Canr bôv xã nhoz Sơn La hla đhâu phiv liv, jux juk uô sưv têx hâux lưv zok muôz lơưr 2 cấp

“Tuôx uô ntâuz ntơưr ntơưv tsênhv qơư hành chính công xã Mường Bú, cur tâu chor txir nzơưv, fâux lơưr shir phaz lus txeik tok thiêz uô tâu têx ntâuz ntơưr lok six sei trâu sơưr đơưk”.

Zơưv Lò Văn Hạnh zos iz hâur ntâu lênhx pêx xênhv tuôx trâu tsênhv qơư hành chính công xã Mường Bú (huyện Mường La kuz), tỉnh Sơn La chiê uô ntâuz ntơưr đhâu iz hlik ntâu chor hâu nov lês uô cxuô luôs hâux lưv lơưr 2 cấp. 550 ntâu ntâuz ntơưr tưz tâu đơưk uô trơưk cui tinhv, six hơưv, hnuz nhôngs, yuôr đuô li mak tsênhv taz tov sir jos lês uô, têx li heik co tso pov, xuz thơưx hâu nov xã tưz lês uô tâu truôx jông têx hâux lưv zok muôz.

Iz hlik ntâu hành chính công xã Mường Bú lês uô têx luôs hâux lưv heik sâuv, cux bâuv li co hnuz nhôngs pos Bùi Thị Hiền tâu choz hâux lưv lênhk txeik thiêz đơưk uô têx ntâuz ntơưr ar têz trâu tsôngv pêx xênhv. Hâux lưv mak ntâu, đros trâu tsuv sưv jux juk têx tsưr ziv uô nuv yiêz, xuz thơưx cux njiz trâus mê njik phiv liv. Taz sik pos Hiền tưz sir jos chiê lês uô tâu jông têx hâux lưv zok muôz: “Thâuv ntêx cux muôx nuv uô ntâu, taz sik tsi cik txos ntâu zav li nhiv no. Lok sâuv hâux lưv uô, zuk cux bax cơưv shâuv nzir lok six ntâu thiêz uô trơưk têx tưz pâuz tâu chiê lês uô tâu cxuô luôs hâux lưv zok muôz phưx vưv tsôngv lax pêx xênhv”.

Nhiv kruôr truôx tuk, sơưr đơưk lês uô cxuô hâux lưv lơưr 2 cấp, canr bôv, hâu nov xã Mường Bú cux qir têk hlo trâu têx hâux lưv huôv tsar kinh tế xã hội hâur thax tsav. Lar heik zos moz siêz txos hux jos đros têx qơư zuôr muôs hax huv, tsiv uô, zok nriêr qơư sâu zuôr truôx tuk têx kôngz, cux li tsoz phưz chor liêx têz blêx thâuv ntux txơưr txar phiv liv... chiê pêx xênhv sơưr đơưk huôv tsar uô tâu nox. Zơưv Lù Văn Quý, Chủ tịch Ủy ban xã Mường Bú, Sơn La heik pâuz: “Nhiv no xã Mường Bú tsênhv taz tov đê sâu 438 ha txir lưv tsiz sôngz, phênhv ntâu zos chor tuz luôv 2 chas thax tsav đrâuv tuôx zuôr. Xã cux chox kriê cxuô HTX paz sâu zuôr trâu pêx xênhv, kriê cxuô jêx jok hux jos đros chor tuz luôv, vênhv tôngv HTX krêz uô đuô têx qơư jiêz kra txir lưv tsiz chiê taz por truôx tuk gri trâu pêx xênhv”.

Hli xuz thơưx uô têx hâux lưv lơưr 2 cấp cux zos ntu cấp ủy, hâu nov xã Mường Sại (huyện Quỳnh Nhai kuz) sir jos phênhz, choz hâux lưv tsênhz mênhx trâu yênhx lênhx nênhs chiê lês uô tâu truôx jông cxuô luôs hâux lưv zok muôz. Zơưv Nguyễn Duy Dũng, Bí thư Đảng ủy xã Mường Sại heik pâuz: “Nghị quyết mak xav tinhv huôv tsar kinh tế kôngz nuv hur jông, truôx tuk, xeir huôv tsar uô têx muôx jông ntơưv qơư li: Txir thênhx caz, iz cxiê zav tsoz chos huv đros, tu zus thiêz ntâuk muôz shuôz njêl, huôv tsar ju lix thax tsav pak đêx tênhv...chiê tso tơưv têx đêx anr, Nghị quyết chox kriê tas nro cxix luôs chính trị fuô uô trơưk. Xã sir jos khưx phưx têx phiv liv, nzor tso tơưv hâux lưv, nghị quyết uô lơưr hâur tsênhv tsênhz, phưx vưv huôv tsar truôx thiêz gra siêz luz nênhx trâu tsôngv lax pêx xênhv”.

Đros trâu têx hâux lưv chính trị zov chênhr, ntâu thax tsav qơư hâur 75 xã, phường, tỉnh Sơn La cux tsênhv sir jos trâu luôs hâux lưv phax tir thêir têx tsi jông, đros pêx xênhv khưx phưx têx trâus nas chuô uô ruôr hiêv hnhar txix hli 7 txos hâur hlik hli 8. Co zos iz hâur têx phiv liv, cxuô cấp, cxuô ngênhx hâur xã yiêz tsuv sir jos sik đros siz paz, moz siêz txos.

Tỉnh Sơn La cux tưz chox kriê cxuô sở, ban, ngênhx tsưr tsix cơưv cxaz nzir têx txux chi, tsưr ziv yuôr trâus trâu canr bôv cấp xã lơưr yênhx ngênhx, hâux lưv zok muôz li: Seiz car, uô têx ntâuz ntơưr ar têz; seiz car têx nhiêx txiêx, chuôz zênhx côngz; hâux lưv zoz zux; kriê cơưv nzir têx txux chi uô hâux lưv trâu đại biểu HĐND xã, phường..... Iz chas ntơư, yênhx lix têx tổ buôk ti lês car uô đreiv hâux lưv paz cấp xã, lar heik zos chor thax tsav tsênhv muôx tsi txâuk canr bôv, tsênhv njiz trâus phiv liv hâur uô hâux lưv lơưr 2 cấp li nhiv no./.

Lê Hạnh-Riê Lâux cxeik, nhênhv