tas nro 23 xã txov nhêv tiv zix. Đros tsưr ziv “thôngz xor mông uô ntêx, paz txưv lơưr tov kaz”, têx cán bộ hội thiêz y tế tưz muk txos yênhx jêx jos, truôx siêz vênhv tôngv, hlôngr yiêz pox nhuôs li “siêz xar, tsưr ziv uô”. Pos Lường Thị Thanh Thuỷ, Phưv Bí thư Đảng uỷ xã Thuận Châu, kuz Chủ tịch Hội LH pox niêv huyện Thuận Châu (kuz) puz pâuz, phênhv paz xênhz zus nhuôs taz por ndar txos cán bộ hội, hội viên pox niêv thiêz tiv zix zos têx pox niêv mênhx cxưx tsơưs nênhs tâu sơưv tsênhv chêi no. Khov co, chor pox niêv mênhx cxưx tsơưs nênhs tâu sơưv chính sách no lok six chôngz txix shông 2021.

          “Krêz uô njiêz luv paz xênhz zus nhuôk trâu pox niêv mênhx cxưx tsơưs nênhs dự án 8 lơưr tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx tsơưs nênhs thiêz tox siêz ntu 1 2021-2025. Hội LH pox niêv huyện Thuận Châu tưz cxiv tsa tsưr ziv uô tsênhv tsênhz đros têx njiêz luv thiêz hâux lưv hâur phênhv paz xênhz zus nhuôk trâu têx cán bộ hội viên pox niêv tâu sơưv chính sách no. Viv li pox niêv mênhx cxưx tsơưs nênhs tâu sơưv phênhv paz tsênhv chei xênhz zus nhuôs taz por zos lok six chôngz”.

          Chiê taz por chêx cuk, Hội LH pox niêv huyện Thuận Châu (kuz) tưz tsưr tsix lớp kriê cxaz muôz siêz pênhr xưv, lênhx nênhs cxaz chuôz zis cán bôv pox niêv thiêz cán bộ qơư y tế cấp xã, têx lênhx nênhs phưv txơưx côngz xưv paz txưv ntơưv tiv phaz. Hội cux sir zôngv tas nro pênhr jos, nhiêx txiêx paz têx lênhx niêv zos nênhs mênhx cxưx tsơưs nênhs xênhz zus nhuôk taz por nhoz têx qơư y tế côngz.

          Cux lơưr pos Lường Thị Thanh Thuỷ, Phưv Bí thư Đảng uỷ xã Thuận Châu, txix shông 2021 txos tas shông 2024, huyện Thuận Châu (kuz) tưz paz trâu 1 cxênhz 600 ntâu lênhx pox niêv mênhx cxưx tsơưs nênhs lok vênhv thix xênhz zus taz por. Tas nro nhiêx txiêx thêv trâu têx lênhx niêv ndê txos 2,4 tỷ đeiv. No zos iz hâur têx thax tsav muôx chor pox niêv mênhx cxưx tsơưs nênhs tâu paz xênhz zus nhuôs\ chôngz tiv zix tỉnh Sơn La.

          “Uô ntêx thâuv krêz uô phênhv paz txưv no (uô ntêx shông 2021) chor pox niêv tsôngv box mênhx cxưx tsơưs nênhs tuôx seiz njuôs đas jos xênhz zus nhuôk kis, tsuôk tax muôx nhos 600 ntâu lênhx iz shông. Taz sik, tsuôk đhâu 3 shôngk ntâu krêz uô, 1 cxênhz ntâu lênhx pox niêv tưz tâu tsoz phưz đas jos xênhz zus nhuôk nhoz qơư y tế. Khov co, tsơưr lươngv tsoz phưz đas jos lênhx niêv thiêz mê nhuôs tâu hlôngr yiêz jông, têx lênhx niêv trâus tuôs thâuv xênhz zus nhuôs cux txu grês ntâu”.

