Truôx tuk tsưr tsix, sir jos uô cov tâu jông têx hâux lưv đhâu kho đuô nhoz Lào Cai

Đhâu thâuv chinhr quyền thax tsav qơư oz cấp nhoz tỉnh Lào Cai yiêz piz huôx tôngv, pos Nguyễn Thị Kim Hoa-nhoz phường Yên Bái (thâuv ntêx zos phường Nguyễn Thái Học, thành phố Yên Bái kuz) tưz tuôx trâu tsênhv qơư phưx vưv hành chinhr công chiê uô têx ntâuz ntơưr cik txos ar têz.

Pos Hoa hêik pâuz, thâuv ntêx no, pos uô ntâuz ntơưr ar têz mak tas ntâu six hơưv, tsiv muk lok ntâu jiês viv muôx tsik txâuk têx ntâuz ntơưr, cxuô kror tsik tâu tsênhz mênhx. Taz sik, jiês no, pos tau canr bôv uô jông hêik kriê, sir jos paz uô têx ntâuz ntơưr. Kror no paz trâu pos thiêz chôngz lênhx nênhs shir phaz đuô trâu kror truôx tuk thiez hlôngr yiêz têx ntâuz ntơưr hành chinhr ntơưv thax tsav qơư.

“Pêz zos pêx xênhv mak cux vav tiêk txux nhiv no muk chor ntâuz ntơưr zuôr tâu uô zôngx ziv li no chiê paz trâu pêx xênhv, thiêz txo grêk tsơưs têx phiv liv trâu pêx xênhv, tsik tas ntâu six hơưv, chiê pêx xênhv muôx nzir six hơưv khưr uô nox paz trâu Lào Cai huôv tsar đuô”.

Đhâu chiê lok uô cê, Văn phòng Đăngk cir ar têz tỉnh Lào Cai nhiv kruôr tâu kho đuô muôx 4 phòng uô hâux lưv, 18 chi nhánh thax tsav, đros tas nro muôx 320 canr bôv, viên chức thiêz nênhs lox tôngv.

Chiê paz uô tâu jông hâux lưv txêik jênhv thiêz đơưk kho, uô têx ntâuz ntơưr hành chinhr trâu pêx xênhv, doanh nghiệp, taz viv tưz yênhx lix 2 tov côngz xưv muôx 109 canr bôv muk paz trâu 99 xar, phường lơưr tsưr ziv “tuôr têk kriê uô hâux lưv”. Zơưv Nguyễn Xuân Hà, Giám đốc Văn phòng Đăngk cir ar têz tỉnh Lào Cai puz pâuz:

“Lok uô têx ntâuz ntơưr hành chính, chiê uô tâu jông tsik so têx hâux lưv mak thax tsav qơư cux tuôr tsês jông 18 chi nhánh ntơưv thax tsav têx huyện, thị xar, thành phôr thâuv ntêx. Đros muôx 99 xar, phường nhiv no, canr bôv văn phòng đăngk cir ar têz zuôr muk trâu 99 xar, kriê uô ciês têx hâux lưv lok ar têz, cov uô tâu jông, txuôk đros tâu nhoz văn phòng đăngk cir ar têz đros cấp xar thiêz cơ quan cấp sở chie đơưk kho, uô tâu sêi têx ntâuz ntơưr, tsik muôx yưv têx phiv liv ntâu”.

Nhiv no, 45 ntâuz ntơưr hành chính cik txos ar têz tưz tâu hêik pâuz tso tơưv, hâur co muôx 31 ntâuz ntơưr zos cấp tỉnh li vax huôv thiêz 14 ntâuz ntơưr cấp xar uô. Cxuô kror hâux lưv cux tưz tâu uô tiêr thiêz tso trâu sâuv cxiv luôs phần mềm VBDLIS.

Zơưv Nguyễn Xuân Hà-Giám đốc Văn phòng Đăngk cir ar têz tỉnh Lào Cai cux hêik mênhx, ntu zuôr txos, taz viv zuôr tror qênhz shuôk têx hâux lưv, phêiz cấp, hâux lưv cov tsênhz mênhx, chuôz cxaz kriê txux chi trâu chor nênhs uô hâux lưv thiêz sir jos hlôngr yiêz sôr chiê phưx vưv trâu pêx xênhv tâu jông thiêz sêi đuô:

“Văn phòng tsênhv bax cxiv tsa uô têx ntâuz ntơưr hành chinhr lok tsưr ziv điện tử thiêz zuôr txos đros txox trâu tas nro chor xar. Đros uô ntâuz ntơưr hlôngr đuô tsưr ziv sir zôngv mak văn phòng cux cxiv tsa trâu tas nro chor xar. Uô ntâuz ntơưr hlôngr đuô têx ntâuz ntơưr sir zôngv ar jiês xuz thơưx zos cấp xar uô, taz sik Văn phòng cux sik côngv đros uô. Cux zos tiêk zuk hlôngr trâu tas nro cấp xar uô hur si, phêiz cấp, phêiz vax huôv trâu chor chi nhánh cir, muôx txơưx jênhv trơưk chêi têz qơưk”.

