Thax tsav ntus đriv Sơn La njênhs njôngr đros chủ trương cxiv uô tsêr cơưv ntơưr

Xã ntus đriv Mường Lạn nhiv no muôx 2 tsêr cơưv cxênhx phổ thôngz, tas nro muôx 88 lớp cơưv đros zuôr xar 2 cxênhz 500 lênhx shux xênhz. Viv thax tsav đar, ntâu lênhx shux xênhz li hâux lưv muk lok cơưv ntơưr thiêz xênhz huôx njiz ntâu phêv liv. Hâux lưv tâu thix ziv cxiv tsa tsêr cơưv têx cấp tưz chox lok têx siêz njênhs njôngr yiêz đros têx lênhx nênhs tâu xênhz zus thiêz hloz lox nhoz thax tsav ntus đriv no. Pos Tòng Thị Quyên, Phưv Chủ tịch Ub xã Mường Lạn, tỉnh Sơn La pheiz kênh: “Zos iz lênhx nênhs hloz lox nhoz têz qơưk Mường Lạn cur cux tâu cxaz chuôz cơưv ntơưr hâur têx lớp cơưv nhoz no, muk cơưv lok six đêz, viv li lok six xar njôngr sâuv thax tsav zuôr muôx tsêr cơưv têx cấp, tiv zix zos tsêr cơưv nội trú chiê têx mê nhuôk muk cơưv ntơưr tsi khưr thiêz”

          Tỉnh Sơn La muôx 270 cei cêr ntus đriv, ntêr đhâu 13 xã, zos têx thax tsav chiến lược hâur taz por txiv ngaz têz qơưk. Lơưr seiz shuôk, ntơưv no muôx zuôr xar 36 cxênhz lênhx shux xênhz cxênhx 1 hiêz cxênhx 2 tsênhv cơưv ntơưr, phênhv ntâu puôr lênhx muk cơưv đêz, njiz ntâu phêv liv, têx tsêr cơưv tsi tâu tuôv zênhv tâu shux xênhz li zoz qơưx nhoz nội trú. Cưk kriê Đoàn Thị Thu Hằng, Hiệu trưởng tsêr cơưv phổ thôngz mênhx cxưx bán trú, Cxênhx 1 thiêz cxênhx 2 Nậm Lạnh, tỉnh Sơn La heik: “Tâu Đảng thiêz têz qơưk tsov cưv mak cưk kriê tsêr cơưv lok six jông siêz, têx mê nhuôk zuôr tâu tsov cưv ntâu đuô thiêz chế độ chính sách têx mê nhuôk tâu sơưv zuôr ntâu đuô. No cux zos đas jos paz gôngr phênhv huôv tsar zaoz zux tiv phaz”

          Uô Bộ chính trị li thôngz pov số 81 lok chủ trương yưv pênhr cxiv tsa tsêr cơưv trâu têx xã ntus đriv, ciês thâuv muôx chủ trương, tỉnh Sơn La tưz seiz shuôk, ntâuk grê ntơưv 13 xã ntus đriv.

          Hâur 13 tsêr cơưv têx cấp, njuôs xav zuôr muôx 11 tsêr cơưv cxiv tsa yiêz, 2 tsêr cơưv tâu kho đuô. Iz tsêr cơưv tâu cxiv uô txâuk phưx vưv txix 1 cxênhz lênhx shux xênhz ndê muk; mênhv chêx sir zôngv chungz fênhx 5 hecta iz tsêr cơưv, đros muôx cơ sở cxuô zav yiêz, tuôv zênhv shux xênhz tox siêz li xênhz huôx thiêz cơưv ntơưr nội trú, bán trú. Tas nro yưv pênhr muôx nhos 2 cxênhz 700 tỷ đeiv. Zơưv Quàng Văn Lâm, Phưv giám đốc Sở zaoz zux tỉnh Sơn La puz pâuz:“Uô Bộ chính trị li chủ trương mak hâur ntu đhâu đros nganhx li txơưx jênhv mak Sở tưz sik côngv đros têx sở nganhx cik txos, sir jos heik UB tỉnh xeir têx qơư chiê cxiv tsêr cơưv nội trú trâu têx xã thax tsav ntus đriv. Đros Sơn La mak muôx 13 xã zuôr tâu yưv pênhr cxiv tsa, Sở cux zuôr tror đros têx nganhx sir jos muôx têx njiêz luv chủ trương thiêz têx luôk hâux lưv uô chiê sir jos hâur ntu zuôr txos shux xênhz zuôr tâu xênhz huôx thiêz cơưv ntơưr hâur tsêr cơưv yiêz”.

