Thương binh, bệnh binh Sơn La sir jos hla đhâu têx phêv liv huôv tsar uô bluô nux

          Zos iz hâur têx lênhx nênhs nhoz hâur HTX thương binh 27/7 txix ciês têx hnuz nhiv kruôr yênhx lix, zơư Lò Văn Sức, thương binh hov tsov cưv, shông no tưz muôx 80 shông nhoz tiêuv khu 8, xã Mai Sơn, tỉnh Sơn La tsênhv niêx hnuz muk tsoz phưz chuôz zis li vax txir trâuv buô, txir lưv tsiz sôngz.

          Mul uô bộ đội txix thâuv tâu 18 shông hnuz nhôngs, đhâu têx jiês ntâuk tsav zov chênhr nhoz mặt trận Lào, shông 1972, zơưv tror lok tsêr đros luz tâuz hâu trâus saz hnhar, tsi yuôr lơưv iz cxeik tês, kror muôs, kror njêx thiêz ntâu qơư sâuv iz chêr trâus saz ntâu, taz sik zơưv cux lok six sir jos hâur luz nênhx. Hla đhâu têx phêv liv, txix iz lênhx bộ đội zoưv Hloz Hôx li siêz truôx bo, zơưv sir jos uô liêx têz chiê chos txir trâuv buô, txir lưv tsiz sôngz thiêz huôv tsar tu zus. Tâu HTX paz sâu zuôr xiv huv đros thiêz têx cêr tôngv vênhx chinhz yênhx, txos nhiv no zơưv chuôz zis li trâur nuv huôv tsar uô nox đar zuôr xar 3 hecta tso lok phênhv sâu 200 tsov đeiv ntâu iz shông, zơưv cux jông siêz pheiz kênh chênhz zênhv thiêz ar têz trâu pox nhuôk hâur jos cux xưk li lênhx nênhs hâur HTX chiê uô lơưr. Zơuv Lò Văn Sức puz pâuz:

          “Uô lơưr Hloz Hôx li luk heik kriê txơưv trâus saz taz sik cux sir jos uô tâu cxuô luôk hâux lưv, viv li thâuv tror lok tsêr cur cux tu zus, tsoz chos…txơuv zos thương binh hnhar taz sik hnuz tưs cur cux muk uô têz, uô lox tôngv chiê muôx cxaz đas jos”.

          Zơưv Nguyễn Ánh Đăng, xênhz shông 1960, muôx ntu zos lính trinh sát nhoz Đại Đội Trinh sát, Trung đoàn 754, tơưv txênhz sâuv mặt trận Vị Xuyên, tỉnh Hà Giang kuz, nhiv no zos tỉnh Tuyên Quang cux lok tsêr đros thiêz trâus saz ntâu. Đhâu ntâu jiês trâus saz hnhar, zơưv tror lok tiv phaz txix shông 1987 thâuv tưz tsi muôx đas jos lơưv. Txơưv phêv liv li ntơưv, zơưv cux đros pox niêv uô cxuô hâux lưv hâur tsêr, txix hâux lưv mê tiv zix – co zos zuôr iz luz meir tuô poz cưk uô bỏng. Đhâu ntâu shông, zơưv huôv tsar yênhx trâur nuv uô nox thiêz sâu zuôr xiv huv poz cưk nhôngs trâu 40 ziv chuôz zis, ziz ziv txix 6-7 tênhr poz cưk iz shông.

          Nhiv no qơư tsiv uô poz cuk Đăng Xuân muôx phênhv sâu hla đhâu yênhx tiv đeiv 1 shông; thôngx cxix muôz hâux lưv uô trâu 5 lênhx nênhs lox tôngv tiv phaz, đros phênhv nhiêx shar txos 7-10 tsov đeiv iz luz hlik iz lênhx, yênhx qơư chi cax lok hâur huôv tsar kinh têr chuôz zis thiêz sik côngv hâur côngv thôngx. Zơưv Đăng pheiz kênh:

          “Thâuv tsi muôx đas jos, têz qơưk tso tror lok tsêr, cur pov poz cưk nhoz no lok six lav phêv, tsôngv box nôngx mênhx phênhv sâu kis, xiv huv uô tâu muôs tsi tâu grê tsuôk muôz poz tsês lok six lav phêv…chênhr viv li cur xar tơưv tsưr ziv zuor meir lok tuô poz cưk uô bỏng chiê paz tsôngv box hlôngr yiêz luz nênhx, lơưr muôx tâu luz nênhx truôx jông đuô”.

