Nênhs Cho Yên Bái txux chi vênhx huôv tok tsiêz 30

Đros thiêz nênhs Cho nhoz Yên Bái, bax tok tsiêz 30 zos iz hâux lưv lok six zov chênhr, qir txix têx hnuz kaz hli 12 luz hlik hli ntux. Uô ntêx tsiêz, cxuô lênhx cxuô tus huôk njôngr uô thiêz sâu têx kôngz cov tas lok tsês chiê bax tu vax tu tsêr, cxuô zav nox, đêx chơưr, shaz ntơưr uz no phưx vưv txi pos zơưs, têx lâul tâu tas siv nênhx li: Grêix keiz, grêix buô, txir shôngz txir ntông, chơưr….. Hâur co, nduôr nzâuv puôz zos iz zav thâuv tưs tưz zuôr tsuv muôx hâur nênhs Cho Yên Bái hnuz tsiêz. Pos Đặng Thị Tiện, heir nênhs Cho nhoz jok vênhx huôv Cầu Vè, xã Tân Lĩnh, huyện Lục Yên, tỉnh Yên Bái heik pâuz lok txux chi krưr nduôr li no: “Chiê uô tâu luz nduôr nzâuv puôz heik sâuv, tsuv lok six txơưx krưr, txix xeir cxur, xeir blôngx, tâuv, grêix thiêz krưr hur si. Thâuv krưr mak muôz blôngx njê puô sâuv trôngx, heik cxur blâuv tso trâu, zos cxur ntâu hênhr mak cux krưr tsi tâu, cxur tsơưs krưr tâu luz nduôr cux tsi jông gâux, tsuv muôz cov chor cxur huv đros xưz. Đhâu ntơư, muôz tâuv, muôz grêix trâu, têik 2 saz blôngx njê lok uô cê, krưr tâu li muôz ndâu par truôx khor, gra muk hâu muôx nhos 8 luz six hơưv”.

Cxênhx cxênhv txi hu pos zơưs zos nênhs Cho Yên Bái iz chei đaz kruôs lok six zov chênhr hâur hnuz tsiêz. Thâuv hmo 30, cxuô chuôz zis bax  trôngx jâuz mor cxix cxuô đros thiêz têx grêix mor li: Keiz hâu, mor blâuv, grêix buô, nduôr nzâuv puôz, txir ntông thiêz chơưr. Têx jâuz mor bax tâu co muôz tso lok six jông sâuv trôngx txi pos zơưs, đros thiêz tsưr ziv xar cov têx lâul, pos zơưs lok đros nox đros hâuk, por hưv por zơưv trâu chuôz zis nhoz khax kha, tsi muôx moz gênhk, uô kôngz lôngk sâu tâu nju. Đhâu txi tas pos zơưs, cxuô chuôz zis zuôr qêz gơưz, lơưr têx cêr fêv cêr tsi jông, đaz tsos tsuôs muk tơưv trôngx tơưv nja đros shông lâul, por hưv jêx jok cxuô lênhx cxuô tus njiz txox cêr nox kaz nhoz hur. Thâuv txos 12 six iz tas hmo, chuôz zis zuôr lok jâuv uô cê iz paz iz pơưs, thav pêv, siz zâuv nox hâuk lov jêv lus.

Tas cik hnuz xiêz 01 tsiêz, cxuô chuôz zis nênhs Cho zuôr bax iz trôngx jâuz mor chiê tok têx cưr tix nênhx tsa tuôx phôngv tsiêz, đros côngv cêr lov jêv. Trôngx jâuz ntơư muôx lok six ntâu zav, heik lok chuôz zis co cêr ndo txiêx njis txos pos zơưs, têx lâul tâu tas siv nênhx thiêz nhiêv kruô. Iz chas nduôr nzâuv puôz, nênhs Cho Yên Bái tsênhv muôx têx zav nox kaz li: Mor blâuv jak txir tsuôs tâuz txiêx, grêix buô hâu, grêix keiz cxiêz, mor trax….. Lar heik, chơưr poz cưk mak thâuv tưs tưz zuôr tsuv muôx hâur nênhs Cho têx pluôk mor  hnuz tsiêz. Ntơưv trôngx mor, lênhx tsưr tsêr thiêz kruô zuôr siz zâuv nox hâuk, siz phôngv côngz hmôngr cov cxuô lênhx cxuô tus hâur chuôz zis muôx đas jos, khưr uô tâu nox tâu hâuk, têx tuz nhuôs ciêz, mnôngs luk, cơưv txux chi siêz, yênhx nênhs jông…… Đhâu ntơư, sơưr đơưk nhiêk tror muk nhiêk vax nhiêk tsêr, muk ndis seiz cưr tix nênhx tsa thiêz siz phôngv côngz hmôngr hâur shông yiêz. Zơưv Triệu Xuân Hoàn, nhoz xã Tân Lĩnh, huyện Lục Yên, tỉnh Yên Bái heik pâuz: “Uô ntêx co, lênhx tsưr tsêr tsuv hu têx tus cưr tix nênhx tsa tưs muôx luz nênhx jông thiêz huv zuk hmôngr tuôx krêz kror trôngx lok hnuz xiêz 01 tsiêz. Lênhx nênhs hu tuôx co tsuv zos lênhx txir nênhx, ntơưv trôngx jâuz mor, lênhx tsưr tsêr zuôr trâu chơưr uô tsâus lênhx cưr tix nênhx tsa hu tuôx co thiêz siz zâuv nox hâuk, phôngv côngz hmôngr hâur shông yiêz khưr uô tâu nox tâu hnar, tu tsiêx cxu lok pur guôx, uô kôngz lok puz cxaz, cxuô tsar zav tsi jông tso đros shông lâul muk….”.

Hâur têx hnuz tsiêz, tsôngv box nênhs Cho zuôr xeir têx chêr tsôngk yiêz thiêz jông đuô hur si chiê hnar muk uô si tsiêz, đros sơưr đơưk côngv cêr lov jêv hu gâux, heik cưr cxiêx siz lưr, no zos iz txux chi uô si thâuv tưs tưz tsuv zuôr muôx. Têx txux chi uô si txơưr đuô li: Sik truz hluô, muk yuôv shôngz cux tâu tsưr tsix, muôz cêr lov jêv, sik thôngx siêz trâu sơưr đơưk hâur côngv thôngx. Pos Triệu Thị Tiếp, nhoz jok Hai Túc, xã Phúc Lợi, huyện Lục Yên, tỉnh Yên Bái heik: “Hnuz tsiêz, cur zuôr hnar zuk heir nênhs têx chêr tsôngk muk đros tsôngv cưr tix nênhx tsa sơưr đơưk hâur jok uô si tsiêz, thav pêv, siz kriê lok cêr uô nox uô hnar uz no….. Vav chiê siêz, shông yiêz zuôr njiz ntâu kror mjông, huôv tsar uô tâu cxuô tsar zav trơưk tsưr ziv xar”.

Đhâu iz luz siêz 30, tsôngv box Cho têx tuz nhuôs ziv ndo txos chor lâul côngz txiêx njis thiêz sik đros por hưv, tuôr tsês zuk heir nênhs têx txux chi vênhx huôv jông tsi chiê pôngz plox./.

Triệu Biên-Riê Lâux cxeik, nhênhv