Sir jos paz truôx tuk luz nênhx trâu pêx xênhv qơư trâus ntux nas chuô ruôr hiêv ntơưv Sơn La

Hêik pâuz ntơưv Ủy ban tỉnh Sơn La jiês cơưv sêiz lax têx tsưr ziv ror paz đơưk kho têx trâus ntux nas chuô uô ruôr hiêv thiêz phax tar ntux têz uô ruôr hiêv zar hnuz kêix 12/8; puz pov, chor jiês lok nas lox thâuv kaz hli 7, hâur hlik hli 8 nhiv kruôr đhâu, đros tsêr mêir đêx tênhv nhoz zar hâur đêx Sông Mã tso đêx ntưk lok tưz uô trâu tuk đêx Sông Mã muôx đêx huôv lox thiêz pur siêz, uô ruôr hiêv txos 12 xar nhoz trơưk ntus đêx, uô muôx đêx ngaz cuôr, ar poz, ntâu luz jêx jok muk lok tsik tâu.

Ntux nas chuô tưz uô 6 lênhx nênhs tuôs, 5 lênhx nênhs trâus saz; zuôr xar 2.600 luz tsêr trâus ruôr hiêv (52 luz tsêr trâus poz vâu tas hur si, 1.200 luz tsêr trâus đêx ngaz, 300 ntâu ziv chuôz zis tsuv txar qơư nhoz sêi đrơưv); 28 tuk qox đêi trâus puôk tsuôx, đros trâus ruôr hiêv ntâu lok cêr zoz thôngz, tênhv tênhz, thôngz xor mông, uô kônz nuv… Njuôk xav trâus hiêv tas xar muôx 850 tiv đêiv.

Chiê nzor truôx tuk luz nênhx trâu pêx xênhv, nhiv no Quân khu 2 tsênhv sik côngv đros tỉnh Sơn la paz trâu pox nhuôs cxiv tsa thiêz kho đuô chor vax tsêr. Côngz xưv cxiv tsa tâu kriz uô txix hnuz 8/8/2025, paz trâu 52 ziv chuôz zis muôx vax stêr trâus puôk tsuôx, sir jos uô cov tiêr hâur hli 9/2025. Chor chuôz zis tsuv txar qơư nhoz thiêz trâus puôk tsuôx tsuv tâu kho đuô zuôr tâu kriz uô hâur ntu zuôr txos. Đại tá Nguyễn Văn Quang, Phưv Chỉ huy trưởng uô Tham mưu trưởng Bôv Chỉ huy quân sựu tỉnh Sơn La puz pâuz: “Lưx lươngv quân đôiv phêiz nênhs uô iz luz tsêr 15 canr bôv, chiến sĩ côngv đros dân quân, chor cơ quan đoanx thêv paz trâu pêx xênhv cxiv uô têx vax tsêr. Bôv Chỉ huy Quân sự tỉnh côngv đros Sở Cxiv tsa njuôk xav chor vax tsêr, côngv đros chor xar, jêx jok zuôr pêx xênhv ziv chênhv, thâux xa têx chuôz lov cxiv tsa lok sik muk txos trâu têx qơư uô tsêr, đhâu co tror paz trâu pêx xênhv uô cov tiêr têx vax tsêr”.

