Thax tsav trâus đêx nas uô ruôr hiêv Điện Biên cxiv kho têx tsêr lớp cơưv ntơưr bax tok shông cơưv yiêz

Tsêr cơưv Phổ thông Dân tộc niêv txir zus mor cxênhx 2 Chiềng Sơ, xã Mường Luân, tỉnh Điện Biên đhâu coz nas lox hâur têx hnuz kaz hlik hli 7 thiêz hâur hlik hli 8, shux xênhz qơư nox mor, qơư nhoz thiêz hur si yar tiêx hâur tsêr cơưv....tưz puôr lênhx yênhx qơư jiêz, kra têx ntơưv cơưv, ntâuz ntơưr uz no hâur tsêr cơưv.

Nas lox, đêx huôv hloz tưz cuôr ntâu ar, poz jêz lok cxuz thiêz yôngz tas ntâu chuôz zênhx, uô puôk tsuôx hur si têx chuôz zênhx điện tử, ntơưr cơưv, trôngx tos. Têx hnuz no, hlôngr viv tuôx tsêr cơưv qêz suô, tu têx vax tsêr, qơư nhoz chiê bax tok shông cơưv yiêz, chor cưk kriê ntơưr ho sir jos qêz suô, thoz huk têx ar, poz jêz, qênhz shuôs têx chuôz zênhx sêz zav tưs tsênhv zôngv tâu, zav tưs tsi jông zôngv. Cưk kriê Ngô Thị Chinh, uô hâux lưv kriê txux chi hâur tsêr cơưv heik pâuz: “Zuôr txos shông cơưv yiêz no, pêz tuôx tsêr cơưv mak muôx lok six ntâu nuv tsuv uô đros trâu ntâu cêr cxơưx thiêz tsi thôngx li cxiê shông, viv shông no tsêr cơưv trâus đêx nas uô ruôr hiêv lok six hnhar. Pêz cxơưx thiêz cux tsi pâuz zuôr uô chas chiê txeik tok chor shux xênhz tror tuôx tsêr cơưv, cơưv txux chi”.

Trơưk li Ủy ban xã Mường Luân heik pâuz, Tsêr cơưv Phổ thông Dân tộc niêv txir zus mor cxênhx 2 Chiềng Sơ njuôk xav trâus uô ruôr hiêv tas 1,3 tyv đeiv.

Cưk kriê Nguyễn Danh Hỷ, thơưx seiz car tsêr cơưv heik pâuz, tas nro shux xênhz têx qơư nhoz, xênhz huôx hâur tsêr cơưv, qơư trâu ntơưr, qar tsêr tin học.....puôr lênhx trâus đêx nas cuôr yôngz, ngaz tas. Meir tính, meir cxeik đuôz, niêk uô ntơưr đros trâu ntâu ntâuz ntơưr uz no tâu muôz jiêz chuôs tsi ntơưv têx, vav chiê siêz muôx kênh zav zuôr tror sir zôngv tâu. Shux xênhz qơư nox mor, qơư pư cux nxor hnho đros trâu têx trôngx tos, txax pư uz no trâus lor, tsi jông tas: “Têx chuôz zênhx trâus tsâu đêx txix 8 six txos 9 six ntâu hnuz xiêz 01/8. Chênhr viv li, phênhv ntâu chor chuôz zênhx chuôz tav hâur tsêr cơưv tâu sơưr đơưk heik pâuz, muôx têx zuôr zôngv tsi tâu, viv trâus puôk tsuôx tas ntâu. Hok chor chuôz zênhx điện tử pêz cux tsi car njiê tênhv trâu. Nhiv no lok sâuv qơư nhoz cơưv ntơưr, qơư pư, chuôz zênhx, trôngx tos mak trâus puôk tsuôx, tsi jông tas”.

Tsi tiêk tsêr cơưv cxênhx 2 xưz, cxênhx nhuôs zâu cux trâus ruôr hiêv hnhar. Nhoz jê iz saz ntus đêx Sông Mã, tsêr cơưv cxênhx nhuôs zâu Pá Vạt, xã Mường Luân chuôs li trâus đêx nas cuôr yôngz tas hur si têx chuôz zênhx uz no phưx vưv kriê thiêz cơưv ntơưr, qơư nox mor trâu chor nhuôs. Cưk kriê ntơưr Mùi Thị Nga, phưv thơưx seiz car tsêr cơưv cxênhx nhuôs zâu Pá Vạt, xã Mường Luân heik: “Coz nas lox nhiv kruôr đhâu uô đêx huôv hloz ntưk pêv cưx đês kruô lok ntâuk vâu tas têx foz nja, lax caz xor thêir tsêr cơưv. Tsi tas li đêx cux huôv lox, pur tuôx ngaz cêr tas, toz muôx thiêr. Hok tsêr cơưv mak tas nro têx chuôz zênhx shux xênhz zôngv uô si tưz trâus đêx cuôr yôngz hur si, tsi yuôr iz zav đaz tsi hlo. Tưz zuôr txos shông cơưv yiêz lơưv, nhiv no tsêr cơưv cux tsi pâuz uô li chas chiê khưx phưx, cxiv kho têx tsi jông, trâus puôk tsuôx ntơư”.