          Têx tsêr cơưv yiêz nhoz thax tsav ntus đriv Sơn La tov kaz no zuôr gôngr phênhv uô chính sách mênhx cxưx, muôz siêz yênhx tưv, tsơưr lươngv lênhx nênhs, paz muôx tâu têx cán bộ zos nênhs mênhx cxưx nhoz tiv phaz, gôngr phênhv hlôngr yiêz côx phax, txiv ngaz, muôz siêz luz nênhx chinhz yênhx trâu tsôngv box thax tsav ntus đriv./.

Trấn Long – Txâur Vax cxeik nhênhv

Chôngz lênhx nênhs tâu Cuiv BHYT thêv yênhx tiv nhiêx txiêx njuôk kho moz

Chêi BHYT cui tênhv tas nro sơưr đơưk puôr lênhx tâu cxaz chuôz BHYT thiêz tâu sơưv BHYT xưk iz zav trơưk yênhx hov nênhs; nênhs cxaz chuôz BHYT tâu cuiv BHYT thêv chor nhiêx njuôk kho moz trơưk phênhv tâu sơưv, têx thâuv muôx yênhx tiv đêiv iz shông. Kror tsuv hêik, nênhs cxaz chuôz tâu Cuiv BHYT thêv cxix cxuô chor nhiêx njuôk kho moz BHYT lơưr cui tênhv, tsik trâus xav lok: zav moz, hnuz nhôngs, chor hnuz chơưv kho moz lok sik nhiêx txiêx njuôk kho moz BHYT. Đros co, nênhs cxaz chuôz BHYT li qênhx liv ziv hnuz ziv ntâu tas nro lok cxuô kror thiêz phênhv tâu sơưv. Tsơưr lươngv njuôk kho moz BHYT tâu tsov cưv txos, hlôngr yiêz, pêx xênhv tâu sơưv ntâu kror dịch vuv y têr yiêz jông đuô.

Nhiv no, chor yuôx tâu cuiv BHYT thêv nhiêx phênhv tưs tưz tax tâu lơưr nênhs moz li siez xar njuôk kho moz đros muôx 1.000 ntâu zav yuôx đros cxuô zav. Hâur co, muôx ntâu yuôx chơưv kho têx zav moz phiv liv, moz trưx phax, moz nyar tsik pâuz tu, moz lênhs plơưr… No zos chor zav moz tsuv tâu chơưv kho ntêr lok sik tsuv tâu kho tas siv nênhx, nhiêx txiêx tas ntâu, nênhs moz muôx ntơưr BHYT tâu hêik pâuz sir zôngv ntêr hnuz thiêz zuôr tâu sir zôngv yuôx tas siv nênhx hâur ntu chơưv kho moz.

Đrâuv têx nhiêx paz zuôr yuôx, nênhs cxaz chuôz BHYT tsênhv tâu cuiv BHYT thêv chor nhiêx dịch vuv kỹ thuật, chuôz zênhx y têr. Hâur co muôx fêik kho moz, têx tsưr ziv fêik kho yiêz jông, tas ntâu nhiêx txiêx li: fêik kho moz txix robot, fêik kho hlôngr têx poz kix cxa, hlôngr kror poz cxa tiês cxa đraz kâuv, lôngx mêir paz trâu luz plơưr… Tsuv hêik tiêk, tưz muôx lok six chôngz lênhx nênhs cxaz chuôz BHYT tuôx njuôk kho moz tâu sir zôngv dịch vuv kỹ thuật yiêz jông, tas ntâu nhiêx txiêx, tâu cuiv BHYT thêv tas muôx yênhx tiv đêiv. Tiv zix, hâur qênhx shênhx nhiêx txiêx lok y têr tsar ndê, kror BHYT thêv nhiêx sêi ndar six hơưv, huv cui tênhv hax zav zov chênhr đuô hur si. Khov co, pêx xênhv tâu paz txo grêk tsơưs ntau nhiêx txiêx lok y têr, tiv zix zos chor nênhs trâus moz têx zav moz hnhar, moz phiv liv… muôx chor jiês njuôk kho moz truz ntêr hnuz tas ntâu nhiêx txiêx, thâuv tâu cuiv BHYT thêv nhiêx njuôk kho moz tưz paz trâu sơưr đơưk sir jos hla đhâu têx phiv liv, moz gênhs.

Tsuv hêik tiêk, tsênhv chêi BHYT muôx tsiv gri tsênhv tsênhz, zov chênhr hâur Đảng thiêz Têz qơưk li côngz xưv tsoz phưz đas jos trâu pêx xênhv. Cxaz chuôz BHYT tưz tsik zos yênhx lênhx nênhs li qênhx liv mak tsênhv zos hêik txos chêi têz qơưk li txơưx jênhv thiêz cêr siz hluz siz paz, phêiz kênh đros chor nênhs hmôngr tsik jông njiz trâus têx phiv liv lok đas jos./.

Thu Thùy-Lik Thox cxêik nhênhv-Lưu, in đĩa