Đros kho đuô têx vax tsêr lớp cơưv ntơưr, zơưv Quàng Văn Lâm, Phưv Giám đốc Sở Zoz zux tỉnh Sơn La puz pâuz, hâur 41 qơư zoz zux trâus ruôr hiêv, phênhv ntâu zos ntơưv chor tsêr cơưv nhoz têx jêx jok; trâus ruôr hiêv ntâu txos têx ntâuz ntơưr, chuôz zênhx cơưv ntơưr, uô si nhoz chor tsêr cơưv nhuôv zâu, chor côngz trinhx paz txơưr… Nganhx zoz zux thiêz chor xar tưz sik côngv, tso chor nênhs ntơưv qơư đros kho đuô têx trâus ruôr hiêv, bax cov tiêr chiê chor shux xênhz tuôx cơưv tâu ntơưr thâuv kriz cơưv shông cơưv yiêz: “Txos nhiv no chor tsêr cơưv ntơưr tưz tâu uô vêv xênhz hur si, chor chuôz zênhx tsênhv sir zôngv tâu tưz tâu chor cưk kriê ntơưr , lưx lươngv ntơưv qơư paz kho đuô. Đros chor tsêr cơưv ntơưr trâus ntux nas chuô ruôr hiêv, Nhà xuất bản zoz zux Việt nam tưz jênhv zuôr paz têx ntơưr cơưv, ntơưr sâu trâu shux xênhz xcênhx iz, Sở tsênhv hêik chor xar hêik pâuz chor tsêr cơưv trâus ruôr hiêv chiê tâu paz cov ndar six hơưv”.

Ntơưv jiês cơưv, Chủ tịch Ủy ban tỉnh Sơn La zơưv Nguyễn Đình Việt tưz hêik chor sở, ban, nganhx, thax tsav qơư sir jos paz kho đuô têx trâus ntux nas chuô ruôr hiêv, paz truôx tuk luz nênhx trâu pêxx ênhv; muôx tsưr ziv paz trâu uô nox, kho đuô vax tsêr, têx cêr muk lok, tiv zix zos paz ngaz tuk, muk lok tâu jông trâu pêx xênhv nhoz thax tsav trơưk ntus đêx Sông Mã đhâu thâuv chor qxx đêi tưz trâus cuôr yôngz, puôk tsuôx:

“Chor xar trâus ntux nas chuô ruôr hiêv tsuv tror qênhz shuôk, paz trâu chor ziv chuôz zis, tiv zix zos chor chuôz zis muôx vax tsêr trâus puôk tsuôx, chuôz zis tâu têz qơưk paz; bax têx pênhr nhiêx têz qơưk ntơưv xar thiêz chor pênhr jos huiz tôngv txơưr chiê paz trâu pêx xênhv; qênhz shuôk chor tsêr cơưv ntơưr tsik ngaz tuk, bax cov jông chiê paz trâu chor shux xênhz tuôx cơưv tâu ntơưr; paz trâu pêx xênhv tror uô nox, truôx tuk luz nênhx”./.                                      

Lê Hạnh-Lik Thox cxêik nhênhv

Bộ đội đros tsôngv box txu grês qênhx shênhx siz zuôr nzor

Jos Sà Dề Phìn, xã Sìn Hồ- qơư muôx zuôr xar 100 ziv chuôz zis mênhx cxưx Hmôngz nhoz uô nênhx zos qơư thâuv ntêx muôx chôngz gơưv hluôk tuz hluôk nxeik siz zuôr thâuv tsi tâu txâuk shông cui tênhv. Thâuv ntêx, têx hluôk nxeik nhiv kruôr muôx 14,15 shông tưz êr mê nhuôk muk uô têz zos fênhx yax. Taz sik đrâuv co zos têx luôk hâux lưv txơưr zos mê nhuôk tsi tâu tsoz phưz jông, luz yênhx six fênhx yeiz pluôk, muôx moz gênhs....Niêv txir nhoz jos Sà Dề Phìn siz zuôr thâuv tsi tâu txâuk 18 shông hnuz nhôngs, 3,4 shông txơưv muôx 2 tul mê nhuôk. Luz nênhx txov nhêv cxuô zav, yax six trâus yeiz hâur yênhx shông. Niêv lâuk So oz niêv txir heik: “Zuôr txir nzor, xênhz zus nhuôk nzor tsi txơưx tsoz phưz mê nhuôk, mê nhuôk khênhr trâus moz gênhs. Cur heik trâu têx hluôk nênhs tsênhv cơưv ntơưr tsi cxoz zuôr txir nzor li cur thiêx li tsi lax”.