          Têx luôs hâux lưv uô tâu jông no zos têx kror paz chiê Hội LH pox niêv hâur thax tsav xã Thuận Châu đros Trung ương, tỉnh thiêz têx nganhx muôx txơưx jênhv tror krêz uô phênhv paz txưv no hâur ntu 2 (2026-2030), chiê tror paz trâu pox niêv mênhx cxưx tsơưs nênhs sâuv thax tsav.

          Đros zuôr xar 2,5 tỷ đeiv tâu muôz, 1 cxênhz 84 lênhx pox niêv nhoz Thuận Châu tâu paz txưv ciês. Têx lênhx nênhs no tsi taz zos thôngz sâu mak tsênhv zos 1 cxênhz lênhx mê nhuôk mos tâu xênhz zus taz por, 1 cxênhz ntâu lênhx niêv tâu tsoz phưz jông. Niêv lâuk Lò Thị Hồng, iz lênhx pox niêv nênhs Thái pheiz kênh:

          “Thâuv ntêx pêz nyei muk qơư y tế, ho tsi nhiêx txiêx. Nhiv no tâu cán bộ tuôx txos ciês tsêr vênhv tôngv, ho tâu paz nhiêx nox hâuk, muk lok, pêz tso siêz đuô. Zuk mê nhuôk xênhz zus lok muôx jông đas jos zos têx jông siêz tiv zix”.

          Têx hlôngr yiêz co tâu heik tơưv tsênhz mênhx đhâu têx số laov. Zos xưk li shông 2021, tas nro huyện Thuận Châu (kuz) muôx 327 lênhx niêv xênhz zus nhuôk hâur tsêr, mak txos ntu 2023-2024 têx lênhx nênhs xênhz zus nhuôk hâur tsêr txu grês ntâu. Chor pox niêv tâu seiz njuôs đas jos xênhz zus nhuôk muôx cán bộ y tế chuyên môn paz txưv tưz chuôz ndê tsênhz mênhx.

          Dự án 8 tsi taz paz muôx tâu tsơưr lươngv lênhx nênhs jông nhoz tox siêz, mak coaz tsôngv tiv zix zos tưz chox lok têx yênhx tưv, hlôngr yiêz siêz xar trâu pox niêv nhoz tox siêz, gôngr phênhv paz muôx iz cxênhx nênhs tov kaz no muôx jông đas jos thiêz fênhx zav đuô./.

(Bảo Thái- Txâur Vax cxeik nhênhv)

Sơn La sir jos uô tiêr luôs hâux lưv chuôz tsar 8% ntâu tror sâuv hâur shông 2025

Ntơưv jiês cơưv tiv 11, six cxiv 2021-2026 nhiv kruôr đhâu, Hôiv đôngx tỉnh Sơn La khóa 15 tưz ntâuk grê têx luôs hâux lưv huôv tsar kinh tế-xã hội; fuô uô tsưr ziv yưv pênhr côngz 6 luz hlik hâur shôngk shông thiêz têx hâux lưv, tsưr ziv zov chênhr 6 luz hlik kaz shôngk shông 2025.

6 luz hlik hâur shôngk shông 2025, tas nro têx xiv huv pir li gri shông 2010 hâur thax tsav Sơn La njuôk xav tax zuôr xar 16 cxênhz 542 tyv đeiv, tsar ndê zuôr xar 9% pir li shông uô ntêx; tas nro ngênhx công nghiệp tsar ndê xar muôx 15%; Hâux lưv muôv muôs, dịch vụ tror chuôz tsar, xav hur si têx hax huv muôs tâu tsar ndê 12% ntâu; tênhx qơư yưv pênhr uô lax luôv tâu cxiv kho; luôs hâux lưv paz thiêz hu zâuv yưv pênhr tâu moz siêz txos. Đros thiêz uô tâu jông têx tsênhv chei truôx tuk xã hội, têx chuôz zis pluôs hâur tas nro tỉnh txo grêk yuôr zuôr xar 11%. Txos hnuz 15/5/2025, Sơn La tưz uô tiêr hâux lưv paz uô tsêr nhoz trâu 3 cxênhz ntâu chuôz zis pluôs, chuôz zis txov nhêv hâur thax tsav.....