          Đhâu 36 shông huôv tsar, HTX thương binh 27/7 Mai Sơn nhiv no muôx 26 lênhx nênhs, zos têx thương binh, bệnh binh thiêz têx chuôz zis chính sách, nênhs muôx côngz li tuz nhuôk. HTX li huôx tôngv muôx lok six ntâu txix tsiv uô bỏng poz cưk, chos ntông nox txir, sâu zuôr xiv huv kôngz nuv txos muôv muôs jix vuv…

          Lơưr pos Nguyễn Thị Hiền, giám đốc HTX thương binh 27/7, khov sei đơưv xar tơưv thiêz xeir trơưk hâux lưv uô, muôv muôs, HTX li phênhv sâu tâu muôz siêz đhâu yênhx shông. Hâur shông 2024 nhiv kruôr đhâu, HTX li phênhv sâu tax 18 tỷ đeiv ntâu; đros co zos muôz hâux lưv uô truox tul trâu yênhx puôk lênhx nênhs lox tôngv nhoz tiv phaz:

          “Đros thiêz tsi uô kinh doanh, pêz muôx hâux lưv thiêz zos ndo txiêx pâux njik, txoz cxơưx trâu têx thương binh, bệnh binh thiêz chuôz zis chính sách li luz nênhx; shông tưs txos hnuz 27/7, hnuz Tsiêz, hnuz ntênhs…pêz cux tsưr tsix njiz njêx muôk têx thương binh, bệnh binh chiê tôngv vênhx, cxơưz cxiz lơưr li chinhz yênhx, paz txu grês phênhv tưs têx phêv liv hâur luz nênhx”.

         HTX thương binh 27/7, xã Mai sơn, tỉnh Sơn La tsi taz zos qơư sik côngv têx lênhx bộ đội thâuv ntêx muôx ntu sir jos tơưv txênhz tir ntâuk tros châuz por vêv têz qơưk, mak tsênhv zos qơư tso pov têx bộ đội zơưv Hloz Hôx li têx sir jos, njênhs njôngr lok iz luz nênhx vav mênhx./.

(Trấn Long-Txâur Vax cxeik nhênhv)

Huôv tsar truôx hêir nênhs Khmer têx txux chi đhiê pax vuôs cxôngx nzor

Hnuz tưs cux li, thâuv txos 5 six zar tsâuk ntux yênhx hnuz, ntơưv yax tiêx tsêr mnov Bâng Cro Chắp Thmây tưz hnor hêir nênhs Khmer têx suôz trax cxôngx nzor đror lov jêv lul. Lênhx nênhs khơưk tsês têx txux chi, vênhx huôv jông co zos pos Lâm Thị Hậu, đrôngl Cần Thơ.

Pos Hậu cux hêik pâuz tiêk, txix thâuv tsênhv zâu, zênhx nhiêv zuk hêir nênhs têx txux chi, vênhx huôv jông cxôngx nzor.

Đhâu cơưv tiêr đại học ngênhx vênhx huôv đrôngl Hồ Chí Minh, cur xar tror lok trâu qơư nhoz chiê paz đros tuôr truôx zuk hêir nênhs têx txux chi, vênhx huôv jông cxôngx nzor. Xuz thơưx cur kriê trâu chor mê nhuôv zâu, đhâu co, cur thor sư sêiz car tsêr mnov chiê kriz lớp kriê cơưv lok zuk hêir nênhs têx txux chi, ziv hnuz ziv muôx chôngz lênhx nhuôv zâu tuôx cơưv”

Cxuô hnuz hâur zar hnuz kêix, lớp kriê cơưv kriê  đhiê pax vuôs ntơưv tsêr mnov Bâng Cro Chắp Thmây tưz paz trâu cxuô lênhx nhuôv zâuv pâuz tsênhz lok zuk hêir nênhs têx txux chi, vênhx huôv jông cxôngx nzor. Txix 20 txos 30 lênhx, têx lớp muôx 50 đros cơưv hâur iz hnuz. Ntơưv yar tiêx tsêr mnov đros trâu luz loa chiê kriê hêir nênhs Khmer têx txux chi đhiê pax vuôs, sênhr chêr. Pos Lâm Thị Hậu kriê cxuô jax sênhr chêr, đhiê pax vuôs trâu chor mê nhuôv ntơư zos: romvong, sa ra van, lăm leo. Tus cưr Huỳnh Thảo Nhi shir phaz lul hêik pâuz:

Em học múa được hơn 2 năm rồi. Em thấy chị Lâm Thị Hậu đăng lên mạng xã hội về lớp dạy múa truyền thống Khmer, em thấy thích và xin vào học chung.