Đros uô tsênhz mênhx thiêz sir jos hâur hlôngr yiêz, Văn phòng Đăngk cir ar têz tỉnh Lào Cai tsênhv jux juk cxiv tsa cxiv luôs sêiz car ar têz yiêz, truôx jông, phưx vưv tâu jông trâu pêx xênhv thiêz doanh nghiệp. No cux zos kror zov chểnh paz trâu huôv tsar truôx tuk nhoz tỉnh Lào Cai yiêz hâur ntu nhiv no thiêz muk ntêr./.

TTTB-Lik Thox cxêik nhênhv

Phax tar kâus tưx zav nox hâur cheix ntux nas chuô

Đêx nas chuô uô ruôr hiêv txos zav nox:

-Kôngz krâur, zav nox ntuz nas zuôr zôngx ziv trâus tsư đêx, tsư kiêk, tuôx pưv, tsi jông nox, muôx têx trâus kâus tưx zav nox.

-Hâur đêx muôx têx trâus kiêk nênhs, uô tsi hur têx zav nox thiêz đêx zôngv chiê uô jâuz mor nox.

Iz cxiê zav moz khênhr njiz trâus

Kâus tưx zav nox thiêz têx moz zôngx ziv siz cik tâu đhâu zav nox khênhr njiz trâus đhâu nas chuô li: Caz moz uô moz trơưk plaz, trơưk plaz liêz, moz kơưx grêix đuz li hluor ndêis, moz siêz A, E....

Cxuô lênhx sơưr đơưk muôx têx por hưv tâu đas jos trâu zuk thiêz chuôz zis txix uô trơưk 5 tsưr ziv lok truôx tuk zav nox li đrav kaz:

1.Vêv xênhz hur si

-Muôz xaz phôngx nzuôr têk hur si uô ntêx thâuv zuôr cor têx zav nox, uô jâuz mor nox thiêz đhâu tơưv trôngx tas.

-Nzuôr hur si têx chuôz zênhx, tưx têik uô jâuz mor nox txix đêx hur thiêz yuôx nzuôr tưx têik đhâu iz jiês uô nox.

-Tu, qêz, so hur si qơư uô jâuz mor nox cov đu lus thiêz vor ntov jông têx jâuz mor tsi chiê zôngr, caz uz no tsơưk, uô tsi hur jâuz mor.

2. Têx jâuz nhôngk thiêz siêr nhiêk tso nhiêk iz kro, tsi cxoz muôz tso uô cê

-Tsi chiê têx grêix buô, grêix nhux tưv, keiz ok thiêz shuôz njêl nhôngk shơư trâu lưv zav nox txơưr đuô.

-Thâuv uô têx jâuz mor nhôngk nhiêk zôngv nhiêk triêv, lâus chav uô.

-Têx zav nox muôx hâu vor hur si thiêx tsi trâus kiêk nênhs, vuôz tsuôz.

-Tsi tâu muôz têx zav nox siêr tso đros zav nox nhôngk tsi tâu tâu uô siêr ntơư.

3. Jâuz mor tsuv uô cov siêr jông

-Tsuv uô siêr jông têx zav nox, lar heik zos grêix, kê thiêz shuôz njêl

-Tsuv uô siêr thiêz râuz đuô hur si têx zav nox uô ntêx thâuv zuôr nox. Taz sik tsuôk râuz iz jiês xưz.

 4. Por hưv zav nox truôx tuk

Khơưk tsês jông têx zav nox trâu iz kro qơư. Muôz uô cov txiêk lol sik tsês trâu hâur tuv txiêk thâuv tưz uô tâu siêr thiêz têx zav nox zôngx ziv tsư đêx, tsư kiêk thâuv tsi tâu zôngv, tsi tâu nox txos ntơư.

5. Sir zôngv đêx thiêz têx jâuz mor truôx tuk

-Zôngv đêx hur uô jâuz mor nox.

-Xeir têx zav nox truôx tuk, txâuk njênhs

-Nzuôr hur têx jâuz, txir ntông, lar heik zos cxuô zav jâuz nox nhôngk.

-Tsi zôngv zav nox tưz tas hax sir zôngv, zav nox ntiv hâur têx têik su, pluôr./.

Hồng Việt-Riê Lâux cxeik, nhênhv