Trơưk li thôngz sâu, đêx nas lox, tox xưz poz shông no tưz uô 11 luz tsêr cơưv nhoz chor xã Xaz Zôngz, Mường Luân, Na Son trâus ruôr hiêv hnhar, xav hur si têx trâus tsi jông ndê txos yênhx châuv tyv đeiv. Txix têx phiv liv, cêr txov li heik sâuv, chor cưk kriê ntơưr thax tsav trâus đêx nas uô ruôr hiêv tsênhv niêx hnuz sir jos qêz suô, cxiv kho têx tsi jông đros thiêz tsưr ziv, siêz xar chiê ndar tâu shông cơưv yiêz, tsi uô tuôr thênhv txos chor shux xênhz cêr cơưv txux./.

Vũ Lợi-Riê Lâux cxeik, nhênhv 

Tsiv gri zênhx liv Cách mạng Hli 8

Cách mạng hli 8 zênhx liv zos mênhx cxưx Việt Nam li iz xor xưv lịch sử lox, kriz tơưv iz kror yiêz hâur hâux lưv cách mạng, paz trâu mênhx cxưx Việt Nam hla trâu ntu hlôngr yiêz-ntu độc lập mênhx cxưx đros trâu chủ nghĩa xar hôiv; pêx xênhv pêz têz qơưk txix nênhs uô krêr tưz zos yênhx nênhs uô tsưr têz qơưk, uô tsưr zuk luz nênhx. Ntâuk zênhx tros châuz Pháp tuôx txênhz têz qơưk ntêr muôx 80 ntâu shông, đros co zos suôv câuv ntu chiê iz lênhx nênhs uô thơưx tưz zênhx muôx nhoz pêz têz qơưk xar muôx cxênhz shông.

Đros zênhx liv cách mạng hli 8, pêz têz qơưk txix iz têz qơưk trâus tros châuz tuôx txênhz tưz zos yênhx iz têz qơưk tiêx tuk lơưr saz dân chủ cộng hòa, pêx xênhv pêz têz qơưk txix nênhs uô krêr tưz zos yênhx nênhs uô tsưr. Co zos mênhx cxưx Việt Nam têx sir jos li kror zênhx liv thiêz zos tư tưởng Hồ Chí Minh li kror zênhx liv lok tiêx tuk mênhx cxưx đros trâu chủ nghĩa xar hôiv nhoz Việt Nam. Txix zênhx liv lox co, tưz cxơưz cxiz pêx xênhv sir jos tir ntâuk tros châuz txênhz tiêx tuk trâu mênhx cxưx, thôngx ziv têz qơưk, đhâu Chiến dịch Hồ Chí Minh shông 1975 lịch sử. Têz qơưk tâu tiêx tuk, pêx xênhv tâu tự do, shir phaz.

Cách mạng hli 8 tưz khav tênhv tâu tsênhv mênhx hâur Tuyên ngôn Độc lập hnuz 2/9/1945 zos (Têz qơưk Việt Nam muôx vax huôv tâu sơưv tự do, tiêx tuk thiêz tsênhv tsênhz tưz zos yênhx iz luz têz qơưk tự do, tiêx tuk. Tas nro mênhx cxưx Việt Nam zuôr sir tas đas jos, txox siê thiêz cxuô zav chiê tuôr tsês jông qênhx tự do, tiêx tuk co). Lo luk khav tênhv co piz  txix Đảng sơưr thơưx zos Chủ tịch Hồ Chí Minh li chox car huv đros. Đros lơưr tsưr ziv co, mênhx cxưx kror Tiêx tuk tưz tâu hêik txos hâur tas nro ntu sir jos sơưr tơưv txênhz por vev thiêz cxiv tsa têz qơưk lơưr Xar hôiv chủ nghĩa mak Đảng thiêz zoưv hloz Hôx tưz xêir tsov.

Đros kror tsiv gri lox co, zoz zux tsiv gri cách mạng hli 8 trâu cxênhx hluôk, iz lênhx nênhs Việt Nam nhiv no thiêz ntu zuôr txos jênhv pâuz tâu txos Đảng, Chủ tịch Hồ Chí Minh, chôngz lênhx chiến sĩ, tsôngv box li têx côngz đas jos lox chiê txênhz tâu ntiêx tuk, tự do trâu têz qơưk zos iz kror txơưx jênhv lox đros trâu lịch sử. Đros co, kriê trâu yênhx lênhx nênhs Việt Nam pâuz tsênhz lok cxuô kror jông, tsiv gri mak Cach mạng Hli 8 tsês chiê, zos lênhx nênhs tâu giải phóng, mênhx cxưx Việt Nam muôx vax huôv uô tsưr zuk luz nênhx. Cách mạng hli 8 zos kror tsiv gri lox, nhoz đros đrêiv mênhx cxưx Việt Nam thiêz cxênhx hluôk nênhs zos chor nênhs zuôr sir jos tuôr tsês jông zuk chax chês, shir phaz lok mênhx cxưx Việt Nam hâur hâux lưv cxiv tsa thiêz por vêv têz qơưk Việt Nam xar hôiv chủ nghĩa nhiv no./.

Chu KT-Lik Thox cxêik nhênhv