Lớp cơưv đhiê pax vuôs, sênhr chêr ntơưv yar tiêx tsêr mnov Bâng Cro Chắp Thmây, zos tus muôv Hậu kriê txuôk đros côngv thôngx sđ. Txix têx lớp kriê cơưv no, cxuô lênhx nhuôv zâu tưz pâuz thiêz nhiêv txos zuk hêir nênhs têx txux chi, vênhx huôv tsiv grê cxôngx nzor thiêz zos iz qơư trâu tsôngv tuz nxêik nthuôr uô cêr lov jêv hâur chêix so ntux sor. Đại đức Thạch Thươl, sêiz car tsêr mnov Bâng Cro Chắp Thmây hêik pâuz:

Tsêr mnov kriz lớp cơưv kriê đhiê pax vuôs, sênhr chêr chiê cxơưz cxiz côngv thôngx sđ sik côngv tuôr tsês zuk hêir nênhs Khme têx txux chi, vênhx huôv jông cxôngx nzor li: rom vong, lăm leo, sa ra van tsik chiê pôngz plox.

Đhâu 3 shông kriz lớp cơưv kriê đhiê pax vuôs, sênhr chêr, txos nhiv no tưz cxiv tsa tâu iz paz tuz nxêik hluôk nthuôr uô cêr lov jêv ndax trâu têx hnuz kriz ntênhk hội hâur shông. Lâm Thị Hậu hêik pâuz nzir:

Xuz thơưx kriz lớp kriê cơưv, tsuôk xêir tâu 15 lênhx chiê nthuôr uô cêr lov jêv hâur têx hnuz kriz ntênhk hội. Nhiv no, chor mê nhuôv co cux tuôx trâu tsêr mnov paz kriê chor nhuôv zâu cơưv đhiê pax vuôs, sênhr chêr”./.

Tsu cxêik nhênhv-VOV

Hêik pâuz kriê muk lok đhâu sâuv têx cêr chiê phưx vưv trâu hâu nov Đảng, Têz qơưk têx huôx tôngv ntơưv tỉnh Điện Biên

Chiê paz ngaz tuk jông trâu hâu nov Đảng, Têz qơưk têx huôx tôngv sêiz yuô thiêz uô hâux lưv ntơưv tỉnh Điện Biên, hâur 2 hnuz 26 thiêz 27/7/2025, Công an tỉnh Điện Biên hêik pâuz kriê trâu sơưr đơưk muk lok sâuv têx cêr. Tsênhv tsênhz liz đrav kaz:

Sâuv txox cêr lox 4H: Txưr chor yêz ô tô thâux nênhs txix 16 lênhx nênhs tror sâur, yêz tải 3,5 tấn, muk trâu hâur txos cêr 4H txix cêi cêr 0 txos cêik cêr 45, Txox cêr 4H1 txix cêik cêr 0 txos cêik cêr 10. Six hơưv txưr cêr txix 12 six tar su hnuz 26/7/2025 txos 10 six zuôr tas su hnuz 27/7/2025.

Đros chor ntu cêr muôx sâuv thax tsav phường Điện Biên Phủ, txưr tas nro chor yêz (yưx chor yêz tâu chiê muk lok lơưr cui tênhv) txix thâuv 10 six zuôr tar su txos 6 six zuôr tsâuk ntux hnuz 27/7/2025, muk lok sâuv chor cêr no li đrav kaz:

- Cêr Trần Đăng Ninh ntu txix cêr siz yuôv 3 txox đros cêr Lò Văn Hặc txos ntu cêr siz yuôv 3 txox đros cêr Nguyễn  Hữu Thọ (zos ntơưv ntu cêr siz yuôv 3 txox Tsêr kruô nhoz so Mường Thanh Luxury).

- Cêr Nguyễn Hữu Thọ txix ntu cêr siz yuôv 3 txox đros cêr Trần Đăng  Ninh (ntơưv ntu cêr siz yuôv 3 txox tsêr kruô nhoz so Mường Tanh Luxury) txos ntu cêr siz yuôv 3 txox txuôk đros txox cêr zâu ngõ 118 cêr Nguyễn Hữu Thọ lơưr cêr muk txix ntu cêr siz yuôv 3 txos tsêr kruô nhoz so Mường Thanh Luxury txos qơư tsar đrêk yêz za Điện Biên.

- Txix Ngõ 118 Nguyễn Hữu Thọ ntu cêr siz yuôv 3 txox đros cêr Trần Đăng Ninh muk txos trâu ntu cêr siz yuôv 4 txox đros cêr Lò Văn Hặc.

Trơưk đoàn li têx huôx tôngv, lưx lươngv muôx vax huôv cux zuôr hlôngr đuô six hơưv thiêz chor cêr đoanx zuôr muk lok đhâu. Pox nhuôs sơưr đơưk tsuv sêiz shuôk jông thiêz muk lok cov huv zos li chor lưx lươngv muôx vax huôv li hêik kriê./.

Lik Thox cxêik nhênhv