          Tsi zos niêv lâuk So chuôz zis xưz, thâuv ntux qênhx shênhx siz zuôr nzor, siz zuôr cxênhz jê muôx ntâu nhoz têx jêx jos tsôngv box Hmôngz nhoz Sìn Hồ. Txix qênhx shênhx co, Ban chỉ huiz phòng thủ thax tsav 1, Phong Thổ tưz xav tênhv, siz zuôr nzor tsi taz zos jênhv vưv chính trị mak tsênhv zos taz viv li txơưx jênhv yax mông, vênhv tôngv tsôngv box tsi uô thâuv uô jênhv vưv.

          Shông 2015, iz trâur nuv sik côngv yax mông tâu krêz uô, hâur co muôx bộ đội zos lưx lươngv uô ntêx nyuôk. Têx lênhx bộ đội txơưx thav luk Hmôngz, pâuz lok vênhx huôv tiv phaz, tưz yênhx hnuz hmo muk yax mông, vênhv tôngv tsôngv box. Trung tá Chẻo Hữu Minh, Chủ nhiệm Chính trị, Ban chỉ huiz phòng thủ thax tsav 1, Phong Thổ pheiz kênh: “Hâur ntu yax mông, viv tsôngv box li jênhv pâuz kis, tsi pâuz lok choz tsiz viv li thâuv heik kriê mak tsôngv box tsi mnôngs, tsi uô lơưr. Muôx têx thâuv cán bộ heik iz zav, pox nhuôk to tâuz iz zav, uô tsi trơưk Đảng, têz qơưk li chủ trương, chính sách thâuv cán bộ yax mông”.

          Hâux lưv yax mông tsi taz tsưr tsix hâur têx jiês khiêz phêv jêx jos mak ciês thâuv pox nhuôk chêx chôngk muk uô liêx têz, hâur têx jiês xênhz huôx kaz ciêz. Têx lênhx bộ đội xưk li têx tuz nhuôk hâur jos, pheiz kênh têx luôk hâux lưv hâur luz nênhx, txix huôv tsar uô nox txos kriê ntâuz kriê ntơưr....chiê pox nhuôk pâuz thiêz njênhs njôngr txos.

          Đhâu ntâu shông truôx siêz uô, tsôngv box Hmôngz nhoz no jêx jos hlôngr yiêz siêz xar. Chêx cuk zos qênhx shênhx siz zuôr nzor nhoz xã Sìn Hồ tưz txu grês txix zuôr xar 45% lok shông 2015 mak txos shông 2024 tsuôk yuôr zuôr xar 5,5%, siz zuôr cxênhz jê phênhv ntâu tsi yuôr lơưv. Thôngx cxix, têx tsêr cơưv cux sik côngv yax mông trâu shux xênhz lok txơưx jênhv hâur txox cêr siz hluz siz nhiêv, siz zuôr uô niêv txir. Cưk kriê Bùi Ngọc Hồng, Hiệu trưởng tsêr cơưv cxênhx 2 Sà Dề Phìn puz pâuz: “Pêz tsêr cơưv lok six uô tsâus ntâu têx đồng chí nhoz Ban chỉ huiz quân sự huyện (no zos Ban chỉ huiz phòng thủ 1-Phong Thổ) tưz tuôx yax mông trâu shux xênhz hâur tsêr cơưv chiê shux xênhz jênhv pâuz cxaz lok têx tsi jông thâuv siz zuôr nzor thiêz siz zuôr cxênhz jê”.

          Txix têx jiês truôx siêz yax mông vênhv tôngv pox nhuôk, têx cêr uô nênhx pôngz kaz tưz jux jus tâu tso tsês. Nhoz xã Sìn hồ nhiv no, chor shux xênhz zos nhuôv nxeik cơưv tas cxênhx 3 muk cơưv shâuv hâux lưv uô, cơưv Đại học ziv chuôz ndê. Đrâuv têx hlôngr yiêz co thâuv tưs cux muôx têx lênhx bộ đội truôx siêz sik côngv yax mông, vênhv tôngv, viv luz nênhx truôx tul, tsâu sor nhoz têx jêx jos tox siêz./.

Khắc Kiên- Txâur Vax cxeik nhênhv