Đhâu muôz iz cxiê cơ quan, thax tsav qơư lok uô cê, Ủy ban tỉnh Sơn La muôx 14 cơ quan lês uô đreiv têx hâux lưv chênhr nhoz hâur Ủy ban, 96 phongx lês uô têx hâux lưv li heik sâuv thiêz 100 taz viv lês uô hâux lưv têz qơưk nhoz hâur sở; muôz 200 taz viv hành chính cấp xã lok uô cê yênhx 75 xã, phường.....Fuô uô tsênhv chei txo grêk tsơưs nênhs uô nuv, muôz nhiêx paz trâu chor nênhs so hâux lưv uô ntêx hnuz nhôngs so lâul lơưr Chính phủ têx Nghị định, txos nhiv no, tưz cir ntơưr, muôz nhiêx paz trâu zuôr xar 340 lênhx nênhs, xav hur si tas muôx 356 tyv đeiv ntâu.

Taz sik, lơưr ntâuk grê, Sơn La têx côngz trênhx kinh tế-xã hội tsênhv tsi tâu muôx txâuk, cxiv uô jông, lar heik zos cêr muk lol trâu cxuô thax tsav, côngz trênhx thax tsav công nghiệp, dịch vụ logistics, côngz trênhx phưx vưv hlôngr yiêz sôr....tsi yuô tâu trơưk tsưr ziv huôv tsar thiêz hu zâuv yưv pênhr uô. Têx chuôz zis pluôs, zuôr xar pluôs txơưv tưz txo grêk tsơưs, taz sik cux tsênhv yuôr ntâu, tiv zix zos ntơưv thax tsav tox siêz đêz đrôngs, thax tsav tsôngv box heir nênhs tsơưs; muôz têx nhiêx yưv pênhr côngz tsênhv kênhz pir li tsưr ziv tso tơưv..... Pos Xuân Xênhv Tsaz, Phưv Chủ tịch Thường trực ủy ban tỉnh Sơn La heik: Hâur ntu tsênhv yuôr ntâu txov nhêv, chiê uô tâu têx hâux lưv tso tơưv lok huôv tsar kinh tế-xã hội shông 2025, cxuô sở, ban, ngênhx, ntơưv qơư, cxuô cơ quan, doanh nghiệp tsuv sir jos uô ntâu faz tsưr ziv chiê uô jông lơưr Chính phủ, HĐND, Ủy ban tỉnh Sơn La têx Nghị quyết, Quyết định, sir jos uô tâu tiêr têx hâux lưv tso tơưv chuôz tsar hâur 6 luz hlik kaz shôngk shông, chiê chuôz tsar shông 2025 tax tâu 8% ntâu tror zar sâuv:

“Sir jos uô jông đuô luôs hâux lưv qênhz shuôs têx chei, cui tinhv reik đros gra siêz txux chi tsưr ziv, hâux lưv uô; sir jos txo grêk tsơưs, uô zôngx ziv têx ntâuz ntơưr uz no, cui tinhv uô lax luôv....., hâur co, sir jos choz hâux lưv tsênhz mênhx trâu yênhx lênhx nênhs, cấp xã seiz car, lês uô lơưr 2 cấp. Iz chas ntơư, tsi so thôngz sâu têx mông, yênhx lix têx tổ côngz xưv, qơư txeik uô têx ntâuz ntơưr, đơưk tu phiv liv trâu tsôngv lax pêx xênhv thâuv fuô uô hâux lưv trơưk li heik sâuv”.

Ntơưv jiês cơưv, HĐ tỉnh Sơn La cux tưz seiz lax thiêz thôngz đhâu têx dưv thaov Nghị quyết chuyên đề, hâur co, muôx ntâu tsênhv njiêz cik txos hâu nov cxuô cấp luôs hâux lưv seiz car tsưr tsix uô cxuô cêr nuv lơưr 2 cấp. Iz chas ntơư, cux nus txos têx cuz nxor, zov chênhr tâu cử tri thiêz tsôngv pêx xênhv moz siêz txos./.

Lê Hạnh-Riê Lâux cxeik, nhênhv